Siyosat
Shavkat Mirziyoyev Germaniyaga tashrif buyuradi
Shavkat Mirziyoyev 2−3-may kunlari Germaniyaga tashrif buyurib, u yerda Germaniya prezidenti Frank-Valter Shtaynmayer va kansler Olaf Shols bilan muzokaralar o‘tkazadi, shuningdek, mamlakat kompaniyalari rahbarlari bilan uchrashadi.
O‘zbekiston Serra-Leone bilan diplomatik munosabatlar o‘rnatdi
Serra-Leone O‘zbekiston bilan diplomatik aloqalar o‘rnatgan 143-davlat bo‘ldi.
Ilhom Qilichxanov Nurafshon shahri hokimi lavozimiga tasdiqlandi
Toshkent viloyati ma’muriy markazi bo‘lgan Nurafshon shahriga Ilhom Qilichxanov hokim etib tasdiqlandi. Avvalroq sobiq hokim Muzaffar Soliyev vazifasidan ozod etilgani, vazir lavozimida ishlagan vaqtidagi holat bilan bog‘liq ish bo‘yicha tergovga jalb etilgan bo‘lishi mumkinligi xabar qilingandi.
O‘zbekiston prezidenti Musulmonlar idorasi rahbarini qabul qildi
Prezident Shavkat Mirziyoyev va Musulmonlar idorasi raisi, muftiy Nuriddin Xoliqnazarov diniy bag‘rikenglikni mustahkamlash, vijdon erkinligini kafolatlash, ta’lim orqali jaholatga qarshi kurashish masalalarini muhokama qildi.
O‘zbekistonning yangi Konstitutsiyasi bo‘yicha referendumda 611 mingdan ortiq fuqaro muddatidan oldin ovoz berdi
MSK 19−26-aprel kunlari bo‘lib o‘tgan Konstitutsiya loyihasi bo‘yicha referendumda muddatidan oldin ovoz berishda 611 ming 320 nafar fuqaro ishtirok etganini ma’lum qildi.
Shavkat Mirziyoyev yozda Italiyaga tashrif buyurishi mumkin
Prezident Shavkat Mirziyoyev iyun oyida Italiyaga tashrif buyurishni rejalashtirmoqda, deya ma’lum qildi Italiya mudofaa vaziri Krozetto Gvido.
Vazirlar Mahkamasida Davlat tilini rivojlantirish departamenti qayta tashkil etildi
Prezidentning ma’muriy islohotlar to‘g‘risidagi farmoni bilan bekor qilingan Vazirlar Mahkamasi tuzilmasidagi Davlat tilini rivojlantirish departamenti 4 oy o‘tib qayta tashkil etildi.
“Ukraina va Markaziy Osiyo davlatlari o‘rtasida ko‘ringanidan ko‘proq umumiylik bor” — Andrey Yermak
Ukraina prezidenti devoni rahbari Andrey Yermak Markaziy Osiyo davlatlari haqida maqola yozdi. Uning ta’kidlashicha, mintaqa davlatlari tarixan ko‘p vektorliligi bilan ajralib turadi. Rossiya yakuniy tanlov qilishga majburlamaguncha Ukraina ham ko‘p vektorli bo‘lishga intilgan, deb yozadi u.
Italiya mudofaa vaziri O‘zbekistonga tashrif buyurdi
Toshkentda O‘zbekiston va Italiya mudofaa vazirlarining uchrashuvi bo‘lib o‘tdi. Har ikki davlatning ekstremizm, diniy radikalizm va xalqaro terrorizmga qarshi kurashda umumiy maqsadlari borligi qayd etildi.
Chexiya bosh vaziri O‘zbekiston rahbariyati bilan hamkorlikni kengaytirish masalalarini muhokama qildi
Chexiya bosh vaziri Petr Fiala Toshkentda O‘zbekiston prezidenti va bosh vaziri bilan muzokaralar o‘tkazdi. Chexiya tomoni uran va mis sotib olish, tramvay, poyezd va samolyotlar yetkazib berishdan manfaatdor ekanini ma’lum qildi. To‘g‘ridan-to‘g‘ri parvozlarni tashkil etish va boshqa masalalar muhokama qilindi.
Shavkat Mirziyoyev Rossiya prezidenti bilan telefon orqali gaplashdi
O‘zbekiston va Rossiya prezidentlari telefon orqali muloqotida amaliy hamkorlik, savdo munosabatlari va korxonalar kooperatsiya loyihalarini qo‘llab-quvvatlash masalalarini ko‘rib chiqdi. Konstitutsiyaviy referendumning Rossiya hududida o‘tkazilishiga ko‘rsatilayotgan ko‘mak uchun Putinga minnatdorlik bildirildi.
Shavkat Mirziyoyev Rossiya va Chexiya delegatsiyalarini qabul qildi
Toshkentda o‘tayotgan “Innoprom. Markaziy Osiyo” sanoat ko‘rgazmasi doirasida O‘zbekiston prezidenti Rossiya sanoat va savdo vaziri hamda Chexiya bosh vazirini qabul qildi. Tovar ayirboshlash, sanoyat kooperatsiyasini chuqurlashtirish, shuningdek, Chexiya bilan to‘g‘ridan-to‘g‘ri aviaqatnovlarni yo‘lga qo‘yish muhokama etildi.
Xitoy elchisi sobiq SSSR davlatlarining suverenitetini shubha ostiga oldi. Munosabatlar
Xitoyning Fransiyadagi elchisining Sobiq Ittifoq davlatlari suverenitetiga shubha bilan qaragan bayonoti diplomatik mojaroga sabab bo‘ldi. Qator Yevropa davlatlari bunga munosabat bildirdi, Xitoy esa SSSR tarkibidan chiqqan barcha davlatlar mustaqilligini hurmat qilishiga ishontirishga to‘g‘ri keldi.
Baxtiyor Saidov tashqi ishlar vaziri lavozimiga tasdiqlandi
Deputatlar O‘zbekiston tashqi ishlar vaziri lavozimiga Baxtiyor Saidov nomzodini ma’qulladi. Prezident Shavkat Mirziyoyevning farmoni bilan u ushbu lavozimga tasdiqlandi. 2022-yil oxirida Baxtiyor Saidov TIV v.b. etib tayinlangandi.
Ramazon hayiti arafasida 541 kishi afv etildi
Prezident farmoni bilan jazo muddatini o‘tayotgan 541 kishi afv etildi. Ularning orasida 36 nafar chet el fuqarosi, 136 nafar ayol, 75 nafar 60 yoshdan oshgan erkak hamda 6 nafar taqiqlangan tashkilotlar faoliyatida qatnashganlar bor.
Prezident O‘zbekiston xalqini Ramazon hayiti bilan tabrikladi
O‘zbekiston prezidenti Ramazon hayiti tabrigida vijdon erkinligini qaror toptirish, diniy-ma’naviy qadriyatlarni tiklash borasidagi sa’y-harakatlar izchil davom etayotganini ta’kidladi. Joriy yilda cheklovlar olib tashlanishi tufayli 31 mingdan ortiq o‘zbekistonlik Makka va Madinaga umra ziyoratiga bordi.
“Sog‘lom fuqarolik jamiyati davlat boshqaruvi tizimi yaxshi ishlashi uchun zarur” — YeI maxsus vakili
YeIning inson huquqlari bo‘yicha maxsus vakili Eymon Gilmor O‘zbekistonga ilk bor tashrif buyurib, adliya, ichki ishlar vazirlari va bosh prokuror, shuningdek, mamlakat prezidenti bilan uchrashuvlar o‘tkazmoqda. “Gazeta.uz” undan tashrif maqsadi va O‘zbekistondagi inson huquqlari ahvolini qanday baholashini so‘radi.
“Azamat, Dubay otmen”, “Kuyovingiz bilan muhim ishimiz bor” va boshqalar — Toshkentda referendum targ‘iboti. Foto
Yangi Konstitutsiya bo‘yicha referendum o‘tkazilishiga 10 kun qoldi. Shaharlarda fuqarolarni saylov uchastkalariga borishga undaydigan targ‘ibotlar tobora ko‘payib bormoqda. “Gazeta.uz” fotomuxbiri Toshkentdagi reklamalar va shaharning “sog‘lom fuqaro yakshanbasi”ga tayyorlanayotganini suratga oldi.
Andijon viloyati hokimiga o‘rinbosar tayinlandi
Avazbek Ergashev Andijon viloyati hokimining qishloq va suv xo‘jaligi masalalari bo‘yicha o‘rinbosari etib tayinlandi.
Pastdarg‘om tumaniga yangi hokim tayinlandi
Samarqand viloyati Pastdarg‘om tumaniga Vahobjon Murotqobilov hokim etib tasdiqlandi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting