Пайариқ тумани тез тиббий ёрдам биносининг ёнида Isuzu юк автомобилида ёнғин содир бўлди. Воқеа оқибатида тан жароҳати олганлар йўқ. Ҳодиса жойидаги Cobalt ёнғин таъсирида зарарланган бўлиши мумкин.
Қозоғистонда ўтаётган «Заковат» халқаро интеллектуал ўйинлари муносабати билан Остонага борган Ўзбекистон президенти ёрдамчиси Саида Мирзиёевани Қосим-Жомарт Тоқаев қабул қилди. Қозоғистон раҳбари икки давлат президент админстрациялари ўртасида алоқаларни йўлга қўйиш муҳимлигини таъкидлади.
«Саидазиз медгородок» номи билан танилган Саидазиз Саидалиев 20 йил муддатга озодликдан маҳрум қилинди. Жазони умумий колонияда ўташ белгиланди.
Футбол бўйича Ўзбекистон U-23 жамоаси бош мураббийи Тимур Кападзе Олимпиада учун таркибни шакллантиришда қийинчиликлар бўлгани ва мусобақага тайёргарлик кўриш учун вақт етарли бўлмаганини таъкидлади. У ҳеч бир футболчига эътирози йўқлигини айтиб, таътилга чиқиш режасини эълон қилди.
Шавкат Мирзиёев 10 кун давом этган меҳнат таътилидан қайтди. Жорий ҳафтада давлат раҳбари Қозоғистонда бўлиши ва «Марказий Осиё + Япония» форматидаги саммитда иштирок этиши режалаштирилган. Ҳафта якунида Япония бош вазири Фумио Кисида Ўзбекистонга келиши кутилмоқда.
Реновация тўғрисидаги қонун лойиҳаси муҳокамадан ўтказилди. Бироқ қонун мулкдорларнинг ҳуқуқларини етарлича ҳимоя қилмаслиги ва бошқа сабаблар туфайли жамоатчилик норозилигига учради. Пойтахт ҳокими қонун қабул қилинмасидан аввал жойларда реновация лойиҳалари амалга ошириш ҳақида қарор имзолади.
Хонобод шаҳрида 29−31 июль кунлари «Дунё садолари» II халқаро фестивали бўлиб ўтди, унга жами 6 млрд сўм маблағ сарфланди. Андижон вилояти ҳокимининг журналистларга «Қўлларингдан бало ҳам келмайди» деб мурожаат қилгани айтилди. Бироқ ҳокимлик буни рад этди. Батафсил.
Душанба куни тонгда Андижон туманида ҳайдовчиси ухлаб қолган юк машина темирйўл кўпригига бориб урилди. Оқибатда кўприк ва машинага зарар етди.
Ўзбекистонлик боксчи Лазизбек Мулложонов ярим финалда тожикистонлик рақибини мағлуб этиб, Олимпия ўйинлари финалига чиқди.
Яккасарой туманидаги уйларнинг бирида 12 нафар хорижлик ва 18 нафар Ўзбекистон фуқароси онлайн қимор ўйинларини ўтказиб келишда гумонланиб қўлга олинди. ИИББга кўра, хонадонда уч ой давомида 900 минг доллар айлантирилган.
Париж-2024 Олимпиадасининг ярим финал учрашувида ўзбекистонлик боксчи Ҳасанбой Дўсматов Кабо-Верделик рақибини мағлуб этди. Ўзбекистон вакили Олимпия ўйинларининг финал босқичига чиқди.
Кадастр палатасининг Пастдарғом тумани филиали ходими 1,5 минг доллар пора олаётганида қўлга тушгани айтилмоқда. У фуқарога ер ва уй-жойни ҳужжатлаштириб, эгалик ҳуқуқини олиб беришини айтган.
Иқтисодчи Беҳзод Ҳошимов «Газета.uz»га берган интервьюсида нима учун Сингапур «мўъжизаси» сабаблари хато талқин қилиниши ҳақида гапирди. Ли Куан Ю ва унинг партияси кўп ислоҳотлар қилган, аммо китобини ўқисангиз, ўша иқтисодий ривожланиш бош вазирнинг столида яратилгандек туйилиши мумкин, дейди у.
Дўстлик туманида оилавий боғчанинг қаровсиз қолган 3 ёшли табрияланувчиси ариққа тушиб кетиб, вафот этганди. Суд бу ишда боғча директорига 4 йил 1 ой, тарбиячига 4 йил ва туман СЭС бошлиғига 1 йил 6 ой муддатга озодликни чеклаш жазоси тайинлади.
Ўзбекистонлик боксчи Исроил Мадримов профессионал рингдаги илк мағлубиятини қабул қилди. Иккита чемпионлик камари учун курашда у икки карра мутлақ жаҳон чемпиони Теренс Кроуфордга ютқазди.
Андижонда эркак турмуш ўртоғи ва қайнонасини темир жисм билан уриб ўлдирди. Воқеага ўзаро жанжал сабаб бўлгани айтилмоқда. Гумонланувчи процессуал тартибда ушланди.
Автомобиль олди-сотдиси соҳасида фирибгарликда айбланиб, 10 йилдан буён қидирувда бўлган 45 ёшли эркак Туркиядан Ўзбекистонга депортация қилинди. Ушбу шахснинг хатти-ҳаракатларидан жабр кўрган фуқаролардан консуллик ёки ИИВга мурожаат қилишлари сўралди.
Якшанба куни Париждаги Олимпия ўйинларида боксчилар Ҳасанбой Дўсматов ва Лазизбек Мулложонов финал учун жанг қилади. Енгил атлетикачи Анвар Анваров ўз иштирокини бошласа, Сафина Садуллаева финалда қатнашади. Олга Забелинская ва Янина Кускова велошоссе бўйича гуруҳ баҳсларида кураш олиб боради.
Қирғизистон Миллий хавфсизлик давлат қўмитаси халқаро қидирувда бўлган Ўзбекистон фуқаросини қўлга олди. Унинг фаолиятидан Ўзбекистонга етказилган зарар 12 млрд сўм (салкам 1 миллион доллар)га баҳоланмоқда.
Июль ойида 801 та ҳолатда жами 234 млрд 778 млн сўмлик электр ва табиий газ талон-торож қилинди. Шунингдек, энергия ресурсларидан фойдаланиш қоидаларини бузиш билан боғлиқ 304 та маъмурий иш расмийлаштирилди.
Қўшимча имкониятларга эга булиш учун сайтда рўйхатдан ўтинг