Davlat xizmatini rivojlantirish agentligi 2500 nafar davlat xizmatchisi orasidan saralangan nomzodlarni Milliy kadrlar zaxirasiga kiritdi. Ular uchun vazirlik va idoralarda amaliyot, xorijda stajirovka ham tashkil etiladi. Davlat shu orqali rahbarlikka tasodifan kelib qolishning oldini olishni ko‘zlayapti.
Blogerlar ishtirokidagi shov-shuvli ishlari bilan tanilgan advokat Umidbek Davlatov 42 yoshida vafot etdi. U 1 sentabr kuni uydan boshidagi og‘riqdan shikoyat qilib chiqqan va tez yordam mashinasida — taxminan yurak xurujidan vafot etgan. «Gazeta.uz» uning hamkasblari va ukasi bilan gaplashdi.
Farg‘ona viloyatida tarbiyalanuvchisi qarovsizlik oqibatida chiqib ketib, suvga cho‘kib vafot etgan bolalar bog‘chasining barcha mansabdor shaxslari va xodimlariga nisbatan jinoyat ishi qo‘zg‘atildi. MTTda talon-toroj holatlari ham aniqlangan.
Endi tekin beriladigan maktab darsliklari, ixtiyoriy Kundalik.com, Parlament komissiya Dauletmurat Tajimuratov bilan uchrashgani, maktab oshxonalarida sotish taqiqlangan «fastfud», paxta terimi to‘lovi, tanqid qilingan qishloq xo‘jaligi xodimlari va boshqalar — «Gazeta.uz»da kun dayjesti.
Xitoyning Sichuan provinsiyasida sodir bo‘lgan 6,8 magnitudali zilzila qurbonlari soni 66 kishiga yetdi, 250 dan ortiq mahalliy aholi jarohatlandi. O‘zbekiston prezidenti Shavkat Mirziyoyev Xitoy raisi Si Szinpinga hamdardlik bildirdi.
1 sentabrgacha 290 ta maktabda qurilish-ta’mirlash ishlari tugallanmagan, xususan Surxondaryoda 29 ta shunday maktab bor. Prezident viloyat hokimini ishdan bo‘shatish bilan tahdid qildi. Angor tumani prokurori bilan bo‘lgan suhbatini ham esladi. «Charchagan bo‘lsang, seni ham ishdan olaman», — dedi Shavkat Mirziyoyev.
Yoz mavsumi davomida 142 nafar fuqaro, shundan 51 nafari cho‘milish, 85 nafari esa ehtiyotsizlik oqibatida suvda cho‘kib ketdi, deya ma’lum qildi FVV. Cho‘kkanlarning 45,3 foizini voyaga yetmaganlar tashkil etdi.
2022 yilda qo‘lda terilgan paxtaning har bir kilogrammi uchun birinchi terimda 1500 so‘mdan, ikkinchi terimda 1800 so‘mdan kam bo‘lmagan miqdorda haq to‘lanadi. Bir tonna mahsulot xomashyosining o‘rta navi QQS bilan birga 10 mln so‘mni tashkil etadi.
Maktab darsliklari ijarasi endi nafaqat joriy o‘quv yili uchun, balki doimiy ravishda bepul bo‘ladi, deya aniqlik kiritdi XTV. Kelgusida darsliklarni nashr etish va ularni moliyalashtirish tartibi hukumat darajasida ko‘rib chiqiladi va parlament tomonidan tasdiqlangan davlat budjeti asosida belgilanadi.
Qoraqalpog‘iston va Xorazm viloyatida yashovchi pensiya va nafaqa oluvchilar hamda nogironligi bo‘lgan shaxslar 15 sentabrdan temir yo‘l va avia chiptalarni 50 foizlik imtiyoz bilan sotib olishlari mumkin bo‘ladi.
Qoraqalpog‘istondagi namoyishlar bo‘yicha asosiy ayblanuvchilardan biri Dauletmurat Tajimuratov Urganchdagi tergov hibsxonasida ombudsman va parlament komissiyasi a’zolari bilan uchrashuvda tergov harakatlari paytida qiynoqqa solinmagani va bosim o‘tkazilmaganini ma’lum qildi.
XTV ota-onalar uchun Kundalik.com platformasiga obuna bo‘lish ixtiyoriy ekanligini ma’lum qildi. Yillik obuna narxi 8000 so‘mni tashkil etadi, bu 2020 yilga nisbatan 1200 so‘mga arzon. Qolaversa, tizim yordamida o‘qituvchilarning har chorakda 20 soat vaqti tejalishi aytilmoqda.
«Amalga oshirilgan ishlarni boshqalar 10 yilda ham eplashi dargumon», «avvalgisi bilan bugungisini taqqoslab bo‘lmaydi», «bog‘ dunyodagi o‘zining muqobillari bilan dadil tenglasha oladi», «bu bayramga haqiqiy sovg‘a bo‘ldi» — Davlat OAVlarida 5 yil davomida ta’mirlangan Milliy bog‘ ochilishi qanday yoritildi?
«Vaqf» xayriya fondi «Vaqf suvlari» loyihasi doirasida turli hududlardagi, olis qishloq va ovullarda toza ichimlik suviga muhtoj bo‘lgan aholi uchun artezian quduqlarini qazib, minorali suv inshootlarini barpo etdi. Ushbu maqsadlar uchun 851,4 mln so‘m xayriya sifatida sarflandi.
SSV maktab oshxonalarida «fastfud» tayyorlash va sotish taqiqlanganini eslatib o‘tdi. Bu turdagi mahsulotlar umumta’lim muassasalarida ruxsat etilmaydigan oziq-ovqatlar ro‘yxatiga kiritilgani qayd etildi. Jahon sog‘liqni saqlash tashkiloti ham ularni kundalik taomnomadan chiqarishni tavsiya qiladi.
Prezident qishloq xo‘jaligidagi kamchiliklarni tanqid qilib, bosh vazir o‘rinbosari Shuhrat G‘aniyev va Fermer xo‘jaliklari kengashi rahbari Aktam Xaitovni ogohlantirdi. Qishloq xo‘jaligi vazirining birinchi o‘rinbosari Shuhrat Teshayev faoliyatidagi kamchiliklari uchun lavozimidan ozod etildi.
Islom Karimovning xotirasiga bag‘ishlangan kechada uning rafiqasi Tatyana Karimova umri davomida hamisha birga bo‘lishganini esga oldi. «Sevgimiz bizni birlashtirgan va kuch bag‘ishlagan», — dedi u. Birinchi prezidentning xos soqchilari boshlig‘i Jahongir Abirov esa 1990 yil qiyin kechganini so‘zlab berdi.
Nurobod tumanidagi 1-sonli maktabda darsliklar o‘quvchi va ularning ota-onalariga uloqtirib tarqatilgani aks etgan video tarqaldi. Tuman hokimligi o‘rganish natijalariga ko‘ra, o‘qituvchi hamda maktab direktori ishdan olinganini ma’lum qildi.
O‘zbekistonning barcha viloyatlarida imkoniyati cheklangan bolalar uchun 225 ta maktab o‘z eshiklarini ochadi. UNICEF buni “hal qiluvchi va muhim tashabbus” deya atadi. Xalqaro tajribaga ko‘ra, inklyuziv ta’limning joriy etilishi umumiy ta’lim sifatini oshirishga xizmat qilmoqda, deb qayd etdi jamg‘arma.
6 oy davomida O‘zbekistonda ekologiyani muhofaza qilish uchun davlat budjetidan 1,9 trln so‘m yo‘naltirildi. Shunga qaramasdan deputatlar mablag‘lar o‘zlashtirilmay qolayotgani, mas’ul vazirlik va idoralar ularni samarali sarflamayotgani va ishlar bajarilmayotganini tanqid qildi.
Qo‘shimcha imkoniyatlarga ega bulish uchun saytda ro‘yxatdan o‘ting