Архив
Италия собиқ бош вазири Сильвио Берлускони вафот этди
Италия собиқ бош вазири Сильвио Берлускони 86 ёшида Миландаги шифохонада вафот этди. Аввалроқ сиёсатчига лейкемия ташхиси қўйилганди.
Ўзбекистон Қозоғистонга ўрмон ёнғинларига қарши курашда ёрдам беришга тайёрлигини билдирди
Шавкат Мирзиёев Қозоғистон раҳбари Қасим-Жомарт Тоқаев билан телефон орқали мулоқотда Ўзбекистон томони Абай вилоятидаги ўрмон ёнғинларига қарши курашишда ёрдам беришга тайёрлигини билдирди.
Велоспорт бўйича Ўзбекистон терма жамоаси ОЧда яна 5 та медални қўлга киритди
Таиланддаги Осиё чемпионатида ўзбекистонлик велоспортчилар яккалик ва гуруҳ баҳсларида яна бешта медални қўлга киритди.
Uzum ва Click бирлашишини эълон қилди
11 миллионга яқин фойдаланувчига эга Click тўлов тизими Uzum экотизимининг бир қисмига айланади. Бирлашиш натижасида Click фойдаланувчилари, жумладан, чекка ҳудуддагилар бозор ва молиявий хизматлардан фойдаланиш имкониятига эга бўлиши кутилмоқда.
Қозоғистонда ўрмон ёнғинлари: 14 киши ҳалок бўлди, Ўзбекистон президенти ҳамдардлик йўллади
Қозоғистоннинг Абай вилоятида ўрмон ёнғинлари оқибатида 14 киши ҳалок бўлди. Мамлакатда 12 июнь миллий мотам куни деб эълон қилинди. Шавкат Мирзиёев шу муносабат билан қўшни давлат президенти ва халқига ҳамдардлик билдирди.
Ҳафта давомида ҳарорат яна кўтарилишда давом этади
Дам олиш кунлари ҳарорат бироз пасайган бўлса, янги ҳафтада аста-секин кўтарилиб, +40…+42 даражагача етади, бу даврнинг иқлимий қийматларидан юқоридир. Фақат Фарғона водийсининг айрим ҳудудларида қисқа муддатли ёмғир ёғиши мумкин.
Тошкент шаҳри электр таъминотида асосан режавий ўчиришлар кузатиляпти — «ҲЭТК» масъули
Сўнгги кунларда пойтахтнинг қатор туманларида кузатилаётган электр таъминотидаги узилишларнинг аксарияти олдиндан режалаштирилган бўлиб, таъминот сифатини яхшилашга қаратилган ишлар туфайли содир бўлмоқда, дея изоҳ берди «ҲЭТК» Тошкент шаҳри филиали директори ўринбосари Бекзод Кулибаев.
Қашқадарёда терроризмни молиялаштиришда айбланган эркак 6 йилга қамалди
2022 йилда Россияда меҳнат мигранти бўлиб ишлаган Яккабоғ туманида яшовчи фуқаро жамоат хавфсизлигига таҳдид солувчи материалларни тарқатиш ва терроризмни молиялаштиришда айбланиб, 6 йилга озодликдан маҳрум этилди.
Тошкентдаги Чорсу ва Эски жува деҳқон бозорлари реконструкция қилинади
Пойтахтнинг Чорсу ва Эски жува бозорлари 2023 йил охиригача тартибга келтирилиб, туристик жозибадорлиги оширилади. Бунда замонавий савдо расталари ва кўп қаватли автотураргоҳлар қуриш, ирригация тармоқларини янгилаш ва биноларни миллий архитектура асосида реконструкция қилиш режалаштирилмоқда.
Тошкент шаҳрининг икки туманида электр энергияси вақтинчалик ўчирилди
Душанба куни таъмирлаш ишлари сабаб Тошкент шаҳрининг Яккасарой ва Яшнобод туманларининг баъзи жойларида соат 17:00 гача электр энергияси таъминоти тўхтатилди.
Банкларда доллар курси арзонлади
Тижорат банклари 12 июнь куни аҳолидан 1 АҚШ долларини 11 365−11 420 сўмдан сотиб олмоқда, сотув курси эса 11 440−11 490 сўм.
Сурхондарёда ферма раиси 8 туп дарахтни кесиш учун 5 млн сўмга сотиб юборгани аниқланди
Олтинсой туманида ферма раиси 8 туп элдор қарағайи дарахтини фуқарога 5 млн сўмга баҳолаб, кесиш учун сотиб юборгани аниқланди. Бунинг оқибатида табиатга 550 млн сўмдан ортиқ зарар етказилди.
Қорақалпоғистонда Бухоро буғусини ноқонуний овлаган браконьер қўлга олинди
Қорақалпоғистоннинг Қуйи Амударё биосфера резерватида Бухоро буғусини ноқонуний овлаган браконьер қўлга олинди. Халқаро ва Ўзбекистон Қизил китобига киритилган жониворни овлаш оқибатида табиатга 99 млн сўм зарар етказилди.
Тошкент вилоятида Damas билан тўқнашган Spark ҳайдовчиси ҳалок бўлди
Зангиота туманида йўлнинг қарама-қарши тарафига чиқиб кетиб, Damas билан тўқнашган Spark ҳайдовчиси ҳалок бўлди. Тармоқларда мазкур ЙТҲ оқибатида 8 киши вафот этгани айтилганди, бироқ маълумот тасдиғини топмади.
ДХХ 1 килограмдан ортиқ олтин ва 838 грамли ёқут тошининг ноқонуний айланмасига чек қўйди
ДХХ ходимлари томонидан 1 килограмдан зиёдроқ оғирликдаги 999 пробали олтин бўлаклари ва 838 грамли ёқут тошининг ноқонуний айланмасига чек қўйилди. Уларнинг умумий нархи 1,27 млрд сўмдан ошади.
Экология вазирига ўринбосарлар тайинланди
Обиджон Қудратов қайта номланган Экология, атроф-муҳитни муҳофаза қилиш ва иқлим ўзгариши вазирлиги раҳбарига биринчи ўринбосар, Жусипбек Казбеков эса ўринбосар этиб тайинланди.
Бухорода испаниялик эркак савдолашаётган вақтида тўсатдан вафот этди
Бухорода савдо растаси олдида савдолашиб турган 65 ёшли испаниялик эркак ҳушидан кетиб, вафот этди. Ҳолат бўйича шаҳар прокуратураси терговга қадар текширув олиб бормоқда.
Тошкент вилоятида 36 ёшли аёлни электропоезд босиб кетди
Чиноз туманида Ховос-Тошкент йўналишида ҳаракатланган электропоезд 36 ёшли аёлни босиб кетди. Транспорт прокуратураси маълумотига кўра, аёл эпилепция касаллигига чалингани ва бир неча марта уйидан чиқиб кетиб қолгани аниқланган.
Ўзбекистонда жазирама иссиқ сабаб поездлар ҳаракати тезлигига чекловлар киритилади
Ўзбекистонда кескин иссиқ об-ҳаво сабабли поездлар ҳаракати тезлигига чекловлар жорий этилади. Бу пайтда поездлар совитиш тизимининг ишлаш қуввати ҳам пасайиши мумкин.
Ўзбекистонлик ҳарбий мерганлар Туркиядаги халқаро мусобақада рекорд натижалар қайд этди
Туркиянинг Испарта шаҳрида ўтказилган халқаро мусобақада Мудофаа вазирлигининг мерганлар жамоаси 2-ўринни қўлга киритди. Ўзбекистонлик ҳарбийлар қияликка қараб жанг олиб бориш, зарарланган ҳудудда газниқоб тақиб, нишонларни мўлжалга олиш каби шартларда рекорд натижаларни қайд этган.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг