Jamiyat
«Har bir tumanning rahbarlari 35−40% oyligini davlatga to‘lashni o‘ylashi kerak» — prezident
«Har bir rayonni 4 ta rahbari vijdoni bo‘lsa, viloyat hokimiga kelib aytishi kerak „35−40 foiz oyligimni davlatga to‘layman“, deb. Nimaga desangiz har bir mahalla, tumanda 15, 20, 30 foiz fuqaro chet elda yuribdi», — dedi davlat rahbari. Ma’lumotga ko‘ra, Samarqandda 220 ming nafar fuqaro chet elda, 174 mingi esa ishsiz.
O‘zbekistonda ommaviy bolalar degelmintizatsiyasi boshlandi
Bolalarni ommaviy degelmintizatsiya kilish Buxoro, Qashqadaryo, Surxondaryo, Sirdaryo, Toshkent va Farg‘ona viloyatlari hamda Qoraqalpog‘iston Respublikasida boshlandi. Tadbir doirasida 6,5 mln bola qamrab olinishi ko‘zda tutilgan.
Yomon sharoitdagi Kitob tumani mehribonlik uyi direktori va ombor mudiri vazifasidan ozod etildi
Bolalar yomon sharoitda yashayotgan, oziq-ovqat mahsulotlarining sifati o‘zgargani va chirigani, beton poldan iborat xonalar zaxligi aniqlangan Qashqadaryo viloyati Kitob tumanidagi mehribonlik uyi viloyat ta’lim boshqarmasi tomonidan o‘rganildi. Muassasa direktori va ombor mudiri ishdan olindi.
Jizzaxda prezidentni internet orqali haqoratlagan shaxsga nisbatan jinoiy ish ochildi
Jizzaxda O‘zbekiston prezidentini internetda haqoratlagan shaxsga nisbatan jinoiy ish ochildi. Baxmallik fuqaro V.K. YouTube va Facebook tarmoqlarida prezidentni haqoratlab, davlat rahbarining obro‘siga putur yetkazish va kamsituvchi ma’lumotlarni tarqatganlikda ayblanmoqda.
Koronavirus aniqlangan uchta OTM masofaviy ta’limga o‘tdi
Toshkent davlat o‘zbek tili va adabiyoti universiteti, Samarqand iqtisodiyot va servis instituti hamda Jahon iqtisodiyoti va diplomatiya universitetida COVID-19`ga chalinish holatlari aniqlandi. Muassasalarda o‘quv jarayoni masofaviy ta’limga o‘tkazildi.
Samarqandda Nexia-3 velosipedchini urib yubordi
Samarqand shahrida Nexia-3 rusumli avtomobil velosipedchini urib yubordi. Velosipedchi tan jarohati bilan shifoxonaga yotqizilgan. Holat yuzasidan surishtiruv harakatlari olib borilmoqda.
O‘zbekistonda bolalar orasida koronavirusga chalinish holatlari ko‘paymoqda — OAV
O‘zbekistondagi kasalxonalarda koronavirus kasalligiga chalingan bolalar soni keskin ko‘paymoqda, ular orasida o‘lim holati ham qayd etilganligi aytilmoqda. Zangiotadagi ixtisoslashgan shifoxonada hozirgacha 400 nafarga yaqin bola davolangan.
Mirza Azizov 25 kun reanimatsiyada bo‘lib, koronavirus bilan kurashgani ma’lum bo‘ldi
O‘zbekiston xalq artisti Mirza Azizov COVID-19 ga chalinib, Zangiota shifoxonasiga yotqizilgani ma’lum bo‘ldi. Aktyor 25 kun davomida reanimatsiya bo‘limida davolangan.
O‘zbekiston diplomatik vakolatxonalari Rossiyada bo‘lib turishni qonuniylashtirish uchun yordam ko‘rsatadi
Rossiya hududida noqonuniy bo‘lib turgan xorijiy davlat fuqarolariga 15 iyunga qadar o‘z maqomlarini qonuniylashtirishga ruxsat berilgan. Tashqi mehnat migratsiyasi agentligi Rossiya hududida bo‘lishni qonuniylashtirish masalasida yordam qidirayotgan fuqarolarni O‘zbekistonning Rossiya mintaqalaridagi Bosh konsulxonalariga hamda Tashqi mehnat migratsiyasi agentligining telefon raqamlari orqali murojaat qilishga chaqirmoqda.
«Kitob tumanidagi 5-sonli Mehribonlik uyini tugatish kerak» — Aliya Yunusova
Bolalar ombudsmani Aliya Yunusovaning ta’kidlashicha, «Kitob tumanidagi 5-sonli Mehribonlik uyini tugatish kerak». O‘tkazilgan o‘rganishlarda oziq-ovqat mahsulotlarining sifati o‘zgargani va chirigani, beton poldan iborat xonalar zaxligi, mebellar esa eskiligi sabab bolalar juda yomon sharoitda yashayotgani aniqlangan. Uning o‘rnida Bolalar shaharchasini tashkil etish taklif qilinmoqda.
Ish haftasining ikkinchi yarmida kam bulutli va quruq ob-havo bo‘ladi
20−21 aprelda O‘zbekiston hududiga Kaspiy dengizi hududlaridan nam havo massalari, so‘ng Ural hududlaridan deyarli sovuq antitsiklon kirib keladi. Respublikaning ayrim hududlarida yomg‘ir yog‘adi, momaqaldiroq bo‘lishi mumkin. Ish haftasining ikkinchi yarmida O‘zbekistonning barcha hududlari bo‘yicha kam bulutli va quruq ob-havo bo‘ladi.
«Karantin qoidalarini buzganlarga nisbatan eng qat’iy choralar qo‘llaniladi» — IIV
Agar ilgari ichki ishlar organlari xodimlari karantin qoidalarini buzgan fuqarolarni ogohlantirish bilan cheklanib qolishgan bo‘lsa, endi qoidabuzarlarga nisbatan eng qat’iy choralar qo‘llaniladi, deyiladi IIV xabarida. Birgina 18 aprelning o‘zida Toshkentda karantin qoidalariga rioya qilmaganlik to‘g‘risida 773 ta bayonnoma tuzildi.
Xitoy-o‘zbek vaksinasi «britaniya» va «braziliya» shtammlariga qarshi samarali ekanligi tasdiqlandi
Xitoy-o‘zbek ZF-UZ-VAS2001 vaksinasi koronavirusning yangi «britaniya» va «braziliya» shtammlariga qarshi samarali ekanligi qayd etildi. Bundan tashqari, mazkur vaksina «janubiy afrika» shtammiga ham qarshi aktiv neytral holatini saqlab qoldi.
65 yoshdan kattalar va yosh bolalarga taroveh namozlarini uyda ado etish so‘ralmoqda
Murakkab epidemiologik vaziyatni e’tiborga olib, juma va taroveh namozlarini amalga oshirishda 65 va undan katta yoshdagi fuqarolar, yosh bolalar hamda surunkali kasalligi mavjud shaxslardan ibodatlarni uyda amalga oshirish so‘ralmoqda.
Namangan tarkibida yana bitta tuman tashkil qilinadi
Namangan tarkibida yana bir tuman — Yangi Namangan tumanini tashkil etish rejalashtirilgan. Sentyabrda shaharda 2003 yilda tugatilgan Davlatobod tumani qayta tuzilgan edi.
O‘zgidrometning eng baland tog‘ meteostansiyasi — Oygaing qanday ishlaydi
Tog‘lardagi qor zaxirasi yetarlimi, daryolarda suv miqdori qancha bo‘ladi, qor ko‘chkisi xavfi mavjudmi? Texnologiya qanchalik taraqqiy etmasin, ayrim meteokuzatuvlarni odamlarning ishtirokisiz o‘tkazib bo‘lmaydi. «Gazeta.uz» O‘zgidromet taklifi bilan mamlakatdagi eng baland tog‘ meteostansiyasi — Oygaingga tashrif buyurdi. Bu maskanda bir necha mutaxassis oilasi bilan yashab, mehnat qiladi, qor qoplamasi holatini nazorat qilib, har 3 soatda ma’lumotlar jo‘natib turadi.
Angren MIB rahbari xodimlarini haqorat qilgani uchun xayfsan oldi
Angren Majburiy ijro byurosi rahbari Mohizoda Yusupova rejani bajarmagan xodimlarni nomaqbul so‘zlar bilan haqorat qilgani uchun hayfsan oldi. MIB kelgusida bu kabi holatlarning oldini olish uchun choralar ko‘rilishini ma’lum qildi.
O‘zbekistonda necha yoshlilarda ko‘proq COVID-19 yuqtirish holatlari kuzatilmoqda?
Ma’lum qilinishicha, O‘zbekistonda koronavirusdan kasallanganlarning 22−26 foizini 60 yosh va undan kattalar tashkil etmoqda. Shuningdek, 30−39 yoshdagilar 17−20 foizni, 14 yoshgacha bo‘lgan bolalar o‘rtacha 13−15 foizni tashkil qilmoqda.
O‘zbek olimlarining COVID-19ga qarshi ikki vaksinasi JSST nomzod vaksinalar ro‘yxatiga kirdi
O‘zbek olimlari tomonidan yaratilayotgan ikki vaksina — Innovatsion rivojlanish vazirligi huzuridagi Ilg‘or texnologiyalar markazi hamda FA Genomika va bioinformatika markazi vaksinalari Jahon sog‘liqni saqlash tashkilotining nomzod vaksinalar ro‘yxatiga kiritildi. Mazkur ikki vaksina hozirda klinik oldi sinovlaridan o‘tmoqda.
«Jasliq»da 100 ga yaqin mahkum saqlanmoqda — huquq himoyachisi
O‘zbekiston inson huquqlari «Ezgulik» jamiyati raisi Abdurahmon Tashanovning Kun.uz'ga bergan intervyusida ma’lum qilishicha, rasman yopilgani e’lon qilingan Jasliq qamoqxonasi faoliyat yuritishda davom etmoqda. Uning aytishicha, Navoiy viloyatining Qiziltepa tumanida umrbod qamoq jazosiga hukm qilingan shaxslarni saqlash uchun zamonaviy qamoqxona qurilmoqda. «Shu qamoqxona bitsa, hozir Jasliqda olib qolingan mahkumlar u yerga ko‘chirilarkan», — deydi u.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting