Архив
Ҳиндистонда ўзбек-ҳинд ҳарбий машғулотлари якунланди
Ҳиндистонда 2 ҳафта давом этган ўзбек-ҳинд ҳарбий машғулотлари якунланди. У ерда қўлбола усулларда портлатиш, шартли террорчи гуруҳларни қидириш ва йўқ қилиш, тоғли ва ўрмонли ҳудудларда жанговар ҳаракатлар олиб бориш бўйича қўшма машғулотлар ўтказилди.
Янги Конституциядан «халқ маънавияти» ҳимояси учун ахборот тарқатишни чекловчи норма чиқариб ташланди
Жамоатчилик эътирозидан сўнг янги Конституция лойиҳасидан «халқ соғлиғи ва маънавиятини» ҳимоя қилиш мақсадида ахборотни тарқатиш чекланиши ҳақидаги норма чиқариб ташланди. Унинг ўрнига «аҳолининг соғлиғи, ижтимоий ахлоқ» жумлалари киритилди. Бунга фаоллар турлича муносабат билдирди.
Беларусда давлатга хиёнат қилган амалдорларга нисбатан ўлим жазоси жорий этилди
Беларусь президенти Александр Лукашенко янги қонунни имзолади, унга кўра, мансабдор шахс ёки ҳарбий хизматчи томонидан давлатга хиёнат қилганлик учун ўлим жазосини қўллаш назарда тутилган.
Ўзбекистоннинг топ-10 солиқ тўловчиси эълон қилинди. Бюджет даромадларининг учдан бир қисми уларга боғлиқ
Иқтисодиёт ва молия вазирлиги 2023 йилнинг 10 та энг йирик солиқ тўловчиси номини эълон қилди. Улар бюджетнинг учдан бир қисмини таъминлайди. Давлат бюджети йирик солиқ тўловчиларга қарамлигича қолмоқда. Таққослаш учун: 2018 йилда 20 та компания бюджет тушумининг 34 фоизини тақдим этганди.
Мартдан бутун Ўзбекистон бўйлаб 5G технологияси жорий этилади
«Ўзбектелеком» мартдан Ўзбекистон бўйлаб 5G технологиясини жорий эта бошлайди. Дастлаб тармоқ билан Тошкент шаҳри тўлақонли, вилоят марказлари эса қисман қамраб олинади. Қолаверса, илк маротаба флагман смартфонлар, жумладан, iPhone эгалари 5G`даги мобил интернетдан фойдаланиш имкониятига эга бўлади.
Берлинда «Ўзбекистон археологик хазиналари» кўргазмаси бўлиб ўтади
Май ойида Берлинда «Ўзбекистоннинг археологик хазиналари: македониялик Искандардан то Кушонлар сулоласигача» кўргазмаси очилади. Унда Ўзбекистоннинг 9 та музейидан 285 та ашё намойиш этилади.
Тошкентдаги тирбандликлардан энг кўп автобус йўловчилари азият чекмоқда — ПМТИ
ПМТИ экспертлари Тошкент шаҳри аҳолисининг йўллардаги тирбандликка муносабатини ўрганди. Респондентларнинг аксарияти тартибсиз ҳайдовчилар, қоидабузарликлар ва нотўғри парковкани асосий сабаблар деб билади. Тирбандликлардан кўпроқ автобус ва микроавтобус йўловчилари азият чекмоқда.
Президент давлат мулкини бошқариш тўғрисидаги қонунни имзолади
Президент тасдиқлаган қонунга кўра, Вазирлар Маҳкамаси, агентлик, давлат ташкилотлари ва маҳаллий ҳокимиятлар давлат мулкини бошқаради. Мамлакатнинг ер, ерости бойликлари, ўсимлик, ҳайвонот дунёси, архив ҳужжатлари, маданий мерос объектлари ва муҳофазадаги ҳудудлар хусусийлаштирилмайди.
Нукусдаги портлашда вайроналар остидан олиб чиқилган 5 ёшли қизча вафот этди
Нукус шаҳридаги 4 қаватли уйда газ портлашидан сўнг вайроналар остидан қутқариб олинган 5 ёшли қизча 8 март куни шифохонада вафот этди. Қизчанинг отаси ушбу бахтсиз ҳодиса оқибатида онаси, турмуш ўртоғи ва икки фарзандидан айрилди.
Тошкентдаги айрим кўчалар марафон сабаб вақтинча ёпилади
Тошкент шаҳрида ўтказиладиган V International Tashkent Marathon оммавий югуриш мусобақаси сабаб қатор кўчалар 11−12 март кунлари вақтинча ёпилади.
Россияда жазо муддатини ўтаётган Ўзбекистон фуқароси Украинада вафот этди
Россияда қамоқ жазосини ўтаётган Қорақалпоғистоннинг Элликқалъа туманида яшовчи фуқаро Украинада вафот этди. Қайд этилишича, эркак Украинага қурилиш ишлари учун жўнатилган ва у турган жойга снаряд келиб тушган.
Қиличбозлик бўйича Осиё чемпионатида Ўзбекистон терма жамоаси 9 та олтинга эга бўлди
Қиличбозлик бўйича ўсмирлар ва ёшлар ўртасида ўтказилган Осиё чемпионатини Ўзбекистон терма жамоаси жами 16 та — 9 та олтин, 3 та кумуш ва 4 та бронза медали билан якунлади.
Янги Конституция бўйича референдум 30 апрель куни ўтказилиши кутилмоқда
Қонунчилик палатаси Конституцияни ўзгартириш бўйича умумхалқ референдумини — 30 апрель, якшанба куни ўтказишни маъқуллади. Тегишли қарорни 134 нафар депутат қўллаб-қувватлади, 2 нафари бетараф қолди, 1 нафари эса овоз бермади. Аввалги референдум бундан 21 йил аввал бўлиб ўтганди.
Депутатлар янги Конституция бўйича қонунни қабул қилди
Олий Мажлис Қонунчилик палатаси депутатлари «Ўзбекистон Конституцияси тўғрисида»ги қонуннинг янги таҳририни қабул қилди, кейинчалик у референдумга қўйилади.
Наманганда 14,5 кг наркотик моддасининг муомалага киритилиши олди олинди
Янгиқўрғон туманидаги «ўзбек-қирғиз» давлат чегарасида 14,5 кг «гашиш», 50 гр «героин» моддаси ва бошқа турдаги кучли таъсир қилувчи дори воситаларининг муомалага киритилиши олди олинди.
Дам олиш кунлари ёмғирли ўтади
Шанба ва якшанба кунлари Каспий денгизи ҳудудларидан нам ва салқин ҳаво массаси кириб келади. Жойларда ёмғир ёғади, момақалдироқ бўлиши мумкин. Ҳарорат шанба куни кундузи +21…+26 даража, якшанба куни салқинроқ, +13…+18 даража атрофида бўлади.
Тошкентда аёлларнинг ташқи кўринишини танқид қилган қиз 15 млн сўм жаримага тортилди
Пойтахтда бурқа кийган 20 ёшли талаба қиз хотин-қизларнинг очиқ-сочиқ либосини танқид қилди. ИИВ ўз диний қарашлари орқали бошқаларга баҳо бериш ёки шахсий ҳаётга аралашиш мумкин эмаслигини эслатиб, қиз 15 млн сўм жаримага тортилганини билдирди.
Андижонда электрдан ноқонуний фойдаланган майнинг ферма 900 млн сўм жаримага тортилди
Андижон шаҳрида электр энергиясидан ноқонуний фойдаланган майнинг ферма эгаси 900 млн сўм жаримага тортилди. У ферма фаолиятини ҳеч қандай рухсатнома ва ҳужжатларсиз олиб борган. Аввалроқ Сенат энергия ресурсларидан қонунга зид фойдаланишни ўғрилик деб баҳоловчи қонунни маъқуллаганди.
9 та ҳудудда сел-сув тошқини хавфи эълон қилинди
11−12 март кунлари кутилаётган кучли ёмғирлар ёғиши сабабли Ўзбекистоннинг 9 та вилоятида сел-сув тошқини ҳодисалари юзага келиши мумкин.
Банкларда долларнинг сотиш курси 11 465 сўмгача ошди
Тижорат банклари 10 март куни аҳолидан 1 АҚШ долларини 11 320 — 11 400 сўмдан сотиб олмоқда, сотиш курси эса 11 320 — 11 465 сўм.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг