Samarqand va Andijonda 4 kg giyohvand moddalarini saqlaganlikda gumonlangan shaxslar ushlandi
Huquq-tartibot organlari xodimlari Samarqandda 1,4 kg opiy va 1,7 kg gashish, Andijonda esa salkam 1 kg gashish giyohvand moddasini saqlaganlikda gumonlangan shaxslarni qo‘lga oldi. Ularga nisbatan jinoyat ishlari qo‘zg‘atildi.
Tanzila Narbayeva to‘rtta vazirlikka ayollar masalasi bo‘yicha qat’iy talablar qo‘ydi
Senat raisi Tanzila Narbayeva to‘rtta vazirlik, Xotin-qizlar qo‘mitasi va Mahalla agentligiga ayollar masalasi bo‘yicha qat’iy talablar qo‘ydi. U mas’ul rahbarlardan zo‘ravonlik qurboni bo‘lganlar, muhojir ayollar va jazoni o‘tab qaytgan ayollarga ko‘mak berish bo‘yicha alohida dasturlar ishlab chiqishni so‘radi.
«Konstitutsiyani shoshilmasdan ishlab chiqishimiz kerak». Prezident — konstitutsiyaviy islohotlar haqida
Shavkat Mirziyoyev Oliy Majlisga murojaatnomasida «Yangi O‘zbekistonga mos bo‘lgan Konstitutsiyani har tomonlama o‘ylab, shoshilmasdan ishlab chiqish kerak»ligini ta’kidladi.
Prezident Samarqand va Namangan shaharlarini respublika bo‘ysunuviga o‘tkazishni taklif qildi
Shavkat Mirziyoyev 20 dekabr kuni parlament va xalqqa yo‘llagan murojaatnomasida Samarqand va Namangan shaharlari alohida ma’muriy-hududiy birliklar sifatida respublika bo‘ysunuviga o‘tkazilishini taklif qildi. Ularni rivojlantirish dasturi Vazirlar Mahkamasida tasdiqlanishi belgilandi.
«Qaysi vazir o‘z ishini eplay olmasa, iste’foga chiqadi» — prezident
Shavkat Mirziyoyev bundan buyon o‘ziga yuklatilgan vazifalarni bajara olmagan vazir iste’foga chiqishini ma’lum qildi. Uning so‘zlariga ko‘ra, vazirlar har yil boshida jamoatchilik oldida sohadagi rejasi va yil yakuni bilan esa uning natijasi bo‘yicha hisobot beradi.
Vazirlik va idoralar soni 61 tadan 28 tagacha kamaytiriladi — prezident
Shavkat Mirziyoyev Oliy Majlisga yo‘llagan Murojaatnomasida hukumat ish uslubi ham tubdan o‘zgarishini aytdi. Prezident ma’lum qilinishicha, vazirlik va idoralar soni hozirgi 61 tadan 28 tagacha kamaytiriladi, davlat xizmatchilari soni bosqichma-bosqich 25−30 foizga qisqaradi.
“Qoraqalpog‘iston tashvishi — butun O‘zbekiston tashvishi” — Shavkat Mirziyoyev
Prezident xalqqa murojaatida Nukus voqealariga ham to‘xtalib o‘tdi. “Bizning ezgu maqsadimiz — birgalikdagi mehnatimiz bilan Yangi O‘zbekistonda har tomonlama rivojlangan, obod va farovon Yangi Qoraqalpog‘istonni bunyod etishdir”, — deya ta’kidladi Shavkat Mirziyoyev.
O‘zbekiston YAIM hajmi ilk bor 80 mlrd dollardan oshdi — Shavkat Mirziyoyev
Shavkat Mirziyoyev Oliy Majlisga murojaatnomasida yalpi ichki mahsulot hajmi ilk bor 80 mlrd dollardan oshganini ma’lum qildi. «Bu kabi raqamlar, bunday natijalar ilgari bizda bo‘lmagan edi. Bu ham xalqimizning birdamligi, xalqimizning mehnatsevarligi natijasida erishildi», — dedi prezident.
O‘zbekistonda 2023 yil «Insonga e’tibor va sifatli ta’lim yili» deb e’lon qilindi
Prezident Mirziyoyevning aytishicha, yilga nom tanlash uchun aholidan tushgan «20 mingga yaqin taklif» muhokama qilingan. «Juda ko‘p o‘ylandik», dedi u. Davlat rahbari 2023 yilga berilgan nomni izohlarkan, Yusuf Xos Hojibdan iqtibos keltirdi: «Zakovat bor joyda ulug‘lik, bilim bor joyda buyuklik bo‘ladi».
Surxondaryoda Nexia`lar ishtirokidagi YTHda ikki kishi vafot etdi
Surxondaryo viloyatida Nexia va Nexia-3 o‘zaro to‘qnashib ketdi. Oqibatda ikki nafar fuqaro vafot etdi. Hodisa svetofor ishlamayotgan chorrahada yuz berdi.
