Архив
«Ходимлар жисмонан ва руҳан чарчаган» — олий таълим вазири
Олий таълим вазири Абдуқодир Тошқулов иш фаолиятининг биринчи кунлари бўйича ўз таассуротлари билан бўлишди. Унинг айтишича, ходимлар ҳорғин, баъзи структуралар эса талабларга жавоб бермайди. У эндиликда вазирлик «янгича иш тартибига» ўтишини маълум қилди.
Жек Ма 2020 йил октябридан буён илк бор оммага кўриниш берди
Жек Ма куз фаслидан буён илк бор оммага кўриниш берди. Alibaba асосчиси 20 январ куни қишлоқдаги ўқитувчиларни қўллаб-қувватлаш дастурининг онлайн-маросимида иштирок этди.
Хорижий давлатларда ўқиб келган ёшлар у ердаги тажрибани тез ва шошилинч амалга оширмоқчи бўлади — президент
Шавкат Мирзиёев хорижда таълим олган ёшларни катта лавозимларга тайинлаганда уларда шошиб қолиш ҳолатлари кузатилаётганини таъқидлади. Давлат раҳбари бундай ёшларга миллий тарих ва қадриятларнинг ўрни ҳақида айтиб ўтди.
Депутатлар такси ҳайдовчиларидан лицензия талаб қилмаслик таклифини билдирди
Қонунчилик палатаси депутатлари шахсий автомобилда йўловчи ташишни лицензия талаб қилинадиган фаолият турлари рўйхатидан чиқариш таклифини билдиришди. Бу тегишли қонун лойиҳасини такомиллаштириш жараёнида кўриб чиқилиши маълум қилинди.
2020 йилги давлат дастурининг 70 дан ортиқ банди 10 ойгача кечикиб бажарилган
«Юксалиш» УМҲ раиси Бобур Бекмурадов 2020 йилги давлат дастурининг 70 дан ортиқ банди 10 ойгача кечикиб бажарилганини маълум қилди. Унинг айтишича, масъул вазирлик ва идоралар «бажарилган» деб ҳисобот берган айрим вазифалар аслида бажарилмагани ҳам аниқланган.
Маҳмуд Истамов Бухоро вилояти прокурори лавозимига тайинланди
Марказий сайлов комиссияси раиси ўринбосари Маҳмуд Истамов Бухоро вилоятига прокурор бўлди. У ушбу лавозимда ишдан олинган Дилшод Файзиевнинг ўрнини эгаллади.
Тошкентда Howo оғир юк автомашинаси Cobalt устига ағдарилди, бир киши вафот этди
Тошкентнинг Бектемир туманида Howo оғир юк машинаси Cobalt устига ағдарилиб кетди. Ҳодиса натижасида Cobalt йўловчиси вафот этган.
Азизбек Икромов Маҳалла вазирлигидаги лавозимидан озод этилди
Ички ишлар вазири ўринбосари Азизбек Икромов Маҳалла ва оилани қўллаб-қувватлаш вазирининг ўринбосари лавозимидан озод этилди. У ўтган йилнинг феврал ойидан буён иккала лавозимда ҳам бир вақтнинг ўзида фаолият олиб борган.
Тошкент марказида ўртача нархда хизмат кўрсатувчи Hampton by Hilton меҳмонхонаси қурилмоқда
Тошкентда Халқаро Вестминистер университети рўпарасида ўртача нархларда хизмат кўрсатувчи Hampton by Hilton меҳмонхонаси қурилмоқда. Уни International Foodchain (KFC'ни бошқаради) таъсисчиларидан бири ва меҳмонхона иши билан шуғулланувчи тадбиркор очмоқда.
«30−40 фоиз аҳолида коронавирусга қарши жамоавий иммунитет бўлиши мумкин» — Санитария-эпидемиология хизмати
Санитария-эпидемиология хизмати раҳбари ўринбосари Ботиржон Қурбонов Ўзбекистонда коронавирусга қарши жамоавий иммунитет ҳосил бўлганлигини таъкидлади. «Жамоавий иммунитет аҳолининг 70−80 фоизи даражасида ҳали шаклланмаган. 30−40 фоиз атрофида бўлиши мумкин», деди у.
Ўзбекистонда февраль ойининг охири, март ойининг бошида коронавирусга қарши вакцинация жараёни бошланиши мумкин
Ўзбекистон бўйлаб COVID-19 га қарши аҳолини эмлаш жараёни февраль ойининг оҳири, март ойининг бошида режалаштирилмоқда. Вакциналар 1−1,5 ой ичида келтирилиши кўзда тутилган.
Дераза ва эшиклар яхши ёпиляптими, шамол ўтмаяптими? — энергетика вазири ҳаво кескин совиши ҳақида огоҳлантирди
Энергетика вазири Алишер Султонов 10 кун ичида ҳаво кескин совиши ҳақида гапириб, авваллари «деразалар яхши ёпиляптими, шамол кирмаяптими, эшиклар ёпиладими, эшикларни иситишни ҳам ўйлардик», — деди. Шунга кўра, 20 январдан 1 февралгача истеъмолчиларни электр энергия ва газ билан таъминлаш учун барча чоралар кўрилгани қайд этилди.
2020 йилда Ўзбекистондан 13,6 мингдан зиёдроқ киши чет элга кўчиб кетди
2020 йилда Ўзбекистондан 13,6 мингдан зиёдроқ киши чет элга кўчиб кетди. Уларнинг 64,3 фоизи Қозиғистонни танлади.
Президент мамлакат мафкурасининг асосий ғояси нималардан иборатлигини маълум қилди
Шавкат Мирзиёев мамлакат мафкурасининг асосий ғоясини нималар ташкил этишини санаб ўтди. «Биз яратаётган янги Ўзбекистоннинг мафкураси эзгулик, одамийлик, гуманизм ғояси бўлади», — деди президент.
Жаҳон янгиликлари дайжести
Қирғизистоннинг сақлаш шароити йўқлиги учун Pfizer вакцинасини ишлатишдан бош тортгани, Германиянинг карантин чораларини 15 февралга қадар узайтириши, Туркиянинг коронавирусга қарши оммавий эмлашнинг иккинчи босқичига ўтгани ва бошқа янгиликлар — «Газета.uz»нинг жаҳон янгиликлари дайжестида.
Маънавият ва ижодни қўллаб-қувватлаш фонди ташкил этилади — Шавкат Мирзиёев
«Ижод» жамоат фонди негизида Маънавият ва ижодни қўллаб-қувватлаш фондини ташкил этилади. 120 млрд сўм ажратилиши таъкидланди. Йиғилишда маънавият ва маърифат соҳаси ихтисосликларини фанлар классификаторига киритиш, бу йўналиш бўйича етук кадрлар тайёрлаш бўйича топшириқлар ҳам берилди.
Энг катта хавф лоқайдлик ва бепарволик кучайиб бораётганида — президент
Шавкат Мирзиёев «энг катта хавф — бу аксарият одамларимизда лоқайдлик ва бепарволик кучайиб бораётганида», дея таъкидлади. Ҳозирги замонда маънавий нуқтаи назардан «ухлаб ётиш»га, лоқайд бўлишга ҳеч кимнинг ҳаққи йўқлиги айтилди.
Мен Абдуқодир Тошқуловни синаб кўрдим — президент янги олий таълим вазири ҳақида
Президент яқинда тайинланган олий таълим вазири Абдуқодир Тошқуловга кўп вазифалар берганлигини таъкидлади. «Агар унга қандайдир ректор ёқмаса, у ректор кетади. Мен унга катта вазифалар юкладим. У ухламай ишлайди», — деди давлат раҳбари. Шавкат Мирзиёев ректорлар дарс бермаслигини танқид қилиб, дарс бермаган тақдирда тарбия ва маданият масалалари билан шуғулланиш лозимлигини таъкидлади.
Андижонда суд биноси олдида очлик эълон қилган блогер аёл бўйича муносабат билдирилди
Андижонда блогер аёл ҚК собиқ раҳбарларига оид жиноий ишни тажрибасиз судья кўраётгани, унга киритилган илтимоснома ва аризалар рад этилгани учун судланувчилар ва ўзи очлик эълон қилишини айтди. «Ўзбекистонда ҳақиқатга эришиш учун оч қолиб, ўладиган бўлсам, шунга ҳам розиман», — деди у. Судьялар олий кенгаши унинг қарорини вазиятга сиёсий тус бериб, босим ўтказишга уриниш деб баҳолади.
Андижонда ота ўз қизини 9-синфлигидан буён зўрлаб келганлиги айтилмоқда
Хўжаобод туманида яшовчи фуқаро Ё.Р. 9-синфлигидан буён отаси томонидан зўрлаб келинганлигини таъкидламоқда. Унинг айтишича, воқеадан хабардор қўшнилар, қариндошлар, ички ишлар органлари ходимлари ва маҳалла мутасаддилари бу ҳолатга бефарқ бўлган. Ҳодиса юзасидан прокуратура текшируви бошланди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг