Shavkat Mirziyoyev 2026 yilga borib O‘zbekiston aholisi soni 38 mln dan oshishi kutilayotganini ma’lum qildi. Prezident bunday demografik o‘sish mamlakat uchun ham imkoniyat, ham juda katta mas’uliyat ekanligini ta’kidladi.
Eron Shanxay Hamkorlik Tashkiloti a’zosi bo‘lishi aytilmoqda. 16−17 sentabr kunlari Tojikistonda bo‘ladigan sammitda uning tashkilotga qo‘shilish jarayonlarining boshlanishi mumkin.
Prezident Shavkat Mirziyoyevning «Yangi O‘zbekiston Strategiyasi» nomli kitobi chop etildi. Unda Yangi O‘zbekiston va Uchinchi Renessansni qurish bo‘yicha qilinayotgan ishlar va milliy taraqqiyot istiqbollari haqida fikr yuritiladi.
Kecha kun davomida O‘zbekistonda 653 kishida koronavirus infeksiya qayd etildi. 5 nafar COVID-19 bemori vafot etdi. Shuningdek, chorshanba kuni 135 kishida pnevmoniya qayd etildi, 2 nafar pnevmoniya bemori vafot etdi.
Afg‘onistonning Tojikistondagi elchisi Muhammad Zohir Agbar toliblar tuzgan hukumatni «noqonuniy» deb atab, jahon hamjamiyatini uni tan olmaslikka chaqirdi. «Men „Tolibon“ bilan inson huquqlarini hurmat qilmaguncha va inklyuziv hukumat tuzmaguncha hamkorlik qilmayman», — dedi elchi.
Oliy ta’lim muassasalarida 2021/2022-o‘quv yili uchun to‘lov-kontrakt miqdorlari e’lon qilindi. To‘lovlar miqdori 1 noyabrga qadar emlangan talabalarga beriladigan 10 foizlik chegirma, stipendiyali va stipendiyasiz holda keltirilgan.
Yanvar-iyul oylarida O‘zbekiston umumiy qiymati 258,3 mln dollarga teng bo‘lgan 12,2 mingta yengil avtomobil import qilgan. Mashinalar importi o‘tgan yilning shu davriga nisbatan 5983 taga kamaygan.
Prezidentlik saylovlarida “Adolat” partiyasidan nomzod Bahrom Abduxalimov Afg‘onistonda tuzilgan vaqtinchalik hukumat haqidagi mulohazalari bilan o‘rtoqlashdi. “Afg‘oniston xalqi qaysi hukumatni tavsiya qilsa, qaysi hukumat bilan aloqa qilishni munosib deb topadigan bo‘lsa, O‘zbekiston yaqin qo‘shni sifatida ular bilan muloqotga kirishishi kerak”, — dedi u.
“Adolat” Bahrom Abduhalimovni prezidentlik saylovlari uchun nomzod sifatida tasdiqlanishi, O‘zbekiston Afg‘onistonda muvaqqat hukumat tuzilganini olqishlashi, avtomobil ishlab chiqaruvchilariga jami 2,57 trln so‘mlik imtiyozlar berilganligi — “Gazeta.uz"ning 8 sentabrdagi eng muhim xabarlari dayjestida.
JSSTning rivojlangan davlatlarni pandemiya davom etishida ayblagani, Grenlandiyada muzlarning erishi, Dunyo hamjamiyatining Afg‘oniston yangi hukumatiga nisbatan munosabati va boshqa yangiliklar — «Gazeta.uz»ning jahon yangiliklari dayjestida.
Nodir Nurmatov Jizzax viloyat hokimining o‘rinbosari — Investitsiyalar va tashqi savdo boshqarmasi boshlig‘i etib tayinlandi.
XDP fraksiyasining navbatdagi yig‘ilishida bukmekerlik faoliyatini huquqiy tartibga solish masalasi muhokama qilindi. Bir qator qonunlarga bukmekerlik faoliyatini amalga oshirish mexanizmlarini nazarda tutuvchi normalar kiritish taklif etildi.
Qatar aviakompaniyasi O‘zbekistonga aviaqatnovlarni amalga oshirish uchun ruxsatnoma oldi. Mvzkur havo qatnovini “Qatar Airways” aviakompaniyasining besh turdagi samolyotlari amalga oshiradi.
EY auditorlik kompaniyasi bankrotlikka uchrab, yopilib ketgan Zeromax kompaniyasi tufayli bosimlar ostida qoldi. Financial Times millionlab dollarlarning zargarlik buyumlarini sotib olishga sarflangani va offshor hisob raqamlariga o‘tkazilganiga e’tibor qaratdi.
Dollarning so‘mga nisbatan rasmiy kursi 12,37 so‘mga pasayib, 10 682,86 so‘m etib belgilandi. Shuningdek, yevro va rubl kurslari ham pasaydi.
«Adolat» partiyasidan prezidentlikka nomzod Milliy tiklanish partiyasi bilan mojarolarga izoh berdi. Bahrom Abduxalimov partiya «maqolasida yozgan faktlardan orqaga qaytmasligini» aytib, Alisher Qodirovni ko‘chirmakashlikda ayblayotganini yana bir bor tasdiqladi. Qolaversa, u partiya bu to‘g‘risidagi xabarni tarqatish uchun blogerlarga pul to‘laganini inkor etdi. «Debatni Alisher Qodirov bilan ham kutish mumkin», — dedi Bahrom Abduxalimov.
Prezidentlik saylovlarida «Adolat» partiyasidan nomzod Bahrom Abduxalimov saylovoldi jarayonlarda debatlar albatta o‘tkazilishini ma’lum qildi. U o‘z raqiblari «yetarli kompetensiyaga ega ekanliklarini» va ular bilan o‘tkaziladigan debatlar «shubhasiz qiziq bo‘lishini» ta’kidladi.
Energetika vazirligi Namangan, Buxoro va Xorazm viloyatlarida umumiy quvvati 500 MVtga teng bo‘ladigan uchta fotoelektrostansiyalar qurish bo‘yicha tenderni e’lon qildi.
Rossiya favqulodda vaziyatlar vaziri Yevgeniy Zinichev Arktika zonasida o‘tkazilgan mashg‘ulot paytida inson hayotini saqlab qolib, halok bo‘ldi.
UzAuto Motors, «Jizzax avtomobil zavodi», ADM Jizzakh, Roodell va boshqa avtomobil ishlab chiqaruvchilar 2021 yilning birinchi yarmida jami 2,57 trln so‘mlik (240,9 mln dollar) bojxona bojlari, QQS va aksiz soliqlarini to‘lashdan ozod qilingan. UzAuto Motors avtomobillari uchun butlovchi qismlar ishlab chiqaruvchi boshqa korxonalar ham milliardlab so‘mlik imtiyozlardan foydalangan.
Qo‘shimcha imkoniyatlarga ega bulish uchun saytda ro‘yxatdan o‘ting