UzAuto Trailer korxonasi 561 mlrd so‘m evaziga xususiylashtirildi
Tegishli xususiylashtirish dasturlariga muvofiq, UzAuto Trailer korxonasi ustav fondidagi 100 foiz davlat ulushi 561,1 mlrd so‘m evaziga Tataristonning «Ximgrad» texnopolis sanoat parkiga sotildi. Korxonani mustaqil baholash ishlari PricewaterhouseCoopers tomonidan amalga oshirildi.
Onkologiya markazi ham savdodan olib tashlandi
Onkologiya markazining poytaxt va Toshkent viloyati filiallari sotuvdan olib tashlangandi. Davlat aktivlarini boshqarish agentligi ma’lum qilishicha, markazning o‘zi ham savdodan olib tashlangan.
O‘zbekiston prezidentining parlamentga murojaati soat 11:00 da boshlanadi
O‘zbekiston prezidentining parlamentga murojaati soat 11:00 dan boshlab davlat va xususiy telekanallar, radio va internet orqali jonli efirda namoyish etiladi (kanallar ro‘yxati).
Aksar banklarda dollarning sotish kursi 25 so‘mga ko‘tarildi
Tijorat banklari 20 dekabr kuni aholidan 1 AQSh dollarini 11 250 — 11 300 so‘mdan sotib olmoqda, sotish kursi esa aksar banklarda 11 345 so‘m.
O‘zbekistonda elektromobillar ishlab chiqarish davlat tomonidan qo‘llab-quvvatlanadi
O‘zbekiston prezidenti elektromobillar ishlab chiqarishni davlat tomonidan qo‘llab-quvvatlash to‘g‘risidagi qarorni imzoladi. Xaridorlarga mahalliy elektromobillarni xarid qilishda kredit foizlarining bir qismi qoplanadi. Shuningdek, davlat idoralari va hokimliklar uchun elektromobillar xarid qilinadi.
19 dekabr kuni O‘zbekistonda sodir bo‘lgan eng muhim xabarlar dayjesti
2023 yilda davlat qarzi $32,6 mlrd bo‘lishi prognozi, O‘zbekistonga keladigan Qozog‘iston prezidenti, Markaziy Osiyoning Rossiyaga bo‘lgan qaramligini yumshatishga yordam berishini aytgan YeI, yangi Ekopartiya rahbari, hafta o‘rtasida qor, oqlangan qatag‘on qurbonlari va boshqalar — «Gazeta.uz»ning kun dayjestida.
173 nafar qatag‘on qurbonlari nomlari oqlandi (ro‘yxat)
Oliy sud 4 ta jinoyat ishi bo‘yicha surgun qilingan, otilgan va mol-mulki musodara qilingan 173 nafar qatag‘on qurbonlari nomini oqladi. Ularning aksariyati Qoraqalpog‘iston Respublikasi, Surxondaryo va Samarqand viloyatlarida yashagan. Bir nafari esa Eron fuqarosi bo‘lib, u SSRI hududidan deportatsiya qilingan.
Ikki yil ichida O‘zbekistonda elektromobillar uchun 2400 ta quvvatlanish stansiyasi paydo bo‘ladi
2024 yildan boshlab barcha yangi savdo, ko‘ngilochar va biznes markazlari, yoqilg‘i quyish shoxobchalari, mehmonxonalar va avtomobil yo‘llar bo‘yidagi infratuzilmalarda majburiy tartibda elektromobillarni quvvatlantirish stansiyalari joylashtiriladi. Ikki yil ichida 2400 ta stansiya quriladi.
Toshkent hokimligi davlat ekspertizasidan o‘tmagan yangi uylardan kvartira sotib olishdan ogohlantirdi
Toshkent hokimligi aholini davlat ekspertizasidan o‘tmagan yangi uylardan kvartira sotib olishdan ogohlantirdi. Poytaxt ma’muriyati shahar markazida qurilishi rejalashtirilgan DahO majmuasidagi kvartiralar davlat ekspertizasidan o‘tkazmasdan sotuvga qo‘yilganini ma’lum qildi.
2023-yilda soliq siyosatida qanday o‘zgarishlar bo‘lishi kutilmoqda?
2023 yildan boshlab tadbirkorlar uchun QQS stavkasi 15 foizdan 12 foizga tushirilishi natijasida ular ixtiyorida qo‘shimcha 13 trln so‘m aylanma mablag‘ qolishi rejalashtirilmoqda. Shuningdek, 1 apreldan boshlab budjet mablag‘lari hisobidan ko‘rsatiladigan xizmatlar bo‘yicha QQS imtiyozlari bekor qilinadi.
Qo‘shimcha imkoniyatlardan foydalanish uchun saytda ro‘yxatdan o‘ting