Poytaxtda jamoaviy yig‘inlar o‘tkazib, kelgusida Suriya hududidagi terrorchilik tashkilotlarining safiga qo‘shilishni rejalashtirgani aytilayotgan 8 nafar shaxs ushlandi. Ular “Tavhid va jihod katibasi” tashkilotining g‘oyalarini aholi orasida targ‘ib qilganlikda gumonlanmoqda.
O‘zbek raqs san’atida o‘z maktabini yaratgan Qizlarxon Do‘stmuhammedova 77 yoshida vafot etdi. U “O‘zbekiston xalq artisti” bo‘lib, “El-yurt hurmati” ordeniga ham loyiq ko‘rilgan.
Xalqaro savdo markazi Ready4Trade Central Asia loyihasi natijalarini taqdim etdi. Loyihada savdo tartib-qoidalari soddalashtirildi, transchegaraviy boshqaruv bo‘yicha o‘quv dasturi joriy qilindi.
Maktablarda chalingan so‘nggi qo‘ng‘iroq, bitiruvchilarga murojaat, Samarqandga poyezdda borgan Singapur prezidenti, alkogol-tamakini sotish bo‘yicha qonun haqida, janjalda akasini pichoqlab o‘ldirgan yosh yigit, O‘zbekistonga “sog‘liqni saqlash a’lochisi” ko‘krak nishoni va boshqalar — “Gazeta.uz”ning kun dayjestida.
So‘nggi qo‘ng‘iroq bu nafaqat maktab ta’limining oxirgi kuni, balki bitiruvchilar uchun jiddiy va muhim qaror qabul qilish vaqtidir. 25-may kuni “Gazeta.uz” muxbirlari Toshkentdagi maktablar bitiruvchilaridan ularning rejalari, 5−10 yildan so‘ng o‘zlarini qayerda va qanday lavozimda ko‘rishlari haqida so‘radi.
Yangi qonun bilan chekish taqiqlangan jamoat joylari ro‘yxati aniqlashtirildi. Jumladan, ko‘p qavatli uylar kirish yo‘laklari va liftlari, yer osti o‘tish joylari, o‘yin maydonchalari va boshqalar. Bolalar va homilador ayollar bo‘lgan avtomobillarda chekishni taqiqlovchi band qonunning oxirgi tahriridan olib tashlandi.
Toshkentlik fuqaro kvartirasi balkoniga Ukraina bayrog‘ini ilib qo‘ygan edi. U yo‘qligida huquq-tartibot idoralari xodimlari kran bilan 8-qavatga ko‘tarilib, bayroqni olib tashlashdi. “Gazeta.uz” xonadon egasi bilan suhbatlashdi. U uy-joy daxlsizligi buzilgani yuzasidan IIBga murojaat qilmoqchi.
“Yil brendi-2022” VI mukofoti taqdirlash marosimida ekspertlar ovoz berish natijalariga ko‘ra, Indenim kompaniyasi “Moda” yo‘nalishida birinchi o‘rinni qo‘lga kiritdi.
Prezident alkogol va tamaki mahsulotlari iste’molini cheklash to‘g‘risidagi qonunning yangi tahririni imzoladi. Qonun bilan ushbu mahsulotlarni 21 yoshgacha bo‘lganlarga sotish taqiqlandi. Maktablardan do‘konlargacha bo‘lgan masofa 100 metrgacha qisqartirildi. Elektron sigaretlarni tartibga solish boshlanadi.
Mirobod tumanida 21 yoshli yigit janjal sababli akasining ko‘krak qafasiga pichoq urib, uni o‘ldirdi. Voqea joyidan yashiringan gumonlanuvchi ushlangan va tergov olib borilmoqda.
Asialuxe Travel turoperatori Turkiya kurortlarida yaxshi dam olish formulasi bilan o‘rtoqlashdi, shuningdek, har qanday did va budjet uchun Antaliya mehmonxonalarining qisqacha ro‘yxatini tuzdi.
Mazkur tadbir munosabati bilan abituriyentlar Koventri universiteti dasturlarining ustunliklari bilan tanishish maqsadida UDEA kampusiga tashrif buyurishlari mumkin.
Qarshi shahrida 21 yoshli yigit 2004 va 2006-yillarda tug‘ilgan qizlar bilan umumiy ro‘zg‘or asosida er-xotin bo‘lib yashab kelgani uchun 4 yil muddatga ozodlikni cheklash jazosiga hukm qilindi.
Vazirlar, muftiy, Eldor Shomurodov, Konsta, Doniyor G‘aniyev, hokim, diplomatlar, ekspertlar, san’atkorlar, sportchilar hamda jamoatchilikning boshqa faollari 2022/2023 o‘quv yili bitiruvchilariga o‘z maslahatlari va tilaklarini bildirishdi. “Gazeta.uz” ularni e’tiboringizga havola qiladi.
25-may kuni O‘zbekistondagi 10 mingdan ko‘proq maktabda jami 392 ming o‘quvchi uchun qo‘ng‘iroq oxirgi marta chalindi. Qadrdon do‘stlar va ustozlar bilan xayrlashuv, konsert, vals, ko‘zlardagi yosh — “Gazeta.uz” maktablardagi so‘nggi kundan fotoreportaj tayyorladi.
SSV rahbari Amrillo Inoyatov JSST rahbari Tedros Gebreyesusga “O‘zbekiston sog‘liqni saqlash a’lochisi” ko‘krak nishonini topshirdi. Ular Jenevada o‘tayotgan Jahon sog‘liqni saqlash assambleyasi sessiyasi doirasida uchrashdi.
Toshkentdagi chiqindi moy mahsulotini qayta ishlash zavodida tunda kuchli yong‘in sodir bo‘ldi. Voqea joyiga 8 ta yong‘in-qutqaruv ekipaji yuborilgan. Qurbonlar yo‘q.
Coca-Cola chellenji faol ishtirokchilari bo‘lgan Inha va O‘zMU talabalari brend faoliyatiga munosabatlari va kompaniyalar eko loyihani qo‘llab-quvvatlashi qanchalik muhimligi haqida fikr bildirishdi.
Toshkentning uchta tumanidagi ayrim hududlarda 25-may kuni vaqtincha gaz ta’minoti to‘xtatiladi.
Davlatobod tumanida haydovchi harakat xavfsizligini ta’minlay olmagani oqibatida Nexia-2 mashinasi 2 piyodani urib ketdi. Og‘ir ahvolda shifoxonaga yotqizilgan bemorlarning biri vafot etdi.
Qo‘shimcha imkoniyatlarga ega bulish uchun saytda ro‘yxatdan o‘ting