Siyosat
Yaqin kunlarda Farg‘ona va Botken viloyatlari o‘rtasidagi o‘tish punktlari ochiladi
Farg‘ona viloyati hokimi Xayrullo Bozorov va Qirg‘iziston hukumatining Botken viloyatidagi muxtor vakili Omurbek Suvanaliyevning xabar berishicha, viloyatlarning chegara hududida o‘tish punktlari ochiladi. Avvaliga, chegara post xizmati piyodalar uchun, uch oy ichida esa — avtomobillar uchun ochiladi.
Shavkat Mirziyoyev va Sadir Japarov Toshkent shahridagi texnoparkka bordi
Shavkat Mirziyoyev va Sadir Japarov Toshkent shahridagi texnoparkka bordi. Davlat rahbarlari O‘zbekistonning sanoat, qishloq xo‘jaligi va hunarmandchilik mahsulotlari ko‘rgazmasi bilan tanishdi. Yakunda Qirg‘iziston xalqiga tez tibbiy yordam mashinalari sovg‘a qilindi.
«Hududlardagi muammolarni nahotki deputatlar va senatorlar ko‘rmayapti» — Tanzila Narbayeva
Davlat rahbari Farg‘ona va Namangan viloyatlariga tashrifi chog‘ida mahallarga borib, aholi bilan muloqot qilib, ularni qiynayotgan muammolarni tinglagan edi. Senatning navbatdagi yalpi majlisida Tanzila Narbayeva ayni shu masalaga e’tibor qaratib, deputat va senatorlarni tanqid qildi. «Hududlardagi muammolarni nahotki deputatlar va senatorlar ko‘rmayapti», — dedi u.
«Xalqlarimiz bugundanoq muzokaralar natijalarini his qilishlari kerak» — Shavkat Mirziyoyev
O‘zbekiston va Qirg‘iziston prezidentlari suvdan foydalanish va energetika, chegaralarni delimitatsiya qilish, iqtisodiy hamkorlik va transport-logistika masalalarini muhokama qildilar. Shavkat Mirziyoyev «O‘zbekiston-Qirg‘iziston-Xitoy» temir yo‘l loyihasini jadallashtirish muhimligini ta’kidladi, Sadir Japarov Sirdaryo havzasi resurslaridan foydalanish to‘g‘risidagi shartnomani yangilashni taklif qildi.
O‘zbekiston va Kirg‘iziston chegara masalalarini uch oy ichida hal qilish niyatida — Shavkat Mirziyoyev
O‘zbekiston va Kirg‘iziston davlat chegarasini delimitatsiya qilish masalalarini uch oy ichida hal etish belgilanmoqda, deya bayonot berdi Shavkat Mirziyoyev. “Odamlar [yechimini] kutayotgan ba’zi masalalarni biz yaqin kelajakda aniq hal etamiz. Byurokratiyasiz, fuqarolarimizga qulay va yaxshiroq bo‘lishi uchun jiddiy mas’uliyatni o‘z zimmamizga olishga qaror qildik”, — deya ta’kidladi davlat rahbari.
Sadir Japarov Shavkat Mirziyoyevni Qirg‘izistonga taklif qildi
Tor doirada bo‘lib o‘tgan uchrashuvda Sadir Japarov Shavkat Mirziyoyevni Qirg‘izistonga taklif qildi. Muloqot chog‘ida O‘zbekiston — Qirg‘iziston davlat chegarasi masalalari ham muhokama qilindi. Qolaversa, har ikki davlat yetakchilari navbatdagi shu kabi formatdagi uchrashuvni 2021 yilda o‘tkazish istagini bildirishdi.
O‘zbekistonliklarga uy olish va qurish uchun 20 yilga kam foizli kreditlar hamda subsidiyalar beriladi — prezident farmoni
Shavkat Mirziyoyev 3 mart kuni o‘tkazgan videoselektorda «2021 yilda 54 ming oilani uy-joy bilan ta’minlashimiz zarur», deya ta’kidlagan edi. Yig‘ilishda belgilab berilgan vazifalarning huquqiy asosi sifatida prezidentning tegishli farmoni qabul qilindi. Unga muvofiq, O‘zbekiston aholisiga uy olish va o‘z mustaqil qurishi uchun 20 yillik kam foizli ipoteka kreditlari hamda ularga subsidiyalar ajratiladi. Batafsil.
Ko‘ksaroyda Shavkat Mirziyoyev va Sadir Japarov uchrashdi
Ko‘ksaroy qarorgohida Qirg‘iziston prezidentini rasmiy kutib olish marosimi bo‘lib o‘tdi. Shundan so‘ng, prezidentlar Shavkat Mirziyoyev va Sadir Japarov tor doiradagi muzokaralarni o‘tkazishga yo‘l olishdi.
O‘zbekiston va Qirg‘iziston ustav kapitali $50 mlnlik jamg‘arma tashkil etadi
O‘zbekiston va Qirg‘iziston ustav kapitali $50 mlnlik qo‘shma investitsiya jamg‘armasini tashkil etadi. Kelgusida uning ustavi 200 mln dollarga yetkazilishi ham reja qilingan. «Yangi tashkil etiladigan jamg‘arma o‘zaro hamkorligimiz rivojlanishining katalizatoriga aylanadi», — dedi bosh vazir o‘rinbosari Sardor Umurzakov.
Shavkat Mirziyoyev va Angela Merkel videoanjumanda uchrashadi
O‘zbekiston prezidenti va Germaniya kansleri 12 mart kuni videoanjuman shaklida uchrashuv o‘tkazadi. Unda konstruktiv siyosiy muloqotni rivojlantirish, savdo-iqtisodiy, investitsiyaviy, moliyaviy-texnik va madaniy-gumanitar hamkorlikka doir qo‘shma loyiha va dasturlarni ilgari surish masalalariga alohida e’tibor qaratiladi.
OTM tarbiya maskani emas. Talaba faqat bilim olish uchun kelishi lozim — Alisher Qodirov
«Milliy tiklanish» demokratik partiyasi fraksiyasi rahbari Alisher Qodirov OTMlarda tarbiya masalasi jaryondan uzilishi kerakligini ta’kidlamoqda. «Oliy ta’lim tarbiya maskani emas. Talaba oliygohga faqat bilim olishi uchun kelishi lozim», — dedi u.
Suv xo‘jaligi vazirligida tayinlovlar amalga oshirildi
Innovatsion rivojlanish vazirining o‘rinbosari bo‘lib ishlab kelayotgan Nazarov Azimjon suv xo‘jaligi vazirining birinchi o‘rinbosari lavozimiga tayinlandi. Suv xo‘jaligi vazirligi Suv tejovchi texnologiyalarni joriy etish boshqarmasi boshlig‘i lavozimida ishlab kelayotgan Rustam Qarshiyev suv xo‘jaligi vazirining o‘rinbosari etib tayinlandi.
Qoraqalpog‘istonda 887 mln dollardan ortiq bo‘lgan 711 ta loyiha amalga oshiriladi
Qoraqalpog‘istonda qiymati 887 mln dollardan ortiq bo‘lgan 711 ta loyiha amalga oshiriladi. Prezident ushbu loyihalar taqdimoti bilan tanishdi. Ular qatoridan Mo‘ynoqdagi keramika va qamishdan plita ishlab chiqarish korxonasi, To‘rtko‘ldagi oyna zavodi hamda qizilmiya ildizini chuqur qayta ishlash kabi loyihalar o‘rin olgan.
Turkiya prezidenti 2021 yilda O‘zbekistonga keladi — vazirlar tashkiliy masalalarni muhokama qildi
O‘zbekiston tashqi ishlar vaziri turkiyalik hamkasbi bilan uchrashdi. Unda Turkiya prezidenti shu yili, o‘ziga ma’qul sanada O‘zbekistonga kelishi aytildi. Turkiya tomoni imtiyozli savdo va erkin savdo bitimlarini tezroq imzolash niyatida ekanligini bildirdi. Bundan tashqari, Mevlut Chavusho‘g‘lu Abdulaziz Kamilovga Turkiya sobiq prezidenti, marhum Sulaymon Demirel maktubining nusxasini topshirdi (foto).
Qirg‘iziston prezidenti 11 mart kuni O‘zbekistonga tashrif buyuradi
Shavkat Mirziyoyevning taklifiga binoan Qirg‘iziston prezidenti Sadir Japarov davlat tashrifi bilan O‘zbekistonga keladi. Kun tartibidan — konstruktiv siyosiy muloqotni davom ettirish, savdo, sanoat, transport, energetika, qishloq va suv xo‘jaligi sohalarida ko‘p qirrali hamkorlikni kengaytirish, parlamentlararo va hududlararo aloqalarni faollashtirish masalalari o‘rin olgan.
O‘zbekiston va Turkiya strategik hamkorlik kengashining ikkinchi yig‘ilishiga tayyorgarlik ko‘rmoqda
O‘zbekiston va Turkiya TIV rahbarlari strategik hamkorlik kengashining ikkinchi yig‘ilishiga tayyorgarlik masalalari muhokama qilindi va vazirliklar o‘rtasida 2022−2023 yillarga mo‘ljallangan hamkorlik dasturi va Tarjima xizmatlari sohasida o‘zaro anglashuv memorandumi imzolandi.
Xalqaro xotin-qizlar kuniga bag‘ishlab o‘tkazilgan bayram tadbiridan — niqobsiz reportaj
Prezidentga o‘zbek tilida minnatdorchilik bildirib, O‘zbekiston madhiyasini aytib bergan Xitoy elchisi, farzandlari mehnati uchun mukofot olgan ona, sabrsiz Gulsanem, 3 oylik chaqalog‘i bilan prezidentdan duo olgani kelgan ayol, «Shuhrat» olgan Yulduz Rajabova va Aziza Qurbonova. 8 mart — Xalqaro xotin-qizlar kuniga bag‘ishlab o‘tkazilgan bayram tadbiridan — niqobsiz reportaj (foto, video).
Bu uylar faqat bayramlardagina eslangan — prezident «Muruvvat» uylari haqida
Prezident Shavkat Mirziyoyev «Saxovat» hamda «Muruvvat» internat-uylarida sharoitni yaxshilash, xodimlarning oylik ish haqlarini oshirish bo‘yicha ko‘rsatma berdi. Nuroniylarning holidan xabar olib turish uchun yaqin atrofdagi shifoxonalar, maktablar biriktirilishi mumkin. SSV huzuridagi Tibbiy-ijtimoiy xizmatlar agentligini Vazirlar Mahkamasi tuzilmasiga o‘tkazilishi rejalashtirilmoqda.
«Bundan buyon O‘zbekistonda biror-bir ayol davlat va jamiyatning e’tiboridan chetda qolmaydi» — Shavkat Mirziyoyev
Shavkat Mirziyoyev xotin-qizlar bayrami munosabati bilan tashkil etilgan tantanali marosimda 2021 yilda ham ayollarni har tomonlama qo‘llab-quvvatlash, ularning biznes yuritishi va boshqa kasblar bo‘yicha o‘qishi uchun zarur shart-sharoitlarni yaratish ishlari davom etishini aytdi. Prezident «bironta ham ayol davlat va jamiyat e’tiborisiz qolmaydi» deb ta’kidladi.
Rossiyaning O‘zbekistondagi yangi elchisi tayinlandi
Oleg Malginov Rossiyaning O‘zbekistondagi yangi elchisi etib tayinlandi. U ushbu lavozimda 2009 yildan beri faoliyat yuritib kelgan Vladimir Tyurdenevning o‘rnini egalladi.
Qo‘shimcha imkoniyatlardan foydalanish uchun saytda ro‘yxatdan o‘ting