Jahon
Emomali Rahmon prezidentlik saylovlarida g‘olib bo‘ldi
11 oktyabr kuni Tojikistonda prezidentlik saylovlari bo‘lib o‘tdi. Saylovlarda 90,92% ovoz bilan Tojikistonning amaldagi davlat rahbari Emomali Rahmon g‘alaba qozondi.
Dunyoda bir kunda 338 mingdan ortiq COVID-19 holatlari qayd etildi
Jahon sog‘liqni saqlash tashkiloti dunyoda COVID-19 bilan kasallanganlar sonining bir kunlik rekord darajadagi o‘sishini qayd etdi — kuniga 338 mingdan ortiq kishi. Aksariyat holatlar Shimoliy va Janubiy Amerika hamda Yevropaga to‘g‘ri kelmoqda.
Bishkekda favqulodda holat rejimi e’lon qilindi
Qirg‘iziston prezidenti ommaviy norozilik namoyishlari bo‘lib o‘tayotgan Bishkekda favqulodda holat rejimini e’lon qildi. Shaharga qo‘shinlar kiritilib, blokpostlar o‘rnatiladi.
Tinchlik bo‘yicha Nobel mukofoti Jahon oziq-ovqat dasturiga berildi
Tinchlik bo‘yicha 2020 yilgi Nobel mukofoti BMTning Jahon oziq-ovqat dasturiga ochlik bilan kurashish borasidagi sa’y-harakatlari uchun berildi.
Qirg‘iziston hukumati va bosh vaziri iste’foga chiqarildi
Qirg‘iziston prezidenti Sooronbay Jeenbekov bosh vazir Kubatbek Boronovning iste’fosini qabul qildi. Bu hukumatning ham iste’foga chiqarilganini anglatadi, ammo hukumat yangi bosh vazir jamoa shakllantirmaguncha ishlashda davom etadi.
Sooronbay Jeenbekov mamlakat qonuniylik yo‘liga qaytishi bilanoq iste’foga chiqishga tayyor
Qirg‘iziston prezidenti Sooronbay Jeenbekov qirg‘iz xalqiga navbatdagi murojaatida ijro hokimiyatining qonuniy rahbarlari tasdiqlanib, mamlakat qonuniylik yo‘liga qaytishi bilanoq iste’foga chiqishga tayyorligini bildirdi.
Adabiyot bo‘yicha Nobel mukofoti laureati e’lon qilindi
Adabiyot bo‘yicha Nobel mukofoti amerikalik shoira Luiza Glyukka topshirildi.
Qirg‘iziston chegaralararo to‘lovlarni to‘xtatib qo‘ydi
Qirg‘izistonda mablag‘lar mamlakatdan chiqib ketishining oldini olish maqsadida chegaralararo to‘lov tizimlari, shu jumladan SWIFT tizimi faoliyati to‘xtatib qo‘yildi. Avvalroq banklarga faoliyatini to‘xtatib turish, 8 oktyabrdan boshlab esa soat 15:00 gacha ishlash tavsiya qilingan.
AQSH mehnat vizalari berishni murakkablashtirdi
AQSH yuqori malakali ishchilar uchun H-1B mehnat vizalarini berishni murakkablashtirdi. Xorijlik ishchilarni ish bilan ta’minlash uchun «maxsus kasblar» soni kamaytiriladi.
Kimyo bo‘yicha Nobel mukofoti laureatlari nomi ma’lum bo‘ldi
Kimyo bo‘yicha Nobel mukofoti genomlarni tahrirlash uslubini yaratgani uchun Jennifer Dudna va Emanuel Sharpentega berildi.
Qirg‘izistonda parlament spikeri va bosh vazir iste’foga chiqdi
Qirg‘izistonda Jogorku Kenesh spikeri va bosh vazir o‘zgardi. Muxolifatchi deputat Miktibek Abdildayev parlament spikeri etib saylandi, yaqinda qamoqdan ozod qilingan Sadir Japarov esa hukumat rahbari v. b. bo‘ldi. Prezident Sooronbay Jeenbekov qonuniy prezident ekanligini ma’lum qildi.
Fizika bo‘yicha Nobel mukofoti laureatlari e’lon qilindi
Shvetsiya Qirollik Fanlar akademiyasi tomonidan fizika bo‘yicha Nobel mukofoti Rojer Penrouz, Reynxard Gensel va Andrea Gezga qora tuynuklar borasida olib borgan tadqiqotlari uchun topshirildi.
O‘zbekiston Qirg‘izistondan kirishni chekladi (aniqlik kiritildi)
6 oktayabrdan boshlab Bishkekdagi tartibsizliklar manzarasida O‘zbekiston Qirg‘izistondan kirishga cheklovlar qo‘ydi, deb xabar qilmoqda Qirg‘iziston ommaviy axborot vositalari. Yuk tashish cheklovlarsiz amalga oshirilmoqda. O‘zbekiston tomoni esa cheklovlar yo‘qligini e’lon qildi.
Qirg‘iziston MSK parlament saylovlarida ovoz berish natijalarini bekor qildi
Qirg‘iziston Markaziy saylov komissiyasi 4 oktyabrda bo‘lib o‘tgan Jogorku kenesh saylovlaridagi ovoz berish natijalarini haqiqiy emas deb topdi. 5 oktyabrda minglab fuqarolar norozilik namoyishiga chiqib, natijalarni bekor qilishni talab qilgan edi.
Bishkekda namoyishchilar Oq uyni egallab oldi
Bishkekda parlament saylovlari natijalaridan norozi bo‘lgan minglab fuqarolar namoyish o‘tkazdi. Ular Oq uy, Milliy xavfsizlik davlat qo‘mitasi binolarini egallab oldi va sobiq prezident Almazbek Atambayevni ozod qildi. Davlat rahbari Sooronbay Jeenbekov siyosiy kuchlarni aql bilan ish ko‘rishga chaqirdi va ovoz berish natijalari bekor qilinishi mumkinligi haqida aytdi.
Kamchatkada dengiz jonivorlarining ommaviy o‘lish holati kuzatildi
Tinch okeanining Kamchatka o‘lkasi qirg‘oqlarida dengiz jonivorlarining ommaviy halok bo‘lish holatlari kuzatildi. Greenpeace buni ekologik falokat deb atadi. O‘lka rasmiylari sodir bo‘lgan voqeaning uchta versiyasini, shu jumladan texnogen ifloslanishni ko‘rib chiqmoqda.
Tibbiyot bo‘yicha Nobel mukofoti laureatlari e’lon qilindi
Fiziologiya va tibbiyot sohasi bo‘yicha Nobel mukofoti gepatit S virusini kashf etgan Harvi Alter, Maykl Xouton va Charlz Raysga topshirildi.
Qirg‘izistonda parlament saylovlari bo‘lib o‘tdi
Qirg‘izistonda Jogorku Kenesh deputatlari saylovi bo‘lib o‘tdi. Dastlabki ma’lumotlarga ko‘ra, o‘rinlar uchun kurashgan 16 partiyadan atigi 4 tasi parlamentga kira oldi. Aholining saylovda ishtirok etish ko‘rsatkichi 56,2 foizni tashkil etdi.
Donald Tramp va uning rafiqasi koronavirus yuqtirib oldi
AQSH prezidenti Donald Tramp va uning rafiqasi Melaniya Trampda COVID-19 infeksiyasi aniqlandi. Avvalroq Trampning maslahatchilaridan biri Xoup Xiksning koronavirus bilan kasallangani ma’lum bo‘lgan edi.
AQSHda Donald Tramp va Jo Bayden o‘rtasidagi ilk debatlar bo‘lib o‘tdi
AQSHda prezidentlikka nomzodlar Donald Tramp va Jo Bayden o‘rtasida ilk debatlar bo‘lib o‘tdi. Siyosatchilar COVID-19 pandemiyasi, iqtisodiyot va irqchilikni muhokama qilishdi. Tomonlar bir-birlariga gap bermasdan, bir-birini yolg‘onchilikda ayblashdi.
Eng ko‘p o‘qilgan xabarlar | So‘nggi yangiliklar
- Yevropa Ittifoqi Rossiyaga qarshi sanksiyalarning 16-paketi bo‘yicha kelishib oldi
- Qirg‘iziston va Tojikiston umumiy chegarani delimitatsiya qilish bo‘yicha kelishuvga erishdi
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- Tramp Rossiya dezinformatsiyasi pufagida qolib ketdi — Zelenskiy
Qo‘shimcha imkoniyatlardan foydalanish uchun saytda ro‘yxatdan o‘ting