Qorao‘zak tumaniga hokim tayinlandi
Anvar Baymuratov Qoraqalpog‘istonning Qorao‘zak tumaniga hokim etib tayinlandi. Bungacha u ayni shu hudud hokimiga o‘rinbosar edi.
Bokschi Bahodir Jalolov Olimpiada finaliga chiqdi
O‘zbekistonlik bokschi Bahodir Jalolov germaniyalik raqibini ishonchli tarzda mag‘lubiyatga uchratib, Parij Olimpiadasi finaliga yo‘l oldi. U Olimpiada o‘yinlarida “oltin” uchun jang qiladigan to‘rtinchi o‘zbekistonlik bokschi bo‘lmoqda.
Ukraina va Rossiyaning Kursk viloyati chegarasida janglar bo‘lmoqda. Nimalar ma’lum?
Ukraina qo‘shinlari 6-avgust kuni ertalab Rossiyaning Kursk viloyatiga kirdi va, ehtimol, 10 kilometr oldinga siljidi. Rossiya Mudofaa vazirligi yurish to‘xtatilganini ma’lum qildi. Vladimir Zelenskiy esa “Rossiyaga qanchalik ko‘p bosim o‘tkazilsa, tinchlik shunchalik yaqin bo‘lishini” aytdi.
Parij-2024: O‘zbekistonlik yunon-rum kurashchilari Olimpiadani medallarsiz yakunladi
O‘zbekistonlik yunon-rum kurashchilari Parij Olimpiadasini medalsiz yakunladi. 40 yoshli Rustam Assakalov (-97 kg) bronza uchun jangda yelkasidan jarohat olib, bahsni muddatidan avval to‘xtatdi. Aram Vardanyan (-77 kg) ham 3-o‘rin uchun bellashuvda mag‘lub bo‘ldi. Islom Bahromov (-60 kg) esa ¼ finalgacha yetib bordi.
Toshkent aeroportida uchib ketayotganlar uchun kutish hududi kengaytirildi
Toshkent xalqaro aeroporti uchish zalining “steril” hududi 2000 kvadrat metrga kengaytirildi. Bu umumiy zalni B5-B6-B7 chiqish yo‘laklari bilan ulash imkonini beradi. Ushbu hududda Hardee’s, Pizza Hut, La Croissanterie va Pinkberry brendlari mavjud fudkort ochiladi.
Toshkentda bir kunda 2 ta katta YTH sodir bo‘ldi
Toshkentning Shayxontohur tumanida 7 ta avtomobil, Chilonzor tumanida esa 5 ta avtomobil ishtirokida YTHlar sodir bo‘ldi. Rasmiylar to‘qnashuvlarda jarohat olganlar yo‘qligini aytmoqda.
Karate bo‘yicha jahon chempionatida O‘zbekiston terma jamoasi 30 ta medal bilan ikkinchi o‘rinni oldi
3−4-avgust kunlari Tokioda karate bo‘yicha uchinchi ochiq jahon chempionati bo‘lib o‘tdi. O‘zbekiston terma jamoasi 30 ta medal jamg‘arib, ikkinchi o‘rinni egalladi.
Toshkentdagi yong‘inda daraxtlar “jiddiy” zararlandi — hokimlik
Mirzo Ulug‘bek tumanidagi 100 kv. metr ochiq maydonda qurigan o‘tlar sabab yong‘in yuzaga keldi. Oqibatda hududda mavjud daraxtlar jiddiy zararlandi. Tergov boshlandi, zarar miqdori aniqlanmoqda, deb yozdi tuman hokimligi.
Toshkent viloyatida harakatdagi IIB mashinasidan sakragan fuqaro vafot etdi
Toshkent viloyati Oqqo‘rg‘on tumanida kechasi jamoat tartibini buzgani uchun IIB xodimlari tomonidan hushyorxonaga olib ketilayotgan fuqaro qochish maqsadida o‘zini mashinadan tashladi. U jarrohlik amaliyotiga qaramay vafot etdi. Holat yuzasidan jinoyat ishi qo‘zg‘atildi, xodimlarga tekshiruv tayinlandi.
Shavkat Mirziyoyev Ostonaga yetib bordi. Uni Qozog‘iston prezidenti kutib oldi
Shavkat Mirziyoyev davlat tashrifi bilan Qozog‘iston poytaxti Ostonaga yetib bordi. Uni aeroportda prezident Qosim-Jomart Toqayev kutib oldi. Rahbarlar 8-avgust kuni Oliy davlatlararo kengash majlisini o‘tkazadi.
O‘zbekistonda GEF Kichik grantlar dasturining yangi bosqichi boshlanmoqda. BMTTD “Yashil makon” loyihasini qo‘llab-quvvatlashda davom etadi
Ekologiya vaziri Aziz Abduhakimov va BMTTD vakolatxonasi rahbari Akiko Fujii 2025-yilda GEF Kichik grantlar dasturining yangi bosqichini boshlash va “Yashil makon” loyihasini qo‘llab-quvvatlashni davom ettirish bo‘yicha ikkita kelishuv imzoladi. Orolbo‘yiga 2 mlrd so‘mlik texnik jihozlar olib kelindi.
Iyul oyi harorat bo‘yicha oldingi yillardagidan qulayroq bo‘ldi — O‘zgidromet
O‘tgan iyul oyida O‘zbekistonning barcha hududlarida havo harorati o‘zining rekord ko‘rsatkichlaridan ancha uzoq bo‘ldi, deya xabar berdi O‘zgidromet. Oy oxirida maksimal harorat +41, janubda +46 darajaga yetdi.
Yahyo Sinvar HAMAS siyosiy byurosining yangi rahbari bo‘ldi
Iyul oyi oxirida Tehronda o‘ldirilgan Ismoil Haniyaning o‘rniga Yahyo Sinvar HAMAS siyosiy byurosining yangi rahbari bo‘ladi. Isroil hukumati uni HAMASning 7-oktabrdagi hujumlariga boshchilik qilganlardan deb biladi.
Click “O‘zing zo‘rsan-da” manifestini taqdim etdi
Click vakillari kompaniya va uning xodimlarini o‘z yechimlarini yaratishga ilhomlantiradigan narsalar bilan o‘rtoqlashdi.
Parijda qirg‘izistonlik bokschiga sekundantlik qilgan o‘zbekistonlik “Chingiz Aytmatov” medali bilan taqdirlandi
Parijdagi Olimpiya o‘yinlarida qirg‘izistonlik bokschiga sekundantlik qilgan o‘zbekistonlik murabbiy taqdirlandi. Akmal Hasanovga bu ishi uchun qo‘shni mamlakatning xalqaro jamoat birlashmasi tomonidan “Chingiz Aytmatov” medali berildi.
Uy qamog‘idagi ayrim shaxslar elektron braslet orqali nazorat qilinadi
O‘zbekistonda ozodlikni cheklash tarzidagi jazoni o‘tash davrida jamoat tartibini buzish bilan bog‘liq huquqbuzarliklar uchun ma’muriy javobgarlikka tortilgan probatsiya nazoratidagi shaxsga nisbatan elektron braslet qo‘llaniladi.
O‘zbekistonlik ikki kurashchi bronza medallari uchun bellashadi (video)
O‘zbekistonlik yunon-rum kurashchilari Aram Vardanyan va Rustam Assakalov o‘tish bahslarida raqiblarini mag‘lubiyatga uchratib, bronza medallari uchun kurashish imkoniyatini qo‘lga kiritdi (video, foto).
To‘rtta tumanga yangi hokimlar tayinlandi
Mazkur 4 ta tumanga yangi hokimlar tayinlandi: Taxiatosh — Kamiljan Aytbayev, Mingbuloq — Axror Mansurov, Furqat — Elyorbek Asronkulov, Toshkent tumani — Sardorbek Ergashev.
Xon ismli Turon yo‘lbarsi O‘zbekistonda o‘tadigan futzal bo‘yicha JCH timsoli bo‘ldi
FIFA Xon ismli Turon yo‘lbarsi O‘zbekiston mezbonlik qiladigan futzal bo‘yicha Jahon chempionati rasmiy timsoli bo‘lganini e’lon qildi.
90 ming dollar pora bilan ushlangan Kogon tumani prokurori 15 yilga qamaldi
Kogon tumani prokurori Bahodir G‘ulomov 200 ming dollar pora talab qilib, 90 ming dollar olayotganida qo‘lga tushgandi. Sud hukmi bilan unga 15 yil muddatga ozodlikdan mahrum qilish jazosi tayinlandi. Shuningdek, uning sheriklari ham uzoq muddatga ozodlikdan mahrum qilindi.
Qo‘shimcha imkoniyatlardan foydalanish uchun saytda ro‘yxatdan o‘ting