Янгиариқ туманида 2006 йилда туғилган қиз 2022 йилда бир неча эркак томонидан зўрланган бўлиши мумкин. Болалар омбудсмани ҳолатни ўрганди. Ҳозирча иш бўйича гумонланган 3 киши ҳибсга олинган.
Марказий банк шубҳали операциялар рўйхати кенгайтирилганига изоҳ бериб, улар орасида ноқонуний қимор ўйинлари, фирибгарлик ҳолатлари ва бошқалар борлигини маълум қилди. Янги қоидалар ипотека ёки автокредит бўйича бошланғич бадал тўлови билан боғлиқ операцияларга татбиқ этилмайди.
Жаҳонда нефть нархи пасайса ҳам, Ўзбекистонда бензин нархи тушмагани учун «монополистлар ўз қоидаларига содиқ» дея айбланган UNG Petro бу даъволарни «ноўрин» деб атади.
Сенат маъмурий ва фуқаролик ишларида ҳам давлат ҳисобидан юридик ёрдам кўрсатилишини кўзда тутувчи қонунни маъқуллади. Бунгача давлат ҳисобидан юридик ёрдам фақат жиноят ишларини юритишда кўрсатилиб келинарди.
Сардоба сув омборида фуқаролар 3 кун давомида 530 бош балиқни ноқонуний овлагани аниқланди. Бунинг оқибатида ҳайвонот дунёсига 280 млн сўм зарар етган.
Ўзбекистонда 1 майдан бошлаб қурилиш бошланишидан олдин танланган ер участкаларида муҳандислик-геологик экспертиза ўтказиш мажбурий бўлади. Шунингдек, Шавкат Мирзиёев Тошкент шаҳрининг дренаж тизимидаги муаммоларни бартараф этиш бўйича зудлик билан дастур қабул қилиш бўйича топшириқ берди.
22 апрель — Ер кунида Тошкент вилоятида махсус пойга ўтказилади. Ташкилотчилар ўзбекистонликларни шахсий автомобиллардан кўра кўпроқ жамоат транспортидан фойдаланиш ва пиёда юришга чорламоқда.
ССВ вайнер Фарҳод Манноповнинг ўлими юзасидан Star Med Center клиникасида ўтказилган текширув натижаларини эълон қилди. Хусусан, беморга тиббий хизмат кўрсатишда қатор лицензия талаб ва шартлари бузилгани, уни операция қилган шифокорда малакавий тоифа бўлмагани аниқланди.
ДХХ пойтахтда 40 килограммга яқин гиёҳванд моддани Ўзбекистон орқали бошқа давлатга олиб ўтмоқчи бўлган икки ўзбекистонлик ва бир нафардан Тожикистон ва Қозоғистон фуқароларини ушлади. Тергов ҳаракатлари кетмоқда.
Навбаҳор туманидаги 9-мактаб директори ўқитувчиларни Open budget`га 100 тадан овоз йиғишга мажбурлагани айтилган овозли хабар тарқалди. Унга нисбатан интизомий жазо чораси қўлланиб, хатти-ҳаракатларида маъмурий ҳуқуқбузарлик аломатлари бор-йўқлиги ўрганилмоқда.
Тижорат банклари 6 апрель куни аҳолидан 1 АҚШ долларини 11 300 — 11 350 сўмдан сотиб олмоқда, сотиш курси эса 11 375 — 11 420 сўм.
Хорижда турли соҳаларда муваффақиятга эришган ҳамда ёшлар учун ўрнак бўлувчи ватандошларни бирлаштиришга қаратилган Uzbekistan’s Club онлайн платформаси ишга туширилди.
Қўқон педагогика институтининг қизлар ётоқхонасига ўрнатилган яширин камера ортидан проректор ва уч масъул ходим ишдан бўшатилди, дея маълум қилди Олий таълим вазирлиги. Аввалроқ ОТМ ректори хонага талабаларнинг психологик муамолари билан ишлаш мақсадида камера ўрнатилганини қайд этганди.
Конституция бўйича референдум бюллетени, Қашқадарёдаги қишлоқда юрган айиқ, 2025 йилгача божхона божидан озод этилган ёғоч ва ойна импорти, майдан даромади етарли бўлмаган аҳолига ҳам ипотека кредитлари берилиши, асраб олган 13 ёшли қизини зўрлаган эркак ва бошқалар — «Газета.uz»нинг кун дайжестида.
«Ўзкимёсаноат» Ўзбекистон расмийларига қарши халқаро арбитраж ишини бошлаган Испаниянинг Maxam компаниясининг «асоссиз айбловлари»ни рад этди. Ўзбекистон томони инвесторни сармоя жалб этиш ва қўшма корхоналарни модернизация қилиш бўйича мажбуриятларни бажармаганликда айблади.
Ўзбекистон президентига Тошкентнинг Яшнобод туманида метро эстакадалари остидан савдо ва умумий овқатланиш шохобчалари қурилиши лойиҳаси тақдим этилди. Лойиҳани ишлаб чиқишда Берлин тажрибаси кўриб чиқилган.
Тошкент вилоятининг Зангиота туманида 36 гектарлик майдонда «Менинг биринчи уйим» дастури амалга оширилади. Дастур доирасида 2,5 мингта оила учун 58 та кўп қаватли уй қурилади. Ушбу уйлардаги 2 ва 3 хонали хонадонлар учун ойлик тўлов миқдори амалдаги субсидияли ипотека тўловларидан арзон бўлади.
Ўзбекистон Марказий банки шубҳали операциялар рўйхатини кенгайтирди. Энди улар орасида 30 кун ичида мобил илова орқали картадан бошқа карта ёки электрон ҳамёнга БҲМнинг 500 баравари (150 млн сўм) ва ундан ортиқ миқдорда пул ўтказиш ҳам бор.
Anorbank «ишчанлик обрўсига путур етказувчи маълумотлар тарқатилгани учун» Sof.uz нашри устидан судга даъво киритган эди. 2022 йилнинг ноябридан бери кўрилаётган иқтисодий низо якунига етди. Суд sof.uz нашрига Anorbank фойдасига 3,7 млрд сўм миқдорида зарар тўлашга қарор чиқарди.
Чироқчи туманидаги қишлоқлардан бирига айиқ келиб қолди, тармоқларда унинг юргани акс этган видеолар тарқалди. Маҳаллий аҳоли уни машинада уриб юбормоқчи ҳам бўлди. Табиат ресурслари вазирлиги ва Тошкент ҳайвонот боғи ходимлари пойтахтдан воқеа жойига жўнаб кетди.
Қўшимча имкониятлардан фойдаланиш учун сайтда рўйхатдан ўтинг