Iqtisodiyot
Qishloq xo‘jaligi vazirligi O‘zbekistonda bodring va uzum narxi keskin oshganiga izoh berdi
O‘zbekistonda bodring narxi keskin — 9 ming so‘mdan 25 ming so‘mga, uzum esa 45 ming so‘mdan 90 ming so‘mgacha ko‘tarildi. Qishloq xo‘jaligi vazirligi o‘tgan yillarda ham narxlar noyabr oyi o‘rtalarida oshganini eslatib, buni mavsumiy holat sifatida izohladi. Anomal sovuq ta’sirida 18 foiz mahsulot yo‘qotilgan.
O‘zbekistondagi ko‘priklarning 5−6 foizi yaroqsiz holatda ekani ma’lum qilindi
“Milliy tiklanish” demokratik partiyasi fraksiyasining yig‘ilishida O‘zbekistonda 14 863 ta ko‘prik borligi, shundan 32 foizi, ya’ni 4834 tasi qoniqarsiz, 5−6 foizi esa yaroqsiz holatda ekani ta’kidlandi.
O‘zbekiston va Rossiya temiryo‘l va avtomobil transporti sohasida hamkorlikni rivojlantirish niyatida
O‘zbekiston va Rossiya o‘rtasida yo‘l harakati xavfsizligi va temiryo‘l transportidan foydalanish, raqamlashtirish va zamonaviy texnologiyalarni joriy etish hamda huquqbuzarliklar to‘g‘risida axborot almashish bo‘yicha memorandum imzolandi.
Yangi O‘zbekiston ko‘chasi va 4R12 yo‘li kesishmasi svetofor va chorrahasiz bo‘ladi
Yangi O‘zbekiston ko‘chasi va 4R12 yo‘li kesishmasining yangi loyihasi unda chorraha va svetoforlarning umuman yo‘qligi bilan ajralib turadi, deydi pudratchi tashkilot direktori Rahimjon Muhamedov. Unga ko‘ra, ishlar davomida transport harakati to‘xtatilmaydi.
O‘zbekistonga sitrus mevalar, keshyu yong‘og‘i va xurmo importi 4 yil ichida bir necha baravarga oshdi
2022-yilda O‘zbekistonga sitrus mevalar, keshyu yong‘og‘i va xurmo importi 2018-yilga qaraganda sezilarli darajada oshdi. MHTI mutaxassislari bunga qulay makroiqtisodiy sharoit, import bojxona to‘lovlarini nolga tushirish, oziq-ovqat chakana savdosi rivojlanishi va aholi soni o‘sishi sabab bo‘lganini ta’kidladi.
O‘zbekiston 2−3 yil ichida neft mustaqilligiga erishmoqchi
Shavkat Mirziyoyev Termiz shahrida o‘tgan yig‘ilishda Surxondaryoda amalga oshirilayotgan yirik sanoat loyihalari haqida gapirdi. Boysundagi gaz-kimyo majmuasining ishga tushirilishi va geologiya-qidiruv ishlarining kengayishi O‘zbekistonning 2−3 yil ichida neft mustaqilligiga erishishiga olib kelishi kutilmoqda.
Rossiya benzin eksportiga qo‘yilgan taqiqni bekor qildi
Rossiya hukumati avtomobil benzinini Rossiyadan olib chiqishga qo‘yilgan vaqtinchalik taqiqni bekor qildi. Taqiq ichki bozordagi narxlarni barqarorlashtirish maqsadida 21-sentabrda joriy qilingandi.
Surxondaryodagi 5 ta kon zaxiralari o‘zlashtiriladi
Prezident Surxondaryoga tashrifi chog‘ida Boysun, Sariosiyo va Sherobod tumanlaridagi konlarda qo‘rg‘oshin, rux, oltin, ko‘mir va kaliy o‘g‘iti zaxiralarini o‘zlashtirish bo‘yicha topshiriq berdi. Shuningdek, tog‘li hududlarda geologiya-qidiruv ishlari kengaytiriladi.
Davlat qarzi hisobidan moliyalashtiriladigan tovarlar importi ayrim soliqlardan ozod etiladi
O‘zbekistonda xalqaro moliya institutlarining kreditlari hisobiga tovarlar aylanmasi va importi uchun berilgan soliq imtiyozlarining bir qismi bekor qilinadi. Gap banklar orqali ajratiladigan qarz mablag‘lari haqida bormoqda.
Markaziy bank 16 ta bankni jarimaga tortdi, yana 5 tasiga ogohlantirish berdi
Markaziy bank ko‘rsatmalarga amal qilmagan va yuklatilgan vazifalar ijrosini ta’minlamagan 16 ta bankka nisbatan jarima chorasi qo‘lladi. 5 ta tijorat banki va 1 ta mikromoliya tashkiloti kamchiliklari uchun ogohlantirish oldi.
O‘zbekiston, Qozog‘iston va Rossiyaning uchta tog‘-chang‘i kurortlari alyansga birlashdi
“Amirsoy” (O‘zbekiston), “Shimbuloq” (Qozog‘iston) va “Rosa Xutor” (Rossiya) tog‘ kurortlari alyansga birlashdi. Ular Toshkentda bo‘lib o‘tgan ko‘rgazmada dam oluvchilar bonuslarga ega bo‘lishlari va ularni alyansning boshqa kurortlarida sarflashi mumkin bo‘lgan sport-ko‘ngilochar tadbirlar taqvimini taqdim etdi.
O‘zbekiston Raqobat qo‘mitasi yirik savdo tarmoqlari ustidan tadbirkorlar shikoyatlarini to‘plashga kirishdi
O‘zbekiston Raqobat qo‘mitasi ishchi guruhi riteylerlarning oziq-ovqat yetkazib beruvchilari huquqlarini buzayotgani to‘g‘risidagi arizalarni qabul qilishni boshladi. Tadbirkorlar kamida 2019-yildan buyon savdo tarmoqlari tomonidan “kamsituvchi shartlar” qo‘yilayotgani haqida shikoyat qilmoqda.
AQSh va Markaziy Osiyo davlatlari B5+1 biznes-platformasini ishga tushirmoqda
AQSh va Markaziy Osiyo davlatlari mintaqaning Amerika kompaniyalari bilan iqtisodiy hamkorligini mustahkamlash maqsadida Business 5+1 davlat-xususiy muloqot biznes-platformasini ishga tushirmoqda.
Rossiya IIV restoranlar egasi Aleksandr Orlovni qidiruvga berdi
“Tanuki”, “Takaxuli” va “Xoroshaya devochka” restoranlari asoschisi, O‘zbekistonda ham bir qancha restoranlarga egalik qiluvchi Aleksandr Orlov Rossiya Ichki ishlar vazirligi tomonidan federal qidiruvga berildi.
O‘zbekiston JSTga a’zo bo‘lish borasida Saudiya Arabistoni bilan muzokaralarni yakunladi
15-noyabr kuni O‘zbekiston prezidentining Jahon savdo tashkiloti masalalari bo‘yicha maxsus vakili Aziz O‘runov va Saudiya Arabistonining JSTdagi elchisi Saqer Almoqbel tovar va xizmatlar bozoriga chiqish bo‘yicha ikki tomonlama muzokaralarni yakunlash to‘g‘risida bayonnoma imzoladi.
Davlat dasturlari doirasidagi kreditlar elektron platformalarda ajratiladi
2024-yil iyuldan davlat dasturlari doirasida kreditlar barcha bosqichlarda elektron platformalar orqali ajratiladi. Shuningdek, davlat ishtirokidagi yirik korxonalar bilan kooperatsiya asosida tashkil etilgan kichik tadbirkorlarga tovarlarini yiliga 10 mlrd so‘mgacha to‘g‘ridan-to‘g‘ri sotishga ruxsat beriladi.
YI sanksiyalarining 12-paketi O‘zbekiston va Qozog‘iston kompaniyalarini o‘z ichiga olishi mumkin
O‘zbekiston, Qozog‘iston va Singapur kompaniyalari Yevropa Ittifoqining Rossiyaga qarshi sanksiyalarining 12-paketiga kiritilishi mumkin, deb xabar berdi Bloomberg. Hujjat loyihasida Rossiya olmoslarini yetkazib berishni taqiqlash va neft narxining yuqori chegarasiga qo‘shimcha cheklovlarni ham o‘z ichiga oladi.
O‘zbekistonda elektr tariflari oshgani tadbirkorlarning quyosh panellarini o‘rnatishini tezlashtirdi
Tadbirkorlar elektr energiyasi tariflari oshirilganidan so‘ng o‘z obyektlariga quyosh panellarini tezroq o‘rnata boshladi, deya ma’lum qildi O‘zbekiston energetika vaziri Jo‘rabek Mirzamahmudov. Shuningdek, u panellalarni o‘rnatishda to‘siqlar mavjudligi haqida Qonunchilik palatasida aytilgan gaplarni rad etdi.
Test: So‘mdan so‘mni farqlay olasizmi?
30 yil muqaddam “so‘m"ni joriy etish yo‘lida ilk qadamlardan biri tashlangan — “so‘m-kupon” muomalaga chiqarilgandi. 7,5 oylik “o‘tish davri"dan so‘ng O‘zbekiston o‘z milliy valyutasiga ega bo‘lgan. O‘tgan davr davomida so‘m o‘zgarishlarga uchradi, “Gazeta.uz” esa aynan so‘nggi o‘zgarishlar asosida test tayyorladi.
O‘zbekiston, Ozarbayjon va Qozog‘iston Yevropaga “yashil” energiya eksport qilishni rejalashtirmoqda
O‘zbekiston, Ozarbayjon va Qozog‘iston “yashil” energiyani Yevropaga eksport qilish loyihasi istiqbollarini muhokama qildi. Buning uchun qo‘shma korxona tashkil etilishi mumkin. Loyiha uch mamlakat iqtisodiyoti va energetika tizimlari aloqalarini mustahkamlaydi, dedi investitsiyalar vaziri Laziz Kudratov.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting