Архив
Долларнинг расмий курси уч кунлик пасайишдан сўнг кўтарилди
Долларнинг расмий курси 19,25 сўмга кўтарилди ва жами 10 586,85 сўм этиб белгиланди. Шунингдек, евро курси ҳам бироз кўтарилди, рубль эса бироз пасайди.
«Июль охиригача кутишимиз керак». Шерзод Асадов — президент сайловига номзодлар эълон қилиниши ҳақида
Президент матбуот котиби Шерзод Асадовдан Шавкат Мирзиёев такроран ўз номзодини президентликка қўйиши ва бу борадаги қарори ҳақида давлат раҳбари қачон эълон қилишини сўрашди. Унинг сўзларига кўра, сайловолди жараёни июль охирида бошланади. «Ким, қачон ўз номзодини илгари суришини билиш учун июль охиригача кутишимиз керак», — деди у.
«Ўзэкспомарказ» МKК учта агрокўргазмада иштирок этишга таклиф этади
«Ўзэкспомарказ»нинг агрокўргазмалари Ўзбекистонда илк бор гибрид форматида ўтказилади.
FlyArystan Туркистон-Тошкент йўналишида илк парвозни амалга оширди
Қозоғистоннинг FlyArystan лоукостери Туркистон-Тошкент йўналишида илк парвозни амалга оширди.
Президент матбуот котиби Шерзод Асадов хитой-ўзбек вакцинаси билан эмланди
Президент матбуот котиби Шерзод Асадов Администрация ходимлари қаторида СOVID-19`га қарши эмланганини, жумладан, июннинг биринчи ҳафтасида хитой-ўзбек вакцинасининг илк компонентини қабул қилганини таъкидлади.
«Ҳақиқат ва тараққиёт» социал-демократик партияси давлат рўйхатидан ўтказилмади — Адлия вазирлиги
Адлия вазирлиги «Ҳақиқат ва тараққиёт» социал-демократик партиясини давлат рўйхатидан ўтказишни рад этди. Вазирлик аризалар ва илова ҳужжатлари тегишли қонун талабларига риоя қилинмаган ҳолда тақдим қилинганлигини таъкидлади. Ўзбекистонда партияни рўйхатдан ўтказиш учун 20 минг фуқаро имзоси талаб қилинса, «Ҳақиқат ва тараққиёт» партияси 9,8 минг имзо йиғган.
Арманистондаги сайловларда Никол Пашинян партияси ғолиб бўлди
Арманистон бош вазири в. б. Никол Пашиняннинг «Гражданский договор» партияси парламент сайловларида 53,92% овоз билан ғолиб бўлди. Ундан кейинги ўринни мамлакатнинг собиқ президенти Роберт Кочарянниг блоки эгаллади.
Ҳафта давомида ўртача иссиқ об-ҳаво бўлиши кутилмоқда
Ушбу ҳафта давомида Ўзбекистонда ўртача иссиқ ҳаво бўлиши кутилмоқда. Кундузи ҳарорат +35 даражагача кўтарилади. Баъзи кунларда шамол кучайиши мумкин.
Президент шу ҳафта пойтахтда амалга оширилаётган қурилиш ишлари билан танишади
Президент матбуот котиби Шерзод Асадовнинг маълум қилишича, Шавкат Мирзиёев эртага мис ишлаб чиқаришни янада ривожлантириш ҳамда саноат кластерини ташкил этиш юзасидан йиғилиш ўтказади. 23 июнь куни Янги Ўзбекистон университетини ташкил этиш чора-тадбирлари юзасидан тақдимот ўтказилиши мўлжалланган. Шунингдек, ушбу ҳафтада тармоқ ва ҳудудларда инвестиция лойиҳалари ижроси ҳамда маҳаллий саноат лойиҳаларини жадаллаштириш масалалари юзасидан видеоселектор ҳам режага киритилган.
Самарқандда 19 ёшли қиз иш вақтида зўрланди
Самарқанддаги текстиль корхоналаридан бирида ишловчи 19 ёшли қиз тунги навбатчилик пайтида зўрланди. Вилоят прокуратураси томонидан жиноят иши қўзғатилиб, айбланувчига нисбатан сиртдан қамоқка олиш тарзидаги эҳтиёт чораси қўлланилди.
20 июнь Ўзбекистонда 427 нафар фуқарода коронавирус аниқланди
Кеча Ўзбекистонда 427 нафар фуқарода коронавирус аниқланди. Шунингдек, сўнгги кун ичида 471 нафар бемор касалликдан соғайиб, Ўзбекистонда соғайиш кўрсаткичи 96 фоизни ташкил этмоқда.
Тошкентдаги дорихоналарда ноқонуний сотилаётган 63 минг дона кучли таъсир қилувчи дорилар аниқланди
Пойтахтнинг Учтепа ва Чилонзор туманларидаги дорихоналарида кучли таъсир қилувчи моддаларни ноқонуний реализацияси билан боғлиқ 37 та ҳолат аниқланди. Шулардан жами 62 337 дона кучли таъсир қилувчи дори воситалари ноқонуний муомаладан олинди.
«Ушбу ёдгорликлар Тошкентга бетакрор шаҳар қиёфасини бахш этади». Саида Мирзиёева пойтахтдаги панноларни сақлаб қолишга чақирди
Саида Мирзиёева «Premier Hall» кинотеатрини таъмирлаш вақтида аниқланган рассом Альфред Мазитовнинг «Кокилли қиз» панноси атрофидаги муҳокамалар ортидан шаҳардаги барча мозаик панноларни сақлаб қолишга чақирди. «Айнан ушбу ёдгорликлар Тошкентга бетакрор шаҳар қиёфасини бахш этадиган ажойиб бир рамздир», — деди у. Шундан сўнг, бино эгаси панно реставрация қилинишини маълум қилди.
Адлия вазирлиги Тадбиркорлик кодексини ишлаб чиқмоқда
Адлия вазирлиги тадбиркорлар учун ягона ҳуқуқий манба — Тадбиркорлик кодексини ишлаб чиқмоқда. Адлия вазири Русланбек Давлетовнинг сўзларига кўра, ҳужжатнинг қабул қилиниши қонун ҳужжатларини меъёрлаштириш ва давлатнинг тадбиркорлик соҳасига аралашувини қисқартиришга хизмат қилади.
Тошкентда кореялик таэквондо мураббийи ватандоши томонидан пичоқланди
Тошкентда икки нафар Жанубий Корея фуқароси ўртасида содир бўлган жанжал улардан бирининг ўлими билан якунланди. Корея матбуотида марҳумнинг таэквондо бўйича Ўзбекистон терма жамоаси мураббийи экани хабар қилинди.
Спорт соҳасидаги энг муҳим хабарлар ҳафталик дайжести
Ўзбекистон терма жамоасининг Жаҳон чемпионатига чиқа олмагани, «Пахтакор» жамоасининг футболчи ва раҳбарияти маошлари очиқланиши, ЎФАнинг навбатдан ташқари ҳисобот конгресси, Бектемир Мелиқўзиевнинг нокаутга учраши — «Газета.uz» нинг ҳафталик спорт янгиликлари дайжестида.
«Соя-салқин жойга бир оз муддатга кўчириб турилган». Андижон вилояти ҳокимлиги юк машинасига ортилган дарахтлар ва буталар ҳақида
Ижтимоий тармоқ фойдаланувчисининг таъкидлашича, президентнинг Андижон вилоятига ташрифи олдидан йўллар бўйлаб экилган буталар «қайтариб олинган». Вилоят ҳокимлиги ободонлаштириш ишлари давомида буталарни вақтинча салқин жойга кўчирганликлари ҳақида хабар берди. «Газета.uz»нинг аниқлашича, Шавкат Мирзиёев ташрифидан бир неча кун олдин Ободонлаштириш бошқармаси 50 минг катарантус гуллари ҳамда 180 дан ортиқ дарахт ва буталарни сотиб олган.
Назорат ва мувозанатсиз тестлар
Миллий тест тизими топшириқларининг тарқалиб кетиши ҳафтанинг асосий мавзуларидан бирига айланди. Тестларнинг ва талабаларни танлашнинг сифатини ва маълумотларнинг ишончли сақланишини таъминлаш ҳамда манфаатлар тўқнашувининг олдини олиш учун тест материалларини ишлаб чиқиш, тест жараёнларини ўтказиш ва сифатни назорат қилиш вазифалари бир-биридан ажратилиши лозим. Ҳозир бу учта вазифани бир ташкилот — ДТМ бажаради, бу эса назорат ва мувозанат тизимини издан чиқаради. «Газета.uz» колумнисти Комил Жалилов шу ҳақда ёзади.
Бектемир Мелиқўзиев нокаутга учради
Ўзбекистонлик профессионал боксчи Бектемир Мелиқўзиев АҚШда фаолиятидаги навбатдаги жангини Габриэль Росадога қарши ўтказди. Мазкур жангда Росадо Мелиқўзиевни нокаутга учратди.
«Жисмоний тайёргарлик даражаси» кўкрак нишони таъсис этилади
Президент қарори билан cпорт синовларини муваффақиятли топширган шахслар учун «Жисмоний тайёргарлик даражаси» кўкрак нишони таъсис этилади. Бунда, ғолиблар I, II, ва III даражали кўкрак нишонлари билан тақдирланади.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг