Xorazmda mahsulotlarga bojxona to‘lovlari to‘lanmaydigan “O‘zbekiston-Turkmaniston” erkin savdo zonasi yaratiladi
Prezident qarori bilan Shovot tumanida 3,1 gektar yerda “O‘zbekiston-Turkmaniston” savdo zonasi tashkil qilinadi. Unda faqat 2 mamlakat mahsulotlari sotiladi. Mahsulotlarni kiritishda bojxona to‘lovi to‘lanmaydi. Turkmaniston orqali keluvchi chet elliklar vizasiz, pasport bilan 15 kun hududda bo‘lishi mumkin.
Sug‘urta polislarini qog‘oz shaklida rasmiylashtirish amaliyoti bekor qilinadi
O‘zbekistonda 1-sentabrdan barcha sug‘urta turlari bo‘yicha sug‘urta polislarini faqat qog‘oz shaklda rasmiylashtirish amaliyoti bekor qilinadi. Sug‘urta polislarini yagona avtomatlashtirilgan axborot tizimi orqali rasmiylashtirmaslik ularni haqiqiy emas deb topishga asos bo‘ladi.
Qanot Sharq aviakompaniyasi Toshkentdan Pragaga muntazam reyslarni yo‘lga qo‘yadi
Apreldan Qanot Sharq aviakompaniyasi Toshkent-Praga yo‘nalishida muntazam aviaqatnovlarni yo‘lga qo‘yadi. Reyslar haftaning payshanba kunlari amalga oshiriladi. Bu yo‘nalishdagi parvoz oxirgi marta 2014-yilda amalga oshirilgandi.
“Mingdan ziyod o‘zbeklar qamoqxonada o‘tiribdi”. AQShga noqonuniy yo‘l bilan borib, deportatsiya qilinganlar boshdan kechirganlari haqida
AQShga noqonuniy yo‘llar bilan kirgan 74 nafar O‘zbekiston fuqarosi 3-mart kuni vatanga qaytarilgandi. Ulardan ba’zilari yo‘l va qamoqxonalardagi qiyinchiliklar haqida so‘zlab berishdi.
Olmaota yaqinida kuchli zilzila sodir bo‘ldi, aholi vahima sabab ko‘chaga chiqdi
Olmaota yaqinida 6,1 magnitudali zilzila yuz berdi, shaharda zilzila kuchi 5 ballni tashkil etdi. Metro faoliyati to‘xtatildi, politsiya kuchaytirilgan ish tartibiga o‘tkazildi. Ko‘plab shaharliklar vahima ichida ko‘chaga chiqdi.
AQSh elchixonasi Amerikaga noqonuniy ravishda borganlarni deportatsiya qilish davom etishini bildirdi
AQShning Toshkentdagi elchixonasi O‘zbekiston fuqarolarini Qo‘shma Shtatlarga xavfsiz va qonuniy yo‘llar orqali safar qilishga chaqirdi. Elchixona Qo‘shma Shtatlarda qolish uchun qonuniy asosga ega bo‘lmaganlarni deportatsiya qilish ishlari davom ettirilishini bildirgan.
Yangiyo‘l tumanida er-xotin is gazidan vafot etdi
3-mart kuni ertalab Toshkent viloyatining Yangiyo‘l tumanida yashovchi erkak va uning turmush o‘rtog‘i o‘z xonadoni yotoqxonasida is gazidan zaharlanib, hodisa joyida vafot etdi. Hozirda holat bo‘yicha tergovga kadar tekshiruv ketmoqda.
Qashqadaryoda kuchsiz zilzila qayd etildi
Qashqadaryo viloyatining Mirishkor tumanida zilzila sodir bo‘ldi. Uning kuchi 2−3 ballni tashkil etdi.
Daniyar Kamilovning kompaniyasi Chinoz neftni qayta ishlash zavodi egasiga aylandi
Sobiq tashqi ishlar vaziri Abdulaziz Kamilovning o‘g‘li Daniyar Kamilovning kompaniyasi Chinoz neftni qayta ishlash zavodi egasiga aylandi. Avvalroq UNG Petro yoqilg‘i quyish shoxobchalari tarmog‘i “O‘zbekneftgaz”dan ushbu kompaniya tarkibiga o‘tkazilgan edi.
Hafta davomida harorat ko‘tarilib boradi
O‘zbekistonda hafta davomida harorat jadal ravishda ko‘tarilib boradi, yog‘ingarchilik kuzatilmaydi. Kechalari −2…+5, kunduz kunlari +4…+18 daraja atrofida bo‘lishi kutilmoqda. 8-martda ba’zi joylarda shamol kuchayib, yomg‘ir yog‘ishi mumkin.
MSK rahbari AQShda prezidentlik saylovlari bo‘yicha praymeriz kuzatuvida ishtirok etmoqda (+foto)
Markaziy saylov komissiyasi raisi Zayniddin Nizomxodjayev va komissiya vakillari AQShda prezidentlik praymerizlarida ovoz berishga tayyorgarlik ko‘rish jarayoni bilan tanishish maqsadida Kaliforniya shtatida bo‘ldi. Tashrif davomida ular AQShda qo‘llaniladigan zamonaviy saylov texnologiyalarini ham o‘rganadilar.
Toshkentda o‘tgan “Katta dubulg‘a” turnirida o‘zbekistonliklar 6 ta medal oldi. Sovrindorlar haqida nimalar ma’lum?
Toshkentda o‘tgan dzyudo bo‘yicha “Katta dubulg‘a” turnirida o‘zbekistonliklar avvalgiga qaraganda kattaroq natijaga erishdi. Ular 6 ta medal olib, Fransiya va Yaponiyadan keyin umumhisobda 3-o‘rinda bo‘ldi. Doston Ro‘ziyev va Muzaffarbek To‘raboyev oltin medal oldi, Davlat Bobonov bronza bilan turnirni yakunladi.
Toshkent viloyatida voyaga yetmagan qizga nojo‘ya SMSlar yozgan 59 yoshli erkak 5 sutkaga qamaldi
Yuqori Chirchiq tumanida 12 yoshli qizga SMS xabarlar yozib, shahvoniy shilqimlik qilib kelgan 59 yoshli erkak 5 sutkaga qamaldi.
AQShga noqonuniy yo‘llar bilan ketgan 74 nafar o‘zbekistonlik vatanga qaytarildi
AQShga asosan Meksika orqali noqonuniy ravishda ketgan 74 nafar o‘zbekistonlik vatanga qaytarildi. “Bu shunchaki reklama. Kasallik orttirib qaytasiz. Hammasi yolg‘on”, — dedi qaytganlardan biri.
USTDA Jizzaxda raqamli suv boshqaruvi loyihasini yakunladi
Amerikaning “Nobel Systems” kompaniyasi va “O‘zsuvta’minot” hamkorligidagi “Digital Twin” raqamli loyihasi yakunlandi. Buning uchun AQSh Savdo va taraqqiyot agentligi 430 ming dollar grant mablag‘i ajratgan. Raqamli suv boshqaruvi loyihasi ikki yil davomida Jizzax shahrining uchta mahallasida amalga oshirildi.
Toshkent viloyatidagi maktabda Milliy gvardiya xodimiga jarohat yetkazildi
Zangiota tumani 4-sonli umumiy o‘rta ta’lim maktabida sodir bo‘lgan janjalni bartaraf etmoqchi bo‘lgan Milliy gvardiya xodimiga jarohat yetkazildi. Holat yuzasidan jinoiy ish qo‘zg‘atildi.
O‘zbekistonda daraxtlarni kesish uchun jarima miqdori sezilarli darajada oshirildi
Shavkat Mirziyoyev daraxtlarni kesish uchun jarima miqdorini 5 barobarga oshiruvchi qonunni imzoladi. Har bir kesilgan daraxt o‘rniga 100 tupdan ko‘chat ekish majburiyati, yuridik shaxslarga 102 million so‘mgacha alohida jarimalar belgilandi. Prezident avvalroq jarima miqdori pastligi sababli qonunni rad etgan edi.
Bolalar ombudsmaniga qo‘shimcha majburiyat va vakolatlar berildi
Bolalar ombudsmaniga rahbarlar va boshqa mansabdor shaxslar tomonidan darhol qabul qilinish huquqi berildi. Shuningdek, bolalarga taalluqli masalalarga doir qonunchilik hujjatlari loyihalari Bola huquqlari bo‘yicha vakil bilan kelishilishi majburiy bo‘ldi.
O‘zbekiston 11 davlat bilan JSTga a’zo bo‘lish bo‘yicha muzokaralarni yakunladi
O‘zbekiston hukumati Jahon savdo tashkilotiga a’zo bo‘lish doirasida 11 davlat bilan muzokaralarni yakunladi, ulardan 9 tasi bozorga kirish bo‘yicha muzokaralarni yakunlash to‘g‘risidagi protokollarni imzoladi.
O‘zbekistonda fevral oyida inflyatsiya 0,32 foizni tashkil etdi, yillik inflyatsiya 8,35 foizgacha sekinlashdi
O‘zbekistonda fevralda so‘nggi sakkiz yildagi eng past — 0,3 foizlik inflyatsiya qayd etildi, yillik inflyatsiya 8,35 foizgacha sekinlashdi. Statistika agentligiga ko‘ra, deyarli barcha asosiy turdagi oziq-ovqat mahsulotlari narxi arzonlashdi, benzin o‘rtacha 1,1 foizga qimmatladi, maishiy texnika narxlari oshdi.
Qo‘shimcha imkoniyatlarga ega bulish uchun saytda ro‘yxatdan o‘ting