Sentyabr oyi davomida yuridik shaxslar tomonidan amalga oshirilishi kerak bo‘lgan soliq to‘lovlari ro‘yxati e’lon qilindi.
AQSH milliy valyutasining rasmiy kursi 7 so‘mga qimmatlab, jami 10 270 so‘m etib belgilandi. Yevro va rubl kurslari arzonlashdi.
Shavkat Mirziyoyev poytaxt atrofida aylanma yo‘lni bosib o‘tib, metroning «Bodomzor» stansiyasidan yangi «Turkiston» stansiyasiga poyezdda bordi. Yunusobod yo‘lini yakunlaydigan ikkita yangi bekat kuniga 7500 yo‘lovchiga xizmat qiladi.
Afg‘oniston tashqi ishlar vaziri Hanif Atmar O‘zbekiston tashqi ishlar vaziri hamda investitsiyalar va tashqi savdo vaziri bilan uchrashuvlar o‘tkazdi. Unda Afg‘onistonda tinchlik o‘rnatish, ikki davlat o‘rtasidagi savdo, transport va energetika masalalari muhokama qilindi. O‘zbekiston va Afg‘oniston o‘rtasida 10 yillik elektr energiyasini yetkazib berish to‘g‘risidagi bitim imzolandi.
«Taksi"lar faoliyatini litsenziyalashda qanday o‘zgarishlar bo‘lishi kutilmoqda? Jismoniy shaxslar ham endilikda litsenziyasiz qonuniy faoliyat olib borsa bo‘ladimi? Yuridik shaxslar uchun litsenziya olishda qanday yengilliklar joriy etilmoqda — huquqshunos Dilshod Shodiyev maqolasida.
2018 va 2020 yillar e’lon qilingan Doing Business reytingi hisobotida yuzaga kelgan xatolar sababli Jahon banki hisobot ma’lumotlarini qayta ko‘rib chiqadi. Hozircha tashkilot reytingni vaqtinchalik e’lon qilmaydigan bo‘ldi
Prezident Shavkat Mirziyoyev geologiya sohasida amalga oshirilayotgan ishlar samaradorligi oshirish maqsadida Davgeolqo‘m raisiga geologiya-qidiruv ishlarini 2 barobar kengaytirish, Namangan tajribasi asosida har bir hududda doimiy geologik ekspeditsiyalar tashkil etish bo‘yicha topshiriqlar berdi.
Markaziy bank O‘zbekistondagi ilk raqamli bankni — Anor Bank ro‘yxatdan o‘tkazib, unga bank faoliyatini amalga oshirish uchun litsenziya berdi.
2021 yil 1 yanvardan boshlab 70 ta litsenziya va 35 ta ruxsatnoma bekor qilinib, 115 ta litsenziya va ruxsatnomani olish tartib-taomillari soddalashtiriladi. Vakolatli organlarga litsenziya berishda ayrim harakatlarni amalga oshirish taqiqlandi.
Prezident qaroriga ko‘ra, mahalliy ishlab chiqaruvchilarni qo‘llab-quvvatlash maqsadida 1 noyabrdan xorijda ishlab chiqarilgan alohida tovarlar va xizmatlar davlat xaridlarida ishtirok etishi vaqtinchalik taqiqlanadi va chegaralanadi. Shuningdek, 5236 ta amaldagi standartlar bekor qilinadi.
AQSH milliy valyutasining rasmiy kursi 16 so‘mga qimmatlab, jami 10 262 so‘m etib belgilandi. Yevro va rubl kurslari esa bir oz arzonladi.
Dehqonobod kaliy zavodi atrof-muhitga keltirgan zarari uchun qo‘shimcha 855,5 mln so‘m miqdorida kompensatsiya to‘laydigan bo‘ldi.
Poytaxtda elektr energiyasini hisobga olish tizimi ma’lumotlarini qayta ishlash markazi ochildi. Uning vazifasi — ko‘p tarifli abonentlar hisobini yuritish, qarzdor iste’molchilarni tarmoqdan avtomat ravishda uzish va ularni takror ulash kabilardan iborat.
Xorijda mehnat faoliyatini amalga oshirayotgan o‘zbekistonliklar soni 2 mln nafardan ko‘proqni tashkil etib, ularning yarmidan ziyodrog‘i norasmiy ishlaydi.
Avgust oyiga qadar O‘zbekistonning yalpi oltin-valyuta zaxiralari hajmi yil boshidan beri 5,6 mlrd dollarga ko‘payib, 34,7 mlrd dollarga yetdi.
Ilgari Markaziy bankning Axborot texnologiyalari departamenti direktori bo‘lib ishlagan Dilshod Ikromov Axror Mahmudov o‘rniga Uzcard kompaniyasining rahbari bo‘ldi.
UzAuto Motors avtomobillar narxlarini 3 mln so‘mdan 19 mln so‘mgacha asossiz oshirgani aniqlandi. Kompaniyaga narxlarning asossiz oshirilgan qismlarini bekor qilish va avtomobillarni kamaytirilgan narxlarda sotish bo‘yicha ko‘rsatma berildi.
1 sentyabrdan hojatxonalar bilan ta’minlanmagan AYOQSHlarga neft mahsulotlari va gaz yetkazib berish to‘xtatilishi, ular litsenziyasi bekor qilinishi mumkin. Ular ushbu talabni 1 martga qadar bajarishlari kerak edi, biroq muddat uzaytirildi.
Yanvar-iyul oylarida aholi tomonidan banklarga 2,5 mlrd dollar sotildi, bu o‘tgan yilning shu davriga nisbatan 50 foizga ko‘p. Sotib olingan valyutalar hajmi esa 2 mlrd dollarga teng.
Dollarning rasmiy kursi deyarli 15 so‘mga qimmatlab, jami 10 246 so‘m etib belgilandi. Bu AQSH milliy valyutasining uchinchi hafta oshishi. Yevro va rubl kurslari ham ko‘tarildi.
Qo‘shimcha imkoniyatlarga ega bulish uchun saytda ro‘yxatdan o‘ting