Jamiyat
Shaxmatchi Javohir Sindarov top-5 talikka kirdi. Jahon chempionatining birinchi kun natijalari
O‘zbekistonlik shaxmatchi Javohir Sindarov blits yo‘nalishi bo‘yicha jahon chempionatining birinchi kunida top-5 talikka kirdi. 16 yoshli sportchi 12 turning birida dunyoning to‘qqizinchi raqamli shaxmatchisini mag‘lub etdi. Nodirbek Abdusattorov, Jahongir Vohidov, Shamsiddin Vohidovlar hozircha yetakchilardan ortda qolmoqda.
29 dekabr kuni O‘zbekistonda sodir bo‘lgan eng muhim xabarlar dayjesti
7,5 yilga qamalgan Jizzax viloyati hokimining sobiq o‘rinbosari, tezkor shaxmat bo‘yicha jahon chempioni bo‘lgan 17 yoshli Nodirbek Abdusattorov, 477,9 mln so‘mlik KIA Sorento xaridini bekor qilgan Sirdaryo hokimligi, 40 kishiga OITS yuqtirgan buxorolik ayol, bayram kunlari ish vaqti uzaytirilgan jamoat transporti, O‘zbekistonda quriladigan AES va boshqa xabarlar — «Gazeta.uz» ning 29 dekabrdagi eng muhim xabarlari dayjestida.
Afg‘onistonga elektr yetkazib berishning qisqarishi EULdagi ta’mirlash bilan bog‘liq — Energetika vazirligi
Energetika vazirligi O‘zbekistondagi texnik muammolar tufayli Afg‘onistonning 15 provinsiyasi, jumladan, Kobulda elektr ta’minotida uzilishlar kuzatilgani haqidagi xabarlarga izoh berdi.
Suv hisoblagichlarini o‘rnatish xarajatlari iste’molchilar bo‘ynida qoldi
Qonunchilik palatasi «Ichimlik suvi ta’minoti va oqava suvlarni chiqarish to‘g‘risida»gi qonunni ma’qulladi. Deputat Rasul Kusherbayev «yangi O‘zbekistonda suv ta’minoti masalasi eskiligicha qolayotganini» aytdi. Uning so‘zlariga ko‘ra, iste’molchi «suv hisoblagichini o‘zi sotib oladi, hisobini o‘zi yuritadi va ko‘rsatkichlarni o‘zi tekshiradi». «O‘zsuvta’minot» korxonasi rahbari Sohib Saifnazarovning aytishicha, korxona o‘z hisobidan hisoblagichlarni o‘rnatishga tayyor, ammo keyin «barcha xarajatlarni tariflarga qo‘shishga to‘g‘ri keladi».
Qiynoq qurbonlariga tovon to‘lash taklif qilindi
Deputatlar qiynoqlardan jabrlanganlarga tovon puli to‘lashni nazarda tutuvchi Fuqarolik kodeksiga o‘zgartirishlar kiritish to‘g‘risidagi qonun loyihasini birinchi o‘qishda ma’qulladi. Inson huquqlari bo‘yicha Milliy markaz rahbarining birinchi o‘rinbosari mazkur hujjat BMT Qo‘mitasi va maxsus ma’ruzachisi tavsiyalarini inobatga olgan holda, shuningdek, O‘zbekiston obro‘siga putur yetkazuvchi va uning manfaatlariga ta’sir etuvchi qiynoq holatlari, GSP+ bo‘yicha majburiyatlar hamda boshqa omillar tufayli qabul qilinishi zarur ekanligini ta’kidladi.
1 yanvardan nimalar o‘zgaradi?
Xorijiy tillardan milliy va xalqaro sertifikatlarga ega xodimlarga qo‘shimcha ustama to‘lanishi, YATTlarning ijtimoiy soliq stavkasi ikki baravarga kamaytirilishi, 15 turdagi ma’lumot va hujjat aholidan talab qilinmasligi, chek bermasdan tovar sotganlar haqida xabar berganlarning mukofotlanishi, tugallanmagan qurilishni moliyalashtirish to‘xtatilishi, avtomobilni notarius tasdig‘isiz ijaraga berish mumkinligi va metro poyezdlari harakatini ko‘rsatuvchi mobil ilova ishga tushirilishi va boshqalar — 1 yanvardan nimalar o‘zgaradi?
Bayram kunlari poytaxt jamoat transporti qay tartibda ishlaydi?
«Yangi yil» bayrami munosabati bilan dam olish kunlari poytaxtda avtobuslar va metro harakati vaqti o‘zgaradi. Jumladan, 31 dekabrdan 1 yanvarga o‘tar kechasi jamoat transporti harakati 1 soatga uzaytiriladi. 5 yanvarga qadar ular yakshanba kuniga mo‘ljallangan jadval asosida faoliyat yuritadi.
Sirdaryo viloyati hokimligi 477,9 mln so‘mga KIA Sorento Comfort avtomobili xaridi bo‘yicha shartnomani bekor qildi
Sirdaryo viloyati hokimligining 477,9 mln so‘mga KIA Sorento Comfort xizmat avtomobili xaridi bo‘yicha shartnomasi bekor qilindi. Ushbu mablag‘ esa «Saxovat va ko‘mak» jamg‘armasiga yo‘naltirilgan. Holat bo‘yicha hokimning birinchi o‘rinbosariga «hayfsan» berildi.
Jizzax viloyati hokimining sobiq o‘rinbosari 7,5 yilga qamaldi
Jizzaxdagi bino qulashi ortidan viloyat hokimining ishdan bo‘shatilgan o‘rinbosari Akram Rahmonqulov bir qancha jinoyatlarni sodir etganlikda aybdor deb topildi. Unga 7 yil 6 oyga ozodlikdan mahrum qilish va 111,5 mln so‘m jarimaga tortish jazosi tayinlandi. Jinoyat ishi doirasida jami 27 kishi, jumladan, Akram Rahmonqulovning to‘rt nafar ukasi va o‘g‘li javobgarlikka tortildi.
Karmana tumani xalq ta’limi bo‘limi mudiri ishdan bo‘shatildi
Karmana tumani xalq ta’limi bo‘limining mudiri vazifasini bajaruvchi, metodisti va bosh hisobchisi chet tili o‘qituvchilariga darslik sotib olishi uchun tarqatilayotgan 1 mln so‘mni naqd ko‘rinishda bergani, qolaversa, 60 ming so‘mlik darsliklarni 483 ming so‘mdan sotgani uchun ishdan bo‘shatildi.
Buxoroda ayol qariyb 40 kishiga OITS yuqtirgani uchun 6,5 yilga qamaldi
Buxoro viloyatida OITSga chalinganini bila turib 4 yil davomida qariyb 40 kishiga kasallikni yuqtirib kelgan ayol aniqlandi. Sud hukmiga ko‘ra, unga 6 yil 6 oyga ozodlikdan mahrum qilish jazosi tayinlandi.
O‘zbekistonda pensiya va nafaqa 5-yanvardan boshlab to‘lab beriladi
Amaldagi tartibga ko‘ra, pensiya va nafaqalar to‘lovi har oyning birinchi bank ish kunidan oyning 27-sanasiga qadar amalga oshiriladi. Pensiya jamg‘armasi Yangi yil arafasida o‘zbekistonliklar 5 kun dam olishini hisobga olgan holda, 5−6 yanvardan pensiya va nafaqa to‘lab berilishini ma’lum qildi.
Tumanli ob-havo O‘zbekistondagi ikkita aeroport faoliyatini chekladi
Namangan va Andijon aeroportlari quyuq tuman tushishi tufayli reyslarni qabul qilmayapti, ko‘rish masofasi 50 metrga yaqinni tashkil etmoqda. Reyslar esa eng yaqin zaxira aerodromlarga yo‘naltirilmoqda.
Ahmad Donish ko‘chasidagi yo‘lning cho‘kish holati yuzasidan jinoyat ishi qo‘zg‘atildi
DXX tomonidan Ahmad Donish ko‘chasidagi cho‘kish tufayli davlatga 4,5 mlrd so‘m miqdorida zarar yetkazilgani aniqlandi. Holat yuzasidan Toshkent metropoliteni liniyalarini qurish direksiyasi va poytaxt hokimligi Yagona buyurtmachi xizmati injiniring kompaniyasi mansabdorariga nisbatan jinoyat ishi qo‘zg‘atildi.
Yakkasaroydagi qurilish binosidan snaryad va minomyotlar topildi
Yakkasaroy tumanida joylashgan qurilish obyektida ikki donadan 115 mmlik o‘quv snaryadi va 82 mmlik o‘quv minomyoti topildi. IIBB o‘rganish ishlarini olib bormoqda.
Milliy gvardiya 1200 ga yaqin bolaning asrab olinishiga yordamlashdi
Yetim bolalarni tarbiyalashning yangilangan tizimi joriy etilganidan so‘ng to‘rt oy ichida 7 ta Mehribonlik uyi va 3 ta bolalar shaharchasi yopildi. Bolalar asrab olingan, qarindoshlari qaramog‘iga olingan yoki oilaviy bolalar uylarida tarbiyalanmoqda.
O‘zbekistonda AES qurish loyihasi qizg‘in muhokama qilinmoqda — Rossiya elchisi
O‘zbekiston va Rossiya ekspertlari mamlakatda AES qurish loyihasini qizg‘in muhokama qilishda davom etmoqda. Rossiyaning O‘zbekistondagi elchisi uni amalga oshirishda qanday qiyinchiliklar borligiga aniqlik kiritdi. Uning ta’kidlashicha, RFning boshqa mamlakatda bo‘lgani kabi, O‘zbekistonda ham AES qurishiga qarshi ta’sirlar bo‘lmoqda.
Ra’no Jo‘rayeva — Toshkent aeroportida taksichilar muammosi qanday yechilishi haqida
Uzbekistan Airports rahbari Ra’no Jo‘rayeva Toshkent aeroporti yaqinida xususiy takchisilar faoliyatini tartibga solish va yo‘lovchilarni shahar markazigacha tashishni tashkil etishga xalal berayotgan muammolarni sanab o‘tdi. Uning so‘zlariga ko‘ra, bu taksi xizmatlarini ko‘rsatuvchilar o‘rtasida tender o‘tkazilmayotgan, aeroport oldi hududlarining hokimiyat balansida ekani hamda kunu tun ishlaydigan jamoat transportining mavjud emasligi bilan bog‘liq.
17 yoshli Nodirbek Abdusattorov tezkor shaxmat bo‘yicha jahon chempioni bo‘ldi
Shaxmatning rapid yo‘nalishi bo‘yicha FIDE jahon chempionatida Nodirbek Abdusattorov yakunda rossiyalik raqibini yengib, jahon chempioni bo‘ldi. Endi u 60 000 dollarga ega bo‘ladi.
28 dekabr kuni O‘zbekistonda sodir bo‘lgan eng muhim xabarlar dayjesti
Sankt-Peterburgga yetib borgan Shavkat Mirziyoyev, yanvar oxirigacha faoliyati qayta tiklanadigan valyuta almashtiruvchi bankomatlar, 81 tup kesilgan daraxtning kompensatsiyasini 22 oydan so‘ng olgan Ekoqo‘mita, Qozog‘istonda YTHga uchragan o‘zbekistonliklar to‘la avtobus, shaxmatda jahon chempionini mag‘lub etgan Nodir Abdusattorov va boshqa jabarlar — «Gazeta.uz» ning 28 dekabrdagi eng muhim xabarlari dayjestida.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting