Архив
Иш ҳафтасининг иккинчи ярмида кам булутли ва қуруқ об-ҳаво бўлади
20−21 апрелда Ўзбекистон ҳудудига Каспий денгизи ҳудудларидан нам ҳаво массалари, сўнг Урал ҳудудларидан деярли совуқ антициклон кириб келади. Республиканинг айрим ҳудудларида ёмғир ёғади, момақалдироқ бўлиши мумкин. Иш ҳафтасининг иккинчи ярмида Ўзбекистоннинг барча ҳудудлари бўйича кам булутли ва қуруқ об-ҳаво бўлади.
«Карантин қоидаларини бузганларга нисбатан энг қатъий чоралар қўлланилади» — ИИВ
Агар илгари ички ишлар органлари ходимлари карантин қоидаларини бузган фуқароларни огоҳлантириш билан чекланиб қолишган бўлса, энди қоидабузарларга нисбатан энг қатъий чоралар қўлланилади, дейилади ИИВ хабарида. Биргина 18 апрелнинг ўзида Тошкентда карантин қоидаларига риоя қилмаганлик тўғрисида 773 та баённома тузилди.
«Сайловлар бўйича бизга холисона баҳо керак» — Шавкат Мирзиёев
Президент ЕХҲТнинг Демократик институтлар ва инсон ҳуқуқлари бўйича бюроси ва Парламент ассамблеяси тўлақонли миссиясини октябрда бўлиб ўтадиган сайловларни кузатишга таклиф қилди.
Европанинг топ клублари футбол бўйича Суперлига ташкил қилишмоқда
Европада 12 та топ клуб футбол бўйича Суперлига ташкил қилишларини эълон қилишди. УЕФА бунга қарши чиқиб, жамоаларга санкциялар қўллашини, ўйинчиларни ҳам мусобақаларидан четлатиши мумкинлигини айтди. Мазкур мусобақанинг ташкилотчиси ким? Мусобақа раҳбарияти, унинг ўтказилиши формати қандай бўлади? Бу ҳақда батафсил «Газета.uz» изоҳида.
Исроилда кўчада ниқоб тақмасликка руҳсат берилди
Исроилда коронавирус билан касалланиш ҳолатлари пасайиши сабабли кўчада ниқоб тақиш талаби бекор қилинди. Ўз яшаш жойларидан ташқари, бошқа биноларда ниқоб тақиш мажбурий бўлиб қолмоқда. Мамлакат аҳолисининг 50 фоизидан ортиғи COVID-19 га қарши эмланди.
Хитой-ўзбек вакцинаси «британия» ва «бразилия» штаммларига қарши самарали эканлиги тасдиқланди
Хитой-ўзбек ZF-UZ-VAС2001 вакцинаси коронавируснинг янги «британия» ва «бразилия» штаммларига қарши самарали эканлиги қайд этилди. Бундан ташқари, мазкур вакцина «жанубий африка» штаммига ҳам қарши актив нейтрал ҳолатини сақлаб қолди.
АГМК ОЧЛнинг 2-турида «Истиқлол»га мағлуб бўлди
АГМК жамоаси ОЧЛ гуруҳ босқичида 2-тур учрашувни Тожикистоннинг «Истиқлол» клубига қарши ўтказди. Мазкур баҳсда 2:3 ҳисобида олмалиқликлар имкониятни бой беришди.
65 ёшдан катталар ва ёш болаларга таровеҳ намозларини уйда адо этиш сўралмоқда
Мураккаб эпидемиологик вазиятни эътиборга олиб, жума ва таровеҳ намозларини амалга оширишда 65 ва ундан катта ёшдаги фуқаролар, ёш болалар ҳамда сурункали касаллиги мавжуд шахслардан ибодатларни уйда амалга ошириш сўралмоқда.
Наманган таркибида яна битта туман ташкил қилинади
Наманган таркибида яна бир туман — Янги Наманган туманини ташкил этиш режалаштирилган. Сентябрда шаҳарда 2003 йилда тугатилган Давлатобод тумани қайта тузилган эди.
«Пахтакор» ОЧЛнинг 2-турида ҳам дуранг ўйнади. Бугун АГМК ўйнайди
«Пахтакор» жамоаси ОЧЛ гуруҳ босқичида 2-тур учрашувни Ироқнинг «Эйр Форс» клубига қарши ўтказди. Мазкур баҳсда 0:0 ҳисобидаги дуранг натижа қайд этилди. Шунингдек, бугун Олмалиқнинг АГМК жамоаси Тожикистоннинг «Истиқлол» клубига қарши майдонга тушади.
Ўзгидрометнинг энг баланд тоғ метеостанцияси — Ойгаинг қандай ишлайди
Тоғлардаги қор захираси етарлими, дарёларда сув миқдори қанча бўлади, қор кўчкиси хавфи мавжудми? Технология қанчалик тараққий этмасин, айрим метеокузатувларни одамларнинг иштирокисиз ўтказиб бўлмайди. «Газета.uz» Ўзгидромет таклифи билан мамлакатдаги энг баланд тоғ метеостанцияси — Ойгаингга ташриф буюрди. Бу масканда бир неча мутахассис оиласи билан яшаб, меҳнат қилади, қор қопламаси ҳолатини назорат қилиб, ҳар 3 соатда маълумотлар жўнатиб туради.
Ангрен МИБ раҳбари ходимларини ҳақорат қилгани учун хайфсан олди
Ангрен Мажбурий ижро бюроси раҳбари Моҳизода Юсупова режани бажармаган ходимларни номақбул сўзлар билан ҳақорат қилгани учун ҳайфсан олди. МИБ келгусида бу каби ҳолатларнинг олдини олиш учун чоралар кўрилишини маълум қилди.
2021 йилнинг биринчи чорагида ЯИМнинг ҳажми 3 фоизга ошган
Йилнинг илк чорагида ЯИМ ўсиши ўтган йилнинг тегишли даврига нисбатан 103%дан иборат бўлган. Кўрсаткичлар транспорт, қурилиш ва чакана савдо соҳаларида тикланиш оғир кетаётганини кўрсатмоқда.
Март ойида автомобиллар савдосида ўсиш кузатилди
Маълумотларга кўра, март ойида автомобиль бозорида аҳоли талаби февраль ойига нисбатан 7,7%га ошиб, қаторасига иккинчи ой барқарор ўсиш суръатларини кўрсатди. Ўтган йилнинг мос даври билан солиштирганда, автомобиллар савдоси ўсиши 47,4%ни ташкил қилди.
Энг муҳим спорт хабарлари ҳафталик дайжести
Равшан Эрматовнинг янги лавозимга тайинланиши, ЕЧЛ ва ЕЛ ярим финал жуфтликлари, «Пахтакор» ҳамда АГМК жамоаларининг ОЧЛдаги иштироки ва бошқа энг муҳим хабарлар — «Газета.uz» ҳафталик спорт янгиликлари дайжестида.
Ўзбекистонда неча ёшлиларда кўпроқ COVID-19 юқтириш ҳолатлари кузатилмоқда?
Маълум қилинишича, Ўзбекистонда коронавирусдан касалланганларнинг 22−26 фоизини 60 ёш ва ундан катталар ташкил этмоқда. Шунингдек, 30−39 ёшдагилар 17−20 фоизни, 14 ёшгача бўлган болалар ўртача 13−15 фоизни ташкил қилмоқда.
Ўзбек олимларининг COVID-19га қарши икки вакцинаси ЖССТ номзод вакциналар рўйхатига кирди
Ўзбек олимлари томонидан яратилаётган икки вакцина — Инновацион ривожланиш вазирлиги ҳузуридаги Илғор технологиялар маркази ҳамда ФА Геномика ва биоинформатика маркази вакциналари Жаҳон соғлиқни сақлаш ташкилотининг номзод вакциналар рўйхатига киритилди. Мазкур икки вакцина ҳозирда клиник олди синовларидан ўтмоқда.
«Жаслиқ»да 100 га яқин маҳкум сақланмоқда — ҳуқуқ ҳимоячиси
Ўзбекистон инсон ҳуқуқлари «Эзгулик» жамияти раиси Абдураҳмон Ташановнинг Kun.uz'га берган интервьюсида маълум қилишича, расман ёпилгани эълон қилинган Жаслиқ қамоқхонаси фаолият юритишда давом этмоқда. Унинг айтишича, Навоий вилоятининг Қизилтепа туманида умрбод қамоқ жазосига ҳукм қилинган шахсларни сақлаш учун замонавий қамоқхона қурилмоқда. «Шу қамоқхона битса, ҳозир Жаслиқда олиб қолинган маҳкумлар у ерга кўчириларкан», — дейди у.
Сергели метро йўналишидаги техник муаммо аввалдан кутилган эди — метрополитен раҳбари
Тошкент метрополитени раҳбари Ойбек Худойқулов Сергели йўналишида техник муаммо туфайли поездлар ҳаракати тўхтаб қолгани кутилган воқеа бўлганлигини айтди. «Ҳаво ҳарорати ошганда рельсларнинг узайишини биз билувдик, фақат ҳаво 19−20 градус бўлгани учун, бу ҳолат бир ойдан кейин бўлади деб ўйлагандик», — деди у.
«Менга совуғи ҳам, иссиғи ҳам йўқ» — Қурилиш вазири оила аъзолари алоқадор бўлган компания ҳақида
Қурилиш вазири акционерлари орасида ўғли ва турмуш ўртоғи ҳам бўлган «12-трест»нинг давлат харидларини тендерсиз қўлга киритгани ҳақидаги хабарларга изоҳ берди. «51 фоиз давлат улуши бўлгандан кейин менга унинг совуғи ҳам, иссиғи ҳам йўқ», — деди вазир.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг