Jamiyat
Toshkentda Isuzu rusumli avtobus ishtirokidagi YTHda 5 kishi jarohatlandi
25 noyabr kuni ertalab Toshkentda Isuzu rusumli avtobus ishtirokidagi YTH yuz berdi. Unda haydovchi hamda 4 nafar yo‘lovchi tan jarohati olgan.
O‘zbekistonda elektr energiyasidan qarzdorligi eng katta viloyatlar reytingi tuzildi
Samarqand viloyati — elektr energiyasidan qarzdorlik bo‘yicha respublikada yetakchi bo‘lib, viloyatdagi qarzdorlik 646 mlrd so‘mni tashkil qiladi. Qarzdorlik bo‘yicha keyingi o‘rinlarda Navoiy (410 mlrd so‘m) va Andijon (273 mlrd so‘m) viloyatlari turibdi.
COVID-19 bemorlari uchun mo‘ljallangan ayrim taqsimlash markazlari yopilmoqda
Bemorlar kamaygani bois, Toshkent shahri Uchtepa tumanidagi «Atlas» do‘konida COVID-19 va atipik pnevmoniya bemorlari uchun tashkil etilgan taqsimot markazi yopildi. «Yoshlik» sport majmuasidagi markaz faoliyati ham to‘xtatilishi kutilmoqda.
Moratoriy davrida 7854 tup daraxt noqonuniy kesilib, tabiatga 9,787 mlrd so‘mdan ortiq zarar yetkazilgan
Davlat ekologiya qo‘mitasi raisi o‘rinbosari moratoriy davrida 7854 tup daraxt noqonuniy kesilib, tabiatga 9,787 mlrd so‘mdan ortiq zarar yetkazilganini ma’lum qildi. Huquqbuzarlarning 167 nafari mansabdor shaxslar hisoblanadi. Ular qatorida Sirdaryo tumani hokimi [11,7 mln so‘m] va «Vuildinig and Supplies» qurilish korxonasi [630,4 mln so‘m] jarimaga tortilgan. 17 ta holatda jinoiy ish qo‘zg‘atilgan.
«Sputnik V» vaksinasining samaradorligi 95 foizdan oshdi
COVID-19 ga qarshi «Sputnik V» vaksinasining ishlab chiquvchilari uning samaradorligini 95% dan yuqori ekanligini e’lon qilishdi. Xalqaro bozorlar uchun bitta vaksina dozasi 10 dollardan kamroqqa narxlanmoqda.
Toshkent hokimiyati 1 mlrd so‘mga prezident portretlarini sotib olgan (aniqlik kiritildi)
Toshkent hokimining boshqaruv apparati 1 mlrd so‘mga 4965 dona prezident portretlarini sotib olgan. Shartnoma Kolorpak kompaniyasi bilan tuzilgan.
Sirdaryo viloyatidagi YTH oqibatida Shirin shahri vaqtincha gazsiz qoldi
Sirdaryo viloyatida haydovchi boshqaruvni yo‘qotishi natijasida transport vositasi yo‘l chetidan o‘tgan gaz tarmog‘iga borib urildi. Oqibatda Shirin shahri vaqtincha gazsiz qoldi.
Koronavirus tufayli Xitoyda yuzlab reyslar bekor qilindi
Koronavirus infeksiyasi sababli Xitoyda yuzlab reyslar bekor qilindi. Jumladan, Shanxayning «Pudong» xalqaro aeroportida kamida 436 ta, Tyanszindagi «Binxay» aeroportida esa 165 ta reys to‘xtatilgan.
2021 yilda gaz va elektr energiyasi narxlarini oshirmaslik belgilanmoqda — deputat
2021 yil davomida tabiiy gaz va elektr energiyasi iste’moli uchun tariflar oshirilmasligi belgilanmoqda, deya xabar qildi deputat Rasul Kusherbayev. Bosh vazir Abdulla Aripov ushbu xabarni tasdiqlab, bu aholi uchun yengillik yaratish yo‘lida qilinayotganini ta’kidladi.
Jizzaxda sovuqda yupun kiyingan bolalar ishtirokidagi tadbir tashkilotchilariga ogohlantirish berildi
Baxmal tumanida yupun kiyingan bolalar ishtirok etgan tadbir tashkilotchilariga tumani hokimligi tomonidan ogohlantirish berildi hamda qonuniy tartibda chora ko‘riladigan bo‘ldi. Tadbir 5−6 daqiqa davom etgan va bolalar uzoq vaqt tashqarida qolmagan, deya xabar berdi hokimlik.
Daraxtlar va butalarni kesishga moratoriy bir yilga uzaytirilishi mumkin
Davlat ekologiya qo‘mitasining “Gazeta.uz"ga ma’lum qilishicha, daraxt va butalarning qimmatbaho navlarini kesishga moratoriy 2021-yil 31-dekabrga qadar uzaytirilishi mumkin. Qo‘mita bu boradagi taklifni Vazirlar Mahkamasiga kiritdi.
Qashqadaryoda ichimlik suvi tizimini yaxshilash uchun ajratilgan 23 mlrd so‘m mablag‘ behuda sarflangan
Qashqadaryo viloyatida 2018, 2019 va 2020 yilning shu davriga nisbatan ichimlik suvi uchun ajratilgan 23 mlrd so‘m mablag‘ samarasiz sarflangani ma’lum bo‘ldi. Aytilishicha, buning oqibatida 10 ta hududga haligacha ichimlik suvi yetib bormagan. Viloyatning Nishon, Kasbi, Koson, Muborak tumanlariga ham ajratilgan mablag‘lardan unumli foydalanilmagan.
Elektr energiyasini faqat oldindan to‘lov asosida yetkazib berish taklif etildi
2021 yildan barcha elektr energiyasi iste’molchilariga elektr energiyasini yetkazib berish faqat oldindan to‘lov asosida amalga oshirilishi taklif etilmoqda. To‘lovni amalga oshirmagan iste’molchilarga nisbatan elektr tarmoqlaridan to‘liq uzish chorasi ko‘rilishi mumkin.
Bektemir tuman aholi bandligiga ko‘maklashish markazi direktori pora olayotgan paytda ushlandi
Bektemir tuman aholi bandligiga ko‘maklashish markazi direktori Toshkent shahridagi tug‘ruq komplekslaridan biriga rahbar lavozimiga tayinlatib berish evaziga 10 ming AQSH dollarini olganligi uchun qo‘lga olindi.
Toshkent shahrida avtobus yonib ketdi
Toshkent kichik halqa yo‘lida avtobus yonib ketdi. Voqea joyiga 4 daqiqadan so‘ng Toshkent shahar Favqulodda vaziyatlar boshqarmasi yong‘in-qutqaruv guruhlari yetib kelishdi va yong‘in bartaraf etildi. Jabrlanganlar yo‘q.
Milliy gvardiya xarbiylari fuqaroni majburlab olib ketayotgani aks etgan video bo‘yicha izoh berildi
Ijtimoiy tarmoqlarda «Eski juva» bozoriga kirishda Milliy gvardiya harbiy xizmatchilari fuqaroni majburlab olib ketishgani tasvirlangan video tarqaldi. Milliy gvardiya mazkur holat yuzasidan munosabat bildirar ekan, mojaroga pirotexnika oldi-cotdisi bilan bog‘liq nizo sabab bo‘lganini ma’lum qildi.
Jamshid Nasriddinov Kattaqo‘rg‘on tumani hokimi v. b. etib tayinlandi
Samarqand viloyati Kattaqo‘rg‘on tumani hokimi v. b. etib Jamshid Nasriddinov tayinlandi.
Jizzaxda maktab o‘quvchilari yupun kiyimlarda sovuqqa olib chiqildi
Jizzax viloyati Baxmal tumanidagi kutubxona ochilish marosimiga maktab o‘quvchilari yupun kiyimlarda olib chiqildi. O‘sha kuni havo harorati -2 darajadan -11 darajagacha sovuq bo‘lgan.
OTMlarda tahsil olayotgan yetim bolalar davlat qaramog‘ida bo‘ladi
Hukumat qaroriga ko‘ra, yetim bolalar va ota-onasi yoki boshqa qonuniy vakillarining qaramog‘idan mahrum bo‘lgan bolalar barcha ta’lim muassasalari, shu jumladan, OTMlarda ta’lim-tarbiya oladigan muddatda to‘liq davlat ta’minotida bo‘ladi. Bundan tashqari, davlat ta’minotida bo‘lgan bolalarga ta’lim muassasasini bitirayotganda, ishga qabul qilinayotganda kiyim-bosh, poyabzal va boshqa buyumlar sotib olish uchun pul mablag‘lari ajratiladi.
Samarqanddagi qotillik videolavhalarini tarqatganlar qamoqqa olindi
Samarqanddagi savdo markazlaridan birida ro‘y bergan jinoyat videosini ijtimoiy tarmoqlarda tarqatgan 3 nafar shaxs qo‘lga olindi. Ularga nisbatan ma’muriy qamoq jazosi tayinlangan.
Qo‘shimcha imkoniyatlardan foydalanish uchun saytda ro‘yxatdan o‘ting