O‘zbekistonlik oliy ma’lumotli ayollar bir oila uchun ikki nafar farzand yetarli deb hisoblaydi
O‘zbekistonda xotin-qizlarning aksariyati farzandlar soni 3−4 nafar bo‘lishini ma’qul ko‘radi. Har yettinchi xotin-qizlar (15,3%) 2 nafar farzand bitta oila uchun yetarli deb hisoblaydi. Bunday javob ko‘proq oliy ma’lumotli ayollarda qayd etildi.
Toshkent shahar hokimligi minglab o‘qituvchilarga forma xarid qilish uchun buyurtma berdi
O‘qituvchilarni bir xil kiyintirish tashabbusi hokimlikning o‘zidan chiqqan, biroq bu forma majburiy emas, dedi poytaxt hokimi o‘rinbosari Durdona Rahimova. Bepul tarqatiladigan forma uchun 1,5 mlrd so‘m mahalliy budjetning orttirib bajarilgan qismidan ajratilgan.
Shavkat Mirziyoyev Germaniyaning tashqi ishlar va BAAning hukumat ishlari bo‘yicha vazirlari bilan uchrashadi
Shavkat Mirziyoyev 1 noyabrda Germaniya tashqi ishlar vazirini qabul qiladi. Uchrashuvda 2 tomonlama munosabatlar muhokama qilinadi. 3 noyabr kuni BAA hukumat ishlari bo‘yicha vaziri bilan uchrashuv rejalashtirilgan. Shuningdek, ichtisodiyot va odil sudlov masalalari bo‘yicha taqdimotlar o‘tkazilishi ko‘zda tutilgan.
Qozog‘iston bilan chegaradosh «Navoiy-Qoplonbek» o‘tkazish punkti vaqtinchalik yopiladi
1 noyabrdan o‘zbek-qozoq chegarasidagi «Navoiy — Qoplonbek» avtoyo‘l o‘tkazish punkti 19 oyga yopiladi. Punktda modernizatsiya qilish va texnik jihozlash ishlari amalga oshiriladi.
Lula da Silva uchinchi marta Braziliya prezidenti bo‘ldi
77 yoshli Lula da Silva saylovda Jair Bolsonaroni qiyinchilik bilan mag‘lub etdi va uchinchi bor Braziliya prezidenti etib saylandi. U 2017 yilda korrupsiyada ayblanib qamalgandi, biroq oradan 1,5 yil o‘tib Oliy sud uni ozodlikka chiqargan.
Shahrisabz bilan Samarqandni bog‘laydigan «charchagan yo‘l» ta’mirlanadi
Prezidentdan «Sahrodan muzlikkacha» turizm magistralini qurish doirasida Shahrisabz va Samarqand shaharlarini bog‘laydigan, Chiroqchi tumanidan o‘tuvchi 30 kmlik yo‘lni ta’mirlash bo‘yicha amaliy yordam so‘raldi. Davlat rahbari rozilik bildirib, busiz sayyohlar Qashqadaryoga kela olmasligini ta’kidladi.
O‘zbek adabiyotshunos olimiga Chingiz Aytmatov nomidagi mukofot berildi
Toshkent davlat o‘zbek tili va adabiyoti universiteti rektori, adabiyotshunos olim Shuhrat Sirojiddinov Chingiz Aytmatov nomidagi mukofotni qo‘lga kiritdi. Mukofot Qirg‘iziston Jogorku Keneshi taklifi bilan 2012 yil noyabr oyida ta’sis etilgan.
«Bu davlat xavfsizligiga tahdid». Sardor Umurzakov — issiqxonalarning gazdan uzilishi haqida
Prezident Administratsiyasi rahbari issiqxonalarni gazdan uzib qo‘ygan mutasaddilar harakatini «davlat xavfsizligiga tahdid», deb baholadi. Uning so‘zlariga ko‘ra, gazning atigi 1,5 foizi tejalgan, lekin eksport va ish o‘rinlari «o‘ldirilgan». U «gaz o‘g‘rilaydigan» AGTKSHlar bilan shug‘ullanishni topshirdi.
Hafta davomida yomg‘irli ob-havo kuzatiladi
Noyabr oyi respublika shimoliga nam bulutli massivlar kirib kelishi hisobiga yog‘ingarchiliklar bilan boshlanishi kutilmoqda. Hafta davomida respublikaning turli viloyatlarida yomg‘ir yog‘adi. Harorat ham o‘zgarib turadi. Kunduzi o‘rtacha +12…+17 daraja atrofida bo‘lishi mumkin. Tuman tushishi ehtimoli bor.
Hindistonda ko‘prik qulashi oqibatida 130 dan ortiq odam halok bo‘ldi
Hindistonning Morbi shahridagi ko‘prik olti oylik ta’mirdan so‘ng ochilganidan bir necha kun o‘tib qulab tushdi. Hodisa oqibatida kamida 132 kishi halok bo‘ldi, 100 ga yaqin insonlar kasalxonaga yotqizildi. Voqea sabablarini o‘rganish bo‘yicha hukumat qo‘mitasi tuzildi.
Nobel mukofoti sovrindori Toshkentni jamoat transportiga sarmoya kiritishga chaqirdi
Toshkentda haqiqatan havoning iflosligi, nafas olib bo‘lmasligini sezdim, dedi Nobel mukofoti sovrindori Raye Kvon Chung «Gazeta.uz» muxbiri bilan suhbatda. Professorning fikricha, jamoat transportini ko‘paytirish, avtomobilda shahar ichiga kirmaslik zarur. Aks holda vaziyat bundan ham yomonlashadi.
Samarqandda qariyb 475 gramm quyma oltinni sotmoqchi bo‘lganlar ushlandi
DXX tomonidan Paxtachi tumanidagi fuqaroga 474,7 gramm quyma oltinni 287 mln so‘mga sotmoqchi bo‘lgan shaxslar hibsga olindi. Ekpertiza xulosasiga ko‘ra, rangli metallning 469,5 grammi «999,9» probali sof oltin bo‘lgan. Holat yuzasidan gumonlanuvchilarga nisbatan jinoyat ishi qo‘zg‘atildi.
Banklar dollarning yangi sotish va sotib olish qiymatini e’lon qildi
Markaziy bank 31 oktabr kungi dollarning rasmiy kursini 11 180,48 so‘m etib belgiladi. Tijorat banklari ham dollarning sotish va sotib olish bo‘yicha yangi qiymatini e’lon qildi.
Nodirbek Abdusattorov Fisher shaxmati bo‘yicha jahon chempionatini to‘rtinchi o‘rin bilan yakunladi
O‘zbekistonlik Nodirbek Abdusattorov shaxmat bo‘yicha Fisher nomidagi jahon chempionatining bronza medali uchun kechgan bahsda to‘rtinchi o‘rinni egalladi. U Magnus Karlsenga imkoniyatni boy berib qo‘ydi.
Mahkumlar internetdan foydalanishi mumkin bo‘ladi
IIVning jazoni ijro etish muassasalarining ichki tartib qoidalariga qo‘shimchalar kiritish borasidagi qaror loyihasi muhokamaga qo‘yildi. Hujjat bilan, mahkumlarniing elektron davlat xizmatlaridan foydalanishi uchun internetdan foydalanishi mumkin bo‘ladi.
“Nasaf” 2022-yilgi O‘zbekiston Kubogini qo‘lga kiritdi
“Nasaf” uch karra O‘zbekiston Kubogi sohibiga aylandi va bu ko‘rsatkich bo‘yicha “Navbahor” bilan tenglashib oldi. Ushbu jamoalar ayni vaqtda O‘zbekiston Superligasida ham chempionlik uchun asosiy da’vogarlardan bo‘lib turibdi.
Abdusattorov Fisher shaxmati bo‘yicha JCHda uchinchi o‘rin uchun Karlsen bilan o‘ynaydi
O‘zbekistonlik shaxmatchi Nodirbek Abdusattorov Fisher shaxmati bo‘yicha jahon chempionatining yarim finalida amerikalik Xikaru Nakamuraga imkoniyatni boy berdi. Endilikda o‘zbekistonlik shaxmatchi turnirda uchinchi o‘rin uchun Magnus Karlsenga qarshi bahs olib boradi.
Rossiya Ukraina donini eksport qilish bo‘yicha bitimdagi ishtirokini to‘xtatdi
Rossiya Ukraina portlaridan qishloq xo‘jaligi mahsulotlarini eksport qilish kelishuvidagi ishtirokini to‘xtatgani, ukrainalik harbiylar britaniyalik mutaxassislar ishtirokida «don yo‘lagi»ni qo‘riqlayotgan Rossiya kemalariga hujum qilganini ma’lum qildi. Britaniya Mudofaa vazirligi bu iddaoni yolg‘on deb atadi.
Bo‘stonliqdagi ijaraga olingan dachada 26,2 mln so‘mlik qalbaki pul tayyorlagan shaxslar ushlandi
Toshkent viloyatida qiymati 26 mln so‘mdan ortiq 100 va 200 ming so‘mlik qalbaki kupyuralarni muomalaga chiqarishda gumonlangan shaxslar qo‘lga olindi. Ularning pullarni Bo‘stonliqdagi ijaraga olgan dala hovlisida tayyorlagani aytilmoqda. Holat yuzasidan jinoyat ishi qo‘zg‘atildi.
«Bu qandaydir omon qolish chorasi». Yunusobodliklar rekonstruksiyadan keyingi Ahmad Donish ko‘chasi haqida
Toshkentdagi Ahmad Donish ko‘chasi rekonstruksiyadan keyin piyodalar uchun noqulay va xavfli bo‘lib qoldi. Natijada aravachali ota-onalar va qariyalar qatnov qismidan kesib o‘tishga majbur bo‘lyapti. Va’da qilingan tirbandliklar ham yo‘qolmagan. «Gazeta.uz» fuqarolarning o‘zgarishlar haqidagi fikrlari bilan qiziqdi.
Qo‘shimcha imkoniyatlardan foydalanish uchun saytda ro‘yxatdan o‘ting