Siyosat
2021 yilda bepul davolanish orderlari uchun qo‘shimcha 80 mlrd so‘m ajratiladi
2021 yilda respublika ixtisoslashtirilgan tibbiyot markazlarida bepul davolanishga orderlar berish uchun qo‘shimcha 80 mlrd so‘m ajratilmoqda. 1 noyabrga qadar bepul tibbiy yordam olish huquqini beruvchi order berish tizimi joriy etiladi. Ehtiyojmand oilalar «Ijtimoiy himoya yagona reyestri» orqali aniqlanadi.
Toshket shahar IIBB boshlig‘i o‘rinbosari tayinlandi
Polkovnik Ravshan Sultanxodjayev Toshket shahar IIBB boshlig‘i o‘rinbosari — Huquqbuzarliklar profilaktikasi boshqarmasi boshlig‘i bo‘ldi.
Hamshiralik ishi o‘zini o‘zi band qiluvchi faoliyat turiga kiritiladi
Prezident farmoni bilan 1 iyuldan boshlab hamshiralik ishi o‘zini o‘zi band qiluvchi faoliyat turlari ro‘yxatiga kiritiladi. Hamshiralik bilan faqat o‘rta tibbiy yoki oliy ma’lumotga ega SSVning axborot tizimida ro‘yxatdan o‘tgan, qolaversa, belgilangan muddatlarda o‘z malakasini oshirib borganlar shug‘ullanishi mumkin bo‘ladi.
Respublika tibbiyot muassasalari rahbarlari og‘ir sharoitli tumanlarga borib ishlaydi
Prezident farmoniga asosan respublika tibbiyot muassasalari rahbar va mutaxassislari og‘ir sharoitli tumanlarning tibbiyot birlashmalarida shartnoma asosida ishlaydi. Ularning asosiy ish joyidagi oyligi saqlanib qoladi hamda tuman tibbiyot birlashmasidagi lavozimidan ham maosh oladi. Bundan tashqari, oilaviy poliklinikalarga 2021−2022 yillarda 10 mingtadan o‘rta tibbiyot xodimlari shtatlari ajratiladi.
«Maqsadimiz iste’molchiga elektr energiyasini sotib, foyda qilish». ASKUE haqida Data center rahbari bilan intervyu
«Bizning maqsadimiz iste’molchiga elektr energiyasini sotib, foyda qilish», — deydi Elektr energiyasini hisobga olishni avtomatlashtirish markazi direktori Ravshan Mirsalixov «Gazeta.uz» muxbiri bilan suhbatda. U ASKUE hisoblagichi atrofidagi salbiy fikr-mulohazalarga ham to‘xtalib o‘tdi. Qolaversa, yaqin orada elektr energiyasi narxi oshishi va aholi to‘liq tizimga ulangach alohida tariflar joriy etilishi mumkinligi, hududlarda nega ikki xil hisoblagich o‘rnatilayotgani va boshqa savollarga javob berdi.
Jamol Nosirov Buxoro shahar hokimi etib tayinlandi
Xalq deputatlari Buxoro shahar kengashining navbatdan tashqari sessiyasida Jamol Nosirov shahar hokimi lavozimiga tasdiqlandi.
XDP Samarqand viloyat kengashiga O‘zLiDeP deputati rais etib saylangan — OAV
XDP Samarqand viloyat kengashiga O‘zLiDeP deputati rais etib saylanganligi, partiya xodimlari buni sharmandalik deb baholashayotgani aytilmoqda. XDP bergan bayonotga ko‘ra, deputat partiyaning viloyat kengashi rahbari etib saylanishidan oldinroq fevral oyida XDP a’zoligiga qabul qilingan. U O‘zLiDeP a’zoligidan chiqqarilganligi ham ta’kidlanmoqda.
Timur Allayarov transport vazirining turizm va logistikani rivojlantirish bo‘yicha maslahatchisi bo‘ldi
Transport vazirining logistika va turizmni rivojlantirish bo‘yicha maslahatchisi etib Timur Allayarov tayinlandi.
Buxoro viloyati hokimiga yangi o‘rinbosar tayinlandi
Buxoro viloyati hokimining turizm masalalari bo‘yicha o‘rinbosari vazifasida ishlab kelayotgan Botirjon Shaxriyorov Buxoro viloyati hokimining turizm, sport, madaniyat, madaniy meros va ommaviy kommunikatsiyalar masalalari bo‘yicha o‘rinbosari etib tayinlandi.
Emomali Rahmonning yordamchisi Tojikistonning O‘zbekistondagi elchisi bo‘ldi
Tojikiston prezidenti Emomali Rahmonning ijtimoiy rivojlanish va jamoatchilik bilan aloqalar bo‘yicha yordamchisi Abdujabbor Rahmonzoda O‘zbekistondagi Tojikiston elchisi lavozimiga tayinlandi.
Mudofaa vazirligi: Rossiya bilan hamkorlik dasturidan xavotirlanish asossiz
O‘zbekiston Mudofaa vazirligi Rossiya bilan 2025 yilgacha harbiy sohada strategik hamkorlik dasturi imzolanishidan xavotirlanish «mutlaqo asossiz» ekanini ma’lum qildi. Rossiya va boshqa davlatlar bilan hamkorlik «ishonch, tenglik, o‘zaro hurmat va manfaatlarni hisobga olish tamoyillari asosida quriladi».
Saylov kodeksining 11 ta moddasiga o‘zgartish va qo‘shimchalar kiritiladi
Qonunchilik palatasi deputatlari Saylov kodeksiga o‘zgartish va qo‘shimchalar kiritishga oid qonunni qabul qilishdi. Ular yuqori turuvchi saylov komissiyalarining vakolatlari, okrug saylov komissiyasi tarkibi, ovoz berishda ID kartadan foydalanish va boshqa shu kabi o‘zgarishlarni nazarda tutadi.
Xurshidjon Ahmedov Farg‘ona viloyati hokimi o‘rinbosari etib tayinlandi
Xurshidjon Ahmedov Farg‘ona viloyati hokimining turizm, sport, madaniyat, madaniy meros va ommaviy kommunikatsiyalar masalalari bo‘yicha o‘rinbosari lavozimiga tayinlandi.
Xayrullo G‘afforov Qonunchilik palatasi Spikeri o‘rinbosari etib saylandi
Korrupsiyaga qarshi kurashish va sud-huquq masalalari qo‘mitasi a’zosi Xayrullo G‘afforov Oliy Majlis Qonunchilik palatasi Spikeri o‘rinbosari bo‘ldi.
Zuhra Ibragimova Qonunchilik palatasi spikerining o‘rinbosari etib saylandi
Zuhra Ibragimova Oliy Majlis Qonunchilik palatasi spikeri o‘rinbosari, «Adolat» SDP fraksiyasi rahbari etib saylandi.
Namangan viloyati hokimiga yangi o‘rinbosar tayinlandi
Botir Nuriddinov Namangan viloyati hokimining turizm, sport, madaniyat, madaniy meros va ommaviy kommunikatsiyalar masalalari bo‘yicha o‘rinbosari bo‘ldi.
Qibraydagi yangi bog‘ hududi Toshkent tarkibiga o‘tkaziladi — prezident
Qibray tumanidagi yangi bog‘ hududi Toshkent tarkibiga o‘tkaziladi, deya ma’lum qildi Shavkat Mirziyoyev. Uning so‘zlariga ko‘ra, 3−4 yil ichida poytaxtda ulkan qurilish ishlari olib borildi va endilikda buni to‘xtatib, shahar tashqarisiga chiqarish kerak.
«Soliq va bank — iqtisodiyotimiz uchun katta to‘siq» — Shavkat Mirziyoyev
Prezident viloyatlar hokimlariga haftada bir marta bank va soliq organlari rahbarlari bilan shaxsan suhbatlashib, ular faoliyatiga baho berishni topshirdi. Shavkat Mirziyoyev bank va soliq idoralarini iqtisodiyotimiz uchun katta to‘siq dedi. U «xalqimizga o‘zimiz xizmat ko‘rsatishni o‘rganishimiz» uchun banklarning chet ellik investorlar tomonidan xususiylashtirilishiga ruxsat bermayotganini ta’kidladi.
Yaqin kunlarda O‘zbekistonga DIIHBning saylov bo‘yicha dastlabki missiyasi keladi
YeXHTning Demokratik institutlar va inson huquqlari bo‘yicha byurosi o‘zining prezident saylovlariga taalluqli dastlabki missiyasini yaqin haftalar ichida yuborishi kutilmoqda. Mazkur tashrifdan maqsad — saylovoldi vaziyat va unga tayyorgarlik jarayonlarini o‘rganishdan iborat. Ehtiyojlarni baholash missiyasi hisoboti asosida saylovda qatnashadigan ekspertlar, uzoq va qisqa muddatlari kuzatuvchilar soni aniq bo‘ladi.
Shavkat Mirziyoyev shu hafta korrupsiyaga qarshi kurashish masalalari bo‘yicha videoselektor o‘tkazadi
Prezident Shavkat Mirziyoyevning shu hafta korrupsiyaga qarshi kurashish masalalari bo‘yicha videoselektori o‘tkazilishi rejalashtirilmoqda. Bundan tashqari, Tokio Olimpiadasiga sportchilarni tayyorlash masalalari bo‘yicha yig‘ilish bo‘lishi ko‘zda tutilgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting