“Barchamiz — qaysi sohada ishlamaylik, Vatan himoyachisi bo‘lishimiz zarur” — Shavkat Mirziyoyev
Shavkat Mirziyoyev Vatan himoyachilari kuni munosabati bilan tabrik yo‘lladi. “Bugungi kunda barchamiz — qaysi soha, qanday lavozimda ishlamaylik, Vatan himoyachisi bo‘lishimiz zarur. Bu talabni davrning o‘zi oldimizga qat’iy vazifa qilib qo‘ymoqda va xalqimiz ham bizdan aynan shuni kutmoqda”, deyiladi tabrikda.
Agar saylovda g‘alaba qozonmaganida, Trampni hokimiyatni ushlab qolishga urinishda ayblashlari mumkin edi — maxsus prokuror
2020-yilda hokimiyatni ushlab qolishga urinish bo‘yicha AQSh saylangan prezidenti Donald Trampga qarshi dalillar sudda ayblov hukmi chiqarish uchun yetarli bo‘lardi, deyiladi tergovni olib borgan maxsus prokuror hisobotida. U, shuningdek, Kapitoliyga bostirib kirish uchun javobgarlikni Trampga yukladi.
“Mintaqamiz uran va strategik xomashyolarga boy. Hamkorlarga barcha sharoitlarni yaratib berishga tayyormiz” — O‘zbekiston prezidenti
Prezident O‘zbekiston Markaziy Osiyoda “yashil” energetika bo‘yicha qo‘shma loyihalardan manfaatdor ekanini ta’kidladi. “Mintaqamiz ulkan uran va o‘ta muhim strategik xomashyo zaxiralariga boy. Bu yo‘nalishda har bir xorijiy hamkorimizga barcha qulay shart-sharoitlarni yaratib berishga tayyormiz”, — dedi u.
Deputatlar O‘zbekistonda bukmekerlik va qimor o‘yinlarini qonuniylashtirish bo‘yicha tuzatishlarni qabul qildi
Deputatlar O‘zbekistonda bukmekerlik faoliyatini qonuniylashtirish to‘g‘risidagi qonunni qabul qildi. Deputat Ilhom Abdullayev qimor o‘yinlarini reklama qilish bo‘yicha cheklovlar belgilanmaguncha bukmekerlar faoliyatiga ruxsat bermaslik kerakligini ta’kidladi.
Samarqandda yerusti metrosi qurilishi mumkin
Samarqand shahrida 6 km uzunlikdagi yerusti metrosi qurilishi rejalashtirilmoqda. Metro yangi quriladigan “Shirin” zamonaviy ishbilarmonlik markazi hududida bo‘ladi.
Tadbirkorlar uchun bepul onlayn kurslar jamlangan “Kichik biznes akademiyasi” platformasi ishga tushdi
O‘zbekistonda tadbirkorlar uchun bepul kurslarga ega onlayn platforma — “Kichik biznes akademiyasi” ishga tushdi. Dastlabki uchta kursdan biznesni “kulrang” dan “oq rang”ga o‘tkazish, restoranni rivojlantirish va ijtimoiy tarmoqlarda do‘konni targ‘ib qilishni o‘rganish mumkin.
O‘zbekistonda qonuniy taksi bozori salkam 6 trln so‘mgacha o‘sdi
2024-yilda O‘zbekistonda taksi bozorining hajmi 5,89 trln so‘mga yetdi. Bir qatnov uchun o‘rtacha to‘lov 18 456 so‘mni tashkil qildi. Yil davomida deyarli 320 mln sayohat amalga oshirilgan bo‘lib, ularning 23,7 foizi karta orqali to‘langan. Yo‘lovchilar asosan Nexia, Cobalt, Lacetti avtomobillarida tashilmoqda.
“AQSh global raqobatda g‘alaba qozonmoqda”. Bayden o‘z tashqi siyosatining yakunlarini sarhisob qildi
So‘nggi to‘rt yil ichida AQSh va uning ittifoqchilari kuchliroq bo‘ldi, mamlakat raqiblari esa zaiflashdi, dedi prezident Jo Bayden o‘z ma’muriyatining tashqi siyosatini sarhisob qilar ekan. “Ayni paytda Qo‘shma Shtatlar global raqobatda g‘olib kelmoqda”, — dedi u.
Salim Abduvaliyev sport kurashlari assotsiatsiyasi rahbarligidan ketdi
Sport kurashlari assotsiatsiyasiga rahbarlik qilib kelgan Salim Abduvaliyev lavozimdan ketdi. Bosh prokuror Nig‘matilla Yo‘ldoshev assotsiatsiya raisi etib saylandi.
Samarqand shahri, Samarqand va Oqdaryo tumanlari chegaralari o‘zgartirilmoqda
Qonunchilik palatasi deputatlari Samarqand shahri, Samarqand va Oqdaryo tumanlari chegaralarini o‘zgartirish to‘g‘risidagi qonun loyihasini qabul qildi.
