Ўзбекистонда гибрид автомобиллар учун электромобилларники каби давлат рақамлари беришга қарор қилинди.
Андижон аэропорти аэродром мажмуаси реконструкция қилиниши муносабати билан 1 апрелдан бошлаб парвозлар учун ёпилди. Реконструкция ишлари йил охиригача давом этиши кутилмоқда.
Тармоқларда Тошкентдаги маҳаллалардан бирида номаълум шахслар уч кун давомида яшириб кетилган наркотикларни излаётгани акс этган видеолар тарқалди. Пойтахт ИИББ ҳозирда 28 киши ушбу ҳолат бўйича кўрсатма бергани ва терговга қадар текширув ўтказилаётганини маълум қилди.
Президент ўқитувчиларни меҳнатга мажбурлаганлик учун жиноий ва маъмурий жавобгарликни белгиловчи ва меҳнатга ноқонуний аралашганлик учун жазони кучайтирувчи қонунни имзолади. «Энди сиз қонун ҳимоясидасиз», — дейди президент Администрацияси раҳбари ўринбосари Комил Алламжонов.
«Ташаббусли бюджет»да овоз бериш жараёни 7 апрелда тугайди. Фуқаролар унгача ўз лойиҳаларига кўпроқ овоз тўплаш учун турли усуллардан фойдаланмоқда. Жумладан, ҳисобни тўлдириш, бепул ичимлик улашиш ва ҳатто ёғ бериш ҳам кузатилмоқда. «Газета.uz» жараёнга оид суратлар ва постларни жамлади.
Тошкент вилояти Чимён тоғларида 28−31 март кунларида қор кўчиш хавфи эълон қилинди.
Veolia Energy Tashkent бу йил баҳорда пойтахтда иссиқ сувни 5 кунлик ўчиришларни режалаштирмётганини маълум қилди. Иссиқлик тармоқларининг гидравлик синовлари кейинроққа ёз-куз мавсумида ўтказилади.
МСК Конституция бўйича ўтказиладиган референдум учун чет давлатларда 55 та участкалари тузилишини маълум қилди. Хусусан, Россияда 7 та, Қозоғистон ва Хитойда 3 тадан, АҚШ, БАА, Германия, Жанубий Корея, Саудия Арабистони, Туркияда 2 тадан ташкил этилади. Улар Тошкентдаги 14-округга бириктирилади.
Антикоррупция агентлиги февралда давлат харидларида 25 млрд сўмлик қонунбузилиш ҳолатларини аниқлади. Хусусан, Uzbekistan Airports, «Ҳудудий электр тармоқлари» Хоразм филиали, Тошкент вилояти Болалар кўп тармоқли тиббиёт маркази қонунбузилишига йўл қўйган. Буюртмачиларга тақдимнома киритилди.
Апрель ва май ойларида Ўзбекистоннинг тўққизта шаҳрида «Таълим ва касб — 2023» xалқаро кўргазмаси бўлиб ўтади. Унда турли мамлакатлардан 50 дан ортиқ университет вакиллари иштирок этадилар.
Апрелда бўлиб ўтадиган референдум арафасида Ўзбекистон бўйлаб «Конституция — ўзимизники» шиори остида тарғибот тадбирлари, концерт дастурлари ўтказилмоқда. Уларда эстрада юлдузлари, спортчилар, расмийлар ва тадбиркорлар чиқиш қилмоқда. Фотожамланма.
АҚШнинг Миссисипи штатида ўтказилган «Энг илғор жангчи-2023» мусобақасида Мудофаа вазирлиги ҳарбий хизматчилари — Турсунов Анвар ва Азамат Кенжаев ғолиб бўлди. Улар оммавий қирғин қуролларидан ҳимояланиш, жисмоний тайёргарлик синовлари, артиллерия оловини бошқариш, иншо ёзиш каби шартлардан ўтган.
ДСҚ Ўзбекистонда қанча талаба шартнома тузиб ижарада турганини маълум қилди. 2023 йил 1 март ҳолатига кўра, 50 976 та ижара шартномалари тузилган. Ушбу шартномалар бўйича ижарада турувчи талабалар сони 83 018 нафарга етган.
Иқтисодиёт ва молия вазирлиги матбуот хизмати «Ташаббусли бюджет»да Face ID тизими ва кўпайтириш коэффициентларини жорий этиш режаси ҳақида хабар берганди. Вазир Шерзод Кудбиев ўз ходимларини «салгина нопрофессионал шарҳ берганликда» айблаб, ҳозирча бундай ўзгаришлар назарда тутилмаганини билдирди.
Бокс бўйича Ҳиндистонда ўтган ЖЧда ўзбекистонлик Навбаҳор Ҳамидова чорак финалда жазоирлик Имане Хелифга ютқазиб қўйганди. Бироқ ярим финалчи Хелиф генетик ҳолати сабабли ўйиндан дисквалификация қилинди. Натижада бронза медали ўзбекистонлик спортчига насиб этди.
Ҳафта давомида ҳарорат +20…+27 даража атрофида бўлади. Сешанба-пайшанба кунлари эса айрим ҳудудларда ёмғир ёғиб, момақалдироқ кузатилади. Шимолда ва чўл ҳудудларда шамол тезлиги кучайиб, чанг-тўзон бўлиши мумкин.
Қўнғирот-Тошкент йўналишида ҳаракатланган поезд Элликқалъа туманида 44 ёшли эркакни босиб кетди. Воқеага фуқаронинг эҳтиётсизлик оқибатида темирйўлга чиқиб қолгани сабаб бўлган.
6, 13, 20, 27 апрель кунлари 60/59-сонли Тошкент-Андижон-Тошкент йўналишида қўшимча 4 та рейс ҳаракати йўлга қўйилди.
Интерпол томонидан фирибгарликда гумонланган эркак Швециядан Ўзбекистонга экстрадиция қилинди. Бу ташкилот қидирувидаги шахсларни ушбу мамлакатдан Ўзбекистонга олиб келиш бўйича биринчиси бўлди.
ДХХ ва ИИБ Самарқандда фуқароларни $24 минг эвазига Канадага жўнатишда гумонланган аёлни ушлади. У келишилган пулдан 4 минг доллар олган вақтда қўлга тушгани айтилмоқда.
Қўшимча имкониятларга эга булиш учун сайтда рўйхатдан ўтинг