Тошкент ва Янгийўл туманларида $20 минг ва қарийб 149 млн сўмга ноқонуний тарзда дори сотаётганлар қўлга олинди. Уларга нисбатан жиноят иши қўзғатилди.
Ўзбекистонда кинемотография академияси ташкил этилиши режалаштирилмоқда. Академия қошида С. Герасимов номидаги Бутунроссия давлат кинематография институти филиали ҳамда Тошкент шаҳрида кино санъатига ихтисослашган ўрта таълим мактабини ҳам очиш кўзда тутилган.
Долларнинг расми курси 5 сўмга қимматлади ва жами 10 519 сўм этиб белгиланди. Шунингдек, евро ва рубль курслари эса бироз пасайди.
ЮНИСЕФ Бухоро вилоятига вакциналарни сақлаш учун совутиш омборларини топширди. Бир йил ичида Ўзбекистондаги яна тўртта омборхона фойдаланишга топширилиши кутилмоқда.
Президент Шавкат Мирзиёев Тошкент шаҳридаги технопаркка ташрифи пайтида Қирғизистонга Ўзбекистон халқи номидан 20 та тез ёрдам машинаси совға қилинганлигини эълон қилди. Бунга жавобан президент Садир Жапаров совға учун миннатдорчилик билдирди.
Фарғона вилояти ҳокими Хайрулло Бозоров ва Қирғизистон ҳукуматининг Боткен вилоятидаги мухтор вакили Омурбек Суваналиевнинг хабар беришича, вилоятларнинг чегара ҳудудида ўтиш пунктлари очилади. Аввалига, чегара пост хизмати пиёдалар учун, уч ой ичида эса — автомобиллар учун очилади.
2021 йилнинг январь-февраль ойларида Ўзбекистонга келиб тушган халқаро трансчегаравий пул ўтказмалари ҳажми деярли 892 млн долларни ташкил этди. Бу ўтган йилнинг шу даврига нисбатан 14 фоизга кўп.
Шавкат Мирзиёев ва Садир Жапаров Тошкент шаҳридаги технопаркка борди. Давлат раҳбарлари Ўзбекистоннинг саноат, қишлоқ хўжалиги ва ҳунармандчилик маҳсулотлари кўргазмаси билан танишди. Якунда Қирғизистон халқига тез тиббий ёрдам машиналари совға қилинди.
Дам олиш кунлари ҳаво ҳарорати кескин пасайиши ва баъзи ҳудудларда қор ёғиши кутилмоқда. Республика ҳудудларида шамолнинг 17−22 м/с гача кучайиши кутилмоқда, баъзида эса 23−28 м/с гача кучайиши мумкин.
2021 йил 15 мартдан бошлаб Туркияга келишдан 72 соат олдин махсус электрон сўровномани тўлдириш керак бўлади. Йўловчилар тўлдирилган сўровномани босиб чиқариши ёки мобил қурилмага юклаб олиб, жўнаш аэропортида авиакомпания ходимига тақдим этадилар.
Мингбулоқ туманида «G» МЧЖ раҳбари ва бошқалар 1 млрд сўм имтиёзли кредитни талон-торож қилгани аниқланган. Улар сохта ҳужжатларни тузиб, маблағларни нақдлаштириб олгани маълум бўлган. Уларга нисбатан Жиноят кодексининг талон-торож қилиш ва ҳужжатларни қалбакилаштиришга оид моддалари билан иш қўзғатилди.
Сенатнинг ялпи мажлисида ички ишлар вазири ҳисобот берди. Пўлат Бобожоновнинг айтишича, 2020 йилда ички ишлар ходимлари 134 та жиноят содир этган. Шундан 27 таси ўлим билан боғлиқ. Ҳуқуқбузар қонун ҳимоячиларига озодликдан маҳрум қилишгача бўлган жазолар белгиланаётгани айтилди.
Давлат раҳбари Фарғона ва Наманган вилоятларига ташрифи чоғида маҳалларга бориб, аҳоли билан мулоқот қилиб, уларни қийнаётган муаммоларни тинглаган эди. Сенатнинг навбатдаги ялпи мажлисида Танзила Нарбаева айни шу масалага эътибор қаратиб, депутат ва сенаторларни танқид қилди. «Ҳудудлардаги муаммоларни наҳотки депутатлар ва сенаторлар кўрмаяпти», — деди у.
1 апрелдан 1 октябргача цемент маҳсулотларини Ўзбекистонга олиб киришда божхона божининг ноль ставкаси қўлланилади. Бу мамлакатда қурилаётган уй-жойлар нархини арзонлаштириш мақсадида амалга оширилади.
БМТ бош котиби Антониу Гутеррешнинг маълум қилишича, 150 минг киши очлик сабаб ўлим хавфи остида, яна 16 миллион киши озиқ-овқат танқислиги муаммосига дуч келиши мумкин.
ЮНEСКО ташкилоти томонидан Ўзбекистондаги ўқитувчилар малакасини ошириш учун 435 минг АҚШ доллари ажратилади. 2 йиллик лойиҳа доирасида Қорақалпоғистон Республикаси, Навоий ва Тошкент вилоятларида 150 мактаб ва 600 дан ортиқ ўқитувчилар жалб этилади.
Эндиликда АТТО карталаридан ташқари «Uzcard» карталари орқали жамоат транспортларидан фойдаланганлик учун тўловларни амалга ошириш мумкин.
Дания, Норвегия ва Исландия каби мамлакатлар эҳтиёткорлик чораси сифатида AstraZeneca вакцинасидан фойдаланишни вақтинчалик тўхтатиб қўйди. Австрия, Италия, Эстония, Латвия, Литва ва Люксембург каби мамлакатлар эса фақат бир партия ичидаги вакциналардан фойдаланишни тўхтатди.
Президент фармони лойиҳасига кўра, 14 май ва 31 декабрь кунини қўшимча дам олиш куни этиб белгиланиши мумкин. Бундан ташқари, 15 май, 21 июль, 22 июль кунлари барча ходимларга дам олиш кунлари сифатида эълон қилиниши режалаштирилмоқда.
Кинорежиссёр Баҳром Ёқубов 60 ёшида оламдан ўтди.
Қўшимча имкониятларга эга булиш учун сайтда рўйхатдан ўтинг