Qrim ko‘prigida portlash sodir bo‘ldi
Qrim ko‘prigida portlash sodir bo‘ldi va unda harakatlanish vaqtincha to‘xtatildi. Rasmiy ma’lumotlarga ko‘ra, voqea oqibatida ikki kishi halok bo‘lgan, bir nafar bola yaralangan.
Banklarda dollarning sotuv kursi 11 630−11 640 so‘m etib belgilandi
Tijorat banklari 17-iyul kuni aholidan 1 AQSh dollarini 11 520−11 580 so‘mdan sotib olmoqda, sotuv kursi esa 11 630−11 640 so‘m.
O‘zbekistonlik yengil atletikachilar OCHni 4 ta medal bilan yakunladi
O‘zbekistonlik yengil atletikachilar Tailandda o‘tkazilgan Osiyo chempionatini 4 ta medal — 1 ta oltin, 2 ta kumush va 1 ta bronza bilan yakunladi.
Farg‘onada to‘rt erkak bir ayolni do‘pposlab, zo‘rlagani aytilmoqda
Beshariq tumanida to‘rt erkak oilali, ikki farzandi bor ayolni zo‘rlagani aytilgan video tarmoqlarda tarqaldi. Farg‘ona viloyati IIB holat to‘rt oy oldin sodir bo‘lganini ma’lum qildi. Gumonlanuvchilar ushlangan.
Buxoroda brakoner ekologiya inspektoriga o‘q uzdi
Qorovulbozor tumanida reyd o‘tkazayotgan tuman Ekologiya bo‘limi boshlig‘i Mirali Hojiyev xizmat vaqtida yaralandi. Unga hududda noqonuniy ov qilayotgan brakoner o‘q uzdi. Hozirda inspektorning ahvoli yaxshi, brakonerlar ushlanib, tergovga qadar tekshiruv harakatlari olib borilmoqda.
Qo‘qonda birinchi “Turkiy tilli yoshlar xalqaro festivali” bo‘lib o‘tdi
11−15-iyul kunlari Qo‘qonda birinchi “Turkiy tilli yoshlar xalqaro festivali” o‘tkazildi. Unda Ozarbayjon, Turkiya, Qirg‘iziston va Qozog‘istondan yoshlar qatnashdi. Festival doirasida sport musobaqalari, mahorat darslari, B2B uchrashuvlar, davra suhbatlari va diqqatga sazovor joylarga sayohatlar tashkil etildi.
Jizzaxda Lacetti va Cobalt to‘qnashishi oqibatida haydovchilar vafot etdi
Jizzax viloyatining Sharof Rashidov tumanida Lacetti va Cobalt to‘qnashishi oqibatida ikki haydovchi voqea joyida halok bo‘ldi. Mashinalarda bo‘lgan 3 nafar yo‘lovchi shifoxonaning jonlantirish bo‘limiga yotqizildi.
“Kimgadir tegishli tizimni moliyalashtirish degan talqin noo‘rin”. Poytaxt hokimligi — “Paxtakor”ga 7 mlrd co‘m ajratilishi haqida
Toshkent shahar hokimi qarori bilan “Paxtakor” futbol klubiga poytaxt budjetidan 7 mlrd so‘m ajratish belgilandi. Qaror jamoatchilik noroziligiga uchradi. Shundan so‘ng hokimlik qaror bo‘yicha izoh berdi.
Novvoy, naqqosh, go‘sht kesuvchi. 18 yoshga to‘lmaganlar faoliyati taqiqlangan ishlar ro‘yxati tasdiqlandi
Vazirlar Mahkamasi qarori bilan 18 yoshga to‘lmagan shaxslarning mehnati taqiqlangan ishlar ro‘yxati tasdiqlandi. Ro‘yxatda novvoy, xamir qoruvchi, muzqaymoq tayyorlovchi, tibbiy mahsulotlarini taxlovchi kabi ishlar o‘rin olgan.
Respublikaning 4 ta viloyatida “103 Med-data” avtomatlashtirilgan boshqaruv tizimi joriy etildi
“Tez yordam”ning Andijon, Samarqand, Jizzax va Surxondaryo filialida “103 Med-data” avtomatlashtirilgan boshqaruv tizimi joriy etildi. Tizim tez yordam mashinalarini boshqarishni monitoring qilish, dispetcherlik xizmatini real vaqtda boshqarish, ma’lumotnoma hamda hisobotlarni avtomatik yaratish imkonini beradi.
Surxondaryoda g‘alladan bo‘shagan maydonlar yoqib yuborilishi sabab jami 106 mln so‘mlik zarar yetkazildi
Qumqo‘rg‘on tumanida bir qancha fermer xo‘jaliklari g‘alladan bo‘shagan yer maydonlarini yoqib yuborgani aniqlandi. Buning oqibatida tuproq unumdorligiga jami 106 mln so‘mlik zarar yetkazilgan. Yetkazilgan zarar huquqbuzarlardan undirilishi qayd etildi.
Yaponamama Samarqandda ikkinchi filialini ochmoqda
16-iyul sanasida Yaponamama pan-osiyo restoranining 17-filiali ochilish marosimi bo‘lib o‘tadi. Marosimda mehmonlarni shou-dasturlar va bepul sushi-rollarning tarqatilishi kutilmoqda.
Rossiyadagi eri bilan janjallashishi oqibatida farzandlarini kaltaklagan ayolga nisbatan jinoiy ish ochildi
Samarqand viloyatida 27 yoshli ayol Rossiyada ishlovchi eri bilan janjallashishi oqibatida ikki nafar voyaga yetmagan qiz farzandlarini kaltaklab, uni tasvirga olib, eriga jo‘natgan. Unga nisbatan jinoiy ish ochildi.
Nima tayyorlaymiz: Baqlajondan taom va salatlar
Baqlajondan tayyorlangan kotletlar, pashtet, gazak, salat, baqlajon chips va boshqalar — Zira.uz baqlajondan turli noodatiy taomlarni tayyorlab ko‘rdi. Mazali yegulik va salatlarning retsepti bilan tanishing.
AP: Rossiya minglab ukrainalik tinch aholini qamoqxonalar tarmog‘ida saqlamoqda
Minglab Ukraina fuqarolar Rossiya Ukraina tomonidan bosib olingan hududlardagi rasmiy va norasmiy qamoqxonalarda saqlanmoqda. Ular qiynoqqa solinib, qul sifatida mehnatga majburlanmoqda, deyiladi Associated Press surishtiruvida.
SSV Nurafshondagi tug‘uruqxonada homilador ayolning o‘limi yuzasidan ma’lumot berdi
SSV Nurafshon shahridagi tug‘uruqxonada homilador ayol chaqalog‘i bilan vafot etgani yuzasidan ma’lumot berdi. Unga ko‘ra, ayol muassasaga o‘ta og‘ir ahvolga keltirilgan va “sepsis. I-II darajali septik shok” tashxisi qo‘yilgan. Biroq olib borilgan jadal reanimatsion terapiyaga qaramay, ayol vafot etgan.
14-iyul kuni O‘zbekistonda sodir bo‘lgan eng muhim voqealar dayjesti
Pezident sifatida qasamyod qilgan Shavkat Mirziyoyev, uning inauguratsiya marosimidagi nutqi va rejalari, yana boshlanadigan “Tashabbusli budjet”, ish haqini natura shaklida to‘lash tartibi, Toshkentdagi Bo‘zsuv kanaliga 18 ta korxona kimyoviy moddalar oqizib kelgani va boshqalar — “Gazeta.uz”ning kun dayjestida.
O‘zbekiston para atletlari jahon chempionatida uchta medalni qo‘lga kiritdi
Parijda yengil atletika bo‘yicha o‘tkazilgan jahon chempionatida O‘zbekiston paralimpiya terma jamoasi 3 ta — 2 ta oltin va 1 ta bronza medalini qo‘lga kiritdi. Shu tariqa, paraatletchilar 2024-yilgi yozgi Paralimpiya o‘yinlariga to‘g‘ridan-to‘g‘ri litsenziya olishdi.
O‘zgidromet Toshkent kanallaridagi suv sifatini tekshirdi
Toshkent kanallari va uning atrofidagi suv omborlaridan olingan namunalar eng ko‘p ifloslangan suv Salar kanali, eng tozasi esa Anhor kanali va Chorvoqda ekanini ko‘rsatdi. Bular 12-iyuldagi bir kunlik ma’lumotlar, umuman olganda, O‘zgidromet muntazam ravishda tahlillar o‘tkazib turadi.
Barbara Ouklini fanlarni oson o‘zlashtirish haqida asari o‘zbek tiliga tarjima qilindi
AQShlik professor Barbara Ouklining “Raqamlar uchun yaralgan idrok. Matematika va tabiiy fanlarni qanday qoyillatsa bo‘ladi” kitobi o‘zbek tiliga o‘girilib, “Xalq banki” bilan hamkorlikda chop etildi.
Qo‘shimcha imkoniyatlardan foydalanish uchun saytda ro‘yxatdan o‘ting