Архив
Янги йил арафасида қор бўлмайди
Декабрь ойининг охирги кунлари ва январь ойининг биринчи кунларида ҳарорат меъёрдан 4−7 даражага паст бўлиб, бу ҳафта давомида сақланиб туради. Якшанба куни 27 декабрда ёғган қор бу йилги сўнгги қор бўлди, Ўзбекистон аҳолиси Янги йилни қорсиз кутиб олишади.
Маст ҳолда жамоат тартибини бузган ички ишлар органи ходими ишдан бўшатилди
Ички ишлар органи ҳодимининг маст ҳолатда жамоат тартибини бузаётганлиги ҳақидаги видеога ИИВ муносабат билдирди. Унга кўра, ушбу ҳодисадан сўнг меъёрий буйруқ талабларини бузган ходим ўз вазифасидан четлатилди.
Control Union Central Asia қишлоқ хўжалиги корхоналарининг сертификациясини ўтказади
Control Union Central Asia компанияси қишлоқ хўжалиги соҳасида халқаро GLOBAL G.A.P. ва Organic сертификатларни олишни таклиф қилади.
«Газ, свет йўқлигидан тўйиб кетдик». Бир гуруҳ аёллар Қўқон ҳокимияти олдида йўлни тўсишди
Уйида газ ва свет йўқ 10 дан ортиқ хотин-қизлар Қўқон шаҳар ҳокимияти олдидаги йўлни тўсиб қўйди. Таъкидланишича, мутасаддилар уларнинг сўзларини эшитмаяпти. Йўлни бўшатишни сўраган ҳайдовчиларга қарата аёллар, — «уриб кетишингиз мумкин, барибир уй совуқ», — дея жавоб қайтаришган.
Наманганда 22 та тарихий обида йўқ бўлиб кетиш арафасида эканлиги ҳақидаги хабарларга муносабат билдирилди
Наманган вилоятидаги 22 та тарихий обида йўқ бўлиб кетиш арафасида эканлиги тўғрисидаги видеолавҳага муносабат билдирилди. Жумладан, вилоят ҳокимлиги «Ғўзапоя масжиди» ёдгорлигини таъмирламаган, «Мугтепа» археология ёдгорлигида очиқ осмон остидаги музейини ташкил этмаган.
Депутатлар президент хавфсизлик хизматига оид қонун лойиҳасини кўриб чиқди
Депутатлар кўриб чиққан президент хавфсизлик хизматига оид қонун лойиҳаси МДҲ ҳамкорлик келишуви асосида ишлаб чиқилган ҳамда АҚШ, Россия ва Корея тажрибаси ўрганилган. Ҳозирга қадар хизмат бир қанча қонуности ҳужжатлар асосида фаолият юритиб келмоқда. Қонун эса хизмат фаолиятида ҳуқуқий асосни яратиш мақсадида ишлаб чиқилган.
Долларнинг расмий курси яна кўтарилди
Долларнинг расмий курси 3 сўмга кўтарилди ва жами 10 476 сўм этиб белгиланди. Евро ва рубль курслари эса бироз пасайди.
Жанубий Корея ва Канадада ҳам коронавируснинг янги штамми аниқланди. Япония чегараларни ёпиб қўйди
COVID-19'нинг янги штамми Жанубий Корея ва Канадада ҳам аниқланда ва Буюк Британия билане авиақатновларни тўхтатиб қўйишди. Япония эса янги штамм аниқланганлиги сабаб январь охиригача мамлакат чегараларини ёпиб қўйди. Шунингдек, янги штамм Сингапур, Германия, Франция, Ирландия, Швейцария, Ливан, Швеция ва Испания ҳам аниқланди.
Музработда электр таъминотидаги узилишдан норози аҳоли кўчада балон ёқди
Трансформаторнинг бузилиши натижасида электр энергиясидан узилиб қолган музработликлар норозилик сифатида кўчада балон ёқишди. Хозирда муаммо бартараф этилган.
Прокуратура Андижонда давлат харидларидаги «таниш-билишчилик» ҳолатларини ўрганади
Андижон вилояти прокуратураси вилоят ҳокимлигининг «Ягона буюртмачи хизмати» давлат харидларини ўрганмоқда. Унинг раҳбари 20 млрд сўмлик давлат харидларини ютиб олган қурилиш компаниясининг таъсисчиси ҳисобланади. Бошқа эҳтимолий манфаатлар тўқнашуви ҳолатлари ҳақида ҳам хабар қилинди.
Навоий марказида Янги йил арчаси ёниб кетди (видео)
Навоий марказида янги йил арчаси ёниб кетди. Ҳодисага ёғингарчилик сабабли нам теккан электр симларининг қисқа туташуви сабаб бўлиши мумкин.
Дунё бўйича COVID-19 билан касалланганлар сони 80 млн дан ошди
Дунё бўйича коронавирус билан касалланганлар сони 80 млн дан ошди. COVID-19 дан тузалганлар сони 45,1 млн дан ошган бўлиб, вафот этганлар сони эса 1,75 млн дан кўпроқни ташқил қилмоқда. Энг кўп зарарланганлар АҚШ, Ҳиндистон ва Бразилия мамлакатларига тўғри келмоқда.
Президент 2021 йил учун Давлат бюджетини тасдиқлади
Шавкат Мирзиёев 2021 йил учун Ўзбекистон Республикасининг Давлат бюджети тўғрисидаги Қонунни имзолади. Қонун билан 2021 йил учун республика бюджетидан биринчи даражали бюджет маблағларини тақсимловчиларга ажратиладиган маблағларнинг чекланган миқдорлари тасдиқланди.
Сергели туманида иккита йирик кўчани туташтирувчи кўприк фойдаланишга топширилди
Президент Шавкат Мирзиёев Сергели тумани Қипчоқ кўчасида қурилган кўприкни кўздан кечирди. Ушбу кўприкнинг узунлиги 772 метр бўлиб, у Тошкентдаги иккита йирик кўча — Янги Сергели айланма йўли билан Халқа йўлини боғлайди.
Тошкент метрополитенининг Сергели йўналиши очилди
Президент Шавкат Мирзиёев бугун Тошкент метрополитенининг Сергели йўналишини бориб кўрди. Ушбу метро йўналишининг узунлиги 7 километрни ташкил қилиб, бешта бекатдан иборат. Ушбу йўналишда кунига 35 мингтагача одам қатнаши мумкин. Ушбу йўналиш 26 декабрь соат 16:00 дан бошлаб хизмат кўрсата бошлади.
Қирғизистондаги зилзила Ўзбекистонда ҳам сезилди
Тошкент вақти билан 15:28 да Қирғизистонда зилзила содир бўлди. Зилзила Ўзбекистоннинг бир қатор шаҳарларида ҳам сезилди.
Ёлғон ахборот тарқатган шахслар 22 млн сўмгача жаримага тортилиши мумкин
Президент томонидан имзоланган айрим кодексларга ўзгартиш ва қўшимчалар киритишни назарда тутувчи қонунга кўра, агар тарқатилган ёлғон ахборот жамоат тартибига ёки хавфсизлигига таҳдид солса уни тарқатган шахс БҲМнинг 100 бараваригача (22 млн 300 минг сўм) жаримага тортилиши мумкин.
Туркияга киришда янги қоидалар ўрнатилди
Туркия Соғлиқни сақлаш вазирлиги келгуси йилнинг 1 мартига қадар мамлакатга киришда янги қоидалар жорий этди. Хориждан кириб келаётган фуқаролар уч кун ичида олинган салбий ПЗР-тест маълумотномасига эга бўлиши керак. Маълумотномаси бўлмаганлар бир ҳафталик карантинга олинади.
Самарқандда тўқнашув оқибатида автобус ағдарилди
Самарқанд шаҳрида йўловчи ташувчи автобус ва Нива русумли транспорт воситалари иштирокида тўқнашув содир бўлиб, автобус ағдарилди. Автобусда йўловчилар бўлмаган, ҳайдовчиси эса шифохонага ётқизилган.
Нима тайёрлаймиз: янги йил учун салатлар
Zira.uz янги йил дастурхони учун сиз билган ва билмаган салат рецептлари ҳамда ноодатий безаш усулларини тақдим этади.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг