Siyosat
BMT bosh kotibining birinchi o‘rinbosari O‘zbekistonga tashrif buyuradi
Markaziy Osiyoga tashrifi doirasida BMT bosh kotibining birinchi o‘rinbosari Amina Muhammad O‘zbekistonga ham keladi. Senat va Yoshlar ishlari agentligida muzokaralar, shuningdek, O‘zbekistonning lider ayollari bilan uchrashuvlar o‘tkazish rejalashtirilmoqda.
254 ta sport maktabi va 56 ta ixtisoslashtirilgan sport maktabi tashkil etildi
Prezident qarori bilan 254 ta sport maktabi va 56 ta ixtisoslashtirilgan sport maktabi tashkil etildi. 4 yoshdan 30 yoshgacha bo‘lganlar 6 bosqichda saralanadi va professional sportga salohiyati borlargina ixtisoslashtirilgan sport maktabiga qabul qilinadi. Keyingi yildan maktablarga 35 mlrd so‘m ajratiladi.
Paralimpiyachilarning matonat maktabi tashkil etildi
Prezident qarori bilan Paralimpiyachilarning matonat maktabi tashkil etildi. Qolaversa, Abdulla Qodiriy ko‘chasida Paralimpiyachilar bog‘i bunyod etiladi. Metroning yangi bekatlaridan biriga «Paralimpiya harakati» nomi beriladi, 2023 yildan Toshkentda «Paralimpiyachilar matonati» xalqaro forumi o‘tkaziladi.
Botir Parpiyev mahalla vaziri maslahatchisi bo‘ldi
Hukumat qarori bilan Botir Parpiyev mahalla va nuroniylarni qo‘llab-quvvatlash vaziri maslahatchisi etib tayinlandi. Uning lavozimi maqom bo‘yicha vazir o‘rinbosari lavozimiga teng.
Shavkat Mirziyoyev Braziliya prezidentiga hamdardlik yo‘lladi
Shavkat Mirziyoyev Braziliyaning shimoli-sharqiy hududlarida yuz bergan suv toshqinlari oqibatida insonlar halok bo‘lgani munosabati bilan ushbu mamlakat prezidentiga hamdardlik yo‘lladi. Ofat natijasida halok bo‘lganlar soni 128 kishiga yetgan.
Shavkat Mirziyoyev Qozog‘istonni referendum muvaffaqiyatli o‘tgani bilan tabrikladi
O‘zbekiston prezidenti Shavkat Mirziyoyev telefon orqali muloqotda Qozog‘iston prezidenti Qasim-Jomart Toqayevni mamlakat Konstitutsiyasiga o‘zgartirishlar kiritish bo‘yicha referendum muvaffaqiyatli o‘tgani bilan tabrikladi.
Mo‘g‘uliston charter reyslar orqali O‘zbekistonga go‘sht yetkazib berishni taklif qildi
Mo‘g‘uliston O‘zbekistonga go‘sht mahsulotlari eksportini oshirishni taklif qildi. O‘zbekistondan Mo‘g‘ulistonga esa oziq-ovqat va qishloq xo‘jaligi mahsulotlari yetkazib berish hajmi oshiriladi. Mamlakatlar o‘rtasidagi savdoni rivojlantirish uchun charter reyslar yo‘lga qo‘yilishi mumkin.
O‘zbekistonda rossiyalik turistdan dron olib qo‘yildi
Rossiyalik turist Polina Yermakova O‘zbekiston chegarasini kesib o‘tganidan bir necha kun o‘tib Toshkentda dron olib kirgani uchun hisbga olingandi. Uning so‘zlariga ko‘ra, bojxona xodimi kvadrokopterni olib kirishga e’tiroz bildirmagan. Sud uni oqladi, biroq dron undan tortib olindi.
Shavkat Mirziyoyev YeXHT raisini qabul qildi
Prezident YeXHT raisi, Polsha tashqi ishlar vaziri Zbignev Rauni qabul qildi. O‘zbekistonning YeXHTning barcha institutlari bilan hamkorligini kuchaytirish, demokratik yangilanishlar, jumladan konstitutsiyaviy islohotni ekspertlik jihatdan qo‘llab-quvvatlashni kengaytirish ustuvor ahamiyatga ega ekani aytildi.
Foto: Shavkat Mirziyoyev va Emomali Rahmon Xorazmga bordi
Tojikiston prezidentining O‘zbekistonga tashrifining ikkinchi kunida Emomali Rahmon va Shavkat Mirziyoyev Xorazm viloyatiga tashrif buyurdi. Davlatlar yetakchilari Urganchdagi qishloq xo‘jaligi texnikalarini ishlab chiqaruvchi qo‘shma korxona faoliyati bilan tanishdi (foto).
«Fuqarolar vaqtlarini davlat bilan o‘zaro aloqaga kirishishga sarflamasligi kerak» — Ruslanbek Davletov
Davlat organlarining 18 turdagi ma’lumotnomalarni so‘rashi bekor qilinishi har yili qariyb 15 mln dollarni tejaydi va 12 mlndan ortiq fuqaroni byurokratiyadan xalos qiladi, dedi adliya vaziri Ruslanbek Davletov Gaagadagi forumda. U O‘zbekistondagi islohotlarning «muvaffaqiyat uchburchagi» haqida gapirdi.
O‘zbekiston va Tojikiston prezidentlari Yavan GES qurilishiga start berdilar
Prezident Shavkat Mirziyoyev va prezident Emomali Rahmon Zarafshon daryosida Yavan 140 MVt quvvatli GES qurilishiga start berdilar.
O‘zbekiston va Tojikiston prezidentlarining tor doiradagi muzokaralari bo‘lib o‘tdi
Tor doiradagi muzokaralarda O‘zbekiston va Tojikiston prezidentlari mamlakatlar o‘rtasidagi tovar ayirboshlash hajmini oshirish va sanoat kooperatsiyasini mustahkamlash, logistika va tranzit salohiyatini rivojlantirish, shuningdek, suv-energetika loyihalarini amalga oshirishga tayyor ekanliklarini bildirdilar.
Emomali Rahmon O‘zbekistonga keldi
Tojikiston prezidenti Emomali Rahmon O‘zbekistonga rasmiy tashrif bilan keldi. Uni Toshkent xalqaro aeroportida prezident Shavkat Mirziyoyev kutib oldi.
Nizoli holatda YPX xodimini tasvirga olishni hech kim taqiqlamoqchi emas — Alisher Qodirov
«Milliy tiklanish» partiyasi yetakchisi Alisher Qodirov fraksiya a’zolari YPX xodimini suratga olishni taqiqlovchi qonun loyihasini boshqa normalar borligi uchun ham qo‘llab-quvvatlaganini ma’lum qildi. Uning so‘zlariga ko‘ra, nizoli holatda YPX xodimini tasvirga olishni hech kim taqiqlamoqchi emas. Partiya deputatlari esa mazkur normani qonundan chiqarib yuborish kerakligini, ichki ishlar xodimlari qasddan fuqarolarni aybdor qilishga uringanida o‘zini himoya qilish uchun ham videoga olish zarurligini ta’kidlashdi.
Senat bolalar uchun o‘z eshiklarini ochdi
Xalqaro bolalarni himoya qilish kunida Senat bolalar uchun o‘z eshiklarini ochdi. Mehribonlik uylari, ixtisoslashtirilgan maktab-internatlar tarbiyalanuvchilari, iqtidorli bolalar qonunlar qabul qilish jarayoni bilan yaqindan tanishdi.
YeXHT rahbari O‘zbekistonga tashrif buyuradi
YeXHTning amaldagi raisi, Polsha tashqi ishlar vaziri Zbignev Rau O‘zbekistonga tashrif buyuradi. U prezident, Tashqi ishlar vazirligi rahbariyati va parlament palatalari rahbarlari bilan uchrashadi.
1 iyuldan elektr energiya va gaz narxini «ijtimoiy norma» asosida oshirish taklif etilmoqda
1 iyuldan elektr energiya va gaz iste’moli uchun narxlarni «ijtimoiy norma» asosida belgilash kutilmoqda. Muhokamaga e’lon qilingan hukumat qarori loyihasiga ko‘ra, amaldagi narxlar oshadi. Shuningdek, belgilangan normadan ko‘proq ishlatganlar har bir qo‘shimcha kVt soat elektr energiya uchun — 2 baravar, har bir qo‘shimcha kub metr gaz uchun esa — 5 baravar miqdorida to‘lov qiladi. Narxlar 2024−2025 yillardan inflyatsiya darajasiga indeksatsiya qilinadi, 2026 yildan esa erkinlashtiriladi.
Emomali Rahmon 2−3 iyun kunlari O‘zbekistonga tashrif buyuradi
Tojikiston prezidenti Emomali Rahmon 2−3 iyun kunlari rasmiy tashrif bilan O‘zbekistonga kelishi kutilmoqda.
Bukmekerlikni bloklash hech qachon yechim bo‘lmaydi — O‘zPFL direktori Diyor Imomxo‘jayev
«Menimcha» ko‘rsatuvida O‘zbekistonda bukmekerlik xizmatiga nega ruxsat berilmaganiga izoh berildi. O‘zPFL direktori Diyor Imomxo‘jayev bukmekerlikni jamoatchilik yaxshi qarshi olmaganligini qayd etdi. Biroq u bukmekerlikni taqiqlash ham muammoga yechim bo‘lmasligini ta’kidlab, sohani nazoratga olish bo‘yicha takliflar kerakligini aytdi. IIV Kiberxavfsizlik markazi boshlig‘i Behzod Mamajonov ham bloklash chora bo‘lmasligiga to‘xtalib, bukmekerlikni reklama qilayotgan aksariyat takshilotlar chet el serverlarida o‘tirishiga e’tibor qaratdi.
Qo‘shimcha imkoniyatlardan foydalanish uchun saytda ro‘yxatdan o‘ting