Архив
Қозоғистонда таҳсил олаётган бир гуруҳ ўзбекистонлик талабалар ватанга қайтарилди
Нарикбаев номидаги Қозоғистон давлат юридик университетида таҳсил олаётган 35 нафар талаба Нурсултондан Тошкентга қайтарилди.
7 январь куни Ўзбекистонда содир бўлган энг муҳим хабарлар дайжести
Меҳнат таътилидан 2 кунда қайтган Шавкат Мирзиёев, номи оқланган 120 нафар қатағон қурбонлари, Ўзбекистоннинг ковид-сертификатларини тан олишни бошлаган Буюк Британия, тухум экспорти чекланганини вақтинча чора дея атаган Иқтисодий тараққиёт вазирлиги, пиёдани уриб юборган автобус, харид чекини рўйхатдан ўтказиш бўйича қўлланма ва бошқа хабарлар — «Газета.uz» нинг 7 январдаги энг муҳим хабарлари дайжестида.
Ўзбекистон ноябрда дунёда энг кўп олтин сотган давлат бўлди
Ўзбекистон Марказий банки ноябрь ойида дунёнинг бошқа мамлакатларига қараганда кўпроқ — 21,5 тонна олтин сотди.
Ўзбекистон терма жамоасининг Япония билан ўртоқлик учрашуви бекор қилинди
21 январь Ўзбекистон ва Япония миллий терма жамоалари ўртасида ўтиши режалаштирилган ўртоқлик учрашуви бекор қилинди. Бунга Японияда карантин чоралари кучайтирилгани сабаб бўлган. ЎФА айни шу куни бошқа рақиб билан ўртоқлик учрашуви ўтказиш борасида иш олиб бормоқда.
Тошкентда автобус пиёдани уриб юборди
Олмазор туманида 43-сонли йўналишдаги «ISUZU» русумли автобус светофорнинг қизил чироғида тўхташ пайтида йўл четига йиқилиб тушган пиёдани уриб кетди. Бунинг оқибатида фуқаро воқеа жойида вафот этган. Пиёда маст ҳолатда бўлганлиги айтилмоқда.
Қозоғистон бизнеси тартибсизликлар сабабли 91 млн доллар зарар кўрди
Дастлабки ҳисоб-китобларга кўра, Қозоғистондаги тартибсизликлар сабабли мамлакатдаги бизнес 91 млн доллар зарар кўрди. Зарарнинг асосий қисми савдо, умумий овқатланиш, транспорт, хизмат кўрсатиш ва молия секторидаги тадбиркорлик субъектларига етказилган.
Чипталарни муддати ўтгандан кейин ҳам — 24 январгача алмаштириш мумкин
Темирйўл кассалари олдида юзага келган навбатлар ва тартибсизликлар ортидан — Олий ва ўрта махсус таълим вазирлиги 11 январгача харид қилинган чипталарни алмаштириш муддати ҳам 24 январга қадар узайтирилганини маълум қилди. «Ўзбекистон темир йўллари» эса «чипта алмаштириш учун қўшимча тўловлар олинмаслиги ва қўшимча поездлар ҳам йўлга қўйилишини» қайд этди.
Қўлланма: Харид чекини рўйхатдан ўтказиш ва кешбэк олиш
1 январдан бошлаб харид чекини «Soliq» мобил иловасидан рўйхатдан ўтказган фуқароларга харид суммасининг 1 фоизи қайтарилади. Қайси харид чеки ҳақиқий ҳисобланади, харид чекини қандай рўйхатдан ўтказиш мумкин ва кешбэкни банк картасига ўтказиш ҳақида «Газета.uz» қўлланмасида.
«Ким таслим бўлмаса — йўқ қилинади» — Қозоғистон президенти
Қозоғистон президенти Қосим-Жомарт Тоқаев халққа мурожаатида мамлакат маҳаллий ва хорижлик қуролли бандитларга қарши курашишга мажбур бўлганини айтди. Биргина Олмаота шаҳрига 20 минг бандит ҳужум қилган, дея маълум қилди у. Ҳуқуқ-тартибот ходимларига огоҳлантиришсиз ўлдириш учун ўт очиш буюрилган. Шу билан бирга, тинч муҳит ҳукмрон бўлган ҳудудларда фавқулодда ҳолат аста-секин бекор қилинади, айрим ҳудудларда интернет ёқилади.
Чигит иши: Самарқандлик тадбиркорнинг маҳсулоти 10 кунда етказиб берилиши айтилмоқда
Қашқадарё вилояти чегарасида 100 тонна чигит тўхтатиб қолинганига «техник хатолик туфайли таъминотчи корхона уруғлик чигит бериб юборганлиги» сабаб қилиб кўрсатилди. Самарқандлик тадбиркорнинг маҳсулоти 10 кунда етказиб берилиши айтилмоқда. Антимонополия қўмитаси 2020 йилги чигит ишидан кейин ушбу ҳолат Қашқадарёда яна такрорланганини ҳамда вазият ўрганилаётганини маълум қилди.
«Тухум экспорти чекланганлиги — вақтинчалик чора» — Иқтисодий тараққиёт ва камбағалликни қисқартириш вазирлиги
Иқтисодий тараққиёт ва камбағалликни қисқартириш вазирлиги тухум экспортига нисбатан чеклов ҳақиқатда жорий қилинганлигини маълум қилди ва буни вақтинчалик чора деб атади. Вазирлик маълумотига кўра, 2021 йилнинг сентябрь-декабрь ойларида тухум нархи 19,6 фоизга, айрим ҳудудларда 20−22 фоизгача ўсган. Аввалроқ Ветеринария қўмитаси тухум экспорти чекланганлиги тўғрисидаги хабарни рад этган эди.
Дам олиш кунларида ёғингарчилик кутилмайди
Яқин кунларда ҳаво ҳароратининг совиши, бироқ ёғингарчиликларсиз бўлиши кутилмоқда. Ҳарорат кундузи +10 даража илиқ бўлади, баъзи ҳудудларга туман тушиши мумкин.
«Чилонзор» метросида тажриба тариқасида ҳожатхона қурилмоқда
Тошкент метрополитени тажриба тариқасида «Чилонзор» метро бекатида ҳожатхона қуришни бошлади, агар бу ўзини оқласа, бошқа бекатларда ҳам тадбиқ этилади. Шунингдек, бекатларда йўл кўрсаткичларини замонавий дизайн асосида босқичма-босқич алмаштириш режалаштирилгани маълум қилинди.
Женисбек Пиязов мактабгача таълим вазирининг маслаҳатчиси этиб тайинланди
Женисбек Пиязов жамоатчилик асосида мактабгача таълим вазири маслаҳатчиси этиб тайинланди. У соҳада маданият ва санъатни ривожлантиришга ёрдам беради.
Ўзбекистонда кунлик коронавирусга чалиниш ҳолатлари кескин ортди
Сўнгги икки кун ичида Ўзбекистонда 397 киши коронавирус юқтириб олди, уч киши эса вафот этди. 5 январгача COVID-19`га чалинганлар сони 100 кишидан ошмаётган, 9 кундан бери эса ўлимлар қайд этилмаган эди.
Буюк Британия Ўзбекистоннинг ковид-сертификатларини тан олишни бошлади
Буюк Британия 10 январдан Ўзбекистоннинг коронавирусга қарши эмланганлик тўғрисидаги сертификатларини расман тан олишни бошлайди. Эндиликда вакцина олган ўзбекистонликлар Англияга кириш учун ПЗР тестини тақдим этишлари шарт бўлмайди.
120 нафар қатағон қурбонлари номлари оқланди — Олий суд
Олий суд 6 та жиноят иши бўйича сургун қилинган, отилган ва мол-мулки мусодара қилинган 120 нафар қатағон қурбонлари номини оқлади.
Навоий кон-металлургия комбинати учта мустақил корхонага бўлинди
1 январдан Навоий кон-металлургия комбинати учтага — акциядорлик жамияти ва иккита давлат корхонасига бўлинди.
Шавкат Мирзиёев қисқа муддатли меҳнат таътилидан қайтди
Президент Шавкат Мирзиёев 2 кун давом этган меҳнат таътилидан қайтиб, одатдаги тартибда ишлашга киришди. Ўтган йили давлат раҳбари 7 кун давомида меҳнат таътилида бўлганди.
Қишлоқдаги қиш Мадина Аъзам объективида
Тез-тез ўчиб турувчи чироқ, печдан тараладиган аччиқ тутун иси, совуқ ҳавода ўчоқда тайёрланган овқат, сандал атрофидаги тушлик. Қишлоқ аҳли қишни қандай ўтказиши — Мадина Аъзам фотоҳикоясида.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг