Jamiyat
Daun sindromi bo‘lgan bolalar o‘qiy oladi va mehnat qilish huquqiga ham ega!
Tibbiy-ijtimoiy xizmatlarni rivojlantirish agentligining direktori Alisher Inakov matbuot anjumanida Daun sindromi bo‘lgan bolalar «o‘qiy olmasligini» aytdi. Bunday so‘zlar ota-onalar va jamoatchilik faollari noroziliga sabab bo‘lib, agentlikni ular bilan uchrashuv tashkil qilishiga undadi. «Gazeta.uz» kolumnisti Dilmurod Yusupov mazkur vaziyat yuzasidan bolalarning o‘qishga huquqi va amaldorlar so‘zining kuchi yuzasidan shaxsiy fikrini bildirdi.
Haydovchilik guvohnomasi va «texpasport»ni almashtirish muddati 1 yilga uzaytirildi
Hukumatning 12 apreldagi qarori bilan eski haydovchilik guvohnomasi va «texpasport»ni almashtirish muddati 1 yilga uzaytirildi. Uning muddati haydovchilik guvohnomasi va ro‘yxatga olish guvohnomasi berilgan yilga bog‘liq. Agar ular 2010 yilgacha berilgan bo‘lsa, 2023 yil 31 martgacha almashtirilishi kerak.
Yangi yo‘l harakati qoidalarida yo‘llarga ruxsatsiz sun’iy to‘siqlar o‘rnatish taqiqlandi
O‘zbekistonning yangi Yo‘l harakati qoidalarida yo‘llarga ruxsatsiz sun’iy to‘siqlar o‘rnatish taqiqlandi. Odatda ularni fuqarolar va kompaniyalarning o‘zlari o‘rnatardi. Chunki mas’ul organlar piyodalarni himoya qilish uchun buni bajarishmaydi.
«Sijjak» dam olish maskani yana sotuvga qo‘yildi
Toshkent viloyatining Bo‘stonlik tumanidagi «Sijjak» dam olish maskani yana sotuvga qo‘yildi. Xaridor oromgohda sayyohlik infratuzilmasini rivojlantirishi kerak.
Haydovchilar YPX xodimining dislokatsiya ko‘chirmasi bilan joyida tanishish huquqidan mahrum bo‘ldi
Hukumat qarori bilan endilikda haydovchi YPX xodimining dislokatsiya ko‘chirmasi bilan o‘sha joyning o‘zida tanisha olmaydi. Buning o‘rniga haydovchi saf bo‘limidan yozma ma’lumot talab qilishi mumkin. Shuningdek, body camera`si bor YPX xodimi haydovchining mastlik holatini alkotester yordamida hodisa joyida o‘zi aniqlashi va bayonnoma rasmiylashtirishi mumkin.
Aleksey Xen Toshkent shahar hokimi o‘rinbosari bo‘ldi
Aleksey Xen Toshkent hokimining axborot texnologiyalarini joriy etish bo‘yicha o‘rinbosari etib tayinlandi. U o‘zi ishlab kelayotgan Raqamli rivojlanish departamentiga rahbar bo‘ldi.
Old o‘rindiqdagi yo‘lovchilar xavfsizlik kamarini taqishlari shart bo‘ladi
1 maydan boshlab avtomobilning old o‘rindig‘ida o‘tirgan yo‘lovchilar xavfsizlik kamarini taqib olishlari shart bo‘ladi. Orqa o‘rindiqlarda xavfsizlik kamarini taqish va maxsus bolalar o‘rindig‘idan foydalanish tavsiya sifatida qolmoqda.
Adliya vazirligi tibbiyot va ta’lim sohalari xodimlari nomidan sudlarga qariyb 7,2 mlrd so‘mlik da’vo kiritdi
15 martdan beri Adliya vazirligi tibbiyot va ta’lim sohalari xodimlari manfaati yo‘lida sudlarga salkam 7,2 mlrd so‘mlik da’vo kiritdi. Natijada 5,2 mlrd so‘mlik ish haqi, ustama va boshqa to‘lovlar undirildi, qolaversa, 398 ta shaxs intizomiy, 33 ta shaxs esa ma’muriy javobgarlikka tortildi. Murojaatlarning eng ko‘pi Andijon, Qashqadaryo va Navoiy hissasiga to‘g‘ri kelmoqda. Qolaversa, SSV, Oliy ta’lim, Xalq ta’limi va Maktabgacha ta’lim vazirliklari tizimida ham o‘rganishlar olib borilmoqda.
1 mln so‘m evaziga gashish moddasini eltib bermoqchi bo‘lgan ikki fuqaro qo‘lga olindi
DXX o‘tkazgan tezkor tadbirda samarqandlik ikki fuqaro yonida 1 kgdan ortiq gashish moddasi bilan ushlandi. Ularga narkokurerlik uchun 1 mln so‘mdan berilishi aytilgan. Bundan tashqari, Toshkent shahri, Namangan va Sirdaryo viloyatlarida ham giyohvand moddalar savdosi bilan aloqador bir nechta gumonlanuvchilar qo‘lga olindi.
Kirill Altman: Qanday qilib futbol muxlisiga aylandim?
O‘zbekistonda futbolni sevishadi va ko‘pchilik bolaligidan sevimli jamoasini tanlab, unga ishqibozlik qiladi. Jurnalist Kirill Altman “Qanday qilib futbol muxlisiga aylandim?” loyihasi doirasida nega O‘zbekistonda mahalliy klublarga muxlislik qilinmasligi va futbolda oddiy hisobdan ko‘ra nima jozibaliroq ekanligi haqida gapirdi.
