Bolalarni tarbiyalash bo‘yicha majburiyatlarni bajarmaganlik uchun jarima oshirilmoqda
Senat Ma’muriy javobgarlik to‘g‘risidagi kodeksga bolalarni tarbiyalash va ularga ta’lim berish borasidagi majburiyatlarni bajarmaganlik uchun jarimalar miqdorini oshirishni ko‘zda tutuvchi o‘zgartishlar kiritilishini ma’qulladi.
Tez yordam mashinasini o‘tkazib yuborish uchun qoida buzgan haydovchilar jarimaga tortilmaydi
Endilikda tez yordam mashinasini o‘tkazib yuborish uchun YTH qoidalarini buzgan haydovchilar jarimaga tortilmaydi — senatorlar qonunchilikka shunday o‘zgartish kiritilishini ma’qulladi. Hozirda haydovchi maxsus transport vositasini o‘tkazib yubormasa ham, yo‘lni bo‘shatish uchun YTHni buzsa ham jarimaga tortiladi.
Feruza Mahmudova O‘zbekistonning Isroildagi elchisi etib tayinlandi
Feruza Maxmudova O‘zbekistonning Isroildagi favqulodda va muxtor elchisi etib tayinlandi. U oldinroq TIVning ikki tomonlama hamkorlik bosh boshqarmasiga rahbarlik qilgan.
Koronavirus holatlari soni 5920 taga yetdi (+65)
O‘zbekistonda yana 65 kishida koronavirus infeksiyasi aniqlanib, jami holatlar 5920 taga yetdi. Yangi holatlar Toshkent shahri, Xorazm, Toshkent, Namangan va Andijon viloyatlari qayd etildi.
May oyida UZCARD va HUMO kartalari orqali 10 trln so‘mdan ortiq to‘lovlar amalga oshirildi
Markaziy bank O‘zbekistondagi faoliyat yuritayotgan to‘lov tizimlari haqidagi tahliliy ma’lumot taqdim etdi. Unga ko‘ra, may oyida UZCARD va HUMO to‘lov tizimlari orqali 10 trln so‘mdan ortiq to‘lovlar amalga oshirilgan. Shuningdek, mamlakatda naqd pulsiz tranzaksiyalarning hajmi 22,6 foizga ortdi.
Tug‘ilgan kun nishonlanishi sabab 13 kishi koronavirusga chalindi
Koronavirus aniqlangan poytaxtlik fuqaroning tug‘ilgan kun munosabati bilan o‘tkazgan tadbirida ishtirok etgan 13 nafar oila a’zosi va qarindoshlariga koronavirus yuqqani ma’lum bo‘ldi.
Senat raisi ota-onalarga murojaat bilan chiqdi
Oliy Majlis Senati raisi Tanzila Narbayeva ayrim ota-onalar farzandining arzimagan shikoyati uchun ham maktabga yugurib kelib, o‘qituvchiga “tashlanish"dan uyalmay qo‘yganini ta’kidlab, ularni ustozlarni hurmat qilishga chaqirdi.
Tez yordam vaqtida yetib kelmagani oqibatida 48 mingdan ortiq odam o‘lgan — Tanzila Narbayeva
So‘nggi ikki yilda tez tibbiy yordam mashinalarining o‘z vaqtida yetib kelmasligi oqibatida 48 mingdan ortiq o‘lim holati yuz bergan.
Tanzila Narbayeva senatorlarning «jim» turishini tanqid qildi
«Bunday muammolarni hamma muhokama qiladi, munosabat bildiradi, xulosalarini aytadi. Lekin o‘sha joydagi senatorlar jim, ulardan aks-sado chiqmaydi». Oliy Majlis Senati raisi Tanzila Narboyeva joylardagi senatorlarning muammolarga munosabat bildirmasligini tanqid qilib, ularni aniqlashda ijtimoiy tarmoqlarning o‘rni kattaligini ta’kidladi.
Dam olish kunlari havo haroratining ko‘tarilishi kutilmoqda
Hafta oxiri va keyingi haftaning boshida issiq havo O‘zbekistonning butun hududini qamrab oladi. Ayniqsa yakshanba va dushanba kunlari harorat ko‘tarilib, 39−42 darajagachani tashkil etadi.
Senat “Fuqarolarning jamoat tartibini saqlashda ishtirok etishi to‘g‘risida"gi qonunni rad etdi
Oliy Majlis Senati “Fuqarolarning jamoat tartibini saqlashda ishtirok etishi to‘g‘risida” gi qonunni byurokratik tartib-taomillarni kuchaytirishi, qonunlarni chetlab o‘tishga qaratilgan ko‘plab qarorlar qabul qilinishiga sabab bo‘lishi mumkinligi sababli qabul qilmadi.
“Jayron” ekomarkazida turizm uchun sharoitlar yaxshilanadi
Ekoturizmni rivojlantirish uchun Buxoro viloyatidagi “Jayron” qo‘riqxonasida turistik infrastruktura tashkil etiladi. Bu yerda tashrif markazi, muzey, kuzatuv binosi va maydonlari yaratiladi, shuningdek, o‘kuvchilar va talabalar uchun ekskursiyalar tashkil etiladi.
«O‘zbekistonda 300 mingga yaqin ehtiyojmand xonadon mavjud» — Tanzila Narbayeva
O‘zbekistondagi 7 milliondan ortiq xonadonning 300 mingga yaqini (4,1 foizi) ehtiyojmand hisoblanadi. Ularni kambag‘alikdan chiqarish choralari ko‘rilmoqda. 8 milliondan ortiq fuqaroga qariyb 30 trillion so‘mlik imtiyoz va preferensiyalar berildi.
Qarshida o‘g‘il ko‘zi ojiz va yura olmaydigan otasi va o‘zining ustiga benzin quyib, yoqib yubordi
Qarshi shahrida muqaddam sudlangan o‘g‘il o‘zaro kelishmovchilik tufayli ko‘zi ojiz va yura olmaydigan keksa otasi va o‘zining ustiga benzin sepib, yoqib yubordi. Har ikkisi ham og‘ir kuyishdan vafot etdi.
Koronavirus bemorlari soni 5855 nafarga yetdi
Koronavirus bemorlari soni 88 nafarga ortib, jami 5855 kishini tashkil etmoqda. Yangi holatlarining 27 nafari Karantin markazidagi fuqarolar orasida va 61 nafari Toshkent shahrida (shundan 10 nafari aholi orasida) aniqlangan.
Sirdaryoda 5 ta avtomashina to‘qnashuvida 2 yo‘lovchi qurbon bo‘ldi
Sirdaryo viloyatida Captiva haydovchisi Cobalt mashinasini o‘ng tomondan quvib o‘tmoqchi bo‘ldi va yo‘l chetidagi ikkita avtomobil bilan to‘qnashuv sodir etdi. Jami beshta avtomobil ishtirokidagi YTH natijasida ikki kishi vafot etdi, bir kishi jarohatlandi.
Shavkat Mirziyoyev Nursulton Nazarboyevga maktub yo‘llab, qisqa fursatlarda virusni yengib o‘tishiga ishonch bildirdi
Shavkat Mirziyoyev Nursulton Nazarboyevga yo‘llagan maktubida uning koronavirus kasalligiga chalingani to‘g‘risidagi xabarni katta xavotir bilan qabul qilganini ta’kidladi. O‘zbekiston prezidenti Elboshi virusni qisqa fursatlarda yengib o‘tishiga ishonch bildirdi.
COVID-19 bo‘yicha kunlik o‘sish 85 tani tashkil etdi
O‘zbekistonda kun davomida 85 kishida koronavirus aniqlanib, jami holatlar 5767 taga yetdi
O‘zbekistonda yil boshidan buyon 60 dan ziyod kishi cho‘kib ketdi
Yil boshidan buyon O‘zbekistonda 64 kishi cho‘kib ketdi. Ularning 20 nafardan ziyodi voyaga yetmaganlardir.
“Og‘zidan ko‘pik oqib, boshi yorilgan edi” — Andijonda qiynoqlar qurbonining singlisi
Andijonda qiynoqlardan vafot etgan Alijon Abdukarimovning singlisi Daryo.uz nashriga bergan intervyusida akasi yil boshidan buyon bir necha marta IIBga chaqirilganini ma’lum qildi. Uning so‘zlariga ko‘ra, akasini fuqaro kiyimidagi odamlar raqamsiz avtomobilda olib ketgan.
Qo‘shimcha imkoniyatlardan foydalanish uchun saytda ro‘yxatdan o‘ting