Архив
Тошкентда кабель тармоғидаги ёнғин сабаб айрим давлат хизматларини кўрсатишда узилишлар юзага келди
Ички ишлар вазирлиги биноси яқинида ерости кабелида юз берган ёнғиндан сўнг паспорт ва манзил билан боғлиқ хизматларни кўрсатишда узилишлар кузатилмоқда, деб хабар қилди Адлия вазирлиги ва Тошкент шаҳар ИИББ. Шунингдек, яқин атрофдаги аҳоли пунктларида электр энергияси вақтинча узилган.
Тошкент вилоятида 14 ёшли йигит сувга чўкиб, ҳалок бўлди
Бекобод туманидаги «Дўстлик» каналидан Сирдарё вилоятида туғилган 14 ёшли йигитнинг жасади топилди. Терговга қадар текширув кетмоқда.
Май ойида ҳам Ўзбекистон олтин-валюта захиралари кўпайди
Май ойида Ўзбекистон олтин-валюта захиралари 36,6 млрд долларга етди. Захирадаги олтиннинг физик ҳажми 3,1 тоннага камайди. Захиралар таркибида биринчи марта 35 млн долларлик қимматли қоғозлар пайдо бўлди.
2024 йилнинг майи энг нам май ойлари бешлигига кирди — Ўзгидромет
Ўзбекистонда ўтган май ойида ҳатто энг иссиқ кунларда ҳам ҳарорат ўзининг рекорд қийматларига яқинлашмади, +25…+30 даража атрофида бўлди. Кўплаб ҳудудлар бўйича ой энг нам май ойлари бешлигига кирди, ёғингарчилик меъёрдан 1,3−2,8 марта кўп бўлди.
Ҳафта бошида ҳарорат +41 даражагача исийди
Ҳафтанинг биринчи ярмида ҳарорат +41 даражагача кўтарилади. Сўнгра +32…+35 даражагача пасайиши кутилмоқда. Бундай ҳарорат июнь ойи иқлимий меъёридан 1−2 даражага юқори. Айрим тоғли ҳудудларда кечга томон қисқа муддатли ёмғир ёғиши, жойларда чаг-тўзонлар кузатилиши мумкин.
АҚШ савдо вакили Ўзбекистонга келади
АҚШ савдо вакили Кэтрин Тай 11−12 июнь кунлари Тошкент ва Самарқандга ташриф буюради. У Ўзбекистон президенти ва бошқа расмийлар билан учрашади. Шундан сўнг Остонада бўлиб ўтадиган АҚШ ва минтақа давлатлари ўртасидаги Савдо ва инвестициявий ҳадли битим йиғилишида иштирок этади.
Ўзбекистонда мактабларнинг биринчи синфига қабул 20 июндан бошланади
20 июндан янги ўқув йили учун 1-синфга қабул жараёнлари бошланди. Жараёнлар икки босқичда амалга оширилади. Мактаб таълими вазирлигининг эслатишича, бу йил биринчи синфга 2017 йилнинг 31 декабрига қадар туғилган болалар қабул қилинади.
Ўзбекистон ва Хитой ташаббуси билан 10 июнь Цивилизациялар ўртасидаги мулоқот куни деб эълон қилинди
БМТ Бош ассамблеяси 10 июнни Халқаро цивилизациялар ўртасидаги мулоқот куни деб эълон қилиш тўғрисида Хитой ва Ўзбекистон ишлаб чиққан резолюцияни маъқуллади. Мақсадлар цивилизациялар хилма-хиллиги қадриятини англаш, мулоқот, ўзаро ҳурмат ва глобал бирдамликни ривожлантиришдан иборат.
ИИВ биноси яқинидаги ерости туннелида ёнғин содир бўлди (фото, видео)
ИИВ биноси яқинидаги ерости туннелида ёнғин содир бўлди. «Электр симлари туташи»га 9 та ёнғин-қутқарув экипажи жалб этилди ва у 1 соатда бартараф этилди. Тошкент метрополитени ёнғиннинг метро тизимига боғлиқмаслиги, қурилмалар нормал ҳолатда ишлаётганини қўшимча қилди.
Тожикистонда бўлган кучсиз зилзила Ўзбекистон жанубида ҳам сезилди
Душанба куни эрталаб Тожикистонда содир бўлган зилзила Сурхондарё вилоятида ҳам сезилди. Вилоят туманларида сезилиш кучи 2 баллни ташкил қилди.
Чирчиқ дарёсига тушиб кетган юк машинаси йўловчиси ҳалок бўлди
Юқори Чирчиқ туманида юк машинаси Чирчиқ дарёсига тушиб кетди. Оқибатда йўловчи вафот этди, ҳайдовчига биринчи тиббий ёрдам кўрсатилди. Тармоқларда ҳодиса пойга сабаб юз бергани айтилмоқда.
Ёзда қуёш уришидан қандай ҳимояланиш мумкин?
ССВ ёз фаслида офтоб уриши, халқ тилидаги дам ўтиши ҳолати кўп учрашини инобатга олиб, ундан сақланиш бўйича бир неча тавсиялар берди. Кўпроқ суюқлик ичиш, ёпиқ жойларда бўлиш, очиқ рангли либослар ва бош кийим кийиш шулар жумласидандир.
Тошкентдаги барча мозаикали уйлар реклама баннерларидан тозаланди
Тошкент шаҳрида барча мозаикали турар жой бинолари реклама баннерларидан тозаланади, деб хабар қилди Маданият ва санъатни ривожлантириш жамғармаси ҳамда пойтахт ҳокимлиги. Дастур бошланган 2021 йилдан буён жами 70 та (шундан 40 таси икки ой ичида) панно рекламалардан халос этилди.
Хоразмда 11 ёшли болани девор босиб қолди
Хива шаҳрида 11 ёшли болани девор босиб қолди. Оқибатда бола тос суяги синиши ташхиси билан шифохонага ётқизилди. Ҳодиса бўйича терговга қадар текширув олиб борилмоқда, ҳолатни болалар омбудсмани назоратга олди.
Қозоғистонда ичида ўзбекистонликлар бўлган автомобиль ёниб кетди
Қозоғистоннинг Атирау вилоятида ичида 3 нафар Ўзбекистон фуқароси бўлган Lada Largus машинасида ёнғин содир бўлди. Ҳодиса оқибатида 2 нафар йўловчи ҳар хил даражадаги куйиш билан касалхонага ётқизилди.
АҚШнинг Ўзбекистондаги элчихонаси янги виза олиш тизимини ишга туширди
10 июндан АҚШнинг Ўзбекистондаги элчихонаси янги виза олиш тизимини ишга туширади. Ариза берувчилар энди суҳбатга ёзилишдан олдин виза тўловларини амалга ошириши керак бўлади.
Telegram`да глобал узилиш юз берди
Шанба куни тунда Telegram мессенжери фаолиятида глобал ва узоқ давом этган носозлик юзага келди. Муаммолар Ўзбекистон, Россия, АҚШ ва Европа давлатларида кузатилди.
Ўзбекистон илк марта Халқаро меҳнат ташкилоти Маъмурий кенгашига сайланди
Ўзбекистон Халқаро меҳнат ташкилоти Маъмурий кенгаши аъзоси ўринбосари бўлди. Танзила Нарбаева буни ўзгаришлар натижаси деб атади ва қарор давлат органлари, касаба уюшмалари ва иш берувчиларнинг муносиб меҳнат тамойилларини тарғиб қилиш борасидаги ҳаракатларини кучайтиришни талаб қилишини айтди.
Тошкентда Captiva уриб юборган эркак ҳалок бўлди
Тошкент шаҳри Яшнобод туманида Captiva билан тўқнашув оқибатида 39 ёшли пиёда ҳалок бўлди. Ҳайдовчи маст эди. Машина дўкон девори олдида ўтирган эркакни босиб кетган.
Ўзбекистонда 24 ёшли йигит ноткоин сотгани учун 10 суткага қамалди
Чилонзор тумани суди Telegram орқали ноткоин йиғиб, уни 800 минг сўмга сотган 24 ёшли ТерДУ талабасини 10 суткага қамаш тўғрисида ҳукм чиқарди. Криптоактивлар айланмасидаги қонунчиликни бузишда айбланган сурхондарёлик йигит бу иши ноқонуний эканини билмаганини таъкидлади.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг