O‘zbekiston va BAA 2030-yilga borib tovar ayirboshlash hajmini 10 barobarga oshirishni kelishib oldi
Shavkat Mirziyoyev va BAA prezidenti Shayx Muhammad Ol Nahayon 2025−2027-yillarni O‘zbekiston va BAA o‘rtasidagi iqtisodiy hamkorlikning yangi davri deb e’lon qildi. Bunda 2030-yilga qadar o‘zaro savdo hajmini 10 barobarga ko‘paytirish asosiy vazifa etib belgilandi.
Andijon tumanining sudlangan sobiq hokimi Abdujabbor Egamberdiyev yana rahbar bo‘ldi
Abdujabbor Egamberdiyev Kasaba uyushmalari federatsiyasi Andijon viloyati kengashi raisi bo‘ldi. U 2022-yilda prezident buyrug‘i bilan “davlat xizmatchisi etikasiga nomunosib harakatlari” uchun Andijon tumani hokimligidan olingandi. Sud unga axloq tuzatish ishlari jazosini tayinlab, so‘ng shartli ozod qilgan.
Hamma uchun kutilmagan voqea bo‘ldi — Temur Kapadze Abduqodir Husanovning “Manchester Siti”ga transferi haqida
O‘zbekiston olimpiya terma jamoasi murabbiyi Temur Kapadze Qozog‘iston nashriga qisqa intervyu berib, Abduqodir Husanov transferi, Qozog‘iston va O‘zbekiston futboli haqida gapirdi. “Shunday nomdor klub va murabbiy Husanovni taklif qilgani uchun futbolchimizdan juda xursandmiz va faxrlanamiz”, — dedi u.
UzAuto Motors 16-yanvar kuni Cobalt Midnight uchun shartnomalar beradi
UzAuto Motors 16-yanvar kuni soat 10:00 dan boshlab Chevrolet Cobalt Midnight avtomobili uchun kontraktatsiyani ochadi. Kompaniya avvalgi shartnomalar bo‘yicha to‘lovi vaqtida amalga oshirilmagan avtomobillarga qayta shartnoma tuzadi.
O‘zbekistonda o‘g‘itlar xavfsizligiga doir talablar o‘zgardi
Organik va organik-mineral o‘g‘itlar xavfsizligi to‘g‘risida texnik reglament yangi tahrirda tasdiqlandi. U organik va organik-mineral o‘g‘itlarning xavfsizligiga, ularning ishlab chiqarishga, tashishga, saqlashga, yo‘q qilishga, qayta ishlashga hamda sotishga qo‘yiladigan talablarni belgilaydi.
Dekabrda aholi eng ko‘p go‘sht, sut va benzin narxi oshganini sezdi
Dekabr oyida aholi tomonidan sezilgan inflyatsiya darajasi o‘tgan oyga nisbatan tezlashib, 14,7 foizni tashkil etdi. Bu 2023-fevralidan buyon eng yuqori ko‘rsatkich. Oy davomida aholiga eng ko‘p go‘sht, sut, benzin, elektr energiyasi va tabiiy gaz narxi oshgani sezildi.
Qashqadaryo viloyatida 3,9 magnitudali zilzila sodir bo‘ldi
Qashqadaryo viloyati Dehqonobod tumanida 3,9 magnitudali yer silkinishi qayd etildi. Zilzila epitsentri Toshkentdan 363 km uzoqda joylashgan.
Oqdaryo suv omborida yoriqlar paydo bo‘lgani haqida yolg‘on axborot tarqatganlar jarimaga tortildi
Tarmoqlarda Samarqand viloyatidagi Oqdaryo suv omborida yoriqlar paydo bo‘lgani haqida video paydo bo‘ldi. Aslida joriy ta’mirlash ishlari aks etgan videoni 2 kishi yolg‘on izoh bilan tarqatgani aniqlandi. Ularning har biriga 7,5 mln so‘mdan jarima jazosi tayinlandi.
Avazjon Karimov O‘zbekiston chim ustida xokkey federatsiyasi raisi etib saylandi
Avazjon Karimov O‘zbekiston chim ustida xokkey federatsiyasi raisi bo‘ldi. U kelgusida mamlakatda mazkur sport rivojini yanada oshirish yo‘lida bor kuchini ishga solishini bildirdi.
Toshkent viloyatidagi postda 700 dan ortiq bug‘u shohini noqonuniy olib kirmoqchi bo‘lganlar aniqlandi
“G‘ishtko‘prik” chegara bojxona postida ikki holatda 717 dona bug‘u shohini noqonuniy olib kirmoqchi bo‘lgan shaxslar aniqlandi. Ular shohlarni deklaratsiyada yozib ko‘rsatmagan va og‘zaki so‘rovda ham ma’lum qilmagan.
Belarusning O‘zbekistondagi yangi elchisi tayinlandi
Belarus sanoat vazirining birinchi o‘rinbosari Aleksandr Ogorodnikov 2018-yildan buyon ishlab kelgan Leonid Marinich o‘rniga O‘zbekistondagi yangi elchi etib tayinlandi.
“1000 kitob” loyihasi uchun menejerlar ishga olinishi e’lon qilindi
“Yoshlar uchun 1000 kitob” loyihasi 2024-yili 50 ta ilmiy-ommabop kitobni o‘zbekchaga o‘girdi. 2025-yilda badiiy va bolalar adabiyotlari ham tarjima qilinishi rejalashtirilgan. Hozirda loyiha uchun kontent-menejer va tashkiliy-moliyaviy menejer izlanmoqda. Nomzodlarga, jumladan, yuqori maosh taklif qilinadi.
Hududlarda qo‘lbola alkogol mahsulotlari ishlab chiqarayotgan va sotayotganlar ushlandi
Qoraqalpog‘iston va Toshkent viloyatida qo‘lbola alkogol mahsulotlari muomalaga kiritilishining oldi olindi. Xususan, Yangiyo‘l tumanida yashirin sex tashkil etgan fuqaroning uyidan “O‘zbegim” nomli qo‘lbola alkogol mahsulotlari va 120 litr spirt ashyoviy dalil sifatida olindi.
Jasjan nomi bilan tanilgan bloger besh sutkaga qamaldi
Toshkentda Jasjan nomi bilan tanilgan bloger Instagram`ga video olish uchun jamoat joyida bir qiz bilan janjal uyushtirdi. Sud unga 5 sutka ma’muriy qamoq jazosi, qizga esa 375 ming so‘m jarima tayinladi. Bloger avval ham bir necha bor qamoq jazosini o‘tab chiqqan.
Endi joylashgan yeri o‘zgargan tadbirkorlarni qayta ro‘yxatdan o‘tkazganlik uchun davlat boji undirilmaydi
O‘zbekisitonda yuridik shaxslarning joylashgan yeri o‘zgarganda ular qayta davlat ro‘yxatidan o‘tkazganlik uchun davlat bojini to‘lashdan ozod etildi. Shuningdek, sug‘urta qildiruvchilar sug‘urta shartnomalaridan kelib chiqadigan da’volar yuzasidan sudga murojaat qilganda davlat bojini to‘lamaydigan bo‘ldi.
Armaniston va AQSh strategik sheriklik to‘g‘risidagi xartiyani imzoladi
Armaniston va AQSh strategik sheriklik to‘g‘risidagi xartiyani imzoladi. Hujjat doirasida xavfsizlik va mudofaa, iqtisodiyot va demokratiya sohalarida hamkorlikni kengaytiradigan maxsus komissiya tuziladi. Armaniston ISHIDga qarshi koalitsiyaga qo‘shiladi.
Janubiy Koreya prezidenti ikkinchi urinishda hibsga olindi
Tergovchilar ikkinchi urinishda Janubiy Koreyaning hokimiyatdan chetlatilgan prezidenti Yun Sok Yolni isyonchilikda ayblab hibsga oldi. Bu amaldagi, lekin hokimiyatdan chetlatilgan davlat rahbarining qo‘lga olinishidagi ilk holatdir.
BAAning Tadweer Group’i Buxoroda chiqindidan elektr energiyasi oladi
Abu Dabidagi xalqaro sammitda Ekologiya vazirligi va BAAning Tadweer Group kompaniyasi o‘rtasida Buxoroda 10 ga maydonda chiqindi yoqish zavodi qurish va elektr energiyasi olish bo‘yicha shartnoma imzolandi. 200 mln dollarlik loyiha qurilishi bu yil boshlanadi va 21 ming xonadonni elektr bilan ta’minlaydi.
Turkiyada 6 nafar o‘zbekistonlik spirtli ichimlikdan zaharlanib halok bo‘ldi
Turkiyaning Istanbul shahrida 35−40 yosh atrofidagi 6 nafar O‘zbekiston fuqarosi qalbaki spirtli ichimlik iste’moli oqibatida zaharlandi va vafot etdi. Bosh konsulxona mamlakatdagi o‘zbekistonliklarga murojaat qildi.
O‘zbekiston va BAA birga “quruq” portlar qurishi mumkin
Prezident Abu Dabida BAAning yetakchi kompaniyalari delegatsiyalari bilan uchrashdi. Tomonlar infratuzilma, shaharsozlik, energetika, transport, logistika sohalarida hamkorlikni muhokama qildi. Nodir metallarni o‘zlashtirish, “quruq” portlar qurish, ta’lim va tibbiyot loyihalari bo‘yicha kelishuvlarga erishildi.
Qo‘shimcha imkoniyatlardan foydalanish uchun saytda ro‘yxatdan o‘ting