Salkam 3 yilda 30 kishi qimmatbaho metallar qazib olish chog‘ida vafot etgan — Senat qo‘mitasi
Senat qo‘mitasi yig‘ilishida salkam 3 yilda 30 kishi qimmatbaho metallar qazib olish jarayonida vafot etgani ma’lum qilindi. Bunga xavfsizlik talablariga rioya etilmagani sabab bo‘lgan. Toshkent, Namangan, Jizzax, Navoiy, Buxoro va Samarqand viloyatlarida noqonuniy qazib olish holatlari ko‘paymoqda.
Huquq-tartibot idoralari xodimlari faoliyatiga oid tasvirlarni “obro‘sizlantirish” maqsadida e’lon qilganlarga jazo berish taklif etildi
Ichki ishlar vazirligi huquq-tartibot idoralari xodimlarining faoliyatiga oid foto va videolarini “obro‘sizlantirish maqsadida” internetda e’lon qilganlik uchun jarima va 15 sutkagacha qamoq jazosini joriy etishni taklif qilmoqda. Deputat Doniyor G‘aniyev bunday tuzatishga qarshi chiqdi.
Siyosiy omillarga bog‘lash noto‘g‘ri deb o‘ylayman, bu tijoriy munosabat — Energetika vaziri Rossiyadan gaz importi haqida
Energetika vaziri Jo‘rabek Mirzamahmudov O‘zbekiston Turkmanistondan gaz import qilish bilan parallel ravishda uzoqroqda bo‘lgan Rossiyadan ham gaz import qilayotgani haqida gapirib, masalaning siyosiy oqibatlariga izoh berdi. “Siyosiy omillarga bog‘lash noto‘g‘ri deb o‘ylayman, bu tijoriy munosabatlar”, dedi u.
To‘rtta viloyatda qattiq maishiy chiqindi xizmatlari uchun yangi tariflar belgilandi
Toshkent, Samarqand, Farg‘ona va Andijon viloyatlarida qattiq maishiy chiqindilar bo‘yicha xizmatlar uchun 3500 so‘mdan 5000 so‘mgacha bo‘lgan miqdordagi yangi to‘lov tariflari belgilandi. Respublikaning boshqa hududlarida ham yangi tariflarni joriy etish rejalashtirilmoqda.
Farg‘onada 4 ta avtomobil ishtirokida YTH sodir bo‘ldi
Buvayda tumanidan o‘tuvchi Toshkent-O‘sh avtomobil yo‘lida Cobalt, Nexia-2, Tico va Hyundai Porter avtomobillari to‘qnashdi. Voqeaga haydovchilarning qalin tuman tushgan vaqtda oraliq masofani saqlay olmagani sabab bo‘ldi, ulardan biri shifoxonaga murojaat qildi.
Raqobat qo‘mitasi rahbari ishdan olindi
Raqobatni rivojlantirish va iste’molchilar huquqlarini himoya qilish qo‘mitasi raisi Shaxrux Sharaxmetov boshqa ishga o‘tishi munosabati bilan lavozimidan ozod etildi.
Toshkentdagi maktab o‘quvchisining o‘limiga elektr toki urishi sabab bo‘lgan bo‘lishi mumkin — Bosh prokuratura
Sud tibbiy ekspertizasining dastlabki xulosasiga ko‘ra, Toshkent shahridagi 99-maktabda o‘qigan 8-sinf o‘quvchisining o‘limiga elektr toki urishi sabab bo‘lgan. Avvalroq Maktab boshqarmasi o‘quvchi elektr tokidan jarohat olmaganini ma’lum qilgandi, bir muddat o‘tib, xabarning bu qismi o‘chirib tashlandi.
Qoidabuzar haydovchilarga jarima ballarini yozish tizimini joriy etish bo‘yicha qonun loyihasi qabul qilindi
Deputatlar qoidabuzarlik sodir etganlik uchun jarima ballari joriy etish belgilangan qonun loyihasini birinchi o‘qishda qabul qilishdi. Ushbu norma bilan jarima ballari 1 yilda 12 balldan oshsa haydovchi haydovchilik guvohnomasidan mahrum qilinadi. Tizim aslida 2022-yil 1-dekabrda ishga tushishi kerak edi.
Atrofni ifloslantirgan korxona va tashkilotlar faoliyatini vaqtincha to‘xtatish taklif etildi
Qonunchilik palatasi qabul qilgan qonun loyihasiga ko‘ra, atrof tabiiy muhitni normativdan ortiq darajada ifloslantiruvchi korxonalar, tashkilotlar, inshootlar va boshqa obyektlar faoliyati o‘n ish kunidan ko‘p bo‘lmagan muddatga cheklanadi hamda to‘xtatib turiladi.
Toshkentda 8-sinf o‘quvchisi vafot etdi
Tarmoqlarda Mirzo Ulug‘bek tumanidagi 99-maktab o‘quvchisi tok urishi oqibatida vafot etgani haqida xabarlar tarqaldi. Maktab boshqarmasi buni rad etib, o‘quvchi maktabda hushini yo‘qotgani va ko‘rsatilgan yordamga qaramay, kardiologiya markazida vafot etganini bildirdi.
Elektr kabelidagi tutashuv sabab “Kosmonavtlar” metro bekati yaqinini tutun qopladi (video)
Toshkentdagi “Kosmonavtlar” metro bekatiga yaqin hududni quyuq tutun qopladi. Videolarda tutun yer ostidan chiqayotganini ko‘rish mumkin. Metropoliten va “HET” bunga elektr kabellaridagi qisqa tutashuv sabab bo‘lganini ma’lum qildi.
Davlat OTMlarida qishki ta’til 25-dekabrdan boshlanadi
O‘zbekistonda OTM talabalari, professional ta’lim muassasalari va akademik litsey o‘quvchilariga qishki ta’til 25-dekabrda boshlanib, 2024-yil 7-yanvarigacha davom etadi. Vazirlik bu tartib faqat davlat ta’lim muassasalariga tegishliligi, nodavlat ta’lim tashkilotlari uchun esa tavsiyaviy ekanini bildirdi.
PhD va DSc ilmiy darajasini olish uchun dissertatsiya himoyasi internet orqali jonli efirga uzatiladi
Prezident farmoni bilan falsafa doktori (PhD) va fan doktori (DSc) ilmiy darajasini olish uchun ilmiy kengash tomonidan o‘tkaziladigan dissertatsiya himoyasini, Prezident, ijod va ixtisoslashtirilgan maktablarga kirish imtihonlarini internet orqali jonli efirga uzatish belgilandi.
Shahrisabz shahriga yangi hokim tayinlandi
Sherzod Bo‘riyev Shahrisabz shahriga hokim etib tayinlandi. U bunga qadar Davlat aktivlarini boshqarish agentligining viloyat boshqarmasi boshlig‘i lavozimida ishlagan.
Ochiq e’lon qilinishi kerak bo‘lgan ijtimoiy ahamiyatga molik ma’lumotlar ro‘yxati keygaytirildi
Prezident farmoni bilan Ochiq ma’lumotlar sifatida joylashtirilishi kerak bo‘lgan ijtimoiy ahamiyatga molik ma’lumotlar ro‘yxati kengaytirildi. 1-dekabrdan “Haj”ga borish uchun navbatda turganlar, bolalarni “bog‘cha”ga qabul qilish bo‘yicha arizalar navbati va yana 3 turdagi ma’lumotlar ham ochiq e’lon qilinadi.
Bosh prokuratura “Antistrumin” ishi bo‘yicha 3 shifokor ayol hibsga olinganiga munosabat bildirdi
“Antistrumin” preparati bilan bog‘liq jinoiy ish doirasida 3 nafar shifokor ayolning hibsga olingani haqidagi ma’lumotlarning tarqatilishi tergovning xolis va obyektiv o‘tkazilishiga to‘sqinlik qilmoqda, deya xabar berdi Bosh prokuratura.
Yangi Zelandiya 2008-yildan keyin tug‘ilganlarga chekishni taqiqlash bo‘yicha qonundan voz kechdi
Yangi Zelandiyada 2008-yildan keyin tug‘ilganlarga sigaret sotishni taqiqlash bo‘yicha qonun bekor qilindi. Hukumat buni soliqlarni kamaytirish maqsadida qilingani bilan izohladi.
Yaponiya Nukus tumani tibbiyot birlashmasiga UTT apparati sovg‘a qildi
Yaponiya hukumati Qoraqalpog‘istonning Nukus tumani tibbiyot birlashmasiga qariyb 100 ming dollarlik ultratovush tekshiruvi apparati sovg‘a qildi.
Toshkent hayvonot bog‘iga jirafa va zebralar olib kelindi (video)
Toshkent hayvonot bog‘iga Janubiy Afrikadan 3 ta zebra, 3 ta jirafa bolasi, oq Bengal yo‘lbarsi va oq sher olib kelindi. 2022-yilning avgust oyida u yerdagi Alatau laqabli jirafa nobud bo‘lgandi.
“Antistrumin” ishi bo‘yicha uch shifokor ayol qamoqqa olindi. Vrachlar assotsiatsiyasi prezidentga murojaat yo‘lladi
Namanganda uch nafar tibbiyot xodimi bolalarning yoddan zaharlanishi bilan bog‘liq ish bo‘yicha ehtiyot chorasi sifatida qamoqqa olindi. Vrachlar assotsiatsiyasi ehtiyot chorasini yengilrog‘iga o‘zgartirishni so‘rab, prezidentga xat yo‘lladi.
Qo‘shimcha imkoniyatlarga ega bulish uchun saytda ro‘yxatdan o‘ting