«O‘zmedimpeks» direktori lavozimidan ozod etildi
Sog‘liqni saqlash vaziri «faoliyatida xato va kamchiliklarga yo‘l qo‘ygani» uchun «O‘zmedimpeks» DUK rahbari Diyorxon Kattaxodjayev hamda vazirlik boshqarmasi mas’ul xodimini ishdan bo‘shatdi.
O‘zbekiston xorijdan qaytgan mehnat migrantlarini qanday qilib ish bilan ta’minlamoqchi?
Mehnat vazirligi xorijda ishlab, O‘zbekistonga qaytgan mehnat migrantlarini ish bilan ta’minlash maqsadida bir qator chora-tadbirlarni ko‘rish taklifini bildirdi. Ular qatoridan «50×50» dasturi doirasida 40,5 mln so‘mgacha hamda har bir migrant uchun ish beruvchiga 405 ming so‘mdan subsidiyalar ajratish, 1 gektargacha yerni 30 yilga ijaraga berish, qolaversa, 50 mingdan ortiq migrantni haq to‘lanadigan jamoat ishlariga jalb qilish o‘rin olgan.
2030-yilga borib YaIM $160 mlrdni tashkil etadi — Jamshid Qo‘chqorov
O‘zbekiston hukumati davlat-xususiy sheriklikni iqtisodiy islohotlarni jadallashtirish va yalpi ichki mahsulot o‘sishi omillaridan biri deb hisoblaydi, dedi bosh vazir o‘rinbosari Jamshid Qo‘chqorov. 2026-yilgacha DXSH loyihalariga 14 mlrd dollar to‘g‘ridan-to‘g‘ri sarmoya jalb etish, 2030-yilga borib esa YaIM hajmini 160 mlrd dollarga yetkazish rejalashtirilgan.
O‘zbekiston oltin-valyuta zaxiralari $745 mlnga ko‘paydi
1 may holatiga O‘zbekiston oltin-valyuta zaxiralari 745 mln dollarga ko‘payib, jami 35,9 mlrd dollarni, shu jumladan valyuta qismi 13,5 mlrd dollarni, oltin qismi esa 21,3 mlrd dollarni tashkil etdi.
Konstitutsiyani isloh qilish bo‘yicha komissiyaga Akmal Saidov rahbarlik qiladi
Parlament palatalari kengashlarining qo‘shma qarori bilan Konstitutsiyaga o‘zgartirish kiritish yuzasidan Konstitutsiyaviy komissiya tuzildi. Unga amaldagi Konstitutsiyani ishlab chiqishda qatnashgan, Qonunchilik palatasi Spikerining birinchi o‘rinbosari Akmal Saidov raislik qiladi. Komissiya «jamiyat — islohotlar tashabbuskori» g‘oyasi asosida ish olib boradi.
Dam olish kunlari jala yomg‘irlar yog‘ishi va shamol kuchayishi kutilmoqda
O‘zgidromet shanba va yakshanba kunlari O‘zbekistonning shimoliy va cho‘l hududlarida shamol tezligi 28 m/s gacha kuchayishidan ogohlantirdi. Kavkaz hududlaridan nam va nisbatan salqin havo massalari kirib kelishi hisobiga dam olish kunlari deyarli barcha hududlarda yomg‘ir yog‘ishi va momaqaldiroq bo‘lishi, tog‘li hududlarda sel kelishi kutilmoqda.
Migrantlar va ularning oila a’zolari bilan «mahallabay» ishlash taklif etilmoqda
Xorijdan qaytgan mehnat migrantlari va ularning oila a’zolariga «mahallabay ishlash» tizimi asosida xizmatlar ko‘rsatish rejalashtirilayapti. Prezident qarori loyihasiga ko‘ra, mahallalardagi hokim yordamchilari, yoshlar yetakchisi, xotin-qizlar faoli, mehnat inspektori yordamchisi va mahalla raisi ularning ehtiyojlarini aniqlab, onlayn platformalarni to‘ldiradi. Shunga ko‘ra, ularga ishsizlik nafaqasi, subsidiya va stipendiya beriladi.
Eronlik rejissyor O‘zbekistonda Umar Xayyom haqida film suratga olishni rejalashtirmoqda
Kann xalqaro kinofestivalida O‘zbekiston milliy paviloni ochildi. Mamlakat media mahsulotlarni suratga olish uchun kinokompaniyalar va telekanallarni jalb qilishni ko‘zlayapti. Kelib chiqishi Erondan bo‘lgan kanadalik rejissyor Mustafo Keshvari O‘zbekistonda Umar Xayyom haqida film suratga olishni rejalashtirmoqda.
Sobir Shukurov Davlat tilini rivojlantirish departamentiga mudir bo‘ldi
O‘zA rahbarining birinchi o‘rinbosari Sobir Shukurov Vazirlar Mahkamasining Ma’naviyat va davlat tilini rivojlantirish masalalari departamenti mudiri lavozimiga tayinlandi. 2019 yilda davlat tilini rivojlantirish maqsadida tashkil etilgan departament rahbari lavozimi noyabrdan beri vakant edi.
O‘zbekistonda uran, litiy va boshqa noyob metallarni qazib olish hajmi oshiriladi
Prezident huzuridagi taqdimotda geologiya sohasini rivojlantirish, foydali qazilmalar zaxiralari va yerosti suv resurslarini ko‘paytirish, uran, litiy, alyuminiy, magniy va boshqa noyob metallarni qazib olishga investitsiyalarni jalb etish masalalari muhokama qilindi.
Xorijdan qaytgan migrantlar uchun Reintegratsiya markazlarini tashkil etish rejalashtirilmoqda
Jamoatchilik muhokamasiga qo‘yilgan prezident qarori loyihasiga muvofiq, tuman va shahar aholi bandligiga ko‘maklashish markazlari huzurida xorijdan qaytib kelgan mehnat migrantlarining Reintegratsiyasi markazlarini tashkil etish taklif etilmoqda. Markazlar migrantlarga ish topish, o‘z biznesini boshlash, subsudiya va imtiyozli kreditlar olishda ko‘maklashadi.
«O‘z uyimizni yoqib yubormasdan turib, qayta tiklanuvchi energiyaga o‘tishimiz kerak» — Antoniu Guterrish
Ekstremal ob-havo holati — Yerdagi iqlim o‘zgarishining kundalik «yuzidir», deyiladi Jahon meteorologiya tashkilotining yangi hisobotida. Global energiya ishlab chiqarishni zudlik bilan o‘zgartirish orqaligina iqlim halokatining oldini olish mumkin. BMT qayta tiklanadigan energiya manbalariga o‘tish rejasini taklif qildi.
Deputat Twitter bloklanishi sababi yuzasidan so‘rov yubordi
Deputat Rasul Kusherbayev «O‘zkomnazorat» ga Twitter bloklanishini asoslantirilgan holda tushuntirib berish va tarmoqdan cheklovni olib tashlash choralarini ko‘rish masalasida so‘rov kiritdi. Uning so‘zlariga ko‘ra, bu kabi cheklovlarning ijobiy tarafidan salbiy oqibatlari ko‘proq.
19 may kuni O‘zbekistonda sodir bo‘lgan eng muhim xabarlar dayjesti
O‘zbekistonga olib kelinadigan futbol bo‘yicha Jahon kubogi, mahalliy budjetlar ochiqligi talablarini buzgan poytaxt va 7 ta hudud hokimiyatlari, Navoiyda 1,4 mlrd so‘mga qimmat narxda sotib olingani sport anjomlari, O‘zbekistonda quriladigan 2606 km beton qoplamali ichki yo‘llar, logistika mamlakatda zaif nuqta ekanligini aytgan Turizm va madaniy meros vaziri va boshqalar — «Gazeta.uz»ning 19 maydagi eng muhim xabarlari dayjestida.
Huquq himoyachilari «Ahmadboy», Otabek Sattoriy va Fozilxodja Arifxodjayev saqlanayotgan koloniyalarga bordi
6,5 va 7,5 yilga ozodlikdan mahrum etilgan blogerlar Otabek Sattoriy va Fozilxodja Arifxodjayev Navoiy viloyatidagi koloniyalarda saqlanmoqda. Otabek qurilish mollariga naqsh bosayotgan bo‘lsa, Fozilxodja usta bo‘lib ishlayapti. Bu yerda shuningdek, «Ahmadboy» nomi bilan tanilgan Ahmadjon Tursunboyev o‘z jazosini o‘tamoqda. Ombudsman va inson huquqlari himoyachilaridan iborat ishchi guruh mahkumlarni saqlash sharoitlari bilan tanishdi.
«Logistika biz uchun zaif nuqta». Aziz Abduhakimov turizmni rivojlantirish haqida
Turizm va madaniy meros vaziri Aziz Abduhakimov O‘zbekiston yaqin vaqt ichida tez-tez borib turiladigan mamlakatlardan biriga aylanishi, biroq, hozirda «transport logistikasidek zaif nuqtasi» borligini ta’kidladi. U shuningdek, SHHTga a’zo davlatlar doirasida ichki turizmni rivojlantirish uchun «Yagona turistik brend» yaratish kerakligini aytdi. Bundan tashqari, SHHT mamlakatlari doirasida turistik kompaniyalar va sayyohlarga keshbek taqdim etish taklifi ilgari surildi.
Dollarning rasmiy kursi mart oyi o‘rtalaridan beri ilk bor 11100 so‘mdan pastga tushdi
Markaziy bank belgilaydigan AQSh dollari kursi mart oyi o‘rtalaridan beri ilk bor 11100 so‘mdan pastga tushdi. Oxirgi ikki oyda milliy valyuta barqaror ravishda mustahkamlanib bormoqda.
Andijonda o‘qituvchi o‘quvchini kaltaklagani yuzasidan izoh berildi
Paxtaobod tumanida maktab o‘qituvchisining 10-sinf o‘quvchisini urishiga o‘quvchining pedagog ko‘rsatmasiga qo‘pol ravishda javob qaytargani sabab bo‘lgani aniqlandi. Holat Andijon viloyat IIB tomonidan o‘rganilmoqda.
«Siyosiy shartlarimiz yo‘q». XXR elchisi — Xitoy kreditlari haqida
Xitoyning Toshkentdagi elchisi Szyan Yan Xitoy kreditlari mamlakatlarni «qarz tuzog‘iga» tushishiga sabab bo‘layotgani haqidagi xabarlarni asossiz deb atadi. «G‘arb banklari yoki xalqaro moliya muassasalari qarz bersa — pishloq, Xitoy qarz yoki kredit bersa — tuzoq. Odamlar ba’zida farqiga bormaydilar», — dedi u.
Tashkent Opera Fest 2022 tadbiri 29 maygacha uzaytiriladi
Tashkent Opera Fest 2022 doirasida shaharning turli burchaklarida konsertlar va istalgan inson qatnashishi mumkin bo‘lgan fleshmoblar o‘tkaziladi.
Qo‘shimcha imkoniyatlarga ega bulish uchun saytda ro‘yxatdan o‘ting