Архив
Иззат Шукуров Yandex Uzbekistan раҳбари этиб тайинланди
Иззат Шукуров Yandex Uzbekistan раҳбари бўлди. У бунгача Payze`нинг Марказий Осиё минтақасига раҳбарлик қилган ва Newmax Technologies компанияси директори бўлган.
Фирибгарликда айбланиб қидирувда бўлган эркак Туркиядан Ўзбекистонга депортация қилинди
Фирибгарликда айбланиб қидирувда бўлган 32 ёшли эркак Туркиядан Ўзбекистонга депортация қилинди. У 2 йил давомида фуқароларнинг умумий ҳисобда 60 минг доллар миқдоридаги пулини ўзлаштирганликда гумонланмоқда. Ундан жабр кўрган фуқаролардан консуллик ёки ИИВга мурожаат қилиш сўралди.
Австралияда болаларнинг ижтимоий тармоқларга киришини тақиқлаш режалаштирилмоқда
Австралия ҳукумати болаларнинг ижтимоий тармоқларга киришини тақиқловчи қонун тайёрлаётганини маълум қилди. Минимал ёш чегараси ҳали аниқланмаган, аммо бу 14−16 ёш бўлиши мумкин.
«Хоттабич» музқаймоқларида ортиқча шакар ва бактериялар аниқланди — Рақобат қўмитаси
Рақобат қўмитаси қадоқларида шакар йўқлиги кўрсатилган «Хоттабич» музқаймоқларини синовдан ўтказди. Маҳсулотнинг баъзи турларида ортиқча сахароза ва ичак таёқчаси бактериялари топилди.
Президент Тошкентда қурилаётган Олимпия шаҳарчасига ташриф буюрди (+фото)
Президент 2025 йилда ёшлар ўртасида Осиё ва Параосиё ўйинлари ўтказиладиган Олимпия шаҳарчаси қурилишини яна бориб кўрди. Ўйинлардан сўнг мажмуа миллий спорт турлари ва аҳоли саломатлигини муҳофаза қилиш маркази сифатида хизмат қилади.
10 сентябрь куни эълон қилинган энг муҳим янгиликлар дайжести
Марказий Осиё ЯЭТга қўшиладиган Россия, Ўзбекистонда ўқитиладиган 160 нафар афғонистонлик аёл, ўқув йили бошида Тошкентда қимматлашган ижара нархлари, ҳайдовчиларга жойида жарима қўллашнинг бекор қилиниши ва бошқалар — «Газета.uz»нинг кунлик дайжестида.
ЖЧ-2026 саралаши: Ўзбекистон меҳмонда Қирғизистонни минимал ҳисобда мағлуб этди
Футбол бўйича Ўзбекистон терма жамоаси ЖЧ-2026 саралаши иккинчи ўйинида Қирғизистон меҳмони бўлди. Оғир кечган ўйинда ўзбекистонликлар икки бор камбэк амалга оширди ва иродали ғалабага эришди — 2:3 (видео, фото, статистика).
ММТВ педагогик маълумоти бўлмаган 10 нафар ўқитувчига мактабда ишлашга рухсат берди. Бу нега ёмон эмас?
Мактабгача ва мактаб таълими вазирлиги Teach for Uzbekistan ННТ билан меморандум имзолади. Бир неча ой давомида лойиҳа, жумладан, педагогик маълумотга эга бўлмаган, лекин ўқитишга қобилиятли мутахассисларни мактабларда кўнгилли сифатида ишлаш учун танлаб олди ва ўқитди.
«Аҳвол яхши эмас». Бойсунликлар — газ конидаги портлашдан кейинги вазият ҳақида
Бойсундаги «Мустақилликнинг 25 йиллиги» конига қарашли қудуқда 1 сентябрь куни авария бўлиб, атрофга олтингугурт гази тарқалиши бошланган эди. Маълум бўлишича, газ ҳиди анқиши ҳали тўхтамаган ва одамлар саломатлигига таъсир қиляпти. Аҳоли вазият борасида расмий ва аниқ ахборот берилишини сўраяпти.
Мадридда электр самокатлар ижараси тақиқланди
Мадрид ҳукумати электр самокатларни ижарага берувчи компанияларнинг лицензияларини бекор қилди, энди шаҳарда бу транспорт ижараси мавжуд эмас. Ҳокимлик қарорни хизматлар пиёдалар хавфсизлигини таъминлаш шартларини бажармагани билан изоҳлади.
Россия Марказий Осиёнинг ягона энергетика тизимига қўшилиши мумкин
Россиянинг «Тизим оператори» Марказий Осиёнинг ягона энергетика тизимига қўшилади, деди РФ Энерговазирлиги раҳбари. Унга кўра, Ўзбекистон бу қарорни қўллаб-қувватламоқда. Бу ташаббус нафақат электр энергияси экспорти, балки давлатлар ўртасидаги оқимларни бошқариш билан ҳам боғлиқ, дея тушунтирди у.
Президент Янги Ўзбекистон кўчасидаги қурилиш ишларини бориб кўрди
Президент Янги Ўзбекистон кўчасидаги қурилиш лойиҳаларини бориб кўрди. Кўчада миллий руҳдаги замонавий уйлар, меҳмонхона, савдо ва хизмат кўрсатиш мажмуалари қурилади. Фавворалар, йўлакчалар, сайилгоҳ бўлади. Давлат раҳбари кўчада экология, сифат ва маданият уйғунлашиши кераклигини таъкидлади.
Зангиотадаги бўёқ цехида ёнғин содир бўлди
Тошкент вилоятидаги бўёқ ишлаб чиқариш цехида ёнғин юзага келди. Уни ўчириш учун 4 соатдан ортиқ вақт кетди. Ёнғинда ҳеч ким жароҳат олмади. Ҳозирда зарар миқдори аниқланмоқда.
Ўзбекистон илк бор сумо бўйича жаҳон чемпионатида медаль олди
Дурдона Абдужабборова сумо бўйича жаҳон чемпионатида бронза медални қўлга киритди. Бу Ўзбекистоннинг ушбу спорт тури бўйича халқаро майдондаги илк ютуғи бўлди. Турнирда 33 давлатдан 200 нафарга яқин спортчи иштирок этди.
Ўзбекистонда кичик қувватли АЭС лойиҳаси бўйича ишларни бошлаш тўғрисида баённома имзоланди
«Ўзатом» ҳузуридаги АЭС қурилиши дирекцияси, «Росатом» ҳамда «Атомстройэкспорт» ўртасида Ўзбекистонда кам қувватли атом электр станцияси лойиҳаси бўйича ишларни бошлаш тўғрисида баённома имзоланди. Бу қурилиш майдончасида тайёргарлик ишларининг фаоллашуви ва лойиҳа ҳужжатларини ишлаб чиқиш демакдир.
Ўзбекистонда юк машиналарнинг четки чап қаторда ҳаракатлангани учун жарима жорий этилади
Ўзбекистонда юк машиналари ҳайдовчиларига йўлнинг четки чап қаторида ҳаракатлангани учун маъмурий жавобгарлик жорий этиш режалаштирилмоқда. Ўтган 7 ойда юк автотранспорт воситалари билан боғлиқ 303 та ЙТҲда 108 нафар фуқаро ҳалок бўлган, 227 нафар фуқаро жароҳат олган.
Акмал Бурханов коррупционерлар реестрининг ишга туширилиши кечиктирилганига изоҳ берди
Ўзбекистонда коррупция учун судланган 566 нафар шахс давлат хизматига қайта қабул қилиниб, яна шу жиноятни содир этган. Антикоррупция агентлиги раҳбари 2021 йилдан буён муҳокамада бўлган коррупционерлар реестрини жорий этиш ҳақидаги қонун лойиҳасини кўриб чиқишга киритиш режа қилинганини билдирди.
ЙПХ ходимларидан қоидабузарга жойнинг ўзида жарима қўллаш ваколати олиб қўйилмоқда
Сенат кўриб чиқиши кутилаётган қонун билан ЙПХ ходимларининг йўл ҳаракати қоидабузарлигини аниқлаган тақдирда ҳайдовчига жойнинг ўзида жарима қўллаш ваколати бекор қилинмоқда. Шунингдек, скутер, индивидуал ҳаракатланиш воситалари ёрдамида ҳуқуқбузарлик содир этганлик учун жавобгарлик белгиланмоқда.
Ўқув йили бошланиши арафасида Тошкентдаги ижара нархлари ошди
Август ойида Тошкент шаҳрида уй-жой ижараси нархи ўртача таъмирланган хонадонлар учун 1,9 фоизга, тўлиқ таъмирланганлари учун эса 0,3 фоизга ошди, дея хабар берди МҲТИ. Нархларнинг кўтарилишига университетларда янги ўқув йили бошланиши бўйича кутилмалар асосий сабаб бўлди.
Шавкат Мирзиёев Россия бош вазирини қабул қилди
Шавкат Мирзиёев ва Россия бош вазири Михаил Мишустин Ўзбекистон-Россия ҳамкорлигини янада кенгайтириш масалаларини муҳокама қилди. Мишустин, шунингдек, президент ёрдамчиси Саида Мирзиёева билан иқтисодиёт, маданият, таълим ҳамда меҳнат миграцияси бўйича суҳбатлашди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг