Jamiyat
Ukrainaning Toshkentdagi elchixonasiga gullar va yozuvlar olib kelinmoqda
Toshkentliklar ukrain xalqini qo‘llab-quvvatlab, urushga qarshi ekanliklarini bildirish uchun poytaxtdagi Ukraina elchixonasi binosiga gullar, yumshoq o‘yinchoqlar va yozuvlar olib kelishmoqda.
25 fevral kuni O‘zbekistonda sodir bo‘lgan eng muhim xabarlar dayjesti
Qoraqalpog‘istonga tashrifini kutilganidan avval yakunlagan prezident, Polsha orqali evakuatsiya qilinadigan Ukrainadagi o‘zbekistonliklar, Navoiyda noqonuniy oltin qazishga uringan 54 fuqaro, O‘zbekiston Yevroosiyo taraqqiyot bankiga a’zo bo‘lishga tayyorlanayotganini aytgan bosh vazir, Vladimir Putin bilan telefon orqali muloqot qilgan Shavkat Mirziyoyev va boshqalar — «Gazeta.uz» ning 25 fevraldagi eng muhim xabarlari dayjestida.
Poytaxtdagi DXMlar eski «prava»ni almashtirish uchun so‘nggi mijoz qolgunicha xizmat ko‘rsatadi
Davlat xizmatlari agentligi eski haydovchilik guvohnomasini majburiy almashtirish muddati tugayotgani munosabati bilan DXMlarga kuniga 700 nafargacha fuqaro murojaat qilayotganini ma’lum qildi. Shundan kelib chiqib, endi poytaxtning 10 ta tumanidagi DXMlar yangi guvohnomani berish uchun so‘nggi mijoz qolgunicha faoliyat ko‘rsatadi.
Iyulgacha 4 mln doza Pfizer, 7,5 mln doza Moderna vaksinasi olib kelinadi — Bahodir Yusupaliyev
Sanitariya-epidemiologik osoyishtalik xizmati rahbari Bahodir Yusupaliyev mart, iyun va iyul oylarida yana 4 mln doza Pfizer, 7,5 mln doza Moderna vaksinasi olib kelinishini ma’lum qildi. Qolaversa, O‘zbekistonda yana 10 mln doza o‘zbek-xitoy vaksinasi ham ishlab chiqarilgan.
Andijon shahar xalq ta’limi tizimida daromad solig‘i hisobidan 11,5 mlrd so‘m o‘zlashtirilgani aniqlandi
Xalq ta’limi vazirligi 2021-yilda ta’lim muassasalari 91,1 mlrd so‘mlik moliyaviy xatoga yo‘l qo‘ygani, shundan 27,1 mlrd so‘mni talon-toroj qilganini aniqladi. Birgina Andijon shahrida xodimlarning daromad solig‘i budjetga o‘tkazilmasdan, 11,5 mlrd so‘m o‘zlashtirilgan. Avvalroq, 2018−2020-yillarda Andijon shahar XTB rahbarlari 57 mlrd so‘m talon-toroj qilgani aytilgandi.
O‘zbekiston Ukrainadagi fuqarolarini Polsha orqali evakuatsiya qiladi
O‘zbekistonning Ukrainadagi elchixonasi fuqarolarni Polsha orqali evakuatsiya qilishini xabar qildi. Lvovga kelgan o‘zbekistonliklardan diaspora vakili Maruf Saliyevga murojaat qilish so‘ralgan. Evakuatsiya vaqtida qariyalar, bolalik ayollar, talabalar va bolalar ustunlikka ega bo‘ladi.
Dam olish kunlari ob-havo issiq bo‘ladi
Dam olish kunlari O‘zbekistonda qish fasliga hos bo‘lmagan juda iliq harorat bo‘lishi kutilmoqda. Bu Eron hududlaridan kirib keladigan havo hisobiga yuz beradi. Harorat kunduz kunlari +23…+25 darajagacha ko‘tariladi. Fevralning so‘nggi kunida esa Farg‘ona vodiysidan boshqa barcha hududda yomg‘ir yog‘adi.
Navoiyda noqonuniy oltin qazib olayotgan 54 kishi qo‘lga olindi
Navoiy viloyatidagi Lolazor eski tilla konlarida Navoiy, Samarqand va Buxorodan kelgan 54 nafar fuqaro litsenziyasiz oltin qazib olayotgani vaqtida ushlandi. Ular qazib olgan, tarkibida oltin zarralari bo‘lgan qum esa tekshiruv uchun Navoiy kon-metallurgiya kombinatiga yuborildi. Avvalroq, ayni shu hududda 4 kishini qum bosib qolgandi.
Koronavirusning kunlik holati biroz ko‘paydi
Payshanba kuni 156 kishining COVID-19`ga torshirgan test tahlili musbat natijani ko‘rsatdi, bir kun oldin ushbu ko‘rsatkich — 140 tani tashkil qilgandi. Qolaversa, 26 kishida pnevmoniya aniqlandi.
Hududgaz Jizzax korxonasining ikki nafar xodimi pora olayotgan vaqtida ushlandi
«Hududgaz Jizzax» gaz ta’minoti filiali xodimlari tadbirkorning 384,6 mln so‘mlik qarzini pora evaziga kamaytirib bermoqchi bo‘lgan. Ular pora olgan vaqtida qo‘lga olingan.
O‘zini metrodagi poyezd ostiga tashlagan erkak vafot etdi
Toshkent shahrida o‘zini metro poyezdi ostiga tashlagan erkak Sirdaryoning Sardoba tumanidan bo‘lgan. U voqea joyida vafot etgan.
5 baho uchun somon tashittirgan ustozimni ikkita shart bilan ishga olgandim — Abduqodir Toshqulov
Oliy ta’lim vaziri Abduqodir Toshqulov o‘zining talabalik yillari, ilgari OTMga hujjat topshirishda kuzatilgan qiyinchiliklar, talabalar o‘rtasidagi mahalliychilik, pul topish uchun qora ish qilishga to‘g‘ri kelgani haqida so‘zlab berdi. Qolaversa, sessiyada fanlarni yopib yurgan yillarini esga olar ekan, 5 baho evaziga 4 «telejka» somon tashittirgan ustozini universitetga rektor bo‘lgach, ikkita shart bilan ishga olganini aytdi.
24 fevral kuni O‘zbekistonda sodir bo‘lgan eng muhim xabarlar dayjesti
2-kursdan ishlashi kutilayotgan talabalar, evakuatsiya qilish rejasi tuzilayotgan Ukrainadagi o‘zbekistonliklar, Kiyevga uchadigan ikkita reysni bekor qilgan Uzbekistan Airways, 100 MVt quvvatli shamol elektr stansiyasi qurilishiga tamal toshi qo‘ygan prezident, Ukrainada jabrlanganlar orasida O‘zbekiston fuqarolari yo‘qligini ma’lum qilgan TIV va boshqalar — «Gazeta.uz» ning 24 fevraldagi eng muhim xabarlari dayjestida.
Toshkent metrosida erkak kishi o‘zini poyezd ostiga tashladi
Toshkent metrosining Mirzo Ulug‘bek stansiyasida erkak kishi o‘zini poyezd ostiga tashladi. Natijada bir yo‘nalishda harakat to‘xtab qoldi.
«Biz bunday bo‘lishi mumkinligiga ishonishni xohlamasdik» Ukrainaliklar urush haqida nima deyishmoqda?
«Gazeta.uz» Rossiya erta tongdan harbiy bosqin boshlagan Ukrainada yashovchi aholi bilan suhbatlashdi. Maqola qahramonlari — ba’zilari anonim, ba’zilari esa haqiqiy ismlari bilan — o‘z shaharlarida sodir bo‘layotgan voqealar va mahalliy hokimiyat tomonidan qanday choralar ko‘rilayotganini so‘zlab berishdi.
Uzbekistan Airways Rostov va Krasnodar reyslarini bekor qildi
Uzbekistan Airways aviakompaniyasi Rostov-na-Donu va Krasnodar aeroportlari yopilgani munosabati bilan ushbu shaharlarga parvozlarni bekor qildi.
Rossiyaning Ukrainaga qo‘shni viloyatlaridagi o‘zbekistonliklarning xavotirlanishiga hech qanday asos yo‘q — TIV
Tashqi ishlar vazirligi O‘zbekiston fuqarolari, shu jumladan, Rossiyaning Ukrainaga yaqin hududlarida joylashgan OTMlar talabalari uchun xavotirlanishga sabab va asoslar yo‘qligini ma’lum qildi. TIV agar fuqarolarga tahdid bo‘lsa, o‘z vaqtida choralar ko‘rilishi va ular O‘zbekistonning Moskvadagi elchixonasi va Rostov-Dondagi bosh konsulxonasiga qo‘ng‘iroq qilishlari mumkinligini bildirdi.
Muddatli harbiy xizmatga chaqiruv e’lon qilindi
Prezident qarori bilan harbiy xizmatga yaroqli O‘zbekiston fuqarolari mart-aprel oylarida muddatli harbiy xizmatga chaqiriladi. Mudofaa vazirligining «Gazeta.uz»ga ma’lum qilishicha, mazkur qarorning Ukrainada bo‘layotgan vaziyatlar bilan hech qanday aloqasi yo‘q.
Ukrainadagi o‘zbekistonlik talabalarga o‘qishni masofaviy shaklda davom ettirish tavsiya etildi
O‘zbekistonning Kiyevdagi elchixonasi Ukrainada ta’lim olayotgan o‘zbekistonlik talabalarga murojaat qilib, o‘qishni O‘zbekistonda turib masofaviy shaklda davom ettirishni tavsiya qildi.
Adliya vazirligi 2021 yilda qonun buzilgani uchun hokimliklarga 2,6 mingta taqdimnoma kiritdi
Adliya vazirligi 2021 yilda qonun buzilish holatlarini bartaraf etish bo‘yicha ta’lim muassasalariga 8,2 mingta, hokimliklarga 2,6 mingta, sog‘liqni saqlash muassasalariga 1,5 mingta taqdimnoma kiritdi. O‘rganishlar davomida Andijon viloyatida ishsizlik nafaqasi bo‘yicha jami 1,3 mlrd so‘m qarzdorlik mavjudligi aniqlangan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting