Siyosat
Rahim Hakimov O‘zbekiston prezidenti maslahatchisi o‘rinbosari etib tayinlandi
Oliy ta’lim vaziri o‘rinbosari lavozimida ishlab kelgan Rahim Hakimov prezidentning ijtimoiy-siyosiy rivojlanish masalalari bo‘yicha maslahatchisi o‘rinbosari etib tayinlandi. Murtaza Qarshiboyev davlat rahbari maslahatchisi-spichrayter o‘rinbosari etib tayinlandi.
Shavkat Mirziyoyev Ilhom Aliyevni tug‘ilgan kuni bilan tabrikladi
Shavkat Mirziyoyev 24 dekabr kuni Ilhom Aliyev bilan telefon orqali muloqot qildi. O‘zbekiston prezidenti Ozarbayjon rahbarini tavallud kuni bilan qutlab, mustahkam sog‘lik, baxt-saodat va yangi zafarlar, Ozarbayjon xalqiga esa tinchlik-osoyishtalik tiladi.
Shavkat Mirziyoyev MDHning norasmiy sammitida qatnashish uchun Sankt-Peterburgga boradi
O‘zbekiston prezidenti 26−27 dekabr kunlari MDHga a’zo davlatlar rahbarlarining norasmiy uchrashuvida ishtirok etish uchun amaliy tashrif bilan Sankt-Peterburg shahrida bo‘ladi.
O‘zbekiston harbiy prokuroriga yangi o‘rinbosarlar tayinlandi, Toshkent prokuroriga yangi unvon berildi
Otabek Xolboyev O‘zbekiston harbiy prokurorining birinchi o‘rinbosari, Qahramon Isroilov esa o‘rinbosar etib tayinlandi. Prezident Toshkent shahar prokurorini yangi unvon bilan taqdirladi.
O‘zbekistonda 12 ta davlat boshqaruvi organlari faoliyati tugatiladi
Prezident farmoniga ko‘ra, 12 ta davlat boshqaruvi organlari faoliyati tugatiladi, 24 tasining tashkiliy bo‘ysunuvi o‘zgaradi.
O‘zbekistonda bosh vazir o‘rinbosarlari soni ikki barobarga qisqartiriladi
Prezidentning ma’muriy islohotlar to‘g‘risidagi farmoni bilan bosh vazir o‘rinbosarlari soni sakkiztadan to‘rttaga qisqartiriladi, bosh vazir maslahatchilari lavozimlari tugatiladi. Bosh vazir o‘rinbosarlari bir vaqtning o‘zida vazirlik va boshqa rahbarlik lavozimlarini egallashlari taqiqlandi.
O‘zbekistonda vazirlik va idoralar soni 61 tadan 28 taga qisqartirildi
O‘zbekiston prezidenti vazirlik va idoralar sonini 61 tadan 28 taga qisqartirish to‘g‘risidagi hujjatlarni imzoladi. 20 ta idora butunlay tugatildi. Vazirliklarning yangi nomlari ro‘yxati.
Olis hududlardagi maktablar harbiy prokuratura idoralariga biriktiriladi
O‘zbekiston prezidenti huzurida bo‘lib o‘tgan yig‘ilishda olis hududlardagi maktablar harbiy prokuratura idoralariga biriktirilishi aytildi. Maqsad — yoshlarni harbiy vatanparvarlik ruhida tarbiyalash va huquqiy savodxonligini oshirishdan iborat.
Rasul Kusherbayev: «Parlamentga nisbatan bunday munosabatdan juda xafaman»
Deputat Rasul Kusherbayev Qalampir.uz`ga bergan intervyusida «ayrim idora va rahbarlar»ning parlamentga munosabatidan juda xafa ekanini aytdi. «Biz o‘zgarishlarni xohlaymiz. Ammo ko‘p joylarda ikkiyuzlamachilik bo‘lib yotibdi», dedi u va hech kimni ayblamasligini, lekin o‘zi aybdor ekanini qo‘shimcha qildi.
O‘zbekiston va Qozog‘iston energetika loyihalarida hamkorlik qiladi
Toshkentdagi muzokaralarda O‘zbekiston va Qozog‘iston prezidentlari energetika obyektlarini modernizatsiya qilish va qurish, geologiya-qidiruv hamda tabiiy gazni chuqur qayta ishlash loyihalarini ilgari surish, shuningdek, transport infratuzilmasini kengaytirish loyihalarini jadallashtirishga kelishib oldi.
O‘zbekiston TIV delegatsiyasi «Markaziy Osiyo + Yaponiya» muloqotida qatnashish uchun Tokioga boradi
Joriy yilning 22−25 dekabr kunlari O‘zbekiston TIV rahbari Vladimir Norov boshchiligidagi delegatsiya «Markaziy Osiyo + Yaponiya» muloqoti tashqi ishlar vazirlarining 9-yig‘ilishida ishtirok etish uchun Yaponiyaning Tokio shahriga tashrif buyuradi.
Hokimlarni xalq saylashi haqida 6 yildan beri gapiriladi. Endi bu masala Konstitutsiya loyihasiga bog‘lanmoqda
Konstitutsiyaga o‘zgartishlar kiritilgach, aholi hokimlarni bevosita saylash huquqiga ega bo‘ladi, dedi senator Tolibjon Madumarov. Unga ko‘ra, mahalliy davlat hokimiyati hamda kengash nazorati to‘g‘risidagi qonunlar loyihasi tayyor. Hokimlar saylovi yo‘lga qo‘yilishi haqida 2016 yildan beri gapiriladi.
Qozog‘iston prezidenti O‘zbekistonga yetib keldi
Qozog‘iston prezidenti Qasim-Jomart Toqayev davlat tashrifi bilan O‘zbekistonga keldi. Uni davlat rahbari Shavkat Mirziyoyev kutib oldi.
«Qo‘l boshqaruvi»dan — tizimli boshqaruvga o‘tish vaqti keldi — Shavkat Mirziyoyev
Prezident davlat boshqaruvida «qo‘l boshqaruvi»dan aniq natijaga ishlaydigan tizimga o‘tish vaqti kelganini ta’kidladi. «Vazirlarning Hukumat qabul qilayotgan qarorlarda «ovozi yo‘q». Ularning qarorlarni tayyorlash va hayotga joriy qilishdagi ishtiroki va mas’uliyati yetarli emas», — dedi Shavkat Mirziyoyev.
«Mulk va investitsiyaning himoyachisi qaysidir hokim yoki vazir emas, faqat Konstitutsiya, qonun va sud bo‘ladi» — prezident
Prezident parlamentga murojaatida sud-huquq sohasidagi o‘zgarishlarga to‘xtaldi: advokatlarni tanlash bo‘yicha elektron tizim yaratiladi, viloyat sudlari mas’uliyati va vakolatlari oshiriladi, prokurorlarning xolisligi qonun bilan mustahkamlanadi, ayblov xulosalari esa faqat himoya fikri bilan qabul qilinadi.
«Ona tilini bilishga majbur qilishimiz kerak» — Shavkat Mirziyoyev
Shavkat Mirziyoyevning so‘zlariga ko‘ra, «mening farzandim chet tillarini biladiyu, ona tilini bilmaydi, degan gap Yangi O‘zbekistonga ma’qul emas». «Chet tilini bilishi kerak, lekin ona tilini bilishga majbur», — deya qo‘shimcha qildi prezident.
Prezident Samarqand va Namangan shaharlarini respublika bo‘ysunuviga o‘tkazishni taklif qildi
Shavkat Mirziyoyev 20 dekabr kuni parlament va xalqqa yo‘llagan murojaatnomasida Samarqand va Namangan shaharlari alohida ma’muriy-hududiy birliklar sifatida respublika bo‘ysunuviga o‘tkazilishini taklif qildi. Ularni rivojlantirish dasturi Vazirlar Mahkamasida tasdiqlanishi belgilandi.
«Qaysi vazir o‘z ishini eplay olmasa, iste’foga chiqadi» — prezident
Shavkat Mirziyoyev bundan buyon o‘ziga yuklatilgan vazifalarni bajara olmagan vazir iste’foga chiqishini ma’lum qildi. Uning so‘zlariga ko‘ra, vazirlar har yil boshida jamoatchilik oldida sohadagi rejasi va yil yakuni bilan esa uning natijasi bo‘yicha hisobot beradi.
“Qoraqalpog‘iston tashvishi — butun O‘zbekiston tashvishi” — Shavkat Mirziyoyev
Prezident xalqqa murojaatida Nukus voqealariga ham to‘xtalib o‘tdi. “Bizning ezgu maqsadimiz — birgalikdagi mehnatimiz bilan Yangi O‘zbekistonda har tomonlama rivojlangan, obod va farovon Yangi Qoraqalpog‘istonni bunyod etishdir”, — deya ta’kidladi Shavkat Mirziyoyev.
O‘zbekistonda 2023 yil «Insonga e’tibor va sifatli ta’lim yili» deb e’lon qilindi
Prezident Mirziyoyevning aytishicha, yilga nom tanlash uchun aholidan tushgan «20 mingga yaqin taklif» muhokama qilingan. «Juda ko‘p o‘ylandik», dedi u. Davlat rahbari 2023 yilga berilgan nomni izohlarkan, Yusuf Xos Hojibdan iqtibos keltirdi: «Zakovat bor joyda ulug‘lik, bilim bor joyda buyuklik bo‘ladi».
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting