Toshkentdagi ayrim ko‘chalar xalqaro marofon o‘tkazilishi munosabati bilan vaqtincha yopiladi
«Toshkent xalqaro marafoni» o‘tkazilishi munosabati bilan poytaxtning ayrim ko‘chalari 25 va 27 mart kunlari transport vositalari harakati uchun vaqtincha yopiladi.
23 mart kuni faqat Toshkentda koronavirus bemorlari aniqlandi
O‘zbekistonda yangi koronavirus holatlari soni keskin kamayib bormoqda. Chorshanba kuni faqat poytaxtda 6 kishida koronavirus aniqlandi. Oxirgi bor bunday past ko‘rsatkich pandemiya boshida — 2020 yil martda qayd etilgan edi.
Ishtixon tuman DXM katta mutaxassisi pora olayotganda ushlandi
Ishtixon tuman Davlat xizmatlari markazi katta mutaxassisi tadbirkorga ajratilgan yer hujjatlarini qayta rasmiylashtirib berish uchun 12 ming dollar so‘ragani ma’lum qilindi. Gumonlanuvchi shundan 6 ming dollarini tanishi orqali olgan vaqtida ushlangan.
AQShning sobiq davlat kotibi Madlen Olbrayt vafot etdi
AQSh Davlat departamentini boshqargan birinchi ayol Madlen Olbrayt 84 yoshida vafot etdi.
«Soliq ma’murchiligidagi barcha o‘zgarishlar keyingi yilga qoldirilishi mumkin» — Timur Ishmetov
O‘zbekistonda soliq ma’murchiligidagi barcha o‘zgarishlar bir necha oyga yoki keyingi yilga qoldirilishi mumkin, deb xabar berdi moliya vaziri Timur Ishmetov. Moliya vazirligi va Soliq qo‘mitasi tadbirkorlar o‘rtasida so‘rovnoma o‘tkazadi. Uning so‘zlariga ko‘ra, prezident 2022 yilda avval tasdiqlangan budjet taqchilligini saqlab qolish va ortiqcha xarajatlarga yo‘l qo‘ymaslik bo‘yicha topshiriq berdi.
Jamshid Qo‘chqorov — valyuta kreditlari va oziq-ovqat narxlari bo‘yicha choralar haqida
Bosh vazir o‘rinbosari Jamshid Qo‘chqorov banklar va Markaziy bank O‘zbekiston aholisiga rublda pul o‘tkazmalarini uzluksiz ta’minlash choralarini ko‘rayotganini ma’lum qildi. Bundan tashqari, davlat tadbirkorlarga valyuta kreditlarini so‘mlik qarzga aylantirish imkoniyatini beradi, shuningdek, ayrim oziq-ovqat mahsulotlari importi uchun bojxona to‘lovlarini nolga tenglashtiradi.
Ipoteka va ta’lim kreditlarining foiz stavkalari yil oxirigacha o‘zgarmaydi
Markaziy bankning asosiy stavkasi 17 foizga oshirilganidan so‘ng, yangi kreditlar foizi va kredit resurslarining qiymati ham o‘sishi kerak edi. Biroq, prezident yil oxirigacha ipoteka va ta’lim kreditlari bo‘yicha foiz stavkalarini o‘zgartirmaslik to‘g‘risida topshiriq berdi, deb xabar qildi moliya vaziri Timur Ishmetov.
Prezident hukumatga ichki bozorda narxlar barqarorligini ta’minlash bo‘yicha topshiriq berdi
Shavkat Mirziyoyev iqtisodiyot barqarorligini ta’minlash choralari bo‘yicha yig‘ilish o‘tkazdi. Unda prezident ichki bozorda narxlar barqarorligini ta’minlash, bug‘doy, o‘simlik yog‘i, shakar va boshqa oziq-ovqat mahsulotlarini import qiluvchi tadbirkorlarga ko‘maklashish bo‘yicha topshiriq berdi. Markaziy bankka ichki valyuta bozori barqarorligi va almashuv kursi moslashuvchanligini ta’minlashda «ehtiyotkorona yondashuvni» qo‘llash vazifasi qo‘yildi.
O‘zbekiston banklari qachon xususiylashtiriladi va IPO o‘tkazadi?
Prezident qarori bilan O‘zbekiston banklarini xususiylashtirish va aksiyalarini ommaviy joylashtirish bo‘yicha muddatlar belgilandi. Qarorda «Qishloq qurilish bank», «O‘zsanoatqurilishbank», «Asakabank», «Xalq banki», «Mikrokreditbank» va boshqa banklar keltirilgan.
«Bu bema’ni urushni to‘xtatish vaqti keldi» — BMT rahbari
BMT bosh sekretari Antoniu Guterrish Rossiya Ukrainada olib borayotgan va oqibatlari butun dunyoda sezilayotgan «bema’ni urushni» to‘xtatishga chaqirdi. «Ukraina xalqi hozir haqiqiy do‘zzaxda yashayapti», mahsulotlar, energotashuvchilar va o‘g‘itlarga narxlarning oshishi esa «katta miqyosdagi oziq-ovqat defitsiti va ochlikka olib kelishi mumkin», deya ogohlantirdi u.
Abdulla Aripov va Rustam Minnixanov «Chirchiq» texnoparki ochilishida ishtirok etishdi
O‘zbekiston bosh vaziri Abdulla Aripov va Tatariston prezidenti Rustam Minnixanov «Chirchiq» kimyo-industrial texnoparkining ochilish marosimida qatnashishdi. Texnopark Qozondagi «Ximgrad» texnopolisi bilan hamkorlikda tashkil etilgan.
22 mart kuni O‘zbekistonda 7 kishida koronavirus aniqlandi
O‘zbekistonda 22 mart kuni 7 nafar fuqaroda koronavirus qayd etildi. Bu 2020 yil aprel oyidan beri eng past ko‘rsatkich. Yangi bemorlar Namangan viloyati va Toshkent shahrida aniqlangan.
O‘zbekiston xalqaro yuklarni Aqtau dengiz porti orqali tashishi mumkin bo‘ladi
O‘zbekiston kompaniyalari Aqtau dengiz porti orqali xalqaro yuklarni yaqin va uzoq xorijiy mamlakatlarga yuborishi mumkin bo‘ladi.
O‘zbekiston xalq artisti Maryam Ixtiyorova vafot etdi
Muqimiy nomidagi davlat musiqali teatri aktrisasi, O‘zbekiston xalq artisti Maryam Ixtiyorova 82 yoshida vafot etdi.
Aleksey Navalniyga 9 yillik qamoq jazosi belgilandi
Moskvaning Lefortovo sudi muxolifatchi Aleksey Navalniyni «firibgarlik» va «sudni haqoratlash»da aybdor deb topdi va uni 9 yilga og‘ir rejimdagi koloniyaga hukm qildi. Siyosatchi 1,2 mln rubl miqdorda jarima ham to‘laydi.
Toshkentda nogironligi bo‘lgan tadbirkorlarni qo‘llab-quvvatlash markazi ochildi
Toshkent shahrida nogironligi bo‘lgan shaxslar va tadbirkorlarni qo‘llab-quvvatlash markazi ochildi. Markaz inklyuziv turizmni rivojlantirish va nogironlarning harakatlanigi uchun sharoit yaratishga ko‘maklashish yo‘nalishlarida ish olib boradi.
Qo‘qondagi xonadonda vafot etgan 5 kishi is gazidan zaharlangani taxmin qilinmoqda
Navro‘z kuni Qo‘qon shahridagi masjid imom-xatibi va uning to‘rt nafar oila a’zolari noma’lum etiologiyali zaharlanish natijasida vafot etgan. Mutaxassislar buni is gazidan zaharlanish, deya taxmin qilmoqda.
Rossiyada Facebook va Instagram taqiqlandi, Meta ekstremistik tashkilot deb e’lon qilindi
Moskva sudi qarori bilan Meta kompaniyasi ekstremistik tashkilot deb tan olindi, Facebook va Instagram Rossiyada taqiqlandi. Endilikda rossiyaliklar ushbu ijtimoiy tarmoqlarda reklama sotib olishsa, bu ekstremistik tashkilotni moliyalashtirish deb qaralishi mumkin. WhatsApp messenjeriga taqiq qo‘yilmadi.
Qozog‘istonda O‘zbekiston orqali 6 ta «inomarka»ni noqonuniy olib kirmoqchi bo‘lganlar ushlandi
Qozog‘istonda O‘zbekiston hududi orqali 1,6 mlrd so‘mlik 6 ta «inomarka"larni noqonuniy olib kirmoqchi bo‘lganlar aniqlandi. Mashinalarning tegishli hujjati bo‘lmaganligi aytildi. O‘zbekiston Davlat bojxona qo‘mitasi mashinalar Tojikistondan olib kirilganligi va mamlakat hududidan o‘tayotganda barcha hujjatlarga ega bo‘lganligini ta’kidladi.
BMT Ukrainada 925 nafar tinch aholi halok bo‘lganini tasdiqladi
24 fevraldan 20 martgacha Ukrainadagi urushda 925 nafar tinch aholi halok bo‘ldi, 1496 nafari yaralandi. Bu BMT tasdiqlagan raqamlar, biroq haqiqiy raqam bundan ham yuqori. 10 mln ukrainaliklar yoki butun mamlakat aholisining to‘rtdan biri uylarini tark etishga majbur bo‘ldi. Ularning 3,5 mlnga yaqini mamlakatdan chiqib ketgan.
Qo‘shimcha imkoniyatlarga ega bulish uchun saytda ro‘yxatdan o‘ting