Siyosat
O‘zbekistonlik dzyudochi Dilshodbek Baratov jahonning vitse-chempioni bo‘ldi
Dohada o‘tkazilayotgan dzyudo bo‘yicha jahon chempionatining birinchi kunida o‘zbekistonlik Dilshodbek Baratov kumush medalni qo‘lga kiritdi.
Muddatidan ilgari O‘zbekiston prezidenti saylovi 9-iyul kuni o‘tkaziladi
Shavkat Mirziyoyev muddatidan ilgari prezidenti saylovini 9-iyulda o‘tkazish bo‘yicha farmonni imzoladi.
Shavkat Mirziyoyev muddatidan ilgari O‘zbekiston prezidenti saylovi bo‘lishini e’lon qildi
Prezident O‘zbekiston davlat rahbari lavozimiga muddatidan ilgari saylov bo‘lib o‘tishini e’lon qildi. U nima uchun 3,5 yillik prezidentlik muddatidan o‘z tashabbusi bilan “voz kechayotganligini” tushuntirdi.
“O‘zbekiston — dunyoviy davlat va bundan keyin ham shunday bo‘lib qoladi” — Shavkat Mirziyoyev
“O‘zbekiston — dunyoviy davlat va bundan keyin ham shunday bo‘lib qoladi”, — deya ta’kidladi Shavkat Mirziyoyev referendum yakunlariga bag‘ishlangan uchrashuvda. Davlat rahbari mamlakatda har qanday radikallashuvga, dindan siyosiy maqsadlarda foydalanishga hech qachon yo‘l qo‘yilmasligini aytdi.
Hukumat davlat o‘ziga olgan har bir yangi majburiyat bo‘yicha dastur ishlab chiqadi
Shavkat Mirziyoyev Vazirlar Mahkamasiga 1-avgustga qadar davlat o‘ziga olgan har bir yangi majburiyat bo‘yicha alohida dastur ishlab chiqib, parlamentga kiritishini topshirdi.
“Yangilangan Konstitutsiyamizning chinakam muallifi xalqimiz bo‘ldi” — Shavkat Mirziyoyev
Prezident referendum yakunlariga bag‘ishlangan uchrashuv o‘tkazib, referendum davomida umumxalq muhokamalarida faol va munosib ishtirok etgan millionlab yurtdoshlarni e’tirof etdi. “Yangilangan Konstitutsiyamizning chinakam muallifi xalqimiz bo‘ldi, deb aytishga barcha asoslarimiz bor”, — dedi Shavkat Mirziyoyev.
O‘zbekiston Saylov kodeksi muddatidan ilgari saylovlar haqidagi moddalar bilan to‘ldirildi
Saylov kodeksiga prezident, Qonunchilik palatasi deputatlari va Senat a’zolarining navbatdan tashqari saylovlarini o‘tkazish yuzasidan o‘zgartishlar kiritildi. Prezident davlat rahbari uchun muddatidan ilgari saylovlarni tayinlaganida, ular 2 oy ichida o‘tkazilishi kerak.
Qatar O‘zbekistonda elchixona ochdi
Toshkentda Qatar elchixonasi ochildi. Marosimda Qatar tashqi ishlar davlat vaziri Sulton bin Saad al-Murayxiy ishtirok etdi.
MB rahbari o‘rinbosari Ilxomjon Abdugafarov transport vaziri o‘rinbosari etib tayinlandi
Prezident Ilxomjon Abdugafarovni transport vaziri o‘rinbosari etib tayinladi. Bunga qadar u Markaziy bank raisi o‘rinbosari lavozimida faoliyat yuritgan.
FIFA rahbari O‘zbekiston prezidentiga familiyasi tushirilgan 24-raqamli futbolka tortiq qildi
O‘zbekiston prezidenti Shavkat Mirziyoyev va FIFA rahbari Janni Infantino uchrashuvida O‘zbekistonda futbolni ommalashtirish va yirik tadbirlarni o‘tkazish masalalari muhokama qilindi. Shuningdek, sport tashkiloti rahbari mamlakat prezidentiga uning familiyasi hamda 24 raqami tushirilgan futbolka tortiq qildi.
Emmanuel Makron O‘zbekistonga tashrif buyuradi
Fransiya prezidenti Emmanuel Makron 2023-yilda O‘zbekistonga davlat tashrifi bilan keladi.
Timur Muhamedjonov “O‘zkimyosanoat”ga rahbar bo‘ldi
“O‘zkimyosanoat” kompaniyasiga avval “O‘zkimyoimpeks” korxonasi direktori lavozimida ishlab kelgan Timur Muhamedjonov rahbar etib tayinlandi.
Vochaxliklarning aksariyati tog‘ga chorva boqishga chiqib ketgani uchun referendumda qatnashmagan — MSK
Surxondaryoning Vochax qishlog‘ida 30-aprel kuni referendum o‘tkazilmagani, qishloq ahliga byulleten ham berilmagani aytilgandi. MSK mazkur hudud uchun ko‘chma quti yuborilgani, biroq aksariyat fuqarolar chorva mollariga qarash uchun tog‘ga chiqib ketgani sababli yashash manzilida bo‘lmaganini ma’lum qildi.
Qirg‘iziston-O‘zbekiston chegarasidan ID-karta orqali o‘tishga ruxsat berildi
Qirg‘iziston Jogorku Keneshi Qirg‘iziston-O‘zbekiston chegarasidan ID-karta orqali o‘tishga ruxsat beruvchi qonun loyihasini qabul qildi. Endilikda fuqarolar har ikki davlat chegarasidan pasport ko‘rsatmasdan o‘tishlari mumkin bo‘ladi.
Senat xodimlarni kasbiy xavf-xatardan himoya qilish bo‘yicha xalqaro konvensiyani ma’qulladi
Senatorlar “Xalqaro mehnat tashkilotining xodimlarni ish joyidagi havoning ifloslanishi, shovqin va tebranishlar tufayli yuzaga keladigan kasbiy xavf-xatardan himoya qilish to‘g‘risidagi 148-sonli Konvensiyasini ratifikatsiya qilish haqida”gi qonunni ma’qulladi.
Prezidentlar Berlinda O‘zbekiston madaniy merosi ko‘rgazmasini ochib berdi
O‘zbekiston va Germaniya prezidentlari Jeyms Simon galereyasida tayyorgarligiga bir necha yil ketgan “O‘zbekistonning arxeologik xazinalari. Makedoniyalik Iskandardan Kushonlar saltanatigacha” ko‘rgazmasini ochib berdi. Unga Berlin muzeylaridan 65 ta, O‘zbekiston muzeylaridan 285 ta eksponat qo‘yilgan.
O‘zbekiston prezidenti CLAAS, Knauf, Siemens Energy, Deutsche Bank va boshqa kompaniyalar rahbarlari bilan uchrashdi
“Xorijiy investor O‘zbekiston deganda, birinchi navbatda, barqarorlik, ishonchlilik va kelajak uchun xotirjamlikni ko‘z oldiga keltirishi lozim. Har bir germaniyalik tadbirkor mamlakatimizda o‘zini erkin va dadil his etishi uchun barcha sharoitlarni yaratishga tayyormiz”, — dedi Shavkat Mirziyoyev Berlinda.
Fransiyaning tashqi savdo bo‘yicha vazir-delegati Olive Besht O‘zbekistonga rejalashtirilgan tashrif haqida so‘zlab berdi
Fransiyaning tashqi savdo bo‘yicha vazir-delegati Olive Besht 4−6-may kunlari O‘zbekistonga tashrif buyuradi. Toshkentga kelishi arafasida u “Gazeta.uz”ga tashrifidan ko‘zlangan maqsadlar va Fransiya-O‘zbekiston hamkorligi tufayli ikki mamlakat kompaniyalari uchun ochilayotgan imkoniyatlar haqida so‘zlab berdi.
Shavkat Mirziyoyev Berlinda Frank-Valter Shtaynmayer bilan uchrashdi
O‘zbekiston va Germaniya prezidentlari Berlindagi muzokaralarda hamkorlikning ustuvor yo‘nalishlarini muhokama qildi. Germaniya mintaqadagi o‘zaro bog‘liqlik loyihalari, jumladan, YeIning “Global darvoza” tashabbusini qo‘llab-quvvatlashga tayyor. Gyote instituti O‘zbekiston viloyatlarida ham ochilishi kutilmoqda.
O‘zbekiston matbuot erkinligi reytingida 4 pog‘ona pastladi
O‘zbekiston “Chegara bilmas muxbirlar” tashkilotining matbuot erkinligi reytingida 2022-yilgi o‘rnidan 4 pog‘ona pastlab, 137-o‘rinni egalladi. Mamlakatda OAV erkinligi bilan bog‘liq vaziyat “qiyin” bosqichda qolmoqda. Markaziy Osiyoning boshqa mamlakatlari ham salbiy natijalar qayd etgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting