Humo Air loukosteri Toshkentdan viloyatlarga parvozlarni boshladi
Humo Air aviakompaniyasi o‘zining ilk A320 samolyotida Toshkentdan Nukus, Qarshi, Samarqand va Urganchga ilk parvozlarini amalga oshirdi. Chiptalar 159,5 ming so‘mdan boshlanadi (oldinroq xaridda, bagajsiz). Shiori “Odamlar uchadi” bo‘lgan kompaniya kelasi yil xorijga ham reyslarni yo‘lga qo‘yishni rejalashtirmoqda.
Kuvayt amiri 86 yoshida vafot etdi
2020-yildan buyon Kuvayt amiri bo‘lib kelgan Navaf al-Ahmad al-Jobir as-Saboh 86 yoshida vafot etdi. Noyabr oxirida u sog‘lig‘i bilan favqulodda yuzaga kelgan muammo tufayli kasalxonaga yotqizilgan.
Samarqandda elektr energiyasidan noqonuniy foydalanib, davlatga 1,8 mlrd so‘m zarar keltirgan ferma aniqlandi
Pastdarg‘om tumanida 1,8 mlrd so‘mlik elektr energiyasidan noqonuniy foydalangan fermer xo‘jaligi aniqlandi. Fermer nasos stansiyasining elektr hisoblagichi sxemasini buzib, tokdan foydalangan.
Samarqandda ko‘zi ko‘kargan holda bog‘chaga kelgan bolani otasi kaltaklamagani aniqlandi
Tarmoqlarda kichik yoshdagi bolaning bog‘chaga yuzi va ko‘zlari jarohatlangan holda kelgani va buni otasi qilganini aytgan video tarqalgandi. Bolalar ombudsmani voqea Urgut tumanida sodir bo‘lgani va bola chorva mollarning orqasidan yugurishi oqibatida yiqilib tushganini ma’lum qildi.
Rossiya O‘zbekistonga neft yetkazib berish hajmini oshirmoqchi
Rossiya O‘zbekistonga neft va neft mahsulotlari eksportini oshirish imkoniyatlarini o‘rganmoqda, dedi mamlakat sanoat va savdo vaziri Denis Manturov. Uning so‘zlariga ko‘ra, respublikada olib borilgan geologiya-qidiruv ishlari natijalari yangi gaz konlarining ochilishi imkonini beradi.
O‘zbekistonda bolalar tashkilotini tuzish taklif etilmoqda
“Kamalak” bolalar tashkiloti negizida O‘zbekiston bolalar tashkilotini tuzish reja qilinmoqda. Bu bolalarning qobiliyat va iqtidorlarini rivojlantirishga, shuningdek, ularni qo‘llab-quvvatlashga hissa qo‘shishi kerak. Davlat rahbariga o‘tayotgan yilda yoshlar qanday qo‘llab-quvvatlangani bo‘yicha ma’lumot berildi.
Samarqandliklar Saida Mirziyoyevaga tunnel qurilishini to‘xtatishda yordam so‘rab murojaat qildi
Samarqand shahrining Gagarin va Rudakiy ko‘chalarida yashovchi aholi va tadbirkorlar mahalliy hokimiyatdan munosabat kutmasdan, tunnel qurilishini to‘xtatishga yordam berishni so‘rab, prezident yordamchisi Saida Mirziyoyevaga murojaat yo‘lladi.
Nima tayyorlaymiz: Pechenyelar
Dolchinli, pishloqli yoki bodomli qumoq pechenye, brauni, “Qahva donalari”, “Shekerpare” va boshqalar — Zira.uz turli xil shirin pechenyelar retseptlari ro‘yxatini taqdim etadi.
Senat 2024-yil uchun davlat budjeti to‘g‘risidagi qonunni ko‘rib chiqadi
Senatning 48-yalpi majlisi 18-dekabrda o‘tkaziladi. Unda 2024-yil uchun davlat budjeti to‘g‘risidagi va boshqa qonunlar muhokama qilinadi. Shuningdek, Ekologiya vazirligi tomonidan iqlim o‘zgarishining oldini olishda qilinayotgan ishlar yuzasidan vazirlik axboroti eshitiladi.
Ikki viloyatda qor ko‘chishi xavfi e’lon qilindi
Toshkent va Namangan viloyatlarining tog‘li hududlarida 16−18-dekabr kunlari qor ko‘chishi mumkin.
Smart Ecosystem muvaffaqiyatli sotuvlar uchun mahsulot taqdim etdi
Bir necha yillar davomida Smart Ecosystem tadbirkorlarga biznesni sodda, tez va oson yuritish imkonini beruvchi yechimlarni taklif etib kelmoqda.
Xorazmdagi bog‘chada bolalarni tayoq bilan urib, tepib mashg‘ulot o‘tgan tarbiyachilar ishdan olindi
Tarmoqlarda Urganchdagi bog‘chada tarbiyachilar bolalarni tepib, tayoq bilan urgan holda mashg‘ulot o‘tgani aks etgan video tarqaldi. Viloyat Maktabgacha ta’lim boshqarmasiga ko‘ra, voqea ortidan 2 xodim ishdan olindi.
Davlat mulkini ijaraga berish tartibi belgilandi
Vazirlar Mahkamasi qarori bilan Davlat mulkini ijaraga berish tartibi to‘g‘risidagi nizom tasdiqlandi. Nizomga ko‘ra, davlat mulkini ijaraga berish jarayoni har qanday jismoniy va yuridik shaxs tashabbusi asosida boshlanishi mumkin.
Ukraina va Moldovani Yevroittifoqqa qabul qilish bo‘yicha muzokaralar boshlanadi
Yevropa yetakchilari Ukraina va Moldova bilan Yevropa Ittifoqiga a’zolik bo‘yicha muzokaralarni boshlashga qaror qildi. Gruziya Yevropa Ittifoqiga kirish uchun nomzod davlat maqomini oldi. Ittifoqqa Ukraina qo‘shilishiga avval qarshi chiqqan Vengriya bu qarorga to‘sqinlik qilmadi.
Andijonda yuklar ustini davlat bayrog‘i bilan yopib harakatlangan haydovchi jarimaga tortildi
Shahrixon tumanida avtomashinadagi yuklar ustini to‘sish uchun davlat bayrog‘idan foydalangan haydovchi 1 mln so‘mdan oshiqroq jarimaga tortildi.
Dam olish kunlari Toshkentda qayerlarga borish mumkin? (16−17-dekabr)
“Vonka” va yana beshta kinopremyera, muzdagi shou, ko‘rgazmalar, spektakllar, “Sahna” stendap klubidagi yumoristik tadbirlar, Fashion show, ijodiy mahorat darslari, do’konlardagi chegirmalar va dam olish kunlaridagi boshqa qiziqarli tadbirlar — Afisha.uz jamlanmasida.
Gaz to‘ldirish shoxobchalariga qo‘yilgan cheklovlar yumshatildi — “Hududgazta’minot”
“Hududgazta’minot” kompaniyasi O‘zbekistonda gaz to‘ldirish shoxobchalari uchun kiritilgan cheklovlar yumshatilganini ma’lum qildi. AGTKSHlar “mahalliy hokimliklar tomonidan tasdiqlangan reja-grafik asosida” ishini tiklaydi.
Marg‘ilonda Tahoe Tico bilan to‘qnashishi oqibatida ikki kishi jarohatlandi
Marg‘ilon shahrida qarama-qarshi yo‘nalishga chiqib harakatlangan Tahoe o‘z yo‘nalishida kelayotgan Tico bilan to‘qnashdi. Hodisa oqibatida ikki kishi jarohatlandi.
Yaponiya O‘zbekistonning ikki kompaniyasiga qarshi sanksiyalar kiritdi
O‘zbekistonning ikki kompaniyasi — Alfa Beta Creative va GFK Logistic Asia Yaponiyaning sanksiyalar ro‘yxatiga kiritildi. Avvalroq ularga qarshi AQSh va Yevropa Ittifoqi ham sanksiya qo‘llagandi.
Eron hukumati O‘zbekiston fuqarolari uchun viza rejimini bekor qilishni ma’qulladi
Eron hukumati 33 ta davlat, jumladan, O‘zbekiston fuqarolari uchun bir tomonlama viza talablarini bekor qilish haqidagi qarorni ratifikatsiya qildi. Mamlakat turizm vaziri bu qaror Eron haqidagi salbiy propaganda va eronofobiyaga chek qo‘yishini bildirdi.
Qo‘shimcha imkoniyatlardan foydalanish uchun saytda ro‘yxatdan o‘ting