Jamiyat
Dam olish kunlari yog‘ingarchilik kutilmoqda
Shanba kuni O‘zbekistonga nam havo kirib kela boshlaydi, qator hududlarda yomg‘ir yog‘adi. Yakshanba kuni aksariyat joylarda yomg‘ir va qor yog‘ishi kutilmoqda. Harorat kunduzi +5…+10 darajagacha pasayadi.
Toshkent va Namangan viloyatlarida qor ko‘chish xavfi e’lon qilindi
8−12-fevral kunlari Toshkent va Namangan viloyatlarining tog‘li hududlarida qor ko‘chish xavfi e’lon qilindi.
Toshkentda haydovchi Gentra`ni odamlar ustiga haydadi
Shayxontohur tumanida tunda Gentra haydovchisi janjal sabab bir guruh odamlarni bosib ketmoqchi bo‘ldi. Tarmoqlarda tarqalgan videolarda mashina oynasi tosh bilan teshilganini ko‘rish mumkin. Poytaxt YHXB holat bo‘yicha barcha fuqarolar IIBga topshirilganini bildirdi.
Jizzaxda tadbirkor rudadan rangli metall ajratish uchun 1,3 mlrd so‘mlik gazdan noqonuniy foydalangani aniqlandi
Jizzax viloyati G‘allaorol tumanida fuqaro rudadan rangli metallarni ajratish uchun tabiiy gaz tarmog‘iga hisoblagichdan tashqari rezina shlang orqali ulanib, 1,35 mlrd so‘mlik zarar yetkazdi. Avvalroq birgina 2024-yilda 600 mlrd so‘mlik energiya resurslari talon-toroji haqida xabar berilgandi.
6-fevral kuni e’lon qilingan eng muhim yangiliklar dayjesti
Gulnora Karimovaning O‘zbekistonga qaytarilgan aktivlari, Somali bilan o‘rnatilgan diplomatik munosabatlar, Toshkentdagi ko‘chaga Otaturk nomini berish taklifi, Tojikistondagi saylovlarni kuzatishdan bosh tortgan DIIHB va boshqalar — “Gazeta.uz"ning kunlik dayjestida.
Uzoq vaqt davomida O‘zbekistonda bo‘lmagan pensionerlarning pensiyalari to‘xtatiladi
Agar pensioner chet elga chiqsa va uch oy ichida O‘zbekistonga qaytmasa, pensiya to‘lovlari to‘xtatilishi xabar qilingandi. Qaytgandan so‘ng 24 oygacha bo‘lgan pensiya mablag‘ini olish mumkin. “Gazeta.uz"ga ma’lum bo‘lishicha, xorijga sayohat haqidagi noto‘g‘ri ma’lumot tufayli pensionerning to‘lovlari to‘xtatib qo‘yilgan.
Aprelda ilk bor Orol madaniyat sammiti o‘tkaziladi
4−6-aprel kunlari ilk bor Orolbo‘yi mintaqasini san’at, madaniyat, dizayn va ilm-fan orqali ijtimoiy va ekologik jihatdan o‘zgartirishga qaratilgan Orol madaniyat sammiti o‘tkaziladi. U har 18 oyda mahalliy va xalqaro faollar, rassom va olimlarni birlashtiradi.
Veolia Energy Tashkent qo‘shnilar qarzi tufayli issiqlik va issiq suv ta’minoti uzilishini rad etdi
Ijtimoiy tarmoqlarda qo‘shnilar qarzi tufayli butun uy issiqlikdan uzilishi haqidagi e’lon surati tarqaldi. Veolia Energy Tashkent ma’lumotni rad etdi. Issiqlik ta’minoti xizmatlarini ko‘rsatish qoidalariga ko‘ra, issiqlik energiyasi ta’minoti faqat aniq bir qarzdorga nisbatan o‘chirilishi mumkin.
FAO O‘zbekistonning pestitsidlar tahlili bo‘yicha laboratoriya salohiyatini kuchaytirishga yordam beradi
BMTning Oziq-ovqat va qishloq xo‘jaligi tashkiloti (FAO) O‘zbekistonning pestitsidlarni tahlil qilish bo‘yicha laboratoriya salohiyatini mustahkamlash tashabbusini ilgari surmoqda. Shu maqsadda o‘tkazilgan seminarda sohada kadrlarni tayyorlash va infratuzilmani takomillashtirish muhokama qilindi.
Toshkent hokimligida ko‘chalardan biriga Otaturk nomini berish masalasi yana muhokama qilinmoqda
Toshkent hokimi Shavkat Umurzoqov va Turkiya elchisi Olgan Bekar poytaxt ko‘chalaridan biriga Turkiyaning birinchi prezidenti Mustafo Kamol Otaturk nomini berish, turk maktabini kengaytirish va turk bog‘i barpo etish masalalarini muhokama qildi. Otaturk ko‘chasini qayta tiklash rejalari 2022-yilda boshlangandi.
Samarqandda yana haydovchi YPX xodimini mashinasida sudrab ketdi
Oqdaryo tumanida Cobalt haydovchisi YPX xodimini mashina eshigida sudrab ketdi. Haydovchi qo‘lga olindi va jinoiy ish ochildi. “YPX xodimidan qochib, oxiri qamoqqacha yetib keldim”, — dedi u.
Bosh prokuratura 13 yoshli qizga jinsiy aloqa qilishni taklif qilgan erkakka chiqarilgan sud qaroriga protest kiritdi
Bosh prokuratura Andijon viloyatidagi birinchi va apellyatsiya instansiyasi sudlarining erkakning 13 yoshli qo‘shnisi bilan jinsiy aloqa qilish niyatini ma’muriy huquqbuzarlik deb topgan qarorlariga protest kiritdi. Erkak sud qarori bilan 5 sutkaga qamalgandi.
Bu yilgi yanvar eng sovuq oy sifatidagi nomini oqlamadi — O‘zgidromet
2025-yilning yanvari qish mavsumining eng sovuq oyi sifatida o‘z nomini oqlay olmadi va nisbatan iliq keldi, deya ma’lum qildi O‘zgidromet. Eng sovuq kechalarda harorat -14 darajagacha pasaydi. Respublikaning katta qismida yog‘ingarchilik, xususan, qor me’yordan kam bo‘ldi.
Qo‘qonda umumiy qiymati qariyb 1,9 mlrd so‘m bo‘lgan qalbaki dori vositalari aniqlandi
Qo‘qon shahrida yashirin sexda qalbaki dori vositalarini ishlab chiqargan shaxslar qo‘lga olindi. Ulardan umumiy qiymati qariyb 1,9 mlrd bo‘lgan dori va qadoqlar musodara qilindi. Gumonlanuvchilarga nisbatan jinoiy ish ochildi.
Qoraqalpog‘istondagi bog‘chada tarbiyachilar bolalarni kaltakladi
Nukus shahridagi xususiy bog‘chada tarbiyachi va uning yordamchisi bolalarni kaltakladi. Qoraqalpog‘iston prokuraturasiga ko‘ra, holat noyabrda bo‘lgan. Hozirda tergovga qadar tekshiruv olib borilmoqda.
5-fevral kuni e’lon qilingan eng muhim yangiliklar dayjesti
Quruvchilarni elektron platforma orqali tekshirish imkoniyati, faoliyati qonuniylashtirilgan 60 ming tadbirkor, Petronas vakillari bilan uchrashgan prezident, geografik ko‘rsatkichga aylangan Samarqand noni va boshqalar — “Gazeta.uz"ning kunlik dayjestida.
O‘zbekistonda bir yilda 600 mlrd so‘mlik energiya resurslari talon-toroj qilindi
Bosh prokuratura departamentining 2024-yildagi tadbirlarida elektr va gazdan noqonuniy foydalanish bo‘yicha 1200 dan ortiq holat aniqlandi. Ularda jami 600 mlrd so‘mlik zarar yetkazilgan. Shuningdek, tamaki aylanmasi 9 foizgacha qisqarishi natijasida aksiz solig‘i tushumi 31 foizga oshdi.
DXX 2 kunlik “Qoradori” tadbirida 112 kg giyohvandlik vositalarini musodara qildi
O‘zbekistonda DXX va IIV tomonidan o‘tkazilgan “Qoradori” keng ko‘lamli tadbirlari davomida 112 kg giyohvandlik vositalari va 8601 dona kuchli ta’sir qiluvchi dori vositalari musodara qilindi. Tadbirda 228 nafar shaxs jinoiy javobgarlikka, 64 nafari esa ma’muriy javobgarlikka tortildi.
Chust tumani sudi raisi o‘z yordamchisini kaltaklagani aytilmoqda
Namangan viloyati Jinoyat ishlari bo‘yicha Chust tumani sudi raisi o‘z yordamchisini kaltaklaganlikda gumonlanmoqda. Voqea bo‘yicha xizmat tekshiruvi tayinlangan.
O‘zbekistondan vaqtincha chiqib ketgan pensionerlarga pensiya qanday to‘lanadi?
O‘zbekistondan chiqib 3 oydan ortiq vaqt mobaynida qaytib kelmagan fuqarolarga pensiya to‘lash vaqtincha to‘xtatib turiladi, deya bildirdi Pensiya jamg‘armasi. Fuqaro qaytib kelganida olinmay qolgan oylardagi mablag‘ning 24 oyligini olish huquqiga ega.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting