O‘zbekiston futzalchilari jahon chempionatini mag‘lubiyat bilan boshladi
Futzal bo‘yicha O‘zbekiston milliy terma jamoasi Litvada bo‘lib o‘tayotgan jahon chempionatidagi o‘yinlarini Gvatemala bilan uchrashuvdagi mag‘lubiyat bilan boshladi.
O‘zbekiston AQShdan Pfizer/BioNTech vaksinasini qabul qildi
Dushanba kuni 1 mln 200 ming dozadan ortiq Pfizer/BioNTech vaksinasi AQShdan beg‘araz ko‘mak sifatida Toshkentga olib kelindi. YUNISEF umumiy hajmi 3064 litr bo‘lgan 8 ta muzlatgich sotib oldi, bu vaksinaning butun hajmini -70 daraja haroratda saqlash uchun yetarli.
«Masofaviy elektron deklaratsiyalash» bojxona postlari tashkil etiladi
Prezident farmoni bilan 1 oktabrdan boshlab Toshkent, Sirdaryo, Qashqadaryo va Xorazm viloyatlarida «Masofaviy elektron deklaratsiyalash» bojxona postlari tashkil etiladi. 2022 yil 1 apreldan boshqa hududlarda yo‘lga qo‘yilishi ko‘zda tutilgan. Shuningdek, farmonga asosan hududlardagi 6 ta bojxona postlari tugatiladi.
O‘zbekiston harbiylari SHHT davlatlari o‘rtasidagi «Mirnaya missiya» mashg‘ulotlarida ishtirok etmoqda
O‘zbekiston harbiylari Rossiyaning Orenburg viloyatidagi Shanxay hamkorlik tashkiloti davlatlari o‘rtasida o‘tkaziladigan «Mirnaya missiya — 2021» o‘quv shtab mashg‘ulotlarida ishtirok etmoqda.
Shavkat Mirziyoyev Dushanbeda SHHT sammitida ishtirok etadi
Prezident Shavkat Mirziyoyev 16−17 sentabr kunlari Dushanbeda bo‘lib o‘tadigan SHHT sammitida ishtirok etadi hamda Tojikiston, Rossiya, Pokiston, Eron rahbarlari bilan uchrashadi. Yig‘ilish yakunida SHHTga raislik Tojikistondan O‘zbekistonga o‘tadi.
Hafta davomida havo kam bulutli va quruq bo‘ladi
Haftaning oxirigacha respublika hududi bo‘yicha kam bulutli va quruq ob-havo saqlanib turadi. Havo harorati seshanba kuni +29…+34 darajadan hafta oxiriga kelib +32…+37 darajagacha ko‘tariladi
12 sentabr kuni O‘zbekistonda 526 kishida koronavirus aniqlandi
Kecha kun davomida O‘zbekistonda 526 kishida koronavirus infeksiya qayd etildi. 6 nafar COVID-19 bemori vafot etdi. Shuningdek, yakshanba kuni 96 kishida pnevmoniya qayd etildi, 1 nafar pnevmoniya bemori vafot etdi.
Ombudsmanga qonunchilik tashabbusi huquqi beriladi
Oliy Majlisning inson huquqlari bo‘yicha vakiliga (ombudsman) qonunchilik tashabbusi huquqi beriladi.
Chilonzorda IIO xodimlari va fuqarolar o‘rtasida janjal sodir bo‘ldi
Toshkentning Chilonzor tumanida YPX xodimlari haydovchiga yo‘l harakati qoidalarini buzganlik to‘g‘risidagi bayonnomani tuzayotganida janjal sodir bo‘ldi. Mazkur holat yuzasidan tergovga qadar tekshiruv olib borilmoqda.
Spot: Toshkentdagi ikkilamchi uy-joy bozorida o‘rtacha narxlar sharhi
Avgust oyida Toshkent shahridagi ikkilamchi bozorda turar joy narxlari har kvadrat metr uchun o‘rtacha 7,5 mln so‘mni tashkil qildi, birlamchi bozorda — 8,4 mln so‘m.
Surxondaryoda YTHdan so‘ng piyodalar yo‘lakchasi tashkil etiladi hamda tezlikni cheklovchi belgilar o‘rnatiladi
Sariosiyo tumanida Matiz avtomashinasi yo‘lni kesib o‘tayotgan 12 yoshli qizni urib yubordi. Oqibatda qiz shifoxonada vafot etdi, Matiz haydovchisi va yo‘lovchisi shifoxonaga yotqizildi. YTH sodir bo‘lgan hududda piyodalar yo‘lakchasi tashkil etish hamda tezlikni cheklovchi belgilar o‘rnatilishi aytildi.
USAID rahbari O‘zbekistonga kelishni rejalashtirmoqda
USAID ma’muri Samanta Pauer O‘zbekistonga tashrif buyurishi haqidagi rejalarini ma’lum qildi. Uning ta’kidlashicha, AQSh prezident Shavkat Mirziyoyevning «Yangi O‘zbekiston» haqidagi qarashlarini olqishlaydi.
Dehli aeroportida ikki o‘zbekistonlik og‘zida 951 gramm oltin yashirib o‘tayotganda ushlandi — India Today
Dehli aeroportida ikki o‘zbekistonlik og‘iz bo‘shlig‘ida tish va metall zanjir ko‘rinishida 951 gramm oltin yashirganlikda ayblanib qo‘lga olindi.
Ombudsmanning joylarda mintaqaviy vakillari faoliyati yo‘lga qo‘yiladi
Barcha hududlarda ombudsmanning mintaqaviy vakillari faoliyati yo‘lga qo‘yiladi. Ular fuqarolardan shikoyatlarni qabul qilib, inson huquqlari monitoringini yuritadi.
Toshkentda telefon sotuvchilari o‘rtasidagi pichoqbozlik natijasida bir kishi vafot etdi
Toshkentdagi «Malika» savdo majmuasida telefon savdosi bilan shug‘ullanuvchi fuqarolar o‘rtasida pichoqbozlik sodir bo‘ldi. Natijada bir kishi vafot etdi, yana bir kishi jarohat olib, shifoxonaga yotqizildi.
Yanvar-iyul holatiga O‘zbekiston tashqi savdo aylanmasi 21,6 mlrd dollarga yetdi
Yanvar-iyul holatiga respublikaning tashqi savdo aylanmasi 2020 yilning mos davriga nisbatan salkam 2 mlrd dollarga yoki 10,1% ga ko‘payib, qariyb 21,6 mlrd dollarni tashkil etdi. Tashqi savdoda 5,3 mlrd dollar qiymatida passiv balans kuzatildi. 20 ta yirik hamkor davlatlar orasidan faqatgina Afg‘oniston, Qirg‘iziston, Tojikiston va Turkiya bilan faol tashqi savdo balansi saqlanib qolgan.
Spot: Kartadan kartaga pul o‘tkazish O‘zbekistonda soliqdan qochish vositasiga aylanmoqda
Spot monitoringida ayrim bozorlarda tadbirkorlar qo‘llarida karta va ishlab turgan terminal bo‘lishiga qarmasdan, to‘lovlarni pul o‘tkazish yo‘li bilan to‘lashni so‘rashayotgani aniqlandi. Nashrning fikricha, p2p-to‘lovlar O‘zbekistonda soliqdan qochish vositasiga aylanmoqda. DSQ rahbari Sherzod Kudbiyev avvalroq buning katta muammo ekanini aytib, fuqarolarni QR-kodli chek bermaydigan sotuvchilardan mahsulotlar sotib olmaslikka chaqirgan edi.
WSJ: Afg‘on uchuvchilari O‘zbekistondan AQShning Doxadagi harbiy bazasiga ko‘chiriladi
AQSh va O‘zbekiston o‘rtasida erishilgan kelishuv doirasida afg‘on uchuvchilari va ularning oilalari Amerikaning Doxadagi harbiy bazasiga ko‘chirilmoqda. Biroq Afg‘onistonning 46 ta harbiy samolyot va vertolyotining taqdiri hozircha noma’lum, deb yozmoqda WSJ.
MDH o‘yinlari. O‘zbekiston delegatsiyasi musobaqani 91 ta medal bilan 2-o‘rinda yakunladi
Qozon shahrida o‘tkazilgan MDH o‘yinlarida O‘zbekiston delegatsiyasi 23 ta oltin, 32 ta kumush va 36 ta bronza jami 91 ta medallariga sazovor bo‘lishdi. Bu mezbon Rossiya jamoasidan so‘ng ikkinchi ko‘rsatkich bo‘ldi.
11 sentabr kuni O‘zbekistonda 594 kishida koronavirus aniqlandi
Kecha kun davomida O‘zbekistonda 594 kishida koronavirus infeksiya qayd etildi. 5 nafar COVID-19 bemori vafot etdi. Shuningdek, shanba kuni 122 kishida pnevmoniya qayd etildi, 1 nafar pnevmoniya bemori vafot etdi.
Qo‘shimcha imkoniyatlarga ega bulish uchun saytda ro‘yxatdan o‘ting