Jamiyat
23 sentabr kuni O‘zbekistonda sodir bo‘lgan eng muhim xabarlar dayjesti
“Ijtimoiy fikr” jamoatchilik fikrini o‘rganish markazining prezident saylovlari bo‘yicha so‘rovi, “Olmazor” — “Sergeli” metro yo‘nalishida poyezdlar qatnovi vaqtincha to‘xtatilishi, akademik litseylar uchun mandat e’lon qilinishi — “Gazeta.uz"ning 23 sentabrdagi eng muhim xabarlari dayjestida.
Qashqadaryoda o‘zini zo‘rlamoqchi bo‘lgan qo‘shnisini o‘ldirib qo‘ygan ayolga jinoiy ish ochildi
Qashqadaryo viloyati Chiroqchi tumanida homilador ayol o‘zini zo‘rlamoqchi bo‘lgan qo‘shni erkakni pichoqlab o‘ldirdi. Ayolga nisbatan jinoiy ish qo‘zg‘atildi. Avvalroq erkakning yaqinlari prokuror bilan uchrashish uchun g‘alayon ko‘targan edi.
«Ochiq budjet» axborot portalidagi jamoatchilik fikri orqali ichki yo‘llar ta’mirlanadi
Prezident 1 oktabrgacha «Ochiq budjet» axborot portalidagi takliflar soni 100 tadan ortiq bo‘lgan tuman va shaharlarga qo‘shimcha 59,5 mlrd so‘m mablag‘ ajratish bo‘yicha qaror qabul qildi. Unga ko‘ra, 2022 yildan ichki yo‘llarni ta’mirlashga ajratiladigan 50 foiz mablag‘ «Ochiq budjet» axborot portalida aholi ko‘p ovoz bergan hududlarga yo‘naltiriladi.
MY5 telekanali ma’muriy javobgarlikka tortildi
“Mening yurtim” telekanali kino ishlab chiqaruvchilar assotsiatsiyasi a’zolariga tegishli bo‘lgan kinofilmlarni ruxsatsiz va shartnoma tuzmasdan efirga uzatgani uchun ma’muriy javobgarlikka tortildi.
Metroda voyaga yetmagan qizga behayo harakatlar qilgan shaxs ushlandi
Toshkent shahrida metroda 13 yoshli qizga behayo harakatlari uchun qidiruvda bo‘lgan erkak qo‘lga olindi. Fuqaro ilgari bir necha jinoyatlarni sodir etganligi uchun sudlangan.
Akademik litseylar uchun mandat e’lon qilindi
Oliy ta’lim vazirligi respublika OTMlari tasarrufidagi akademik litseylarga kirish imtihonlarining yakuniy natijalarini e’lon qildi.
“Olmazor” — “Sergeli” metro yo‘nalishida poyezdlar qatnovi vaqtincha to‘xtatiladi
“Olmazor” — “Sergeli” yo‘nalishida poyezdlar qatnovi 25 sentabr soat 21:00 dan 26 sentabr soat 07:00 gacha vaqtincha to‘xtatiladi. Metropoliten yo‘lovchilari ushbu yo‘nalishda yo‘lga qo‘yiladigan avtobuslardan yo‘l kira xaqqisiz foydalanishi mumkin.
Suv ta’minoti va kanalizatsiya tizimlariga noqonuniy ulanishlar davlat budjetiga 8,4 mlrd so‘m zarar yetkazgan
Yanvar-avgust oylarida ichimlik suvi ta’minoti tarmoqlari va kanalizatsiya tizimlariga 2798 ta noqonuniy ulanish holatlari aniqlangan. Mazkur qonunbuzarliklar oqibatida davlat budjetiga jami 8,4 mlrd so‘mlik zarar yetkazilgan. Toshkent shahrida suv ta’minoti tarmoqlariga noqonuniy ulanish hamda qarzdorlik tufayli tarmoqdan uzilish holatlarining 90 foizi yuridik shaxslar hissasiga to‘g‘ri keladi.
5 oktabrdan Moskvadan O‘zbekiston shaharlariga aviareyslar soni oshiriladi
5 oktabrdan boshlab Moskvadan O‘zbekiston shaharlariga doimiy aviaqatnovlar oshiriladi. Bunda Moskva — Toshkent yo‘nalishi bo‘yicha haftasiga 4 tagacha reys, Moskva — Samarqand, Buxoro bo‘yicha haftasiga 2 ta reys yo‘lga qo‘yiladi.
So‘rov ishtirokchilarining deyarli yarmi prezidentlikka nomzodlar teledebat qilishlarini yoqlamoqda — «Ijtimoiy fikr»
«Ijtimoiy fikr» markazining prezidentlik saylovi bo‘yicha so‘rovi fuqarolar saylovoldi dasturlari bilan to‘liq tanishishga hali ulgurmaganini ko‘rsatdi. Respondentlarning deyarli yarmi nomzodlar orasidagi ochiq teledebatlarni dasturlar haqida ma’lumot olishning eng jozibali shakli deb atashdi.
22 sentabr kuni O‘zbekistonda sodir bo‘lgan eng muhim xabarlar dayjesti
Prezidentlikka nomzodlar maktablarda bepul ovqatlanishni taklif qilishi, Toshkentda “Tungi velosayr” festivali o‘tkazilishi, Mo‘ynoqda yashovchi oilalarga 5 mln so‘mdan tarqatilishi — “Gazeta.uz"ning 22 sentabrdagi eng muhim xabarlari dayjestida.
British Airways reysi yo‘lovchilari Toshkent aeroportida ushlanib qoldi
Islomoboddan Londonga uchgan British Airways samolyoti 83 yoshli yo‘lovchining aholi yomonlashib qolgani sababli erta tongda Toshkentga qo‘ndi. Ayol samolyot qo‘nganidan ko‘p o‘tmay olamdan o‘tdi. Yo‘lovchilar hali ham aeroportda qolishmoqda.
Shaharsozlik va loyiha hujjatlarini ekspertizadan o‘tkazish qoidalari yangilandi
1 oktabrdan shaharsozlik hujjatlari «Shaffof qurilish» milliy axborot tizimi, loyiha hujjatlari esa akkreditatsiya qilingan ekspert tashkilotlari — yuridik shaxslar, «Shaharsozlik hujjatlari ekspertizasi» DUK yoki uning hududiy filiallari tomonidan ko‘rib chiqiladi.
Toshkentdagi Romanovlar saroyi binosi rekonstruksiya qilinadi
Madaniyat va san’atni rivojlantirish jamg‘armasi Toshkentdagi Romanovlar caroyi binosini rekonstruksiya qiladi. Unda, avval xabar qilinganidek, muzey joylashtiriladi, G‘arbiy Yevropaning rassomchilik kolleksiyasi, chinni buyumlar, interer buyumlari va boshqa qimmatli san’at asarlarini muzeyga qaytarish rejalashtirilgan. Saroyning bog‘ hududida jamoatchilik uchun ochiq maydon barpo etiladi.
“Bitta aybim Toshkentda tug‘ilmaganim edi” — prezident “propiska” haqida gapirdi
Prezident Shavkat Mirziyoyev bir vaqtlar Toshkentda “propiska” olish azob bo‘lgani, uning o‘zi ham institutda fan nomzodi bo‘lmaguncha “propiska"siz bo‘lganini esga oldi. “Bitta aybim — Toshkentda tug‘ilmaganim uchun edi. Nima degani bu? Adolat emas-ku bu”, — deya ta’kidladi u.
Andrey Kubatinning oilasi 150 mln so‘m miqdorida tovon puli oladi
Sud marhum sharqshunos olim Andrey Kubatinning oilasiga yetkazilgan ma’naviy zararni qoplash to‘g‘risidagi da’voni qisman qanoatlantirdi. Toshkent shahar Moliya boshqarmasi uning yaqinlariga 150 mln so‘m to‘lashi kerak. Oilasi esa dastavval 3,5 mlrd so‘m miqdorida tovon puli so‘ragan.
Navoiyda er-xotin farzandini 85 mln so‘mga sotmoqchi bo‘ldi
Navoiy viloyatida ikki yoshli farzandini sotishga uringan samarqandlik er-xotin qo‘lga olindi.
Ketma-ket qiz tuqqani uchun tazyiqqa uchragan kattaqo‘rg‘onlik ayol va uning katta qizi o‘z joniga qasd qildi
Kattaqo‘rg‘on tumanida «ketma-ket qiz farzandlar ko‘rgani» uchun eri va qaynonasining tazyig‘iga uchrab kelgan ayol va uning katta qizi o‘z joniga qasd qildi. Ular o‘limida aybli deb topilgan er 7 yilga qamaldi, qaynonaga 4 yil ozodlikni cheklash jazosi tayinlandi. Ayolga himoya orderi berilgan bo‘lgan.
Koronavirusga qarshi emlanganlar 14 kundan keyin grippga qarshi vaksina olishi mumkin — SEO
Milliy emlash kalendariga asosan, grippga qarshi emlanish jarayonlari sentabr-oktabr oylaridan boshlanadi. Sanitariya-epidemiologiya xizmati bo‘lib boshlig‘i Rustam Ikromov grippga qarshi emlanish jarayonlari haqidagi savollarga javob berdi.
Prezidentlikka nomzodlar maktablarda bepul ovqatlanishni taklif qilishdi
O‘zLiDePning prezidentlikka nomzodi Shavkat Mirziyoyev Xorazmda ham 1−4 cinf o‘quvchilariga bepul tushlik berish joriy etilishini ma’lum qildi. XDPning prezidentlikka nomzodi Maqsuda Vorisova boshlang‘ich sinf o‘quvchilari uchun bepul nonushtalar tashkil etilishi haqida aytdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting