O‘zbekistonda har yili 1000 ga yaqin ayolning o‘limiga sabab bo‘ladigan bachadon bo‘yni saratonini erta aniqlashda odam papilloma virusi testini o‘tkazish bo‘yicha sinov loyihasi o‘z samarasini ko‘rsatdi. Bunday skriningni doimiy o‘tkazish dasturi kasallanish va o‘lim darajasini pasaytirishga yordam berishi kutilmoqda.
Samarqandda o‘tadigan Turkiy davlatlar tashkiloti sammiti, Vengriyaga ketgan prezident, Chirchiq daryosidan topilgan IIV xodimining jasadi, o‘z onasini o‘ldirgan erkak, paxta tashuvchi traktorga urilgan Cobalt, NASAning xalqaro tanlovida ishtirok etadigan o‘zbeklar va boshqalar — “Gazeta.uz"ning kun dayjestida.
Qashqadaryoning Dehqonobod tumanidagi oilaviy shifokorlik punkti feldsheri ko‘rikka kelgan 2-guruh nogironining bank kartasidan 5 mln so‘m pulini o‘zlashtirgani ma’lum bo‘ldi. Gumonlanuvchiga nisbatan jinoyat ishi qo‘zg‘atildi.
Namangan viloyatida Cobalt avtomashinasi va paxta tashuvchi traktorning to‘qnashuvi oqibatida ikki kishi halok bo‘ldi, uch kishi kasalxonaga yotqizildi. Traktor haydovchilari o‘rtasida tungi vaqtda yoritish chiroqlari va nur qaytargichlar soz holda harakatlanish bo‘yicha suhbatlar o‘tkazilmoqda, deyilgan YHXB xabarida.
Toshkentda o‘tkazilgan xakatonda uchta jamoa — «SpaceY», «Astrea» va «AvacadOS» g‘olib bo‘ldi. Ular O‘zbekiston nomidan NASAning xalqaro tanlovida ishtirok etish uchun yo‘llanmani qo‘lga kiritdi.
Buxoro viloyatining G‘ijduvon tumanida 29 yoshli fuqaro onasidan yashash uyiga begona erkaklarni olib kelmaslikni so‘rab, u bilan janjallashib qolgan. Oqibatda u onasini oshxona pichog‘i bilan jarohatlab, o‘ldirib qo‘ydi. Prokuratura voqea yuzasidan jinoyat ishi qo‘zg‘atdi.
Nukus va Mo‘ynoqda Ahmad Yassaviyning shogirdi, Zangi otaning ustozi — Sulaymon Boqirg‘oniy tavalludining 900 yilligiga bag‘ishlangan xalqaro ilmiy-amaliy konferensiya bo‘lib o‘tdi. Unda O‘zbekiston, Avstraliya, Afg‘oniston, Rossiya va Markaziy Osiyo davlatlaridan olim va tadqiqotchilar ishtirok etdi.
Turkiy kengash o‘rniga qayta tashkil etilgan Turkiy davlatlar tashkilotining birinchi sammiti 11 noyabr kuni Samarqandda bo‘lib o‘tadi.
Vengriya tomonining taklifiga binoan, Shavkat Mirziyoyev rasmiy tashrif bilan ushbu mamlakatga jo‘nab ketdi. Tashrif davomida Vengriya prezidenti va bosh vaziri bilan bir qatorda mamlakatning yetakchi kompaniyalari rahbarlari bilan ham uchrashuv o‘tkazilishi rejalashtirilgan.
Hafta davomida O‘zbekistonda nisbatan sovuq ob-havo kuzatiladi. Kunduzi harorat +26 darajaga yetadi, kechalari +8…+13 darajagacha tushishi kutilmoqda.
«Gazeta.uz» «O‘zbek tili oyligi» doirasida bundan 30 yil ilgari turli nashrlarda chop etilgan maqola va fiqralarni berishda davom etadi. Mahmud Nazarovning 1990 yilda yozilgan istilohlar tiklanishi shartligi haqidagi maqolasi bugungi kunda ham o‘zining dolzarbligini aslo yo‘qotmagan.
Ikki shaxs Ichki ishlar vazirligida ishlagan boshqarma tezkor xodimi bilan kelisholmay qolib, uni qasddan o‘ldirgani va jasadini daryoga oqizib yuborgani aytilmoqda. Tekshiruv natijasida uning jasadi Chirchiq daryosidan topildi. Gumonlanuvchilar hibsga olindi.
Andijon viloyati Izboskan tumanida erkak xotini, qaynonasi va qaynukasini pichoqladi. Oqibatda turmush o‘rtog‘i va qaynonasi hodisa joyida, qaynukasi esa shifoxonada vafot etdi. Voqeaga oilaviy kelishmovchiliklar sabab bo‘lgani aytilmoqda.
Yagona interaktiv davlat xizmatlari portali (my.gov.uz) orqali avtoulovga taqiq borligi yoki mavjud emasligini elektron shaklda aniqlash imkoniyati yaratildi. Xizmat ko‘rsatish bepul. Avtoulovni ishonchnoma asosida boshqaruvchilar bu xizmatdan foydalana olmaydi.
Poytaxtning Navoiy ko‘chasida sinov tariqasida yo‘l harakati qoidabuzarliklarini aniqlash uchun intellektual foto va videoni qayd etish kameralari o‘rnatildi. Ushbu aqlli radarlar Avstriyaning «Glans Gresselchaft Tashkent» kompaniyasiga tegishli bo‘lib, shahar hokimiyati ko‘chani raqamlashtirish taklifini o‘rganmoqda.
28 sentabr kuni NKMKga qarashli konda 31 yoshli haydovchining «Belaz» rusumli avtosomasvali yonib ketdi. Natijada haydovchi kuyib jarohatlandi. Tibbiy yordam ko‘rsatilganiga qaramay fuqaro shifoxonada vafot etdi. Hozir IIB tergovga qadar tekshiruv o‘tkazmoqda.
Navoiy viloyat Adliya boshqarmasi Karmana tumanidagi o‘quvchi qizlarning «o‘zbek millatiga munosib bo‘lmagan» raqsi uchun ota-onalariga qo‘llanilgan jarimani bekor qildi. Ishdan bo‘shatilgan maktab rahbari va ayrim o‘qituvchilar bilan ham mehnat shartnomasi bekor qilinmagani ma’lum bo‘ldi.
Tarmoqlarda Oqqurg‘on tumani IIB xodimining butun o‘zbekistonliklarni onasidan so‘kkani aks etgan audio tarqaldi. Toshkent viloyati IIBB unga nisbatan jinoyat ishi qo‘zg‘atilgani va ushlanganini ma’lum qildi. Hokimlik esa holat oqibatida xodim otasining sog‘lig‘i og‘irlashib qolganini qayd etdi.
Farg‘ona viloyati Buvayda tumanida Gentra haydovchisi prokuratura binosi oldida yo‘l harakati qoidalarini ko‘pol ravishda buzib, qarama-qarshi tomonda harakatlandi. Unga nisbatan ma’muriy bayonnoma rasmiylashtirilib, mashina jarima maydoniga joylashtirildi.
Yunusobod tuman hokimligining sobiq xodimi ikki tanishi bilan fuqaroga Malibu olib berishni va’da qilib, $30 ming pulni qo‘lga kiritgani va ehtiyojlariga sarflab yuborgani aytilmoqda. Gumondorlarning ikki nafari hibsga olingan, yana bir nafari qidiruvda. Holat yuzasidan jinoyat ishi ochildi.
Qo‘shimcha imkoniyatlarga ega bulish uchun saytda ro‘yxatdan o‘ting