120 turdagi dori mahalliy ishlab chiqaruvchilardan 3 yilga kafolatli xarid qilinadi
1 iyulga qadar talab yuqori bo‘lgan 120 turdagi dori vositasini mahalliy ishlab chiqaruvchilardan 3 yilga kafolatli xarid qilish bo‘yicha shartnomalar tuziladi. Buning uchun shu yilning o‘zida 300 mlrd so‘m ajratiladi. Bundan tashqari, dorivor o‘simliklarni yetishtiruvchilarga bir qator imtiyozlar taqdim etish ham rejalashtirilmoqda.
Mimar Group`ning sobiq arxitektori qurilish vaziri o‘rinbosari bo‘ldi
Shukrullo Jahongirov qurilish vazirining yangi o‘rinbosari etib tayinlandi. U bungacha Toshkent shahar hokimligida mutaxassis, Mimar Group kompaniyasida bosh arxitektor bo‘lib ishlagan.
Hukumat yana maksimal tezlikni pasaytirmadi
Vazirlar Mahkamasi yangi yo‘l harakati qoidalarini jamoatchilik muhokamasisiz tasdiqladi. Aholi punktlarida standart maksimal tezlik o‘zgarishsiz (70 km/soat) qoldirildi. Respublika komissiyasi uni yirik shaharlarning ma’lum joylarida 60 km/soatgacha kamaytirishi mumkin. Maktablar va bolalar bog‘chalarida tezlik 30 km/soat, aholi turar joylarida 20 km/soatni tashkil etdi.
12 aprel kuni O‘zbekistonda sodir bo‘lgan eng muhim xabarlar dayjesti
Buxoroda DXSH asosida yangi aeroport terminali qurilishi, O‘zbekistonning Afg‘onistondagi temir yo‘l liniyasi boshqaruvi huquqidan mahrum bo‘lishi mumkinligi, MIB ishiga aralashganlik uchun belgilangan javobgarlik, 822 ming so‘mgacha bo‘lgan qarzdorlikning ish haqidan undirilishi va boshqalar — «Gazeta.uz» ning 12 apreldagi eng muhim xabarlari dayjestida.
Sherali Jo‘rayev «El-yurt hurmati» ordeni bilan mukofotlandi
O‘zbekiston xalq artisti, «Vatandoshlar» jamoat fondining Vasiylik Kengashi raisi Sherali Jo‘rayev «El-yurt hurmati» ordeni bilan mukofotlandi. Prezident tegishli farmonni imzoladi.
O‘zbekiston koinotni o‘rganishga qanday hissa qo‘shgan?
Insonning koinotga birinchi parvozi bundan 61 yil avval amalga oshirilgan. Kosmonavtika kuni munosabati bilan «Gazeta.uz»ning O‘zbekistonning koinotni o‘rganishga qo‘shgan hissasi haqidagi maqolasini eslaymiz. Yutuqlar qatoridan «TAPOiCh»da kosmonavtlarni sinovdan o‘tkazish uchun samolyotlar ishlab chiqarilgani, Toshkent muhandislik byurosida Oy tuprog‘ini Yerga olib tushgan qurilmaning yaratilgani, Oyni tadqiq qilish uchun Toshkentda ishlab chiqilgan asbob-uskunalar Nevich posyolkasida sinovdan o‘tkazilgani kabilar o‘rin olgan.
Jahondagi vaziyat tufayli aholiga zarur 150 turdagi dori vositalarida uzilish bo‘lishi xavfi mavjud
O‘zbekistonda tashqi omillar hisobiga 150 turdagi aholi uchun zarur dori vositalarida uzilish bo‘lishi xavfi mavjud, qalbaki va kontrafakt dorilar sotilishiga haligacha barham berilgani yo‘q, amaliyotda 15 foizlik narx preferensiyasi ishlamaydi. Shu va boshqa 50 ga yaqin muammoga yechim topilmagani prezident ishtirokidagi yig‘ilishda tanqid qilindi.
Toshkentda jonli musiqa va shahar madaniyati festivali o‘tkaziladi
«Anjir» jonli musiqa va shahar madaniyati festivali poytaxtning Do‘stlik bog‘ida bo‘lib o‘tadi. Dasturdan — open air (ochiq osmon) formatida o‘tadigan jonli ijrodagi konsertlar va raqs jamoalarining sahna chiqishlari, she’riyat tadbirlari, yoga bo‘yicha master-klasslar, ko‘rgazmalar o‘rin olgan.
G‘afur G‘ulom bog‘iga attraksionlar o‘rnatib, birga biznes qilishga va’da bergan shaxs $60 mingni o‘zlashtirib yubordi
Toshkentda do‘stiga G‘afur G‘ulom nomidagi bog‘da yangi attratsionlar sotib olish va o‘rnatish loyihasiga sarmoya kiritishni taklif qilgan shaxs berilgan 60 ming dollarni o‘z ehtiyojlari uchun sarflab yuborgan. Holat yuzasidan jinoiy ish qo‘zg‘atilgan.
Chust tumani hokimi yordamchisi yer ajratib berish evaziga $15 ming talab qilganligi aytilmoqda
Namangan viloyati Chust tumani hokimining chegara masalalari bo‘yicha yordamchisi va yana bir qancha shaxslar fuqaroga 5,3 gektar yerni ajratib berish evaziga 15 ming dollar talab qilganlikda gumonlanmoqda. Ular ushbu puldan 1500 dollar va 5,6 mln so‘mini olganida qo‘lga tushgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting