Архив
Нукус иши бўйича 8 нафар судланувчи қамоқдан чиқарилди, Тажимуратовга нисбатан ҳукм ўзгартирилмади
Апелляция суди Қорақалпоғистон воқеалари юзасидан жиноят иши бўйича 8 нафар айбланувчининг жазосини озодликни чеклаш билан алмаштирди, 6 нафар судланувчининг муддати қисқартирилди, Даулетмурат Тажимуратовнинг муддати ўзгаришсиз қолди. Суд прокуратуранинг 4 кишига нисбатан протестини рад этди.
Тошкентда журналистга қўполлик қилган шахс 5 суткага қамалди
Мирзо Улуғбек туманида MY5 телеканали журналистига қўполлик қилган шахс 5 суткага қамалди. Тармоқларда тарқалган видеода журналист аҳоли сўрови билан кўп қаватли уйдаги ноқонуний бузилиш ҳолатини ўрганаётганда фуқаро унга қаршилик кўрсатгани ва ҳақоратлаганини кўриш мумкин.
Аквапаркдаги кийим алмаштириш хонасига камералар ўғриликларнинг олдини олиш учун ўрнатилган — ИИББ
Тошкентдаги аквапарклардан бирининг кийим алмаштириш хонасидан камералар аниқланди. ИИББ мурожаатни ўрганиб, камералар ташриф буюрувчиларнинг буюмлари сақланадиган қисмда жойлашгани ва ўғриликнинг олдини олиш мақсадида ўрнатилганини маълум қилди. Ходимлар билан профилактик суҳбат ўтказилган.
Ўзбекистон бадиий гимнастика бўйича Осиё чемпионатини 18 та медаль билан биринчи ўринда якунлади
Филиппинда ўтказилган бадиий гимнастика бўйича ёшлар ва катталар ўртасидаги Осиё чемпионатини Ўзбекистон 18 та медаль — 10 та олтин, 7 та кумуш ва 1 та бронза билан якунлади. Ўзбекистон умумжамоа ҳисобида биринчи ўринни эгаллади.
Россияда ва дунё бўйлаб Навальнийни қўллаб-қувватлаш акциялари ўтказилди
Дунёнинг турли шаҳарларида россиялик мухолифатчи Алексей Навальнийнинг туғилган куни муносабати билан уни қўллаб-қувватлаш акциялари бўлиб ўтди. Россияда 100 дан ортиқ одам пикетларда қатнашгани учун ҳибсга олинди.
Тошкентда электробус иштирокида ЙТҲ содир бўлди
Пойтахтда Yutong электробуси, Malibu 2 ва Lacetti иштирокида йўл транспорт ҳодисаси содир бўлди. Ҳайдовчилардан бири шифохонага ётқизилди.
Хивадаги Тошҳовли саройи АҚШ кўмагида реконструкция қилинди
Хивадаги XIX асрга оид Тошҳовли саройини консервация қилиш лойиҳаси якунланди. Об-ҳаво ва нотўғри олиб борилган реставрация ишлари туфайли унинг безакли кошинлари ва ғиштлари парчаланганди. Лойиҳа учун маблағ АҚШ томонидан ажратилди.
Nasafnews.uz нашри ҳамда 3 нафар блогер фаолиятини тугатди. Сабаблар
Nasafnews.uz интернет нашри расман фаолиятини тугатаётганини эълон қилди. Унинг ортидан эса блогерлар Умид Каримов (Nasafnews.uz раҳбари), Отабек Артиков ва Мақсуд Музаффаров ҳам ортиқ фаолият юритмаслигини маълум қилди. «Газета.uz» улар билан боғланиб, бундай қарорга келиш сабабларини сўради.
Тошкент бозорлари янги сайёҳлик марказларига айланиши мумкин — тадқиқот
Ўзбекистон бозорлари уникаллиги ва ўзига хос муҳитини сақлаб қолган ҳолда замонавийлаштирилса, жаҳон бозорида рақобатлаша оладиган бозорларга айланиши мумкин. Бу ҳақда Atlas консалтинг компаниясининг ҳудудий ривожлантириш соҳасидаги тадқиқотида сўз борган.
МСК тўрт нафар президентликка номзодни рўйхатга олди, ташвиқотлар 7 июндан бошланади
Марказий сайлов комиссияси сиёсий партиялар томонидан тасдиқланган тўрт нафар номзодни Ўзбекистон президентлигига номзод сифатида рўйхатга олди. Сайловолди ташвиқотлари эса 7 июндан бошланиши белгиланди.
Тошкент вилоятида мактаб ўқувчиси каналга чўкиб кетди
Янгийўл шаҳрида 16 ёшли мактаб ўқувчиси Жўн каналига чўкиб кетди. Унинг жасади орадан бир кун ўтиб топилди.
Ўзбекистонда ҳафта давомида ҳарорат кўтарилиб боради
Ўзбекистонда иш ҳафтаси давомида ҳароратнинг аста-секин кўтарилиши давом этади. Кундузи ҳаво +40 даражагача, жанубда ва чўл ҳудудларда +42 даражагача исийди. Бу июнь ойининг биринчи ўн кунлиги учун меъёрдан 4−6 даража юқори ҳисобланади.
Ўзбекистонда чиқиндиларни қайта ишлаш соҳасида «ноль чиқинди» тамойиллари жорий этилади
Қаттиқ маиший чиқиндиларни қайта ишлаш соҳасида Ўзбекистонда «ноль чиқинди» (zero waste) тамойиллари жорий этилади. Барча чиқинди полигонларида чиқиндиларни тўлиқ қайта ишлаш ва куйдиришга босқичма-босқич эришиш режалаштирилган.
Байден АҚШ давлат қарзи чегарасини вақтинча бекор қилиш тўғрисидаги қонунни имзолади
Жо Байден АҚШ давлат қарзи чегарасини вақтинча бекор қилувчи қонунни имзолади. Бу АҚШ тарихидаги биринчи дефолтдан қутулиб қолиш имконини беради. Агар давлат қарзи чегараси бекор қилинмаганида ёки оширилмаганида, АҚШ Ғазначилиги ҳукумат фаолиятини молиялаштириш имкониятини йўқотган бўларди.
Ипак қурти уруғини тайёрловчи 7 та янги уруғчилик корхонаси ташкил этилди
«Ўзбекипаксаноат» уюшмасининг ҳудудларда ипак қурти уруғини тайёрловчи 7 та янги уруғчилик корхонаси ташкил этилди. Шунингдек, янги тутзорлар барпо қилиш учун 105 минг гектар ер доимий фойдаланиш ҳуқуқи асосида ажратилиши белгиланди.
Фарғонада чўкиб кетган мактаб битирувчисининг жасади 9 кунда топилди
25 май куни Қўштепа туманида мактаб битирувчиси Катта Фарғона каналида чўкиб кетганди. Унинг жасади орадан 9 кун ўтиб каналнинг Олтиариқ туманидан оқиб ўтувчи қисмидан топилди.
Европа Иттифоқи Марказий Осиёга қарши санкциялар қўлламасликка ваъда берди
Европа Кенгаши раҳбари Шарль Мишель Марказий Осиёнинг бешта давлати етакчиларини уларнинг мамлакатлари Россияга қарши жорий этилган чекловларни бузса, Европа Иттифоқи санкциялар қўлламаслигига ишонтирди. Санкциялар фақат «Россия уруш машинасини қўллаб-қувватлаганларга» нисбатан қўлланади.
Банкларда долларнинг сотиш ва сотиб олиш курси ошди
Тижорат банклари 5 июнь куни аҳолидан 1 АҚШ долларини 11 360−11 425 сўмдан сотиб олмоқда, сотув курси эса 11 445−11 485 сўм.
Таэквондо WT бўйича ЖЧни ўзбекистонликлар 4 та медаль билан якунлади
Боку шаҳрида ўтган таэквондо WT бўйича жаҳон чемпионатида ўзбекистонлик спортчилар 4 та медаль: 1 та кумуш ва 3 та бронза медалига эга чиқди. Ўтган йилги ЖЧда ҳам улар 4 та медаль олганди.
Тошкентдаги маҳаллалардан бирини сув босди — фото
Сергели туманининг «Жунариқ» маҳалласидаги 9 та хонадонни сув босди. Тошқин Жун ва Салар каналига тўлиқ сув очилгани боис юзага келган. Ҳолат бартараф этилди, ҳодиса оқибатида жароҳат олган ва ҳалок бўлганлар йўқ, дейилади хабарда.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг