Toshkent va Sirdaryo viloyatlarida turk hamda xitoy kompaniyalari elektr uzatish tarmoqlarini quradi
Turkiyaning «ŞA-RA ENERJĪ» va Xitoyning «Xian Electric Engineering» kompaniyalari Energetika vazirligining Toshkent hamda Sirdaryo viloyatlarida 213 kilometr va 72 kilometr uzunlikdagi yuqori kuchlanishli elektr uzatish tarmoqlarini qurish tenderlarida g‘olib bo‘ldi.
O‘zbekistonda Qatar elchixonasi ish boshlaydi
O‘zbekiston TIV rahbari Vladimir Norov Qatarning favqulodda va muxtor elchisi etib tayinlangan Hasan Hamza Hoshimni qabul qildi. 2023 yildan boshlab Toshkentda Qatar elchixonasi ish boshlaydi. Uchrashuvda ikki davlat munosabatlarining siyosiy, iqtisodiy va gumanitar sohalardagi munosabatlari muhokama qilindi.
Senatorlar 2023 yil uchun mo‘ljallangan davlat budjeti to‘g‘risidagi qonunni ma’qulladi
27 dekabr, seshanba kuni bo‘lib o‘tgan Senatning 36-yalpi majlisida yuqori palata vakillari «2023 yil uchun O‘zbekiston Respublikasining Davlat budjeti to‘g‘risida»gi qonunni ma’qulladi.
Toshkentda sharqona formatdagi RABAD qurilish savdo markazi ochilmoqda
Tadbirkorlar hamda qurilish, ta’mirlash va bezatish bilan bog‘liq tovarlar sotiladigan do‘konlar egalari hozirdanoq RABAD qurilish savdo markazidan tijoriy ko‘chmas mulkini sotib olishlari mumkin.
O‘zbekistonning ayrim hududlarida Yangi yil bayrami kechasi qor yog‘ishi mumkin
«O‘zgidromet» markazi direktori Sherzod Xabibullayev Toshkent, Samarqand, Jizzax va Sirdaryo viloyatlarida Yangi yil bayrami kechasi qor yog‘ishi mumkinligini ma’lum qildi. Yangi yilning ilk kunida esa vodiy viloyatlarida qor yog‘adi.
Terroristik tashkilotlar g‘oyalarini targ‘ib qilib kelgan fuqaro 3,5 yilga qamaldi
23 yoshli jizzaxlik fuqaro «Tavhid va jihod katibasi», «Turkiston islom harakati» terroristik tashkilotlar tarafdorlari ta’siriga tushib, ularning g‘oyalarini internetda ulashib kelgan. Ular orasida Konstitutsiyani xilof tarzda o‘zgartirishga da’vat etuvchi material ham aniqlandi. Fuqaro 3 yil 6 oyga qamaldi.
14 ta tumanda «Mahalla budjeti» tizimi joriy etiladi
1 yanvardan soliqlarni undirish ko‘rsatkichi past bo‘lgan tumanlarda «Mahalla budjeti» tizimi joriy etiladi. Aholining mol-mulk va yer solig‘ini mahallaning o‘zi undirib oladi. Mablag‘larning 10 foizi keyingi oyning 10-sanasigacha tuman budjetlari orqali tegishli jamg‘armalarga yo‘naltiriladi.
Regulyator «Turkistonbank» va Hi-tech bank litsenziyalari qaytarib berilishi haqidagi xabarlarga izoh berdi
Tarmoqlarda «Turkistonbank» va Hi-tech bank lizensiyalari qaytarib berilishi haqida xabarlar tarqaldi. MB bunga izoh berib, litsenziyasi chaqirib olingan Hi-tech bank ma’muriyati regulyator qarori yuzasidan sudga murojaat qilgani va ushbu murojaat protsessual tartibda ko‘rib chiqilishi mumkinligini ma’lum qildi.
«Har bir vazirlikda qisqarish bo‘ladi». Otabek Hasanov — davlat xizmatchilari soni qanday kamaytirilishi haqida
O‘zbekistonda 61 ta davlat tashkiloti va 208 ta hokimiyatda 118 ming davlat xizmatchisi ishlaydi. Vazirlik va idoralar kamaytirilishi ortidan xodimlar soni ham qisqaradi. «Qaysi vazirlikdan qancha odam qisqartirilishi hozircha ma’lum emas. Ammo ularning soni aniq kamayadi», — dedi Otabek Hasanov.
«Dok-1 Maks» dorisi tarkibida zaharli modda — etilenglikol topildi
SSV 18 nafar bola «Dok-1 Maks» siropini ichib vafot etganini tasdiqladi. Aniqlanishicha, dori shifokor retseptisiz, mustaqil yoki farmatsevt tavsiyasi bilan sotib olingan va me’yordan ortiq dozada qabul qilingan. Holat o‘rganilgach, yetti nafar mas’ul ishdan olindi. Dori savdosi esa to‘xtatildi.
Banklarda dollar kursi yana tushdi
Tijorat banklari 27 dekabr kuni aholidan 1 AQSh dollarini 11 150 — 11 210 so‘mdan sotib olmoqda, sotish kursi esa aksar banklarda 11 250 so‘m.
Andijon shahri sobiq hokimi 10 yilga, prokurori 10,5 yilga qamaldi
Andijon viloyatida 63 mlrd so‘mdan ortiq mablag‘ni o‘zlashtirishda ayblangan 45 nafar sudlanuvchining aksariyatiga qamoq jazosi tayinlandi. Xususan, Andijonning sobiq hokimi Bahrom Haydarov 10 yilga, sobiq prokuror Qurbonali Asqarov esa 10,5 yilga ozodlikdan mahrum etildi.
Farg‘onada Nexia piyodani urib ketdi
Farg‘ona shahrida Nexia yo‘lni kesib o‘tayotgan piyodani urib yubordi. Hodisa oqibatida jabrlanuvchi vafot etdi.
Statqo‘m $173 mln ga ko‘mir import qilingani va Qozog‘iston statistikasi bilan farq bo‘yicha izoh berdi
O‘zbekistonning 11 oylik tashqi savdo hisobotida noyabrda 173 mln dollarlik ko‘mir importi qayd etildi. Statqo‘m ko‘mir va gaz ko‘rsatkichlari almashib qolgani, shuning uchun bunday katta miqdorda ko‘mir olinganday ko‘ringanini ma’lum qildi. Qozog‘iston statistikasi bilan farq bo‘yicha ham tushuntirish berildi.
26 dekabr kuni O‘zbekistonda sodir bo‘lgan eng muhim xabarlar dayjesti
Ishdan olingan Surxondaryo hokimi, deputatlik vakolati rasman tugatilgan Rasul Kusherbayev, Sankt-Peterburgga ketgan Shavkat Mirziyoyev, Qashqadaryoda shifoxonada bo‘lgan portlash, yosh bolasini shafqatsiz kaltaklagan urgutlik ayol, Tracker`ga urilgan tez yordam mashinasi va boshqalar — «Gazeta.uz»ning kun dayjestida.
Samarqandda «Dok-1 Maks» iste’moli natijasida vafot etgan bolalar soni 18 nafarga yetdi
Bolalar ombudsmani Samarqanda «Dok-1 Maks» tabletka va siroplarini iste’mol qilishi natijasida vafot etgan bolalar soni 18 nafarga yetganini ma’lum qildi. Bemorlar Jizzax, Qashqadaryo, Navoiy va Samarqand viloyatlaridan bo‘lgan. Bolalarning barchasi 6 yoshgacha bo‘lgan.
Davlat tashkilotlarining qisqarishi ortidan 2,8 trln so‘m tejaladi — Moliya vazirligi
Davlat tashkilotlarining qisqarishi ortidan 2,8 trln so‘m tejaladi, ular ijtimoiy sohaga sarflanadi. Jumladan, moliya vaziri o‘rinbosari shundan 2,3 trln so‘mini 1−4 sinf o‘quvchilarini bepul ovqatlantirishga yo‘naltirishni taklif qildi. «Lekin buni qabul qilish parlament qo‘lida», — dedi Odilbek Isoqov.
Yaponiya Markaziy Osiyo davlatlarini Transkaspiy yo‘lagi bo‘yicha hamkorlikni chuqurlashtirishga taklif qildi
Rossiyaning Ukrainaga bosqini ta’siri Rossiya bilan yaqin iqtisodiy aloqalarga ega bo‘lgan Markaziy Osiyo uchun katta ahamiyatga ega, dedi Yaponiya tashqi ishlar vaziri Yosimasa Xayashi MO + Yaponiya vazirlari yig‘ilishida. Tomonlar Transkaspiy yo‘nalishi bo‘yicha hamkorlikni chuqur o‘rganishga kelishib oldilar.
Farg‘onada Cobalt haydovchisi harbiy xizmatchini urib, qochib ketdi
Tarmoqlarda Farg‘ona viloyatida Cobalt haydovchisi harbiy xizmatchini katta tezlikda urib, qochib ketgani aytilgan video tarqaldi. Viloyat prokuraturasi oddiy askar olgan tan jarohatlari bilan shifoxonaga yotqizilgani va haydovchiga nisbatan jinoyat ishi qo‘zg‘atilganini ma’lum qildi.
Migratsiya agentligi Rossiyadagi o‘zbekistonliklarni norasmiy kurerlik xizmatlariga ishonmaslikka chaqirdi
Rossiyada ishlayotgan O‘zbekiston fuqarolariga katta pul evaziga narkotik yoki taqiqlangan moddalar solingan buyurtmalarni yetkazib berish taklif qilinayotgani ma’lum bo‘ldi. Migratsiya agentligi fuqarolarni norasmiy kurerlik xizmatlariga ishonmaslikka, yetkazib berishdan oldin mahsulotni tekshirishga chaqirdi.
Qo‘shimcha imkoniyatlarga ega bulish uchun saytda ro‘yxatdan o‘ting