Prezident “Abu-Dabi barqaror rivojlanish haftaligi” sammitining ochilishida ishtirok etdi
Shavkat Mirziyoyev “Abu-Dabi barqaror rivojlanish haftaligi” sammitining ochilish marosimida ishtirok etdi. Tadbir kun tartibidan “yashil” iqtisodiyotda innovatsiyalarni joriy etish, energetika va oziq-ovqat xavfsizligi bo‘yicha hamkorlikni mustahkamlash masalalari o‘rin olgan.
Toshkentdagi prezident maktabi Zayed Sustainability Prize mukofotining “Global o‘rta maktablar” nominatsiyasida g‘olib bo‘ldi
Toshkentdagi prezident maktabi yomg‘ir suvini kundalik foydalanish uchun qayta ishlash loyihasi bilan Zayed Sustainability Prize mukofotining “Global o‘rta maktablar” nominatsiyasida g‘olib bo‘ldi. Loyihani amalga oshirish uchun pul mukofoti — 150 ming dollar. G‘oliblarni Shavkat Mirziyoyev ham tabrikladi.
O‘zbekiston va BAA o‘rtasida 15 ta yangi hujjat imzolandi
O‘zbekiston hamda BAA rasmiylari va tadbirkorlari o‘rtasida yangi shartnoma va bitimlar imzolandi. Jetex kompaniyasi bilan hamkorlikda qurilayotgan “Toshkent-Sharqiy” aeroportida VIP va CIP mijozlarga xizmat ko‘rsatish, shuningdek, aerotaksi va VIP taksi xizmatlarini joriy etish loyihasi shular jumlasidandir.
Moskvada rossiyalik generalning o‘ldirilishi ishida 2 yangi figurant paydo bo‘ldi (asosiy ayblanuvchi — o‘zbekistonlik)
Rossiyalik general Igor Kirillovni o‘ldirish ishi bo‘yicha ikki kishi qo‘lga olindi, ular Ingushetiyada tug‘ilgan. Hibsga olinganlar asosiy ayblanuvchi — o‘zbekistonlik Ahmad Qurbonov uchun Moskva viloyatida uy ijaraga olganlikda gumonlanmoqda.
Qatar Isroil va HAMASga sulh bitimi loyihasini taqdim etdi
Qatar bir yildan ortiq davom etayotgan muzokaralardan so‘ng Isroil va HAMASga G‘azo sektori bo‘yicha sulh bitimi loyihasini taqdim etdi, deb yozmoqda Reuters. Qatar tomonlarga o‘t ochishni to‘xtatish va garovga olinganlarni ozod qilish to‘g‘risidagi bitim matnini yetkazgan.
O‘zbekistonda 500 nafar rahbar shaxslarning korrupsiyaga moyilligi darajasi baholanadi
Rahbar kadrlarni baholash markazida 500 nafar rahbarlik lavozimlarda ishlayotganlarning korrupsiyaga moyilligi darajasi baholanishi rejalashtirilgan. Bundan tashqari, BMT Korrupsiyaga qarshi konvensiyasi, xalqaro tashkilotlar tomonidan bildirilgan tavsiyalarni bajarilishi monitoring qilinadi.
Xavfli mahsulotlar va kimyoviy moddalar importi ustidan nazorat kuchaytiriladi
Hukumat qarori bilan O‘zbekiston hududida xavfli mahsulotlar va kimyoviy moddalar muomalasi bilan bog‘liq nazorat yanada kuchaytirilishi belgilanmoqda. Hujjat bilan respublikaga import qilinishi taqiqlangan xavfli mahsulotlar va chiqindilar ro‘yxati tasdiqlandi.
Mobiuz “Cheksiz muloqot yarim narxda” aksiyasini taqdim etmoqda
Xotirjam tariflariga ulanganlar 3 oy davomida abonent to‘loviga 50%, shuningdek, chiroyli raqamlarga chegirmalar oladi.
2024-yilda Toshkent aholisining Xalq nazorati’ga murojaatlarining asosiy qismi UJKXga doir bo‘ldi
Xalq nazorati xizmati 2024-yildagi faoliyati natijalarini taqdim etdi. Toshkent aholisi o‘tgan yilgidan 1,5 karra ko‘p murojaat yubordi, 89,6 foizi ko‘rib chiqildi va yopildi. Aksariyati kommunal xo‘jaligi muammolari bilan bog‘liq, 20 foizi daraxt kesish va chiqindi, 10 foizga yaqini yo‘l va trotuar holatiga oid.
Namangan va Andijonda jami 3 mlrd so‘mlik elektr energiyasidan noqonuniy foydalanilgani aniqlandi
Namanganning Chust tumanida tadbirkorlar o‘zboshimchalik bilan tarmoqqa ulanish orqali 2,1 mlrd so‘mlik elektrdan noqonuniy foydalandi. Andijon shahrida ta’lim muassasasi 892 mln so‘m zarar yetkazdi. Ikki holat yuzasidan jinoyat ishlari qo‘zg‘atildi.
Qo‘shimcha imkoniyatlardan foydalanish uchun saytda ro‘yxatdan o‘ting