Qashqadaryoda tuman tibbiyot birlashmasi boshlig‘i pora bilan ushlangani aytilmoqda
Qarshi tuman tibbiyot birlashmasi boshlig‘i pora bilan ushlangani aytilmoqda. U fuqaroni ishga kiritib qo‘yish evaziga 500 dollar olayotgan vaqtda qo‘lga olindi. Holat yuzasidan jinoyat ishi qo‘zg‘atildi.
Dam olish kunlari kam bulutli iliq ob-havo bo‘lishi kutilmoqda
Dam olish kunlari respublikaning barcha hududlarida quruq va asosan kam bulutli ob-havo bo‘lishi kutilmoqda. Kechasi va ertalab ayrim joylarga tuman tushishi mumkin. Yakshanba kuni esa mamlakat hududidan sovuq havo chekina boshlaydi va kunduz kuni havo +7…+10 daraja, janubda +11…+13 darajagacha iliydi.
Afg‘oniston oliy ta’lim vaziri nima sababdan OTMlarda ayollar o‘qishi taqiqlanganini aytdi
Afg‘oniston Oliy ta’lim vaziri ayollarning OTMga erkak hamrohsiz kelgani, hijob masalasi, aralash dars o‘tilgani va «islomga zid» fakultetda o‘qigani uchun ularga ta’qiq qo‘yilganini aytdi. Vazir bu haqda xalqaro hamjamiyatning fiklariga nisbatan mamlakatning ichki ishlariga aralashmaslikni so‘radi.
Banklarda dollarning sotish kursi 11 280 so‘mgacha tushdi
Tijorat banklari 23 dekabr kuni aholidan 1 AQSh dollarini 11 170 — 11 270 so‘mdan sotib olmoqda, sotish kursi esa aksar banklarda 11 280 so‘m.
Panorama Airways Toshkent-Urganch-Toshkent yo‘nalishi bo‘yicha birinchi yo‘lovchi reysini amalga oshirdi
22 dekabr kuni Panorama Airways kompaniyasi 144 yo‘lovchidan iborat havo kemasida Toshkent-Urganch-Toshkent yo‘nalishi bo‘yicha ilk aviaqatnovni amalga oshirdi. Aviakompaniyaning navbatdagi parvozi 23 dekabr kuni Toshkent — Moskva yo‘nalishi bo‘yicha amalga oshirilishi rejalashtirilgan.
Andijonda uy yonib ketishi oqibatida 3 nafar bola halok bo‘ldi
Andijonda xonadon yonib ketishi oqibatida uy egasining 3 nafar voyaga yetmagan farzandi halok bo‘ldi. Hozirda yong‘in sababi va zarari aniqlanmoqda.
Qeshm Air aviakompaniyasi O‘zbekistonga muntazam parvozlarni yo‘lga qo‘ydi
Eronning Qeshm Air kompaniyasi O‘zbekistonga muntazam aviareyslarni yo‘lga qo‘ydi. Parvozlar haftada bir marta — payshanba kunlari amalga oshiriladi. Bu bo‘yicha kelishuvga Eron prezidentining sentabr oyida O‘zbekistonga rasmiy tashrifi chog‘ida erishilgan edi.
Jizzaxdagi bozorda o‘rnatilgan archa yonib ketdi
Jizzax shahridagi Markaziy dehqon bozori hududida archa yonib ketdi. Yong‘inga bezak sifatida o‘rnatilayotgan chiroqlar sabab bo‘lgani aytilmoqda. Voqeada fuqarolarning kuyish tan jarohati olish va halok bo‘lish holatlari qayd etilmadi.
Toshkentda shaxsiy mashina ko‘payib ketdi — Po‘lat Bobojonov
Ichki ishlar vaziri Po‘lat Bobojonov poytaxtda shaxsiy mashinalar ko‘payib ketganini, ertalab ishga borishda va kechqurun qaytishda «tirbandliklar sabab umuman yurib bo‘lmay qolganini» aytdi. «O‘zining mashinasidan ko‘ra, jamoat transportida tezroq boraman deb bilsa, tirbandliklar ham kamayadi», — dedi u.
22 dekabr kuni O‘zbekistonda sodir bo‘lgan eng muhim xabarlar dayjesti
1000 so‘mlik tangalar, O‘zbekistonning asosiy savdo sherigiga aylangan Rossiya, savdosi to‘xtatilgan «Dok-1 Maks» dorisi, O‘zbekiston va Qozog‘iston prezidentlarining uchrashuvi tafsilotlari, 2023 yil uchun davlat budjeti, jasadi hammomdan topilgan ayol va boshqalar — «Gazeta.uz»ning kun dayjestida.
Toshkent Moskvadan sobiq Ittifoq davrida qatag‘on qilinganlarning jinoyat ishlarini talab qilib oladi — Oliy sud
173 nafar qatag‘on qurboni oqlangani haqida yozgandik. Oliy sud raisi o‘rinbosari Ikrom Muslimovning aytishicha, bu «O‘zbekiston xalqini sobiq Ittifoqqa nisbatan bo‘ysundirish maqsadida qilingan xatti-harakatlardir». Toshkent Moskvadan boshqa qatag‘on qilinganlarning ham jinoyat ishlarini talab qilib oladi.
Rossiya Xitoyni ortda qoldirib, O‘zbekistonning asosiy savdo sherigiga aylandi
Noyabrda Rossiya Xitoyni ortda qoldirib, O‘zbekistonning asosiy tashqi savdo hamkoriga aylandi. O‘zbekiston yetti oy ichida ilk bor oltin eksportini yo‘lga qo‘yib, bir oy ichida 556,7 mln dollarlik qimmatbaho metall sotdi. Mamlakat MDH davlatlari eksport bozorlariga tobora ko‘proq qaram bo‘lib bormoqda.
«Dok-1 Maks» dori vositasini sotish to‘xtatildi
Ijtimoiy tarmoqlarda Samarqand viloyatida 2 oy ichida «Dok-1 Maks» (Hindiston) tabletkalari va siropini ichgan 21 nafar bolada asoratlar yuzaga kelgani, 15 nafar bola vafot etgani haqida xabar paydo bo‘ldi. Dori savdosi to‘xtatildi, tergov boshlandi.
O‘zbekiston va Qozog‘iston prezidentlari ittifoqchilik shartnomasini imzoladi
O‘zbekiston va Qozog‘iston rahbarlari ittifoqchilik munosabatlari to‘g‘risidagi shartnoma va chegarani demarkatsiya qilish to‘g‘risidagi shartnomani imzoladi. Bundan tashqari, hamkorlikni yanada chuqurlashtirishga qaratilgan 15 ta hujjat qabul qilindi.
O‘zbekiston va Qozog‘iston energetika loyihalarida hamkorlik qiladi
Toshkentdagi muzokaralarda O‘zbekiston va Qozog‘iston prezidentlari energetika obyektlarini modernizatsiya qilish va qurish, geologiya-qidiruv hamda tabiiy gazni chuqur qayta ishlash loyihalarini ilgari surish, shuningdek, transport infratuzilmasini kengaytirish loyihalarini jadallashtirishga kelishib oldi.
2023-yil uchun davlat budjeti: Asosiy ko‘rsatkichlar
Moliya vazirligi 2023-yilgi davlat budjetini taqdim etdi. Hujjat jamoatchilik muhokamasiga qo‘yilmadi. Unda YAIM 5,3%ga o‘sishi, inflyatsiya darajasi esa 9,5% atrofida bo‘lishi rejalashtirilmoqda. Davlat budjeti taqchilligi chegarasi YAIMga nisbatan 3% miqdorida belgilandi.
Tezkor va tanqidlarsiz. Deputatlar 2023 yil uchun davlat budjetini qanday qabul qildi?
Qonunchilik palatasi 2023 yilgi davlat budjetini 3 soatdan kam vaqt ichida (3 o‘qishda) muhokama qildi va tasdiqladi. Qonun loyihasining o‘zi salkam bir hafta oldin quyi palataga kiritilgandi va jamoatchilik muhokamasiga ham taqdim etilmagandi. Hujjat deyarli bir ovozdan, tanqidlarsiz qabul qilindi.
Ostona shahrida Alisher Navoiy haykali o‘rnatiladi
Ostona shahri markazida buyuk o‘zbek shoiri, davlat arbobi Alisher Navoiy haykali o‘rnatiladi. Bu haqda qaror O‘zbekiston va Qozog‘iston prezidentlari o‘tkazgan uchrashuvda qabul qilindi.
Toshkent aeroportiga yangi direktor tayinlandi
Islom Karimov nomidagi Toshkent xalqaro aeroportiga Shukurjon Gaipov direktor vazifasini bajaruvchi etib tayinlandi. U 2018 yildan hozirgacha «Toshkent-1» hukumat terminali rahbari lavozimida ishlab kelgan.
Toshkentda qurilish maydoniga aylantirilishiga aholi qarshi chiqqan yashil hudud saqlab qolinadi
Toshkent shahar hokimligi Mirzo Ulug‘bek tumanidagi yashil hudud saqlab qolinishini ma’lum qildi. Qurilish haqidagi qaror aholi noroziligi sabab emas, daraxt kesishga moratoriy kiritilgani va tadbirkor belgilangan muddatda qurilishni boshlamagani uchun bekor qilingan.
Qo‘shimcha imkoniyatlardan foydalanish uchun saytda ro‘yxatdan o‘ting