Наманганда 35 ёшли аёл МИБ ходимларига ўз норозилигини билдирган ўзига ўт қўйиб, ҳалок бўлди. Хабарларга кўра, марҳум икки ярим йил муқаддам сотиб олинган уйидан МИБ ходимлари томонидан мажбуран чиқарилмоқчи бўлинган.
Қорақалпоғистон Республикаси Жўқорғи Кенгеси раиси лавозимига Мурат Камалов сайланди.
Сурхондарё вилоятининг Қумқўрғон туманида 6,5 млрд сўмга қурилган кўприк кўп ўтмай яроқсиз ҳолга келди. Вилоят прокуратураси пудратчи қурилиш вақтида 34,5 млн сўмлик ишларни бажармаганини аниқлади. Мазкур ҳолат юзасидан терговга қадар текширув олиб борилмоқда.
Тошкентда Германиянинг Иқтисодиётни тиклаш бўйича кредит институтининг бюроси очилади.
АҚШ президенти Дональд Трамп ва унинг рафиқаси Мелания Трампда COVID-19 инфекцияси аниқланди. Аввалроқ Трампнинг маслаҳатчиларидан бири Хоуп Хикснинг коронавирус билан касаллангани маълум бўлган эди.
Президент Шавкат Мирзиёев Қорақалпоғистон Республикаси Жўқорғи Кенгесининг навбатдан ташқари сессиясида иштирок этиш учун Нукусга жўнаб кетди.
Ўзбекистонда шу вақтга қадар аниқланган коронавирус ҳолатлари сони 57290 тага етди. Қарийб 54 минг бемор инфекциядан буткул халос бўлди, 472 киши ҳаётдан кўз юмди. 1 октябрдаги кунлик ҳолат ва ҳудудлар статистикаси — ССВ ҳисоботида.
Тошкентда инпектордан қочиб тезликни оширган Lacetti ҳайдовчиси олтита автомобилга шикаст етказиб, охирида йўл ўртасидаги симёғочга бориб урилди. Ҳодисадан ҳеч ким жароҳатланмади.
Telegram мессенжерининг Android бета-версиясида изоҳлар қолдириш функцияси пайдо бўлди. Аввал изоҳ қолдириш фақат қўшимча ботлар орқали амалга оширилар эди
Тошкентда туман кенгаши сайловида ёрдам бериш учун номзоддан 3000 доллар сўраган депутат қўлга олинди. Мамлакатдаги бошқа коррупция ҳолатлари ҳақида ҳам хабар қилинди.
Олмалиқ шаҳри ҳокимининг ўғли йўл ҳаракати қоидаларини бузгани учун 17-марта жаримага тортилди. У ўз қоидабузарлиги видеоларини TikTok ва Instagram саҳифаларини жойлаштириб борган.
Ўзбекистон энди чегараларни ёпмайди, энди интернет узлуксиз ишлайди, дея маълум қилди Шавкат Мирзиёев. Президентнинг сўзларига кўра, ОАВ билан мулоқот қилмаган раҳбарларнинг келажаги йўқ.
АҚШ Халқаро тараққиёт агентлиги (USAID) Ўзбекистонда миссияси очганини эълон қилди. Бунга қадар агентлик идораси USAIDнинг Марказий Очиёдаги миссиясининг бир қисми сифатида фаолият кўрсатиб келаётган эди.
Бу йил октябрь ойи қуруқ об-ҳаво билан бошланади, ҳаво ҳарорати кечаси +5… +10 даража, кундузи +25 даражагача бўлиши кутилмоқда. Кузнинг иккинчи ойи прогнози Ўзгидромет шарҳида.
Ўзбекистонда KIA Seltos кроссовери учта, K5 седани эса олтита комплектацияда таклиф қилинмоқда. Компания мазкур моделлар нархларини ҳам эълон қилди.
Ўзбекистон фуқаролигига қабул қилишда давлат тили бўйича имтиҳондан ўтиш талаб қилинади. Имтиҳонлар марказлар томонидан тўлов асосида амалга оширилади.
АҚШда президентликка номзодлар Дональд Трамп ва Жо Байден ўртасида илк дебатлар бўлиб ўтди. Сиёсатчилар COVID-19 пандемияси, иқтисодиёт ва ирқчиликни муҳокама қилишди. Томонлар бир-бирларига гап бермасдан, бир-бирини ёлғончиликда айблашди.
Абхазияда қийин аҳволда қолган 400 нафарга яқин ўзбекистонликнинг аёллар, ҳомиладолар, қариялар ва болалардан иборат биринчи гуруҳини октябрь ойи бошларида ватанга қайтариш режалаштирилмоқда.
Европа тикланиш ва тараққиёт банкининг Ўзбекистонга ажратаётган 40 млн долларлик кредитлари кичик ва ўрта бизнесни, шунингдек, тадбиркорлик билан шуғулланувчи аёлларни қўллаб-қувватлашга йўналтирилади.
Миллий таълим ва тарбия тизимини яратишга беқиёс ҳисса қўшган Абдулла Авлоний (1878−1934), Маҳмудхўжа Беҳбудий (1875−1919) ва Мунавварқори Абдурашидхонов (1878−1931) «Буюк хизматлари учун» ордени билан тақдирлангани
Қўшимча имкониятларга эга булиш учун сайтда рўйхатдан ўтинг