Siyosat
Maqsuda Vorisova prezidentlik saylovlarida ovoz berdi
Xalq demokratik partiyasidan nomzod Maqsuda Vorisova prezidentlik saylovlarida o‘z ovozini berdi.
Narzullo Oblomurodov prezidentlik saylovlarida ovoz berdi
Ekologiya partiyasidan prezidentlikka nomzod Narzullo Oblomurodov Toshkent shahridagi saylov uchastkasida ovoz berdi.
22 oktabr kuni O‘zbekistonda sodir bo‘lgan eng muhim xabarlar dayjesti
Abdulaziz Kamilovning Rossiya OAVlari uchun o‘tkazgan matbuot anjumani, Nogironlar, Karlar va Ko‘zi ojizlar jamiyatlari Senatga murojaati, farzand asrab olish tartiblarini soddalashtirishga qaratilgan qonunni imzolanishi — “Gazeta.uz"ning 22 oktabrdagi eng muhim xabarlari dayjestida.
AQSh harbiylarini O‘zbekistonga joylashtirishga zarurat yo‘q, Vashingtonda bu haqda bilishadi — TIV
TIV rahbari Abdulaziz Kamilov AQSh harbiylarini O‘zbekistonga joylashtirish imkoniyatlari haqidagi savolga javob berar ekan, O‘zbekiston va AQSh o‘rtasidagi strategik sherikchilik to‘g‘risidagi deklaratsiyasida «o‘zaro munosabatlarimiz chegaralari» belgilab berilganini eslatdi. «Ko‘plab siyosiy maslahatlashuvlarda amerikaliklarga bu narsa O‘zbekiston uchun mutlaqo qabul qilinmasligi yetkazilgan», — dedi vazir.
Toshkent KXSHTga qaytish zaruriyatini ko‘rmayapti — Abdulaziz Kamilov
O‘zbekiston hukumati hozircha KXSHTga qaytish zaruriyatini ko‘rmayapti, aniq tahdidlarni aks ettirish vazifasi bor, deya ma’lum qildi O‘zbekiston tashqi ishlar vaziri Abdulaziz Kamilov. «Biroq hodisalar, vaziyatning qanday rivojlanishini Xudo biladi. Hamkorlik shakllari ham o‘zgarishi mumkin», — deya qo‘shimcha qildi u.
«O‘zbekiston va Rossiya o‘rtasidagi munosabatlar rivojlanish cho‘qqisida» — TIV rahbari
Tashqi ishlar vaziri Abdulaziz Kamilov hozirda O‘zbekiston va Rossiya o‘rtasidagi munosabatlar o‘z rivojlanishining eng yuqori cho‘qqisida ekanligini ta’kidladi. U, shuningdek, O‘zbekistonda rus tili millatlararo muloqot tili bo‘lib qolayotganini, Rossiyada o‘zbek tiliga qiziqish borligi haqida qo‘shimcha qildi. Vazir noyabrda bo‘lishi kutilayotgan O‘zbekiston prezidentining Rossiyaga tashrifi uchun katta hujjatlar to‘plami tayyorlanganligini ma’lum qildi.
«Tolibon mafkurasini O‘zbekistonga olib kirish umuman imkonsiz» — Abdulaziz Kamilov
Tashqi ishlar vaziri Abdulaziz Kamilov O‘zbekiston hukumati mamlakatga toliblar mafkurasining kirib kelishidan xavfsiramasligini ta’kidladi. «Toliblar qandaydir mafkurani eksport qilishni boshlashiga juda ko‘p vaqt talab etiladi», dedi u. Vazir harakat va uning rahbarlarining dunyoqarashi o‘zgarib borishi mumkinligini ham qayd etdi.
Qariyb 422 ming fuqaro saylovda muddatidan oldin ovoz berdi
Markaziy saylov komissiyasi ma’lumotiga ko‘ra, 14−20 oktabr kunlari prezidentlik saylovlarida muddatidan oldin ovoz berish jarayonlarida jami 421 618 nafar fuqaro qatnashdi.
Endi uncha og‘ir bo‘lmagan jinoyatni sodir etganlar ham farzand asrab olishi mumkin
Prezident farzand asrab olish tartiblarini soddalashtirishga qaratilgan qonunni imzoladi. Unga ko‘ra, hayotga, sog‘liqqa qarshi, giyohvandlik va boshqa jinoyatlarni qasddan sodir etganlar bola asrab olishi mumkin emas deb belgilanmoqda. Uncha og‘ir bo‘lmagan jinoyatni sodir etgan va jazo muddatini o‘taganlarga esa farzand asrab olishga ruxsat beriladi. Qolaversa, farzandlikka oluvchi va olinuvchi yoshidagi farq 15 yoshdan kam bo‘lmasligi shart.
«Qonun qabul qilinishini bir necha yillardan beri kutayotgandik». Nogironlar, Karlar va Ko‘zi ojizlar jamiyatlari Senatga murojaat qildi
Nogironlar, Karlar va Ko‘zi ojizlar jamiyatlari senatorlar rad etgan «Ijtimoiy tadbirkorlik to‘g‘risida»gi qonunni ma’qullashni so‘rab, Senatga murojaat qildi. Unda imkoniyati cheklangan shaxslar ushbu qonunni bir necha yildan beri kutayotgani, aslida «boshidan o‘tkazgan» insongina holat qandayligini bilishi ta’kidlangan. Jumladan, so‘nggi 3 yilda Karlar jamiyati korxonalarining daromadi 5 baravargacha tushib ketgani, ulardagi ishchilar soni esa 2000 yildagi 4900 kishidan 2020 yilga kelib 1479 nafarga kamaygani aytilgan.
Senat go‘sht va kartoshka importini QQSdan ozod qilishni ma’qulladi
Senatorlar yil oxirigacha go‘sht mahsulotlari, muzlatilgan baliq, tirik hayvonlar va kartoshka importini QQSdan ozod qilish to‘g‘risidagi qonunni ma’qulladi. Soliq imtiyozlari ortidan budjet 250 mlrd so‘mdan ko‘proq mablag‘ni yo‘qotadi.
Qonun muhokamasi adliya vaziri va senatorlar o‘rtasidagi debatga aylanib ketdi
Senatorlar «Ijtimoiy tadbirkorlik to‘g‘risida»gi qonunning ba’zi normalarini qayta ko‘rib chiqish kerak deb hisoblab, uni qaytardi. Adliya vaziri Ruslanbek Davletov senatorlarning qonunni qabul qilishga qarshi bildirgan har bir argumentini rad etdi va ayrim siyosatchilar «xalqdan kelib chiqayotgan yangi g‘oyalarni tushunmasligini» ta’kidladi. Senat rahbari uzoq davom etgan debatga aralashishga va tomonlarni tinchlantirishga majbur bo‘ldi.
Oliy sud tarkibiga o‘zgartirishlar kiritildi
O‘zbekiston Oliy sudi tarkibiga o‘zgartirishlar kiritildi. Oybek Barakabayev va Doniyorjon Tojiboyev o‘n yil muddatga Oliy sud sudyasi lavozimiga saylandi.
«Biz yoqish uchun shirin gaplarni gapirmoqchi emasmiz» — Alisher Qodirov migrantlarni soliqqa tortish taklifiga izoh berdi
Alisher Qodirov migrantlardan soliq undirish borasidagi taklifi yuzasidan izohlarga munosabat bildirdi. U mamlakat haligacha mehnat resurslarini xorijga eksport qilishga majbur ekanligini ta’kidlab, mehnat migrantlarini bunga tayyorlash kerakligini aytdi. «O‘zbekiston fuqarosi nafaqat o‘zining qorni, balki O‘zbekiston, deb yashashi kerak», — deya ta’kidladi prezidentlikka nomzod.
«Odamlar meni tushunmayotgan paytda g‘alabadan umidvor bo‘lishim mumkinmi?» — Alisher Qodirov
«Milliy tiklanish» partiyasi nomzodi toshkentlik saylovchilar uchrashuvda g‘alabadan umidvor emasligini, biroq, odamlar albatta o‘zgarishini ta’kidladi. «Odamlar meni tushunmayotgan paytda g‘alabadan umidvor bo‘lishim mumkinmi? Afsus bilan aytish kerak, agar odamlar meni tushunmayotgan bo‘lsa menga ovoz bermaydi», — dedi Alisher Qodirov. U saylov kampaniyasi boshida prezident saylovlarida g‘alaba qozonish niyatida ekanligini ma’lum qilgandi.
Prezident o‘zbek tiliga qiziqishni kuchaytirish uchun kuchlarni safarbar etishga chaqirdi
Shavkat Mirziyoyev o‘zbek tili bayrami munosabati bilan tabrigida «Vatanimizda yashayotgan barcha fuqarolarimiz uchun aziz va qadrli tilga aylanishi uchun barcha kuch va imkoniyatlarni safarbar etish»ga chaqirdi. Mamlakatda yashayotgan turli millat vakillari va chet elliklar uchun maxsus darslik, lug‘at va qo‘llanmalar, video va audiomateriallar hajmini oshirish bo‘yicha ishlarni yanada kuchaytirish zarur, dedi u.
20 oktabr kuni O‘zbekistonda sodir bo‘lgan eng muhim xabarlar dayjesti
Yangi qaror qabul qilingan qarorlar, Oliy Majlis Senatining yigirmanchi yalpi majlisi, 1869 yilda qurilgan Xo‘ja Porso jome masjidi buzib tashlanishi — “Gazeta.uz"ning 20 oktabrdagi eng muhim xabarlari dayjestida.
Ismatulla Irgashev Afg‘onistonda toliblar hukumatini tan olish shartlarini ma’lum qildi
O‘zbekiston hozircha toliblar tuzgan afg‘on hukumatini tan olish uchun hech qanday sabab ko‘rmayapti, dedi O‘zbekiston prezidentining Afg‘oniston bo‘yicha maxsus vakili Ismatulla Irgashev. Uning so‘zlariga ko‘ra, bu qaror xalqaro hamjamiyat bilan kelishilgan holda qabul qilinishi kerak.
19 oktabr kuni O‘zbekistonda sodir bo‘lgan eng muhim xabarlar dayjesti
Shavkat Mirziyoyevning Toshkent shahri saylovchilari bilan uchrashuvi, O‘zbekiston muftiysi va Toshkent shahri bosh imom-xatibi tayinlanishi, korrupsiyaga qarshi kurashish bo‘yicha hududiy kengashlarga hokimlar rais bo‘lishi — “Gazeta.uz"ning 19 oktabrdagi eng muhim xabarlari dayjestida.
Korrupsiyaga qarshi kurashish bo‘yicha hududiy kengashlarga hokimlar rais bo‘ldi. Antikorrupsiya agentligi rahbari izoh berdi
Antikorrupsiya agentligi direktori Akmal Buxonov Korrupsiyaga qarshi kurashish bo‘yicha tashkil etilgan hududiy kengashlarga hokimlar rais bo‘lishi borasidagi xabarlarga izoh berdi. «Bu kengashlar korrupsiyaga qarshi kurashuvchi organ emas, kollegial idora hisoblanadi», — dedi u. Uning so‘zlariga ko‘ra, agar hokimlar mahalliy kengash raisligidan ozod qilinsa, unda Hududiy kengash raislari ham o‘zgarishini qo‘shimcha qildi.
Qo‘shimcha imkoniyatlardan foydalanish uchun saytda ro‘yxatdan o‘ting